#ﺭﺍﻫﺐ_ﺍﺑﻮ_ﻏﻀﺐ
ﺑﻘﻠﻢ ﻋﻠﻲ ﺍﻟﻔﺘﻼﻭﻱ
بارت١١+١٢+١٣
،،،،،،،،،،،،،،
ﻣﺪﺭﻱ ﻟﻴﺶ ﺍﺭﺗﺎﺡ ﻳﻤﻚ
ﻭﺍﻧﺘﻪ ﺗﺎﺭﺳﻨﻲ ﺗﻌﺐ 💔
،،،،،،،،،،،،،،
ﺻﺒﺎﺡ ﺍﻟﻌﺎﻓﻴﻪ ﻳﺎﺑﻌﺪ ﻣﻌﺎﻟﻴﺠﻲ 😍
ﻭﭼﻼﻭﻳﻲ ﻭﺍﻟﻜﺒﺪ ﻭﺍﻟﺮﺋﻪ ﻣﺮﻭﺭﺁ ﺑﺎﻟﮕﻠﺐ ﻭﻧﺰﻭﻟﻦ ﻟﻠﺒﻨﻜﺮﻳﺎﺱ 😜
ﻭﻫﺬﺍ ﺑﺎﺭﺕ ﻫﺪﻳﻪ ﻋﻠﺊ ﻛﻮﻟﺪﻛﻢ ﺑﻌﻨﺎﺩ ﺍﻟﻤﻀﻐﻮﻃﻴﻦ 😂
ﺑﻮﻳﻪ ﺍﻧﻪ ﺍﻫﻢ ﺷﻲ ﻋﻨﺪﻱ ﺍﻟﺘﺼﻮﻳﺖ ﻭﻳﺎﺭﻳﺖ ﻛﻞ ﺷﺨﺺ ﻳﺘﺎﺑﻊ ﺍﻟﺒﺎﺭﺕ ﻳﺮﺟﻊ ﻳﺼﻮﺕ ﻣﻦ ﺍﻟﻤﻘﺪﻣﻪ ﻟﻠﺒﺎﺭﺕ ﺍﻟﻌﺎﺷﺮ
ﻫﻲ ﻧﺠﻴﻤﺔ ﺍﺿﻐﻄﻬﺎ ﺑﺪﺭﺑﻚ 😂😜
ﺗﺮﺓ ﺍﻟﺒﺎﺭﺗﺎﺕ ﺍﻟﺠﺎﻳﺔ ﺣﻤﺎﺱ ﻓﻮﻝ ﺍﻭﺑﺸﻦ ﺭﺍﺡ ﺗﺸﺒﻌﻮﻥ ﺭﺍﻫﺐ ﻣﺴﺒﻪ ﻭﺍﻧﻪ ﺍﻟﻠﻪ ﺷﺎﻫﺪ ﺣﺎﻟﻲ ﺣﺎﻟﻜﻢ ﻣﻐﻬﻮﺭ ﻋﻠﺊ ﺻﺎﺣﺒﺔ ﺍﻟﻐﺼﻪ ﻻﻥ ﺧﻄﻴﻪ
ﺑﺲ ﺍﻻﺍﻧﺘﻘﺎﻡ ﺍﻛﺒﺮ ﻳﺨﻠﻲ ﺍﻟﺒﺸﺮ ﻳﺘﺼﺮﻑ ﺑﺪﻭﻥ ﻭﻋﻲ
ﺍﻛﻮ ﻧﺎﺱ ﻣﻦ ﺍﺣﺠﺎﻳﺔ ﺍﻧﺤﺠﺖ ﻗﺒﻞ ﺍﺳﻨﻴﻦ ﺍﺗﻀﻞ ﺷﺎﻳﻠﻪ ﺣﻘﺪ ﺑﻜﻠﺒﻬﺎ
ﻣﻮ ﺍﻧﻮﺏ ﺭﺍﻫﺐ ﺍﺩﻣﺮﺓ ﻋﺎﺋﻠﺘﻪ ﺍﺷﻠﻮﻥ ﻣﺎﻳﺤﻘﺪ ﻭﻳﻜﺮﻩ ﻋﻤﻪ ﻭﺍﻭﻻﺩﺓ ?
ﻫﺴﻪ ﺗﺎﺑﻌﻮ ﻗﺮﺍﺋﻪ ﻣﻤﺘﻌﻪ ﺍﻧﻪ ﺍﻟﺼﺒﺢ ﺑﺎﻟﻊ ﻣﺴﺠﻞ 😂😂
...........
ﻻﺭﺍ،،ﺛﺎﻧﻲ ﻳﻮﻡ ﻣﻦ ﺭﺟﻌﺖ ﻣﻦ ﺍﻟﻜﻠﻴﻪ ﺍﺗﺼﻞ ﺭﺍﻫﺐ ﮔﺎﻝ ﺑﻠﻴﻞ ﺭﺍﺡ ﺍﺟﻴﺐ ﺍﻣﻲ ﻭﺍﺟﻲ
ﺑﺲ ﻣﺎﺍﺭﻳﺪ ﺍﻫﻠﺞ ﻳﻜﻮﻥ ﻋﺪﻫﻢ ﻋﻠﻢ ﺑﻌﻼﻗﺘﻨﻪ ﺧﺎﻑ ﻭﺍﺣﺪ ﻣﻨﻬﻢ ﻳﻌﺎﺭﺽ
ﮔﺘﻠﻪ ﺻﺎﺭ ﻣﺎﺭﺍﺡ ﺍﺣﺠﻲ ﺑﺲ ﺍﻧﺘﻪ ﺍﺷﻠﻮﻥ ﺗﺘﻘﺪﻡ ﺍﻟﻮﺣﺪﺓ ﻣﺎﺗﻌﺮﻓﻬﺎ ??
ﺭﺍﻫﺐ،،ﻣﻮﺷﻐﻠﺞ ﺑﻨﻴﺘﻲ
ﻻﺭﺍ،،ﻣﺎﺍﻋﺮﻑ ﻋﻠﺊ ﺷﻨﻮ ﻧﺎﻭﻱ
ﺍﻟﻌﺼﺮ ﺩﺧﻞ ﺍﺑﻮﻱ
ﺟﻼﻝ،،ﺑﺎﺑﺎ ﻻﺭﺍ ﺟﺒﺖ ﺗﺮﺗﻴﺒﺎﺕ ﺣﻄﻴﻬﻦ ﺑﺎﻟﺜﻼﺟﻪ ﺑﻠﻴﻞ ﻋﺪﻧﻪ ﺧﻄﺎﺭ
ﻻﺭﺍ،،ﻣﺎﻋﺒﺎﻟﻲ ﻳﻘﺼﺪ ﻋﻠﺊ ﺭﺍﻫﺐ ﻭﺍﻣﻪ ﺑﮕﻠﺒﻲ ﮔﻠﺖ ﻭﻳﻦ ﻳﻌﺮﻓﻬﻢ ﺧﺎﻑ ﻋﺎﺯﻡ ﻭﺍﺣﺪ ﻣﻦ ﺟﻤﺎﻋﺘﻪ
ﻛﻤﻠﺖ ﺗﻨﻀﻴﻒ ﺍﻟﺒﻴﺖ ﻭﺍﻣﻲ ﺳﻮﺕ ﺍﻟﻌﺸﻪ ﻭﺍﻧﻲ ﻭﮔﻔﺖ ﻳﻤﻬﺎ ﺍﺧﺒﻂ ﺑﻤﻮﺍﺩ ﺍﻟﻜﻴﻜﻪ
ﺳﻌﺎﺩ،،ﺷﻨﻮ ﻫﺬﺍ ﺍﻟﻨﺸﺎﻁ ﺍﻟﻴﻮﻡ ﺷﻜﻮ ?
ﻻﺭﺍ،،ﺧﺮﺏ ﻋﺮﻓﺘﻨﻲ ﻭﺭﺍﻱ ﺳﺎﻟﻔﻪ ﻛﺘﻠﻬﺎ ﻣﻮﺯﻳﻦ ﺍﺳﺎﻋﺪﺝ ﻭﺑﻌﺪﻳﻦ ﺍﻟﻴﻮﻡ ﺍﺷﺘﻬﻴﺖ ﻛﻴﻜﻪ
ﻛﻤﻠﺘﻬﺎ ﻭﺣﻄﻴﺘﻬﺎ ﺑﺎﻟﻔﺮﻥ ﺑﻌﺪﻫﺎ ﻛﻤﻠﺖ ﺍﻟﻜﺮﻳﻢ ﻭﺩﺧﻠﺘﻪ ﻟﻠﺜﻼﺟﻪ ﺑﻴﻦ ﻣﺎﺗﺴﺘﻮﻱ ﺍﻟﻜﻴﻜﻪ
ﻛﻤﻠﺖ ﻭﻃﻠﻌﺘﻬﺎ ﺧﻠﻴﺘﻬﺎ ﺑﺼﺤﻦ ﻭﺍﻧﺘﻀﺮﺗﻬﺎ ﺗﺒﺮﺩ ﺻﺎﺭ ﺍﻟﻤﻐﺮﺏ ﺩﺧﻠﺖ ﻟﻠﺤﻤﺎﻡ ﺭﺩﺕ ﺍﺳﺒﺢ ﻻﻥ ﺑﻌﺪ ﻣﺎﻟﻠﺤﮓ ﻭﺭﺍﻱ ﺍﺳﺤﺐ ﺷﻌﺮﻱ ﻭﺍﺭﺗﺐ ﻧﻔﺴﻲ ﻭﺍﺯﻳﻦ ﺍﻟﻜﻴﻜﻪ
ﺍﺳﻤﻊ ﺍﻣﻲ ﺍﺗﺼﻴﺢ
ﺳﻌﺎﺩ،،ﻭﻟﺞ ﻳﻤﻤﻪ ﺩﻧﻴﻪ ﺍﻟﻤﻐﺮﺏ ﻣﺎﻳﺼﻴﺮ ﺗﺴﺒﺤﻴﻦ ﺍﻳﮕﻮﻟﻮﻥ ﻳﻌﻜﺪ ﺫﻳﺎﻟﺞ ﺍﻟﺸﻴﻄﺎﻥ ﻭﻣﺎﺗﻌﺮﺳﻴﻦ ﺧﻠﻴﻬﺎ ﻭﺭﻩ ﺍﻟﻌﺸﻪ ﻭﺍﺳﺒﺤﻲ
ﻻﺭﺍ،،ﺍﺑﺘﺴﻤﺖ ﻋﻠﺊ ﺳﺎﻟﻔﺔ ﺍﻣﻲ ﺣﺠﻴﺖ ﺑﺼﻮﺕ ﻧﺎﺻﻲ ﺑﻴﻨﻲ ﻭﺑﻴﻦ ﻧﻔﺴﻲ ﻛﺘﻠﻬﺎ ﺍﺷﻌﻞ ﺻﻔﺤﺔ ﺍﻟﺸﻴﻄﺎﻥ ﺍﻟﻴﻮﻡ ﻭﺑﻌﻨﺎﺩﺓ ﺑﻌﺪ ﺳﺎﻋﻪ ﻳﺠﻲ ﺣﺒﺒﺒﻲ ﻳﻄﻠﺐ ﺍﻳﺪﻱ
ﺩﺧﻠﺖ ﺳﺒﺤﺖ ﺑﺴﺮﻋﻪ ﻭﺳﺤﺒﺖ ﺷﻌﺮﻱ ﻃﻮﻟﻪ ﻭﺳﻂ ﻣﺎﺍﺣﺐ ﺍﻟﺸﻌﺮ ﺍﻟﻄﻮﻳﻞ ﻭﺩﺍﺋﻤﺎ ﺍﮔﺼﻪ ﻗﺼﻴﺮ
ﻳﻄﻠﻊ ﻛﻠﺶ ﺣﻠﻮ ﻭﻳﻪ ﻟﻮﻧﻪ ﺍﻟﺒﻲ ﺧﻴﻂ ﺷﮕﺎﺭ
ﺩﺍﺋﻤﺎ ﺑﺎﺑﺎ ﻳﮕﻠﻲ ﺍﻧﺘﻲ ﻃﺎﻟﻌﻪ ﻋﻠﺊ ﺍﻣﻲ ﺣﻠﻮﺓ ﻣﺎﺧﺬﺓ ﻛﻞ ﺻﻔﺎﺗﻬﺎ ﺣﺘﺊ ﻟﻮﻥ ﻋﻴﻮﻧﻬﺎ
ﺑﻌﺪﻫﺎ ﻟﺒﺴﺖ ﺍﺗﺮﺍﻙ ﻣﺎﺭﻭﻧﻲ ﻭﺟﺴﻤﻲ ﻣﻮﻛﻠﺶ ﺿﻌﻴﻒ ﻣﻠﻴﺎﻥ ﺭﻓﻌﺖ ﺍﻃﺮﺍﻑ ﺷﻌﺮﻱ ﺑﻘﺮﺍﺻﻪ ﺧﻠﻴﺖ ﻛﺤﻠﻪ ﺣﺠﺮ ﻭﺷﻮﻳﻪ ﻣﺮﻃﺐ ﺷﻔﺎﻳﻒ
ﻭﻣﻌﻄﺮ ﺑﺎﻭﻋﺖ ﺍﻟﻨﻔﺴﻲ ﺑﻨﻀﺮﺕ ﺭﺿﺎ
ﻧﺰﻟﺖ ﻟﮕﻴﺖ ﺍﻣﻲ ﻣﻜﻤﻠﻪ ﺍﻟﻌﺸﻪ
ﺳﻌﺎﺩ،،ﻧﻌﻴﻤﺎ ﺍﻭﻭﻭ ﻫﺎﻱ ﺷﻄﺎﻟﻌﻪ ?
ﻻﺭﺍ،،ﻫﻬﻬﻬﻬﻪ ﻟﻴﺶ ﻣﺎﻣﺎ ﻗﺎﺑﻞ ﻳﻮﻣﻴﻪ ﻣﺒﻬﺬﻟﻪ ?
ﺳﻌﺎﺩ،،ﺍﻧﺘﻲ ﺩﻭﻡ ﺣﻠﻮﺓ ﺑﻨﻴﺘﻲ ﺑﺲ ﺍﻟﻴﻮﻡ ﺍﻭﻝ ﻣﺮﺓ ﺗﺤﻄﻴﻦ ﺷﻲ ﻟﻮﺟﻬﺞ ﻭﺍﺑﻮﺝ ﻭﺍﺧﻮﺝ ﻣﻮﺟﻮﺩﻳﻦ ?
ﻻﺭﺍ،،ﺍﺗﺬﻛﺮﺕ ﺍﻟﻜﻴﻜﻪ ﺍﻭ ﺑﺎﻻﺻﺢ ﻧﻬﺰﻣﺖ ﻣﻦ ﺳﺆﺍﻟﻬﺎ ﻃﻠﻌﺖ ﺍﻟﻜﺮﻳﻢ ﻭﺑﺪﻳﺖ ﺍﺯﻳﻦ ﺑﻴﻬﺎ ﻛﻤﻠﺖ ﻭﺩﺧﻠﺘﻬﺎ ﺑﺘﺒﺮﻳﺪ ﺍﻟﺜﻼﺟﻪ ﺣﺘﺊ ﻟﻴﻤﻮﻉ ﺍﻟﻜﺮﻳﻢ
ﺟﻨﺖ ﻛﺎﻋﺪﺓ ﻋﻠﺊ ﻧﺎﺭ ﺍﺣﺲ ﺍﻟﺴﺎﻋﻪ ﻣﺎﺗﻤﺸﻲ
ﻣﺎﺟﻨﺖ ﺍﺿﻦ ﺍﻧﻮ ﻛﻞ ﻫﻠﻮﻗﺖ ﻣﺤﺴﻮﺏ ﻣﻦ ﻋﻤﺮﻱ ﻭﺍﻧﻮ ﻫﺎﻱ ﺍﺧﺮ ﺍﻳﺎﻣﻲ ﻭﻳﻪ ﺍﻟﻔﺮﺡ ﻭﺍﻟﺴﻌﺎﺩﺓ
ﻛﻤﻠﻨﻪ ﻋﺸﻪ ﻭﺍﺑﻮﻱ ﻛﻞ ﺷﻮﻳﻪ ﻳﺘﻐﺰﻝ ﺑﻴﻪ ﻭﺭﺍﻓﺪ ﺑﺲ ﻣﺒﺘﺴﻢ ﻭﺍﺧﺎﻟﻲ ﻫﻢ ﻳﺤﺠﻲ ﺑﺪﻭﻥ ﻣﻌﻨﺊ
ﺻﺎﺭﺕ ﺍﻟﺴﺎﻋﺔ 8 ﻭﺭﺑﻊ ﺍﻧﺪﮒ ﺍﻟﺒﺎﺏ ﺍﺣﺲ ﮔﻠﺒﻲ ﺭﺟﻒ ﻭﺍﻃﺮﺍﻓﻲ ﺛﻜﻠﻦ ﻣﻦ ﺍﻟﺘﻮﺗﺮ ﻋﺒﺎﻟﻚ ﺑﺎﻳﮕﺔ ﻭﺍﻟﻜﻞ ﻳﺪﺭﻱ ﺑﻴﻪ
ﻃﻠﻊ ﺭﺍﻓﺪ ﻳﻔﺘﺢ ﺍﻟﺒﺎﺏ ﺍﺑﻮﻱ ﻛﺎﻋﺪ ﺑﺎﻻﺳﺘﻘﺒﺎﻝ ﻭﺍﻧﻲ ﻭﺍﻣﻲ ﺭﺣﻨﻪ ﻟﻠﺼﺎﻟﻪ
ﻫﻤﻪ ﺳﺪﻭﺍﻟﺒﺎﺏ ﺍﻟﺒﺠﻬﺘﻨﻪ
ﺩﺧﻞ ﺭﺍﻓﺪ ﻭﺭﺍﻩ ﻣﺮﺓ ﻻﺑﺴﻪ ﻋﺒﺎﻳﻪ ﻭﺷﻴﻠﻪ ﻭﻣﺒﻴﻦ ﻋﻤﺮﻫﺎ ﺏ 50 ﺳﻨﻪ
ﺭﺍﻓﺪ،،ﻳﻤﻪ ﺍﺟﻪ ﺧﻄﺎﺭ
ﺍﺗﻔﻀﻠﻲ ﺣﺠﻴﻪ
ﺳﻌﺪﻳﻪ،،ﻳﺰﻳﺪ ﻓﻀﻠﻚ ﺍﺑﻨﻲ
ﻻﺭﺍ،،ﮔﻤﺖ ﻭﺭﻩ ﺍﻣﻲ ﻭﺍﻣﻲ ﻛﺪﺍﻣﻲ ﺳﻠﻤﺖ ﻋﻠﻴﻬﺎ ﻭﺩﺧﻠﺘﻬﺎ ﺣﺘﺊ ﺗﮕﻌﺪ ﻳﻤﻨﻪ ﺭﺍﻓﺪ ﺭﺍﺡ ﻟﻠﻤﻄﺒﺦ ﻭﺻﺎﺣﻠﻲ
ﺭﺣﺖ ﻛﺎﻝ ﺳﻮﻱ ﺟﺎﻱ ﻭﺣﻀﺮﻱ ﺻﻴﻨﻴﻪ ﺣﻄﻲ ﺑﻴﻬﺎ ﻛﺎﺳﺎﺕ ﻣﺎﻱ
ﺍﺣﺲ ﺍﻣﺸﻲ ﻉ ﺍﻟﻐﻴﻢ ﻣﻮ ﻉ ﺍﻟﮕﺎﻉ
ﺭﺣﺖ ﺑﺴﺮﻋﻪ ﺣﻄﻴﺘﻠﻪ ﻣﺎﻱ ﺍﺧﺬﻫﻦ ﻭﺭﺍﺡ ﻟﻼﺳﺘﻘﺒﺎﻝ
ﺭﺟﻌﺖ ﺍﺧﺬﺕ ﻣﺎﻱ ﻟﻠﻤﺮﺓ ﻭﻗﺒﻠﻬﺎ ﺣﻄﻴﺖ ﺍﻟﻘﻮﺭﻱ ﻉ ﺍﻟﻨﺎﺭ
ﺍﻧﻄﻴﺘﻬﺎ ﺍﻟﻤﺎﻱ ﻭﻫﻲ ﺗﺒﺎﻭﻋﻠﻲ ﻭﻣﺒﺘﺴﻤﻪ
ﺳﻌﺪﻳﻪ،،ﺻﻼﺗﻚ ﻳﺎﻣﺤﻤﺪ ﻋﻴﻦ ﺍﻟﺤﺎﺭﺓ ﺑﺎﺭﺩﺓ
ﺍﻧﺘﻲ ﻻﺭﺍ ??
ﻻﺭﺍ،،ﻫﺰﻳﺖ ﺭﺍﺳﻲ ﻭﺍﻧﻲ ﻣﺒﺘﺴﻤﻪ
ﺗﺮﻛﺘﻬﺎ ﻭﺭﺟﻌﺖ ﻟﻠﻤﻄﺒﺦ ﺣﻀﺮﺕ ﺍﺳﺘﻜﺎﻧﺎﺕ ﺟﺎﻱ ﻭﺻﺤﻦ ﻛﻴﻚ ﺍﺟﻪ ﺭﺍﻓﺪ ﺍﺧﺬﻫﻦ
ﺭﺍﻓﺪ،،ﻭﺍﻟﻠﻪ ﻭﻛﺒﺮﺕ ﻻﺭﺍ ﻭﺍﺟﺘﻬﺎ ﺍﻟﺨﻄﺎﺑﻪ
ﻻﺭﺍ،،ﺣﺠﺎﻫﺎ ﻭﻫﻮ ﻣﺒﺘﺴﻢ ﺍﺣﺲ ﮔﻠﺒﻲ ﺭﺍﺡ ﻳﻄﻠﻊ ﻣﻦ ﺍﻟﺘﻮﺗﺮ
ﻭﺍﺳﺘﺤﻴﺖ ﺍﺭﺟﻊ ﻳﻢ ﺍﻟﻤﺮﺓ ﺑﻘﻴﺖ ﻭﺍﮔﻔﻪ ﺑﺎﻟﻤﻄﺒﺦ ﻣﺮﺗﺒﻜﻪ
ﺳﻤﻌﺖ ﺻﻮﺕ ﺍﻣﻲ ﺗﺼﻴﺤﻠﻲ ﺭﺣﺖ ﻳﻤﻬﺎ
ﺳﻌﺪﻳﻪ،،ﺗﻌﺎﻱ ﺧﺎﻟﻪ ﺍﮔﻌﺪﻱ ﺧﻞ ﺍﻧﺸﻮﻓﺞ ﻟﻴﺶ ﺧﺎﺗﻠﻪ
ﺍﻡ ﺭﺍﻓﺪ،،ﺣﺠﻴﻪ ﻫﺴﻪ ﻣﺎﺍﮔﺪﺭ ﺍﻧﻄﻴﺞ ﻛﻠﻤﻪ ﺧﻞ ﺍﻧﺸﻮﻑ ﺭﺃﻱ ﺍﺑﻮﻫﺎ ﻭﺍﺧﻮﺗﻬﺎ ﻭﺍﻟﺒﻲ ﺧﻴﺮ ﻳﻘﺪﻣﻪ ﺍﻟﻠﻪ
ﻻﺭﺍ،،ﺷﻮﻳﻪ ﻭﺩﺧﻞ ﺭﺍﻓﺪ ﮔﺎﻝ ﻟﻠﻤﺮﺓ ﻳﺼﻴﺤﻮﻟﺞ ﺑﺮﺓ
ﺭﺍﺣﺖ ﺍﻟﻤﺮﺓ ﺑﻌﺪ ﻣﺎﺳﻠﻤﺖ ﻭﺣﻤﺪﺕ ﺑﺎﺍﺑﻨﻬﺎ ﮔﺪﺍﻡ ﺍﻣﻲ
ﻣﻦ ﺭﺍﺣﻮ ﺍﺳﺘﺤﻴﺖ ﺍﺑﻘﺊ ﻳﻢ ﺍﻫﻠﻲ ﺭﺩﺕ ﺍﺻﻌﺪ ﺍﻟﻐﺮﻓﺘﻲ ﺑﺲ ﺍﺳﺘﻮﻗﻔﻨﻲ ﺻﻮﺕ ﺍﺑﻮﻱ
ﺟﻼﻝ،،ﺍﻧﺘﻀﺮﻱ ﺑﺎﺑﺎ
ﻻﺭﺍ،،ﺭﺟﻌﺖ ﻭﺍﻧﻲ ﻣﺪﻧﮕﻪ ﺭﺍﺡ ﮔﻌﺪ ﻳﻢ ﺍﻣﻲ ﻭﺻﺎﺣﻠﻲ ﺭﺣﺖ ﻛﻌﺪﺕ ﻳﻤﻪ ﺟﺮﻧﻲ ﺑﺎﺱ ﺭﺍﺳﻲ
ﺟﻼﻝ،،ﻛﺒﺮﺕ ﺑﻨﺘﻲ ﻭﺻﺎﺭﺕ ﻋﺮﻭﺱ
ﺍﺳﻤﻌﻴﻨﻲ ﺑﺎﺑﺎ ﺍﻟﻨﺎﺱ ﺍﺟﻮ ﻳﻄﻠﺒﻮﻥ ﺍﻳﺪﺝ ﻣﻨﻲ ﻭﺍﻧﻲ ﻣﺎﮔﺪﺭﺕ ﺍﺭﺩﻟﻬﻢ ﺟﻮﺍﺏ ﺑﺴﺮﻋﻪ ﻗﺒﻞ ﻣﺎﺍﺧﺬ ﻣﻮﺍﻓﻘﺘﺞ
ﺑﺎﻟﻨﺴﺒﻪ ﻟﻠﺮﺟﺎﻝ ﺧﻮﺵ ﺯﻟﻤﻪ ﻭﻣﺎﻳﺘﻌﻴﺐ ﻭﻛﺎﻣﻞ ﻣﻦ ﻛﻠﺸﻲ ﻭﻧﻘﻴﺐ ﺑﺎﻟﺠﻴﺶ ﻭﺍﻟﻪ ﺳﻤﻌﺘﺊ ﻭﺻﺎﺭﻟﻲ ﻓﺘﺮﺓ ﻣﻦ ﻋﺮﻓﺘﻪ ﻭﻣﺎﺷﻔﺖ ﻣﻨﻪ ﺍﻟﻪ ﻛﻞ ﺧﻴﺮ
ﺧﺎﻑ ﺍﺗﮕﻮﻟﻴﻦ ﺍﺑﻮﻱ ﺍﻧﻄﺎﻧﻲ ﺑﺪﻭﻥ ﻣﺎﻳﺎﺧﺬ ﺭﺃﻱ
ﺍﺫﺍ ﻗﺎﺑﻠﻪ ﺣﺘﺊ ﻧﺮﺟﻊ ﻟﻠﺰﻟﻤﻪ ﺟﻮﺍﺏ ﻻﻥ ﻣﺴﺘﻌﺠﻞ ﻳﺮﻳﺪ ﺍﻟﻌﺮﺱ ﻳﺘﻢ ﺑﻬﺬﺍ ﺍﻟﺸﻬﺮ
ﻻﺭﺍ،،ﮔﻠﺒﻲ ﻳﺮﺟﻒ ﻭﻣﻌﺪﺗﻲ ﻣﻐﺼﺘﻨﻲ ﻓﺸﻼﻧﻪ ﻣﻦ ﺍﺑﻮﻱ ﻭﺍﺧﻮﻱ ﻭﺍﻛﻒ ﻳﺴﻤﻊ ﺟﻮﺍﺑﻲ ﺩﻧﮕﺖ ﻭﺍﺑﺘﺴﺎﻣﻪ ﻋﻠﺊ ﺷﻔﺎﻳﻔﻲ
ﺭﺍﻓﺪ،،،ﻳﺎﺑﻪ ﻣﺎﺗﺸﻮﻓﻬﺎ ﺍﻟﻮﺟﻨﺎﺕ ﻏﺪﻥ ﺣﻤﺮ ﻭﺍﻻﺑﺘﺴﺎﻣﻪ ﺷﺎﻛﻪ ﺍﻟﺤﻠﮓ
ﺟﻼﻝ،،ﻫﻬﻬﻬﻬﻪ ﻳﻌﻨﻲ ﻧﮕﻮﻝ ﻣﺒﺮﻭﻙ
ﺭﺍﻓﺪ،،ﻳﺎﺑﻪ ﺻﺢ ﺍﻟﺮﺟﺎﻝ ﻣﺒﻴﻦ ﺍﻟﻪ ﻣﻜﺎﻧﺘﻪ ﻭﻣﺮﻛﺰﺓ ﺑﺲ ﻫﻢ ﺍﻻﺣﺘﻴﺎﻁ ﻭﺍﺟﺐ ﻻﺯﻡ ﻧﺴﺄﻝ ﻋﻨﻪ
ﺍﻡ ﺭﺍﻓﺪ،،ﺷﺘﺴﺄﻝ ﻟﻴﺶ ﻫﻲ ﺍﻛﻮ ﺍﺣﻠﺊ ﻣﻦ ﻫﺎﻱ ﺍﻟﻘﺴﻤﻪ ﺍﻻﻡ ﻣﺪﻧﺪﺷﻪ ﺑﺎﻟﺬﻫﺐ ﻭﺍﺑﻨﻬﺎ ﻧﻘﻴﺐ ﻭﺣﺎﻟﺘﻬﻢ ﻣﻴﺴﻮﺭﺓ
ﺍﮔﻠﻚ ﺍﺑﻮ ﺭﺍﻓﺪ ﻫﻮ ﻫﺬﺍ ﻧﻔﺴﻪ ﺍﻻﺷﺘﺮﺓ ﺍﻟﺒﻴﺖ ﻣﻨﻚ ?
ﺟﻼﻝ،،ﺍﻱ ﻫﻮ
ﺍﻡ ﺭﺍﻓﺪ،،ﻳﻌﻨﻲ ﺣﺎﻟﺘﻪ ﺍﻟﻤﺎﺩﻳﻪ ﻋﺎﻝ ﺍﻟﻌﺎﻝ ﻭﻫﻢ ﺑﻴﺘﺞ ﻭﺣﺪﺝ ﻭﺍﻻﻓﺘﻬﻤﺘﻪ ﻣﻦ ﺍﻣﻪ ﻣﺎﻋﺪﻫﺎ ﻏﻴﺮﺓ ﺍﺑﻮ ﻣﺎﺕ ﺑﺤﺮﺏ 91
ﻭﻫﻲ ﺑﻘﺖ ﮔﺎﻋﺪﺓ ﻋﻠﺊ ﺍﺑﻨﻬﺎ ﻣﺎﺍﺗﺰﻭﺟﺖ
ﺟﻼﻝ،،ﺍﺭﻳﺪ ﺍﺳﻤﻊ ﺍﻟﺠﻮﺍﺏ ﻣﻨﻬﺎ ﻳﺎﺳﻌﺎﺩ
ﻻﺭﺍ،،ﺩﻧﻜﺖ ﻭﻛﺘﻠﻪ ﺑﺼﻮﺕ ﻧﺎﺻﻲ ﺍﻟﺘﺸﻮﻓﻪ ﺑﺎﺑﺎ
ﺍﻣﻲ ﻃﮕﺘﻬﺎ ﻫﻠﻬﻮﻟﻪ ﻭﺍﺑﻮﻱ ﺣﻀﻨﻲ ﻭﺑﺎﺳﻨﻲ
ﺳﻌﺎﺩ،،ﺧﺎﺑﺮ ﺍﻟﻮﻟﺪ ﻭﺭﺩﻟﻪ ﺍﻟﺠﻮﺍﺏ
ﺟﻼﻝ،،ﺑﻮﻳﻪ ﻃﺎﺭﺕ ﺍﻟﻄﻴﺮﺓ ﺷﻮ ﻣﺘﻮﺍﺯﻳﻪ ﺍﻧﺘﻲ ﻋﺒﺎﻟﻚ ﺍﻧﺘﻲ ﺍﻟﻌﺮﻭﺱ ﻣﻮﺑﻨﺘﺞ
ﺍﻟﺼﺒﺎﺡ ﺭﺑﺎﺡ ﻭﺑﺎﺟﺮ ﺑﺎﺍﺫﻥ ﺍﻟﻠﻪ ﺍﺭﺩﻟﻪ ﺍﻟﺠﻮﺍﺏ
ﺧﻮ ﻣﺎﻫﺴﻪ ﺗﻮﻫﻢ ﻃﻠﻌﻮ ﻭﺍﺗﺼﻞ ﺍﻛﻠﻬﻢ ﻣﻮﺍﻓﻘﻴﻦ ﺷﻴﮕﻮﻟﻮﻥ ﺑﺎﻟﻠﻪ ﻣﺎﺻﺪﮔﻮ ?
ﻻﺭﺍ،،ﻋﻔﺘﻬﻢ ﻭﺻﻌﺪﺕ ﺍﻟﻐﺮﻓﺘﻲ ﻟﮕﻴﺖ 12 ﻣﻜﺎﻟﻤﻪ ﻓﺎﺋﺘﻪ ﻣﻦ ﺭﺍﻫﺐ
ﻭﺭﺳﺎﺋﻞ ﺍﻫﻮﺍﻱ ﻉ ﺍﻟﻤﺎﺳﻨﺠﺮ ﺍﻭﻝ ﻣﺎﺷﻔﺘﻬﻦ ﺍﺗﺼﻞ
ﺭﺍﻫﺐ،،ﺑﻨﺖ ﺍﻻﻭﺍﺩﻡ ﻭﻳﻦ ﺟﻨﺘﻲ ﻭﺍﻧﻲ ﮔﺎﻋﺪ ﻋﻠﺊ ﻧﺎﺭ
ﻻﺭﺍ،،ﻫﻬﻬﻬﻬﻪ ﻭﻟﻴﺶ ﮔﺎﻋﺪ ﻋﻠﺊ ﻧﺎﺭ
ﺭﺍﻫﺐ،،ﻏﻴﺮ ﻣﻨﺘﻀﺮ ﺍﻟﺠﻮﺍﺏ ﻭﺍﺑﻮﺝ ﺷﮕﺎﻝ ?
ﻻﺭﺍ،،ﻟﺘﺘﻮﺍﺯﺓ ﺑﺎﺟﺮ ﻳﺮﺟﻌﻠﻚ ﺍﻟﺨﺒﺮ
ﺭﺍﻫﺐ،،ﻭﻟﻮ ﺍﻧﻲ ﻣﺎﺧﺬ ﺍﻻﻭﻛﻲ ﻣﻦ ﺯﻣﺎﻥ
ﻻﺭﺍ،،ﻳﺎﺍﺍﺍ ﻭﻣﻨﻮ ﮔﺎﻟﻚ ﻣﻮﺍﻓﻘﻪ ?
ﺭﺍﻫﺐ،،ﻏﻴﺮ ﺍﺫﺍ ﻣﺎﻭﺍﻓﻘﺘﻲ ﺍﺑﻮﺝ ﺍﺣﺮﮔﻪ
ﻻﺭﺍ،،ﺭﺍﺍﺍﻫﺐ ﺑﻌﺪﻧﻪ ﺑﺎﺍﻭﻟﻬﺎ ﻭﻫﻴﺞ ﺗﻐﻠﻂ
ﺭﺍﻫﺐ،،ﻻﺭﺍ ﻻﺗﺨﻠﻴﻨﻲ ﺍﺳﺒﺞ ﻓﻀﻴﻬﺎ ﻭﺟﺎﻭﺑﻴﻨﻲ ﺗﺮﺓ ﺍﻋﺼﺎﺑﻲ ﺗﻠﻔﺖ
ﻻﺭﺍ،،ﺍﻣﻤﻢ ﻣﺎﺍﮔﻮﻝ ﺍﻧﺘﻀﺮ ﺍﻟﺒﺎﺟﺮ
ﺭﺍﻫﺐ،،ﻫﺬﺍ ﻫﻮ ﺑﺮﺍﺣﺘﺞ ﻟﺘﺠﺎﻭﺑﻴﻦ ﺑﺲ ﺧﻠﻲ ﺍﺑﺎﻟﺞ ﺟﻮﺍﺏ ﺍﺑﻮﺝ ﻣﺎﻳﻬﻤﻨﻲ ﺍﺫﺍ ﺍﻗﺘﻨﻊ ﻟﻮ ﻣﺎﺍﻗﺘﻨﻊ ﺍﻧﺘﻲ ﺍﻟﻲ ﻭﻣﺎﺗﺼﻴﺮﻳﻦ ﺍﻟﻐﻴﺮﻱ ﻟﻮﺗﻨﻄﺒﮓ ﺍﻟﺴﻤﺎ ﻉ ﺍﻟﮕﺎﻉ
ﻻﺭﺍ،،ﺭﺩﺕ ﺍﺣﺠﻲ ﺳﺪﺓ ﺑﻮﺟﻬﻲ ﻫﺬﺍ ﺍﺷﺒﻲ ?
ﺷﻮ ﺍﺗﺸﺎﻗﻪ ﻭﻳﺎﻩ ﮔﻠﺒﻬﺎ ﺻﺪﮒ ﺯﻋﻞ ﻭﺭﺍﺡ
ﻣﺎﮔﺪﺭﺕ ﺍﻧﺎﻡ ﻣﻦ ﺍﻟﻔﺮﺣﻪ ﻭﺍﻧﻲ ﺍﺗﺨﻴﻞ ﻧﻔﺴﻲ ﻋﺮﻭﺱ ﺑﺎﻟﺒﺪﻟﻪ ﺍﻟﺒﻴﻀﻪ ﺍﻧﺰﻑ ﺍﻟﺮﺍﻫﺐ
ﺛﺎﻧﻲ ﻳﻮﻡ ﺍﺑﻮﻱ ﺭﺟﻌﻠﻪ ﺍﻟﺠﻮﺍﺏ ﻭﺍﻧﻄﺎ ﻣﻮﺍﻓﻘﺘﻲ
ﺍﺑﻮﻱ ﺭﺍﺩ ﻳﺮﻭﺡ ﻳﺴﺄﻝ ﺑﺲ ﺍﻣﻲ ﻣﺎﻗﺒﻠﺖ ﮔﺎﻟﺘﻠﻪ ﻧﻘﻴﺐ ﺍﺳﻤﻪ ﺷﮕﺪﺓ ﺷﻜﺒﺮﺓ ﺗﺮﻳﺪ ﺗﺮﻭﺡ ﺗﺴﺄﻝ ﻋﻠﻲ ﻭﻫﻨﻪ ﺑﺲ ﺍﻧﺠﻮﻣﻪ ﻫﻮﻳﻪ
ﺍﺑﻮﻱ ﻫﻢ ﺍﻗﺘﻨﻊ ﻭﺍﺧﻮﺗﻲ ﺑﻴﻬﻢ ﻃﺒﻊ ﻫﺎﺩﺋﻴﻦ ﺍﻻﺑﻌﺪ ﺍﻟﺤﺪﻭﺩ ﻣﺎﻟﻬﻢ ﺭﺍﻱ ﻻﻥ ﺍﻟﻘﺮﺍﺭ ﺍﻻﻭﻝ ﻭﺍﻻﺧﻴﺮ ﺑﻴﺪ ﺍﻣﻲ ﻭﺍﺑﻮﻱ
ﺍﺳﺘﻐﺮﺑﺖ ﺍﻟﻴﻮﻡ ﻣﺎﺍﺗﺼﻞ ﺑﻴﻪ ﻳﻤﻜﻦ ﺯﻋﻼﻥ ﻣﻨﻲ
ﻟﻠﻌﺼﺮ ﺭﺟﻊ ﺍﺑﻮﻱ ﻭﺍﺗﻔﺎﺟﺌﺖ ﻣﻦ ﮔﺎﻝ ﺑﻌﺪ ﻳﻮﻣﻴﻦ ﻋﻘﺪ ﺍﻟﺴﻴﺪ
ﺭﺍﻓﺪ،،ﻳﺎﺑﻪ ﻣﻮﺍﺍﺷﻮﻓﻪ ﻣﺴﺘﻌﺠﻞ ??
ﺟﻼﻝ،،ﺍﻛﻴﺪ ﻳﺴﺘﻌﺠﻞ ﻳﺎﺍﺑﻨﻲ ﺍﻟﺮﺟﺎﻝ ﺑﺪﻭﻥ ﻣﺮﺓ ﻣﺎﻳﺮﻫﻢ ﻭﺍﻣﻪ ﻣﺮﺓ ﺟﺒﻴﺮﺓ ﺗﺮﻳﺪ ﺍﻟﺘﺨﺪﻣﻬﺎ
ﻭﺑﻌﺪﻳﻦ ﺍﻧﻪ ﺷﺮﻃﺖ ﻋﻠﻲ ﺷﺮﻁ ﻭﻫﻮ ﻗﺒﻞ ﮔﺘﻠﻪ ﻣﻤﻨﻮﻉ ﺗﺒﻄﻞ ﻣﻦ ﻛﻠﻴﺘﻬﺎ
ﻭﻟﻮ ﺍﻧﻲ ﺭﺩﺗﻬﺎ ﺗﺘﺨﺮﺝ ﻭﺑﻌﺪﻳﻦ ﻳﺎﻟﻠﻪ ﺍﺯﻭﺟﻬﺎ ﺑﺲ ﺍﺟﺖ ﻗﺴﻤﺘﻬﺎ ﻭﺍﺷﻮﻑ ﻣﺎﻟﮕﻪ ﺍﺣﺴﻦ ﻣﻨﻪ ﻧﺴﻴﺐ
ﻻﺭﺍ،،ﺻﻌﺪﺕ ﺍﻟﻐﺮﻓﺘﻲ ﻭﺍﺗﺼﻠﺖ ﺑﻲ ﻭﻳﻦ ﺍﻟﺤﮓ ﺍﺟﻬﺰ ﻧﻔﺴﻲ ﺑﻴﻮﻣﻴﻦ
ﺍﻭﻝ ﻣﺎﺩﮒ ﺟﺎﻭﺏ ﺍﺟﺎﻧﻲ ﺻﻮﺗﻪ ﺍﻟﺠﻬﻮﺭﻱ
ﺭﺍﻫﺐ،،ﻧﻌﻢ
ﻻﺭﺍ،،ﺍﻣﻤﻢ ﺍﻟﻴﻮﻡ ﻧﻌﻢ ﻣﺎﻛﻮ ﺣﺒﻴﺒﺘﻲ
ﺭﺍﻫﺐ،،ﺍﺳﺄﻟﻲ ﻧﻔﺴﺞ ﺷﻨﻮ ﺍﻟﺴﺒﺐ
ﻻﺭﺍ،،ﺭﺍﻫﺐ ﻟﻴﺶ ﻣﺴﺘﻌﺠﻞ ﺧﻠﻴﻬﺎ ﺍﻻﺳﺒﻮﻉ ﺍﻟﻴﺠﻲ ﻋﺎﺩ ﺍﻛﻮﻥ ﻛﻤﻠﺖ ﻛﻠﺸﻲ
ﺭﺍﻫﺐ،،ﮔﻠﺖ ﻳﻮﻣﻴﻦ ﻳﻌﻨﻲ ﻳﻮﻣﻴﻦ ﺑﺲ ﻓﻬﻤﻴﻨﻲ ﺍﻧﺘﻲ ﺻﺪﮒ ﺗﺤﺠﻴﻦ ?
ﻻﺭﺍ،،ﺷﺤﺠﻲ ?
ﺭﺍﻫﺐ،،ﻻﺭﺍ ﺍﻧﺘﻲ ﻣﺎﻣﺤﺮﻭﮒ ﮔﻠﺒﺞ ﻣﺜﻠﻲ
ﺍﻧﺘﻲ ﺑﺎﺭﺩﺓ ﻭﺍﻧﻪ ﻣﺸﺘﻌﻞ ﻧﺎﺭ ﺍﺭﻳﺪ ﺑﺲ ﺍﺟﻴﺒﺞ ﻳﻤﻲ
ﻻﺭﺍ،،ﺧﺠﻠﺖ ﻣﻨﻪ ﺑﻘﻴﺖ ﺳﺎﻛﺘﻪ
ﺭﺍﻫﺐ،،ﺍﻟﺨﻮﻳﻨﺴﻪ ﻣﺎﻟﺘﻲ
ﻻﺭﺍ،،ﻭﻳﺎﻙ
ﺭﺍﻫﺐ،،ﺟﺎ ﻟﻴﺶ ﺳﺎﻛﺘﻪ
ﻻﺭﺍ،،ﺑﺲ ﻳﻮﻣﻴﻦ ﻣﺎﻟﺤﮓ
ﺭﺍﻫﺐ،،ﺍﻫﻮﻭﻭ ﺷﭽﻠﺒﺘﻲ
ﻋﻨﺪﺝ ﺑﺎﺟﺮ ﺑﻄﻮﻟﻪ ﻭﻋﮕﺐ ﺑﺎﺟﺮ ﻫﻢ ﻧﺺ ﻧﻬﺎﺭ ﻳﻌﻨﻲ ﺗﻠﺤﮕﻴﻦ ﻭﺯﻳﺎﺩﺓ ﻭﻫﻢ ﺧﻞ ﺍﮔﻠﺞ ﺗﺮﺓ ﻣﺎﻋﻨﺪﻱ ﻏﻴﺮ ﺍﻣﻲ ﻭﺍﺧﺘﻬﺎ ﻳﺠﻦ ﻭﺷﻜﻢ ﻭﺍﺣﺪ ﻣﻦ ﺍﺻﺪﻗﺎﺋﻲ
ﻳﻌﻨﻲ ﻣﺨﺘﺼﺮﺓ ﺑﻴﻨﺎﺗﻨﻪ
ﻻﺭﺍ،،ﺍﻣﺮﻱ ﻟﻠﻪ
ﺭﺍﻫﺐ،،ﺷﻴﺠﻴﺐ ﻋﮕﺐ ﺑﺎﺟﺮ ﻭﺗﺼﻴﺮﻳﻦ ﺣﻼﻟﻲ
ﻻﺭﺍ،،ﻳﺎﻟﻪ ﺣﺮﻭﺡ ﻻﻥ ﺍﻧﺘﻪ ﺍﺫﺍ ﺑﻘﻴﺖ ﺷﻮﻳﻪ ﺗﻨﺰﻝ ﻉ ﺍﻟﺘﺮﺍﺑﻲ
ﺭﺍﻫﺐ،،ﻭﻋﻠﻲ ﺑﺲ ﻳﻌﻘﺪ ﺍﻟﺴﻴﺪ ﺷﻔﺘﺞ ﺍﻟﺠﻮﺓ ﺍﻟﻪ ﺍﺷﻠﻌﻬﺎ
ﻻﺭﺍ،،ﺧﺮﺭﺭﺭﺏ ﻣﺘﺠﻮﺯ
ﺳﺪﻳﺘﻪ ﺑﺴﺮﻋﻪ
ﺍﺟﺘﻨﻲ ﺭﺳﺎﻟﻪ ﻛﺎﺗﺐ
ﺭﺍﻫﺐ،،ﺣﻀﺮﻱ ﻧﻔﺴﺞ ﻣﺎﺿﻞ ﺷﻲ ﻭﺍﺣﺎﺳﺒﺞ ﻋﻠﻴﻬﻦ ﻭﺣﺪﺓ ﻭﺣﺪﺓ
ﻻﺭﺍ،،ﺍﺑﺘﺴﻤﺖ ﻋﻠﺊ ﻛﻼﻣﻪ ﺟﻨﺖ ﺍﺿﻦ ﻳﻘﺼﺪ ﻏﻴﺮ ﺷﻲ ﻳﻌﻨﻲ ﺷﻲ ﻣﺜﻞ ﺗﻔﻜﻴﺮﺓ ﺍﻟﻤﻨﺤﺮﻑ ﻣﺎﺟﻨﺖ ﺍﻋﺮﻑ ﺍﻟﺠﺤﻴﻢ ﺍﻟﻴﻨﺘﻀﺮﻧﻲ
ﺛﺎﻧﻲ ﻳﻮﻡ ﺍﻟﺼﺒﺢ ﺭﺣﻨﻪ ﻟﻠﺴﻮﮒ ﻻﻥ ﺍﻣﻪ ﺍﺗﺼﻠﺖ ﺑﺎﺍﻣﻲ ﮔﺎﻟﺘﻠﻬﺎ ﺑﻨﻔﺲ ﺍﻟﻴﻮﻡ ﻣﺸﻴﻪ ﻭﻋﻘﺪ ﻭﺗﻠﺒﻴﺲ ﺫﻫﺐ
ﻳﻌﻨﻲ ﺗﺠﻲ ﺍﻟﻤﺸﻴﻪ ﻭﺍﻟﺴﻴﺪ ﻭﻳﺎﻫﻢ
ﺍﺟﺮﺕ ﺑﺪﻟﻪ ﺯﻳﺘﻮﻧﻲ ﻣﻨﻔﻮﺷﻪ ﺗﺮﻛﻴﻪ ﻛﻠﺶ ﺣﻠﻮﺓ
ﻭﺭﺣﻨﻪ ﺣﺠﺰﻧﻪ ﺍﻟﺼﺎﻟﻮﻥ ﺍﻟﺒﺎﺟﺮ ﻛﻤﻠﻨﻪ ﻛﻞ ﺍﻟﺘﺠﻬﻴﺰ ﺭﺟﻌﻨﻪ ﻟﮕﻴﻨﻪ ﺍﺑﻮﻱ ﺟﺎﻳﺐ ﻛﺮﺍﺗﻴﻦ ﻛﻴﻚ ﻭﻋﺼﺎﻳﺮ ﻭﻛﺮﺯﺍﺕ ﺍﻟﺒﺎﺟﺮ
ﺭﺟﻌﺖ ﺍﺗﺼﻠﺖ ﺑﺴﺎﻧﺪﺭﺍ ﺍﺟﺖ ﻫﻲ ﻭﺟﻮﻟﻴﺎﻥ ﺳﺎﻋﺪﻧﻲ ﺑﺘﻨﻀﻴﻒ ﺍﻟﺒﻴﺖ
ﻟﻠﻴﻞ ﻳﺎﻟﻠﻪ ﺭﺍﺣﻦ ﮔﻠﺒﻨﻪ ﺍﻟﺒﻴﺖ ﻉ ﺍﻟﺒﻄﺎﻧﻪ ﻧﺸﺘﻐﻞ ﻭﻧﺘﻤﺮﮔﺺ ﻓﺎﺗﺤﻴﻦ ﺩﻳﺠﻲ ﻭﺣﺎﻃﻴﻦ ﺍﻏﻨﻴﺔ ﻫﻴﺪﻱ ﻫﻴﺪﻱ ﻻﺍﺑﻮﻱ ﻭﻻﺧﻮﺗﻲ ﺑﺎﻟﺒﻴﺖ ﻟﺬﺍﻟﻚ ﺧﺬﻧﻪ ﺭﺍﺣﺘﻨﻪ ﺣﺘﺊ ﺍﻣﻲ ﺗﻬﻮﺱ ﻭﻳﺎﻧﻪ
ﺛﺎﻧﻲ ﻳﻮﻡ ﺍﺗﻔﻘﻨﻪ ﻭﻳﺎﻫﻢ ﺍﻟﻤﺸﻴﻪ ﺳﺎﻋﻪ 5 ﺍﻟﻌﺼﺮ
ﺭﺣﻨﻪ ﻗﺒﻞ ﺍﻟﻤﻮﻋﺪ ﺑﺴﺎﻋﺘﻴﻦ ﻟﻠﺼﺎﻟﻮﻥ
ﺣﻔﺘﻠﻲ ﻭﻣﻜﻴﺎﺝ ﺧﻔﻴﻒ ﻭﺗﺴﺮﻳﺤﻪ ﺑﺴﻴﻄﻪ ﻣﺎﺍﺣﺐ ﺍﻟﻤﻜﻴﺎﺝ ﺍﻟﻘﻮﻱ
ﺭﺳﻤﺖ ﻋﻴﻮﻧﻲ ﻭﺟﺮﺗﻬﻦ ﻃﻠﻌﻦ ﻛﻠﺶ ﺣﻠﻮﺍﺕ ﺍﻣﻲ ﻛﺎﻋﺪﺓ ﻭﺗﺼﻠﻲ ﻋﻠﺊ ﻣﺤﻤﺪ ﺍﻡ ﺍﻟﺼﺎﻟﻮﻥ ﮔﺎﻟﺖ ﺍﺭﻳﺪ ﺍﺧﺬﻟﺞ ﺻﻮﺭﺓ ﺣﺘﺊ ﺍﺧﻠﻴﻬﺎ ﻭﺍﺟﻬﺎ ﺣﻠﻮﺓ ﻟﻠﻤﺤﻞ
ﺑﺲ ﺭﻓﻀﺖ ﻭﺍﻣﻲ ﻫﻢ ﺭﻓﻀﺖ ﻣﺎﻗﺒﻠﺖ ﮔﺎﻟﺖ ﻋﺎﺩ ﺑﺲ ﺻﻮﺭﺓ ﺍﻋﻠﻜﻬﺎ ﺑﺎﻟﻤﺮﺍﻳﻪ ﺑﻨﺺ ﺍﻟﻤﺤﻞ ﺣﺘﺊ ﺍﻟﻨﺴﻮﺍﻥ ﻳﺸﻮﻓﻦ ﺍﻟﺘﺮﺗﻴﺐ
ﻫﻢ ﻣﺎﻗﺒﻠﺖ ﺍﻻﻥ ﺍﻟﺪﻧﻴﺎ ﻣﻮ ﺍﻣﺎﻥ ﻭﺣﺘﺊ ﻣﺎﺧﻠﻴﺖ ﺍﻣﻲ ﺗﺎﺧﺬ ﺻﻮﺭ ﺑﺠﻬﺎﺯﻫﺎ ﺑﺲ ﺑﺠﻬﺎﺯﻱ
ﻃﺒﻌﺎ ﺳﺎﻧﺪﺭﺍ ﻭﻳﺎﻱ ﻣﺎﺗﺮﻛﺘﻨﻲ ﻭﻫﻢ ﺭﺗﺒﺖ ﻧﻔﺴﻬﺎ ﺗﺮﺗﻴﺐ ﺣﻠﻮ ﺑﻨﺎﺗﻲ
ﺍﺗﺼﻞ ﺍﺑﻮﻱ ﮔﺎﻝ ﻓﻀﻨﻬﺎ ﺍﻟﻨﺎﺱ ﻋﻠﺊ ﺟﻴﻪ
ﺍﺟﻪ ﺭﺍﻓﺪ ﺭﺟﻌﻨﻪ ﻟﻠﺒﻴﺖ ﺍﺗﻔﺎﺟﺌﺖ ﺍﺧﻮﺗﻲ ﻣﺰﻳﻨﻴﻦ ﺍﻟﺼﺎﻟﻪ ﻧﺸﺮﺍﺕ ﻭﻧﻔﺎﺥ ﻣﺨﻠﻴﻬﺎ ﺗﺨﺒﻞ
ﻣﺎﻋﺰﻣﺖ ﺍﻫﻮﺍﻱ ﺑﺲ ﺍﻫﻞ ﺳﺎﻧﺪﺭﺍ ﻭﺑﺴﻤﻪ ﻭﻛﻢ ﺑﻨﻴﻪ ﻭﻳﺎﻱ ﺑﺎﻟﻜﻠﻴﻪ ﻭﺍﻣﻲ ﻋﺰﻣﺖ ﻛﻢ ﻭﺣﺪﺓ ﻣﻦ ﺟﺎﺭﺍﺗﻬﺎ
ﺷﻮﻳﻪ ﻭﺳﻤﻌﻨﻪ ﺻﻮﺕ ﺍﻟﻬﻮﺭﻧﺎﺕ ﻳﻌﻠﻦ ﻋﻦ ﻗﺪﻭﻣﻬﻢ ﻟﺰﻣﺖ ﮔﻠﺒﻲ ﺍﺣﺴﻪ ﻳﺮﻳﺪ ﻳﻄﻠﻊ ﻣﻦ ﺍﻟﺨﻮﻑ
ﻃﻠﻌﺖ ﺍﻣﻲ ﺗﺘﻠﮕﻪ ﺍﻟﻨﺴﻮﺍﻥ ﻭﻓﻌﻼ ﻣﺜﻞ ﻣﺎﮔﺎﻝ ﻣﺎﺍﺟﻦ ﻏﻴﺮ ﺍﺛﻨﻴﻦ ﻧﺴﻮﺍﻥ ﺍﻣﻪ ﺍﻟﺜﺎﻧﻴﻪ ﺍﻭﻝ ﻣﺮﺓ ﺍﺷﻮﻓﻬﺎ ﺑﻨﻴﻪ ﻛﻠﺶ ﺣﻠﻮﺓ
ﺩﺧﻠﻦ ﺳﻠﻤﻦ ﻭﺍﻻﺑﻨﻴﻪ ﺗﺒﺎﻭﻋﻠﻲ ﺻﻔﺢ ﻣﺎﻋﺠﺒﻬﺎ ﻭﻟﺤﺪ ﺍﻻﻥ ﻣﺎﻋﺮﻓﺖ ﻫﺎﻱ ﻣﻨﻮ ﺍﻟﻪ ﺍﻣﻪ ﮔﺎﻟﺖ ﻫﺎﻱ ﻏﺰﻝ ﺍﺧﺘﻲ ﺍﻟﺰﻏﻴﺮﺓ
ﺍﮔﻮﻝ ﺭﺍﻫﺐ ﻋﻠﻴﻤﻦ ﻃﺎﻟﻊ ﻳﺨﺒﻞ ﺍﺫﺍ ﻫﻲ ﺧﺎﻟﺘﻪ ﺻﺎﻛﻪ
ﺍﺳﻤﻊ ﺻﻮﺕ ﺍﻟﺰﻟﻢ ﺑﺎﻻﺳﺘﻘﺒﺎﻝ
ﺑﻌﺪﻫﺎ ﺍﺟﻪ ﺍﺑﻮﻱ ﮔﺎﻝ ﻗﺮﺑﻮﻫﺎ ﻟﻠﺒﺎﺏ ﺍﻟﺴﻴﺪ ﺭﺍﺡ ﻳﻌﻘﺪ
ﺣﻄﻦ ﻋﻠﺊ ﺭﺍﺳﻲ ﺷﺎﻝ ﻭﺍﺗﻘﺮﺑﺖ ﻳﻢ ﺍﻟﺒﺎﺏ ﮔﻌﺪﺕ ﻉ ﺍﻟﻜﺮﺳﻲ
ﺍﻟﺴﻴﺪ ﺑﺪﺓ ﻳﻘﺮﺓ ﺑﻌﺪﻫﺎ ﮔﺎﻝ ﺭﺩﺩﻱ ﻭﺭﺍﻱ
ﺭﺩﺩﺕ ﺍﺧﺮ ﻛﻠﻤﻪ ﻭﺍﻧﻄﻴﺖ ﻣﻮﺍﻓﻘﺘﻲ ﺍﺷﺘﻐﻠﺖ ﺍﻟﻬﻮﺳﺎﺕ ﺍﻣﻪ ﮔﻠﺒﺖ ﺍﻟﺒﻴﺖ ﺑﺎﻟﻬﻮﺳﺎﺕ ﻭﺍﻟﻬﻼﻫﻞ ﺍﻧﺘﺒﻬﺖ ﻋﻠﺊ ﺧﺎﻟﺘﻪ ﻋﻴﻮﻧﻬﺎ ﻣﺪﻣﻌﻪ ﻳﻮﻭﻭ ﺧﻄﻴﻪ ﺩﻣﻮﻉ ﺍﻟﻔﺮﺡ ﻟﻌﺪ ﺷﮕﺪ ﻋﻼﻗﺘﻬﻢ ﻗﻮﻳﻪ ﻫﻲ ﻭﺍﺑﻦ ﺍﺧﺘﻬﺎ
ﺑﺲ ﻣﺒﻴﻨﻴﻦ ﻧﻔﺲ ﺍﻟﻌﻤﺮ ﻫﻲ ﻭﺭﺍﻫﺐ ﺍﻛﻴﺪ ﺑﻴﺒﻴﺘﻪ ﺗﺨﻠﻒ ﻋﻠﺊ ﻛﺒﺮ
ﺑﻌﺪﻫﺎ ﺍﻟﺴﻴﺪ ﻋﻘﺪ ﺍﻟﺮﺍﻫﺐ ﻭﻫﻢ ﻫﻼﻫﻞ ﻭﺟﻜﻠﻴﺖ ﻭﺻﺪﻳﻘﺎﺗﻲ ﻳﺒﺎﺭﻛﻦ ﻭﺍﻧﻲ ﻟﺤﺪ ﻫﺎﻱ ﺍﻟﻠﺤﻀﻪ ﻣﺎﻣﺼﺪﮔﻪ ﻓﺮﺣﺎﻧﻪ ﻭﺍﺧﻴﺮﺍ ﺻﺮﺕ ﺣﻼﻟﻪ
ﺑﺲ ﻟﻴﺶ ﺑﺪﺍﺧﻠﻲ ﺧﻮﻓﻪ ? ﻣﺎﺍﺣﺲ ﺑﻔﺮﺣﺘﻲ ﻛﺎﻣﻠﻪ
ﺷﻮﻳﻪ ﻭﮔﺎﻝ ﺍﺑﻮﻱ ﺭﺍﺡ ﻳﺪﺧﻞ ﻳﻠﺒﺴﻬﺎ ﺍﻟﺬﻫﺐ
ﺻﺪﻳﻘﺎﺗﻲ ﻟﺒﺴﻦ ﺣﺤﺎﺑﺎﺗﻬﻦ ﺑﺲ ﺳﺎﻧﺪﺭﺍ ﺑﻘﺖ ﻳﻤﻲ
ﺩﺧﻞ ﻫﻮ ﺑﻜﺎﻣﻞ ﺍﻧﺎﻗﺘﻪ ﻭﻫﻴﺒﺘﻪ ﺍﻭﺳﺎﻣﺘﻪ ﺍﻟﻲ ﺗﺨﻄﻒ ﺍﻻﻧﻔﺎﺱ..بيج قصص عراقيه حقيقيه من واقعنا.روعه الطائي..ﺍﻣﻪ ﺑﺎﺭﻛﺘﻠﻪ ﻭﺍﻟﻨﺴﻮﺍﻥ ﻛﺬﺍﻟﻚ ﮔﻌﺪ ﻳﻤﻲ ﻭﺍﻧﻲ ﺍﺣﺲ ﺭﺍﺡ ﻳﻐﻤﺊ ﻋﻠﻴﻪ
ﺍﻟﻨﺴﻮﺍﻥ ﺗﮕﻮﻝ ﻃﺎﻟﻌﻪ ﺗﺨﺒﻠﻴﻦ ﺑﺲ ﻣﻦ ﺷﻔﺘﻪ ﮔﻠﺖ ﺍﻧﻲ ﻣﺘﺎﻛﺪﺓ ﻫﻮ ﺍﺣﻠﺊ ﻣﻨﻲ ﺑﻬﻮﻭﻭﺍﻱ
ﺑﺎﻭﻉ ﻋﻠﺊ ﺍﻣﻪ ﻭﺍﺷﺮﻟﻬﺎ ﻃﻠﻌﺖ ﻣﻦ ﺟﻨﻄﺘﻬﺎ ﻋﻠﺒﺘﻴﻦ ﻣﺎﻝ ﺍﻟﺤﻠﻘﺎﺕ
ﺭﺍﺩ ﻳﻠﺒﺴﻨﻲ ﺍﻳﺪﻱ ﺗﺮﺟﻒ ﻟﺰﻣﻬﺎ ﻭﻋﺼﺮﻫﺎ ﺣﻴﻞ
ﺧﺰﺭﺗﻪ ﻏﻤﺰﻟﻲ
ﺑﻌﺪﻫﺎ ﻃﻠﻌﺖ ﻋﻠﺒﻪ ﻭﺍﺗﻔﺎﺟﺌﺖ ﺑﺎﻟﮕﻼﺩﺓ ﺟﺎﻧﺖ ﻋﺒﺎﺭﺓ ﻋﻦ ﻣﺪﺍﻟﻴﻪ ﺯﻧﺠﻴﻞ ﻣﺜﻞ ﺍﻟﺴﺒﺤﻪ ﻭﺑﺎﻟﻨﻬﺎﻳﺔ ﺍﺳﻤﻪ
ﻣﻜﺘﻮﺏ ﺑﺎﻟﺬﻫﺐ ( ﺭﺍﻫﺐ )
ﻛﻠﺶ ﻋﺠﺒﺘﻨﻲ
ﻭﺗﻔﺎﺟﺌﺖ ﺷﻮﻛﺖ ﻟﺤﮓ ﻳﺴﻮﻳﻬﺎ ?
ﺍﺗﻘﺮﺏ ﻣﻨﻲ ﻟﺒﺴﻬﺎ ﺍﻟﻲ ﻭﻫﻤﺲ ﻳﻢ ﺍﺫﻧﻲ
ﺭﺍﻫﺐ،،ﻭﺍﺧﻴﺮﺍ ﺩﺧﻠﺘﻲ ﻋﺎﻟﻢ ﺭﺍﻫﺐ
ﻻﺭﺍ،،ﺍﺑﺘﺴﻤﺖ ﻭﻫﻮ ﺍﺑﺘﻌﺪ
ﺑﻌﺪﻫﺎ ﮔﺎﻝ ﻝ ﺍﻣﻪ ﻟﺒﺴﻴﻬﺎ ﺍﻟﺒﺎﻗﻲ
ﻛﻤﻠﻨﻪ ﺗﻠﺒﻴﺲ ﺍﻟﺬﻫﺐ ﻭﺍﻟﺤﻔﻠﻪ ﺍﻧﺘﻬﺖ
ﻭﺍﻟﺰﻟﻢ ﺍﻻﺟﺖ ﻭﻳﺎﻩ ﻫﻢ ﺭﺍﺣﻮ ﺑﻘﻴﻨﻪ ﺑﺲ ﺍﻫﻠﻲ ﻭﺍﻣﻪ ﻭﺧﺎﻟﺘﻪ ﻭﺳﺎﻧﺪﺭﺍ
ﺩﺧﻞ ﺭﺍﻓﺪ ﮔﺎﻝ ﺧﻄﻴﺒﺞ ﺑﺎﻻﺳﺘﻘﺒﺎﻝ ﺍﺩﺧﻠﻲ ﻳﻤﻪ
ﺑﺴﺮﻋﻪ ﻟﺰﻣﻨﻲ ﺍﻟﻤﻐﺺ ﺧﺎﻳﻔﻪ ﺍﺑﺎﻭﻉ ﺍﻣﻪ ﺗﻀﺤﻚ ﺑﺲ ﺧﺎﻟﺘﻪ ﺧﺎﺯﺭﺗﻨﻲ ﻣﺎﺍﻋﺮﻑ ﺷﺒﻴﻬﺎ ﺑﻌﺪﻳﻦ ﻛﻠﺖ ﻳﻤﻜﻦ ﻫﺬﺍ ﻃﺒﻌﻬﺎ
ﺭﻓﻌﺖ ﺑﺪﻟﺘﻲ ﻭﻃﻠﺒﺖ ﻣﻦ ﺳﺎﻧﺪﺭﺍ ﺗﺼﻌﺪ ﺍﻟﻐﺮﻓﺘﻲ ﺗﺠﻴﺒﻠﻲ ﺷﺎﻝ ﺍﺣﻄﻪ ﻋﻠﺊ ﻣﺘﻮﻧﻲ ﺍﺳﺘﺮ ﺳﺪﺭﻱ ﺑﻲ
ﺩﺧﻠﺖ ﺷﻔﺘﻪ ﻛﺎﻋﺪ ﺣﺎﻁ ﺭﺟﻞ ﻋﻠﺊ ﺭﺟﻞ ﺑﺎﻭﻋﻠﻲ ﻭﺭﻓﻊ ﺣﺎﺟﺒﻪ ﺯﺍﺩ ﺍﺭﺗﺒﺎﻛﻲ ﺍﻛﺜﺮ ﺩﻧﮕﺖ
ﻭﮔﻒ ﻋﻠﺊ ﺣﻴﻠﻪ ﻭﺍﺗﻘﺪﻡ ﺍﺗﺠﺎﻫﻲ ﺑﻜﻞ ﻫﺪﻭ ﻭﺍﺣﺲ ﻧﻀﺮﺍﺗﻪ ﻛﺼﺘﻨﻲ ﻣﻦ ﻓﻮﮒ ﻟﺠﻮﻩ
ﺻﺎﺭ ﻣﺎﻳﻔﺼﻠﻨﻪ ﺷﻲ ﻟﺰﻡ ﺍﻳﺪﻱ ﻗﺮﺑﻨﻲ ﻣﻨﻪ ﻭﺍﻻﻳﺪ ﺍﻟﺜﺎﻧﻴﻪ ﺳﺪ ﺑﻴﻬﺎ ﺍﻟﺒﺎﺏ ﻭﺭﺍﻱ ﺑﺤﻴﺚ ﻭﺟﻬﻲ ﺻﺎﺭ ﺑﺼﺪﺭﺓ ﻋﻄﺮﺓ ﻣﻠﻪ ﺭﻭﺣﻲ ﻭﺩﺧﺖ ﻛﻮﺓ ﻭﺍﮔﻔﻪ
ﻧﺰﻝ ﻧﻀﺮﺍﺗﻪ ﺍﻟﻲ ﺭﻓﻊ ﻭﺟﻬﻲ ﺑﺎﺻﺎﺑﻴﻌﻪ
ﺭﺍﻫﺐ،،ﻣﺒﺮﻭﻙ
ﻻﺭﺍ،،ﺻﻮﺗﻲ ﺍﺧﺘﻔﺊ ﻣﻦ ﺍﻟﺨﻮﻑ ﻭﻫﺬﺍ ﺍﻟﻤﺨﻠﻴﻨﻲ ﺍﺣﺒﻪ ﻫﻮ ﺷﺨﺼﻴﺘﻪ ﺍﻟﻘﻮﻳﻪ ﺍﻻﺑﻌﺪ ﺍﻟﺤﺪﻭﺩ
ﺟﺎﻭﺑﺘﻪ ﺑﺼﻮﺕ ﻧﺎﺻﻲ ﻣﺒﺮﻭﻙ
ﺣﺴﻴﺖ ﺍﻳﺪﺓ ﻭﺭﺓ ﺿﻬﺮﻱ ﻗﺮﺑﻨﻲ ﻣﻦ ﺻﺪﺭﺓ ﺍﻛﺜﺮ ﺻﺮﺕ ﺑﺤﻀﻨﻪ ﺩﻧﮓ ﺑﻜﻞ ﻫﺪﻭﺀ ﻃﺒﻊ ﺑﻮﺳﻪ ﻋﻠﺊ ﺷﻔﺎﻳﻔﻲ
ﺍﺑﺘﻌﺪ ﻋﻨﻲ ﻭﺍﻧﻲ ﻣﻐﻤﻀﻪ ﺷﻌﻮﺭ ﺣﻠﻮ ﻣﺎﺍﺭﻳﺪ ﺍﻓﺘﺢ
ﻫﻤﺲ ﻳﻢ ﺍﺫﻧﻲ
ﺭﺍﻫﺐ،،ﻻﺭﺍ
ﻻﺭﺍ
ﻓﺘﺤﻲ ﻋﻴﻮﻣﺞ ﺑﻌﺪﻧﻪ ﻣﺎﮔﻠﻨﻪ ﺣﻼﻝ ﻭﺍﻧﺘﻲ ﺧﺪﺭﺗﻲ
ﻻﺭﺍ،،ﺿﻌﺖ ﺑﻬﺪﻭﻣﻲ ﻣﻦ ﺍﻟﻔﺸﻠﻪ ﺭﺩﺕ ﺍﮔﻠﻪ ﻛﻠﻪ ﺻﻮﺝ ﺍﻣﻚ ﻣﻨﻮ ﮔﺎﻟﻬﺎ ﺗﺨﻠﻒ ﻭﺍﺣﺪ ﻣﺜﻠﻚ ﺷﻜﻠﻪ ﻳﺨﻠﻲ ﺍﻟﻮﺍﺣﺪ ﻳﻨﺴﻄﺮ ﺍﻧﻲ ﻣﻮﺑﺲ ﺍﻧﺴﻄﺮﺕ ﺣﺘﺊ ﺍﻧﺜﻮﻟﺖ
ﺑﺲ ﺍﻟﻔﺸﻠﻪ ﺍﻻﻛﺒﺮ ﻣﻦ ﺳﺤﺐ ﺍﻟﺸﺎﻝ ﻭﻧﻀﺮﺍﺗﻪ ﺗﺴﻠﻠﺖ ﺍﻟﺼﺪﺭﻱ ﻣﺪ ﺍﻳﺪﺓ ﺍﻟﻔﺘﺤﺔ ﺍﻟﺼﺪﺭ ﺑﺴﺮﻋﻪ ﻟﺰﻣﺘﻬﺎ ﺍﻣﻨﻌﻪ
ﺭﺍﻫﺐ،،ﺍﻟﺮﻣﺎﻥ ﺭﻣﺎﻧﻲ ﻭﺣﻼﻟﻲ ﻭﺧﺮﻱ ﺍﻳﺪﺝ
ﻳﺘﺘﺘﺘﺘﺘﺒﻊ
ﻣﺒﺨﻮﺗﻪ ﻭﺗﻜﺾ ﺍﻟﺤﻠﮓ
ﻫﻨﻴﺎﻟﻬﺎ ﺍﻟﻜﻤﺎﻣﻪ 😅
،،،،،،،،،،،
ﺭﺍﻫﺐ ﺍﺑﻮ ﻏﻀﺐ
ﺑﻘﻠﻢ ﻋﻠﻲ ﺍﻟﻔﺘﻼﻭﻱ
،،،،،،،،،،،،،،،،،،،،،
ﻳﺴﻌﺪ ﻣﺴﺎﻛﻢ ﻳﺎﺑﻌﺪ ﺍﻟﻀﻠﻊ ﺍﻟﻤﺎﻳﻨﺸﻠﻊ
ﻭﻫﺬﺍ ﻫﻢ ﺑﺎﺭﺕ ﻟﻌﻴﻮﻧﻜﻢ 😍
ﺻﺎﻳﺮ ﺍﺑﺪﻉ ﻭﺍﻧﻪ ﻣﺎﺍﺩﺭﻱ 😜
ﻋﻮﺩ ﺍﻧﻪ ﺯﻋﻼﻥ ﻭﻛﻠﺖ ﺑﻌﺪ ﻣﺎﺍﻃﻠﺐ ﻣﻨﻜﻢ ﻧﺠﻤﻪ ﻭﺗﻌﻠﻴﻖ ﺑﺲ ﻣﻮﺑﻴﺪﻱ ﻣﺎﺍﺗﺤﻤﻞ 😂😂😂
ﻳﻠﻪ ﻫﺴﻪ ﺍﻗﺮﻭ ﻭﻓﺠﺮﻭ ﺍﻟﺒﺎﺭﺕ ﻭﺍﻧﻪ ﻭﻳﺎﻛﻢ
ﻋﻠﻠﻠﻠﻠﻴﻬﻢ 😂
،،،،،،،،،
ﻻﺭﺍ،،ﮔﻠﺒﻲ ﻳﺮﻳﺪ ﻳﻄﻠﻊ ﻭﻫﻮ ﺍﻳﺪﺓ ﻻﺯﻡ ﺑﻴﻬﺎ ﺻﺪﺭ ﺍﻟﺒﺪﻟﻪ ﺑﺤﻴﺚ ﺍﻃﺦ ﺍﺑﺸﺮﺕ ﺻﺪﺭﻱ ﺟﺴﻤﻲ ﻛﻠﻪ ﻛﺰﺑﺮ ﻭﺻﺮﺕ ﻣﺎﺍﻧﺪﻝ ﺩﺭﺑﻲ
ﺩﻧﮕﺖ ﻭﻛﺘﻠﻪ
ﺭ ﺭﺍ ﺭﺍﻫﺐ ﺍ ﺍﻟﻠﻪ ﻳﺨﻠﻴﻚ ﺍﺑﻌﺪ ﺍﻳﺪﻙ
ﺣﻀﻨﻲ ﻭﺩﻓﻦ ﻭﺟﻬﻲ ﺑﺼﺪﺭﻩ ﺍﻳﺪ ﻣﺤﺎﻭﻃﻨﻲ ﺑﻴﻬﺎ ﻭﺍﻻﻳﺪ ﺍﻟﺜﺎﻧﻴﻪ ﻣﺜﺒﺖ ﺑﻴﻬﺎ ﺭﺍﺳﻲ ﺑﺼﺪﺭﺓ
ﻋﺠﺒﻨﻲ ﺍﺣﺴﺎﺱ ﺍﻧﻮ ﺍﻧﻲ ﺑﺤﻀﻨﻪ ﺷﻌﻮﺭ ﺍﻭﻝ ﻣﺮﺓ ﺍﺣﺲ ﺑﻲ
ﺭﺍﻫﺐ،،ﺍﺣﺒﺞ ﻳﺎﺑﺖ ﮔﻠﺒﻲ
ﻻﺭﺍ،،ﺍﺗﺠﺮﺃﺕ ﻭﺣﺎﻭﻃﺖ ﺧﺼﺮﺓ ﺑﺎﺩﻟﺘﻪ ﺍﻟﺤﻀﻦ
ﺭﺍﻫﺐ،،ﻻﺗﺴﻮﻳﻦ ﻫﻴﺞ ﺣﺮﻛﺎﺕ ﺗﺮﺓ ﻓﺎﻗﺪ ﻋﻠﻴﺞ ﻛﻠﺶ ﻭﻣﺼﺒﺮ ﺭﻭﺣﻲ ﺑﺎﻟﻘﺪﺭﺓ ﻻﺗﺨﻠﻴﻨﻲ ﺍﺻﺨﻢ ﺍﻟﻮﺟﻮﺓ ﻭﻳﺎﺝ ﻫﺴﻪ
ﻣﺎﻣﺼﺪﮒ ﻓﺮﺣﺎﻥ ﺍﻟﺪﺭﺟﻪ ﻣﺎﻣﺼﺪﻙ ﺻﺮﺗﻲ ﺍﻟﻲ
ﻭﻟﺞ ﺍﺣﺒﺞ ﺍﺣﺒﺞ ﺍﺍﺍﺍﺍﺣﺒﺞ
ﻻﺭﺍ،،ﺭﻓﻊ ﻭﺟﻬﻲ ﻭﺑﻠﺤﻀﻪ ﺍﻟﺘﻬﻢ ﺷﻔﺎﻳﻔﻲ
ﻏﻤﻀﺖ ﻋﻴﻮﻧﻲ ﻭﻣﻨﺪﻣﺠﻪ ﻭﻳﺎﻩ ﺑﻌﺎﻟﻤﻪ ﺍﺑﺎﺩﻟﻪ ﺑﺪﻭﻥ ﻣﻌﺮﻓﻪ ﻭﺑﺪﻭﻥ ﺧﺒﺮﺓ ﻣﺜﻞ ﻣﺎﻳﺴﻤﻮﻫﺎ
ﺍﺑﺘﻌﺪﺕ ﻣﻨﻪ ﻭﺍﻧﻲ ﻣﻴﺘﻪ ﺧﺠﻞ ﻗﺎﻃﻌﻨﻪ ﺻﻮﺕ ﺍﻟﺒﺎﺏ ﺍﻣﻲ ﺣﻘﻬﻢ ﺻﺎﺭﻟﻨﻪ ﻧﺺ ﺳﺎﻋﻪ ﺧﺎﺗﻠﻴﻦ
ﺩﺧﻠﺖ ﺍﻣﻲ ﺳﻠﻤﺖ ﻋﻠﻲ ﻭﺍﻣﻪ ﻭﺧﺎﻟﺘﻪ ﻭﺭﺍﻫﺎ
ﺍﻣﻪ ﺑﺎﺳﺘﻪ ﻭﺑﺎﺭﻛﺘﻠﻪ ﻭﺧﺎﻟﺘﻪ ﺗﺘﺨﺎﺯﺭ ﻭﻳﺎﻩ ﻭﺍﺩﻳﺮ ﻭﺟﻬﺎ ﻋﻨﻪ ﺍﺗﮕﻠﺐ ﺑﻌﻴﻮﻧﻬﺎ
ﺑﻌﺪﻫﺎ ﮔﺎﻝ
ﺭﺍﻫﺐ،،ﺍﻡ ﺭﺍﻓﺪ ﺍﻧﻲ ﺍﻟﺤﻤﺪﺍﻟﻠﻪ ﻣﺠﻬﺰ ﻛﻠﺸﻲ ﻭﺍﺷﻮﻑ ﻣﺎﻛﻮ ﺩﺍﻋﻲ ﻟﻠﺘﺎﺧﻴﺮ ﺍﻟﻌﺮﺱ ﺭﺍﺡ ﻳﻜﻮﻥ ﺑﻌﺪ ﺍﻻﻣﺘﺤﺎﻧﺎﺕ
ﻻﺭﺍ،،ﻃﻔﺮﺕ ﻣﻦ ﻳﻤﻲ ﮔﺘﻠﻪ ﺑﺲ ﺍﻻﺍﻣﺘﺤﺎﻧﺎﺕ ﺑﻌﺪﻟﻬﺎ ﻋﺸﺮ ﺍﻳﺎﻡ ﻭﻳﻦ ﺍﻟﺤﮓ ﻭﻫﺎﻱ ﺍﻟﻔﺘﺮﺓ ﻳﺎﺩﻭﺏ ﺍﻟﺘﻬﻲ ﺍﻗﺮﺓ ﻣﺎﻟﺤﮓ ﺍﺟﻬﺰ ﻧﻔﺴﻲ
ﺭﺍﻫﺐ،،ﺍﺩﺭﻱ ﺑﻴﺞ ﺳﺒﺎﻋﻴﻪ ﻭﺗﺨﻠﺼﻴﻦ ﺑﺴﺮﻋﻪ ﺍﻟﻌﺮﺱ ﺍﺗﺤﺪﺩ ﺑﻌﺪ ﺍﻻﻣﺘﺤﺎﻧﺎﺕ ﻧﺘﻮﻛﻞ ﺍﻣﻲ ﻫﻢ ﺍﻳﺪﺗﻪ ﺍﺷﻮﻓﻬﺎ ﻣﺘﻮﺍﺯﻳﻪ ﺍﻛﺜﺮ ﻣﻨﻲ ﺑﺲ ﺍﻧﻲ ﺿﺠﺖ ﻻﻥ ﺟﺎﻧﺖ ﺍﺑﺎﻟﻲ ﺍﻫﻮﺍﻱ ﺷﻐﻼﺕ ﻣﺎﺍﻋﺮﻑ ﻟﻴﺶ ﻣﺘﻮﺍﺯﻱ ﻭﻫﻮ ﻣﺎﺻﺎﺭﻟﻨﻪ ﺳﺎﻋﻪ ﻣﻦ ﻋﻘﺪﻧﻪ ﻭﺣﺪﺩ ﻣﻮﻋﺪ ﺍﻟﻌﺮﺱ
ﺑﻌﺪﻫﺎ ﺭﺍﺣﻮ ﻭﺻﻌﺪﺕ ﺍﻟﻐﺮﻓﺘﻲ ﺳﺎﻋﺪﺗﻨﻲ ﺳﺎﻧﺪﺭﺍ ﺍﺑﺪﻝ ﺍﺣﺲ ﺭﺍﺳﻲ ﺻﺎﻳﺮ ﻃﺒﻞ ﺍﺗﻤﺪﺩﺕ ﻉ ﺍﻟﺠﺮﺑﺎﻳﻪ ﻭﺳﺤﺒﺖ ﺍﻟﮕﻼﺩﺓ ﻓﺪﻭﺓ ﻝ ﺍﺳﻤﻪ ﺑﺴﺘﻬﺎ ﻭﺷﻤﻴﺘﻬﺎ ﺭﻳﺤﺔ ﻋﻄﺮ ﺑﻴﻬﺎ ﻣﻦ ﺍﻳﺪﺓ
ﻣﺮﺓ ﺍﻻﻳﺎﻡ ﻭﺭﺍﻫﺐ ﻳﺎﺧﺬﻧﻲ ﻭﻳﺠﻴﺒﻨﻲ ﻟﻠﻜﻠﻴﻪ ﺑﺤﻴﺚ ﻋﻼﻗﺘﻨﻪ ﻗﻮﺓ ﺍﻛﺜﺮ ﺑﺲ ﺑﻌﺪﻧﻲ ﺧﺠﻼﻧﻪ ﻣﻨﻪ ﻭﻣﻦ ﻳﻠﻤﺴﻨﻲ ﺍﺿﻞ ﺍﺭﺟﻒ
ﺑﺪﺕ ﺍﻣﺘﺤﺎﻧﺎﺗﻨﻪ ﻭﺷﺪﻳﺖ ﺣﻴﻠﻲ ﺍﺭﻳﺪ ﺍﻧﺠﺢ ﻣﻦ ﺍﻭﻝ ﺩﻭﺭ
ﺍﻧﺘﺒﻬﺖ ﻋﻠﺊ ﺷﻲ ﺑﺮﺍﻫﺐ ﻳﻤﻜﻦ ﻣﻦ ﮔﺪ ﺣﺒﻲ ﺍﻟﻪ ﻣﺎﺟﻨﺖ ﻣﻨﺘﺒﻬﺘﻠﻪ
ﻛﻼﻣﻪ ﻭﻳﺎﻱ ﻛﻠﻪ ﺗﻬﺪﻳﺪ ﺣﺘﺊ ﺑﺮﻭﻣﺎﻧﺴﻴﺘﻪ ﻭﻣﻦ ﻳﺘﻐﺰﻝ
ﻣﻦ ﺣﺠﻴﺖ ﺍﻟﺴﺎﻧﺪﺭﺍ ﻛﺎﻟﺖ ﻋﺎﺩﻱ ﻻﻥ ﺑﺎﻟﺠﻴﺶ ﻭﺣﻴﺎﺓ ﺍﻟﻌﺴﻜﺮﻳﻪ ﻗﺎﺳﻴﻪ ﻳﻤﻜﻦ ﻣﺎﻳﻌﺮﻑ ﻳﻌﺒﺮ ﻋﻦ ﻣﺸﺎﻋﺮﺓ ﺍﻟﻪ ﺑﻬﺎﻱ ﺍﻟﻄﺮﻳﻘﻪ ﻭﻟﻮ ﻣﺎﻳﺤﺒﺞ ﻣﺎﺧﻄﺒﺞ ﻣﻦ ﺍﻭﻝ ﻛﻢ ﺷﻬﺮ
ﺍﻗﺘﻨﻌﺖ ﺑﻜﻼﻣﻬﺎ ﺑﺲ ﺍﻛﻮ ﺷﻌﻮﺭ ﺑﺪﺍﺧﻠﻲ ﻣﺎﻣﺮﺗﺎﺡ
ﺩﮒ ﺍﻟﻤﻨﺒﻪ ﺍﻟﺼﺒﺢ ﮔﻌﺪﺕ ﻏﺴﻠﺖ ﻭﺻﻠﻴﺖ ﻭﺑﻌﺪﻫﺎ ﺑﺪﻟﺖ ﺍﻟﻴﻮﻡ ﺍﺧﺮ ﺍﻣﺘﺤﺎﻥ
ﺻﺎﺭﺕ ﺍﻟﺴﺎﻋﻪ 7 ﻭﻧﺺ ﺍﺗﺼﻞ ﺭﺍﻫﺐ ﮔﺎﻝ ﺍﻧﻲ ﺑﺎﻟﺒﺎﺏ
ﺭﺗﺒﺖ ﻧﻔﺴﻲ ﻉ ﺍﻟﺴﺮﻳﻊ ﻭﺧﻠﻴﺖ ﺣﻤﺮﺓ ﻭﺭﺩﻳﻪ ﺧﻔﻴﻔﻪ
ﺍﻧﻲ ﺑﺬﻳﺞ ﺍﻻﻳﺎﻡ ﻣﺎﺍﺣﻂ ﺣﻤﺮﺓ ﺍﺑﺪ ﻣﻦ ﻳﻮﻡ ﺍﻟﺮﺯﻟﻨﻲ ﻣﻦ ﺩﺯﻳﺘﻠﻪ ﺍﻟﺼﻮﺭ ﺑﻌﺪ ﻣﺎﻋﺪﺗﻬﺎ ﺑﺲ ﺍﻟﻴﻮﻡ ﺍﺧﺮ ﻳﻮﻡ ﻛﻠﺖ ﺧﻞ ﺍﺣﻂ ﺷﻮﻳﻪ ﺍﻛﻴﺪ ﻣﺎﻳﺤﺠﻲ
ﻃﻠﻌﺖ ﻟﮕﻴﺘﻪ ﻭﺍﻛﻒ ﻣﻨﺘﺠﻲ ﻉ ﺑﺎﺏ ﺍﻟﺴﻴﺎﺭﺓ ﻭﻣﻜﺘﻒ ﺍﺩﻱ ﺑﺎﻭﻋﻠﻲ ﻣﻦ ﻓﻮﮒ ﻟﺠﻮﺓ ﻋﺪﻝ ﻭﻛﻔﺘﻪ ﻭﺭﺍﺡ ﺻﻌﺪ ﻣﻦ ﺟﻬﺘﻪ ﺻﻌﺪﺕ ﻳﻤﻪ
ﻻﺭﺍ،،ﺻﺒﺎﺡ ﺍﻟﺨﻴﺮ
ﺭﺍﻫﺐ،،ﺻﺒﺎﺡ ﺍﻟﻨﻮﺭ ﻭﺍﻣﺴﺤﻲ ﺣﻠﮕﺞ
ﻻﺭﺍ،،ﺷﻨﻮ ?
ﺭﺍﻫﺐ،،ﺍﺫﻛﺮ ﻣﺮﺓ ﻧﻬﻴﺘﺞ ﻋﻦ ﺍﻟﻤﻜﻴﺎﺝ ﻻﻥ ﻣﺎﺍﺣﺒﻪ
ﻻﺭﺍ،،ﺑﺲ ﺧﺎﻟﻪ ﺧﻔﻴﻒ
ﺍﻟﺘﻔﺘﻠﻲ ﻭﮔﺎﻝ ﻭﻫﻮ ﻳﺒﺎﻭﻋﻠﻲ ﻭﻳﺮﺟﻊ ﻳﺒﺎﻭﻉ ﻟﻠﻄﺮﻳﻖ
ﺭﺍﻫﺐ،،ﺗﺪﺭﻳﻦ ﺑﻴﻪ ﺍﻏﺎﺭ ﻋﻠﻴﺞ ﻣﻦ ﺍﻟﻬﻮﺉ ﻭﻣﺎﺍﺭﻳﺪ ﺍﺣﺪ ﻳﺸﻮﻑ ﻫﺎﻱ ﺍﻟﺸﻔﺎﻳﻒ ﻏﻴﺮﻱ
ﺍﺳﺘﺮﻱ ﻋﻠﺊ ﺭﻭﺣﺞ ﻭﺍﻣﺴﺤﻲ ﺍﻟﺤﻤﺮﺓ ﺗﺮﺓ ﺭﺍﺡ ﺍﻣﺴﺤﻬﺎ ﺑﺤﻠﮕﻲ ﻭﺍﻋﺾ ﺷﻔﺎﻳﻔﺞ ﻣﻮﺑﺲ ﺍﻣﺴﺤﻬﺎ
ﻻﺭﺍ،،ﻏﺪﻳﺖ ﻣﺎﻱ ﺿﺮﺑﺘﻪ ﻋﻠﺊ ﻣﺘﻨﻪ ﻭﻫﻮ ﻣﺒﺘﺴﻢ ﻧﺎﺩﺭﺍ ﻳﻀﺤﻚ ﻳﻤﻜﻦ ﺍﻟﻀﺤﻜﻪ ﻋﻨﺪﺓ ﺷﻲ ﻣﻘﺪﺱ
ﺟﺮﻳﺖ ﺍﻟﻜﻠﻨﻜﺲ ﻣﺴﺤﺘﻬﺎ ﻭﺑﺎﻭﻋﺘﻠﻪ
ﻫﺎﺍﺍ ﺍﺭﺗﺎﺣﻴﺖ ?
ﺭﺍﻫﺐ،،ﻣﻦ ﺍﺟﻴﺒﺞ ﻳﻤﻲ ﺍﺭﺗﺎﺡ ﻣﻮﻫﺴﻪ
ﻻﺭﺍ،،ﻧﺰﻟﻨﻲ ﺍﺑﺎﺏ ﺍﻟﺠﺎﻣﻌﻪ ﻭﺭﺍﺡ ﺭﺣﺖ ﺑﺴﺮﻋﻪ ﻋﻠﺊ ﺳﺎﻧﺪﺭﺍ
ﺳﺎﻧﺪﺭﺍ،،ﻣﻦ ﻟﻜﻪ ﺍﺣﺒﺎﺑﻪ ﻧﺴﻪ ﺍﺻﺤﺎﺑﻪ
ﻻﺭﺍ،،ﻭﻳﻦ ﻧﺎﺳﻴﺘﺞ ﻋﺎﺑﺖ ﺗﺮﺓ ﺑﺲ ﻳﻮﺻﻠﻨﻲ ﻭﻳﺮﺟﻌﻨﻲ ﻭﺑﺎﻗﻲ ﺍﻟﻴﻮﻡ ﻣﺨﻠﺼﺘﻪ ﻣﮕﺎﺑﻠﺘﺞ
ﺳﺎﻧﺪﺭﺍ، ،ﺭﺍﺡ ﺗﺘﺰﻭﺟﻴﻦ ﻭﺗﺮﺗﺎﺣﻴﻦ ﻣﻨﻲ
ﻻﺭﺍ،،ﺩﺧﻠﻨﻪ ﻟﻠﻘﺎﻋﻪ ﺍﺟﻪ ﺍﺳﺘﺎﺫ ﻋﻤﺎﺭ ﻫﻮ ﻳﻤﺘﺤﻨﻪ
ﺑﺲ ﻭﺟﻬﺎ ﻋﺼﺒﻲ ﻣﺎﻳﺘﻔﺴﺮ ﺑﺎﻭﻋﻠﻲ ﻭﺧﺰﺭﻧﻲ
ﻣﺎﺻﺪﮔﺖ ﻳﻨﺘﻬﻲ ﺍﻻﻣﺘﺤﺎﻥ ﻻﻥ ﻋﺼﺒﻴﺘﻪ ﻭﺍﺿﺤﻪ ﻳﻨﺘﺮ ﻧﺘﺮ ﻭﻳﺘﺨﺎﺯﺭ
ﺳﻠﻤﺖ ﻭﺭﻗﺘﻲ ﺍﻗﺘﺮﺏ ﻣﻨﻲ ﻭﻫﻮ ﻳﺎﺧﺬﻫﺎ ﻭﻋﻴﻨﻪ ﺑﻴﻬﺎ
ﻋﻤﺎﺭ،،ﺍﻧﺘﻀﺮﻳﻨﻲ ﺑﺎﻟﻤﻜﺘﺐ ﻋﻨﺪﻱ ﻛﻠﻤﺘﻴﻦ ﻭﻳﺎﺝ
ﻻﺭﺍ،،ﺑﻘﻴﺖ ﺍﻓﻜﺮ ﺷﻨﻮ ﻳﺮﻳﺪ ﻣﻨﻲ ﻭﺑﻌﺪﻳﻦ ﻟﻴﺶ ﻫﻴﺞ ﻋﺼﺒﻲ ﺍﻟﻴﻮﻡ
ﺷﻔﺘﻪ ﺍﺧﺬ ﺟﻨﻄﺘﻪ ﻭﻃﻠﻊ ﺭﺍﺡ ﻟﻠﻌﻤﺎﺩﺓ
ﺭﺣﺖ ﺍﻟﻤﻜﺘﺒﻪ ﻓﺘﺤﺖ ﺍﻟﺒﺎﺏ ﻭﺩﺧﻠﺖ ﻫﻮ ﻣﺎﻣﻮﺟﻮﺩ ﺑﻠﺤﻀﻪ ﺍﻧﻔﺘﺢ ﺍﻟﺒﺎﺏ ﻭﺩﺧﻞ ﺍﻟﺘﻔﺘﺖ ﺻﺎﺭ ﻭﺟﻬﻲ ﺑﻮﺟﻬﺎ ﺳﺪ ﺍﻟﺒﺎﺏ ﻭﻫﻮ ﻳﺒﺎﻭﻋﻠﻲ
ﻋﻤﺎﺭ،،ﺍﻱ ﺳﺖ ﻻﺭﺍ ﻏﻴﺮ ﺗﻌﺰﻣﻴﻨﻪ ﺑﺨﻄﻮﺑﺘﺞ
ﻻﺭﺍ،،ﺑﻘﻴﺖ ﺻﺎﻓﻨﻪ ﻣﺎﺍﻋﺮﻑ ﻣﻨﻴﻦ ﻋﺮﻑ ﺑﻤﻮﺿﻮﻉ ﺧﻄﻮﺑﺘﻲ
ﺭﺩﺕ ﺍﺣﺠﻲ ﻗﺎﻃﻌﻨﻲ ﻭﻫﻮ ﻳﺘﻘﺪﻡ ﺑﺎﺍﺗﺠﻬﺎﻱ
ﻋﻤﺎﺭ،ﺑﺸﻨﻮ ﺍﺣﺴﻦ ﻣﻨﻲ ?
ﻻﺭﺍ،،ﺍﺳﺘﺎﺫ
ﻋﻤﺎﺭ،،ﺟﺎﺍﺍﻭﺑﻲ
ﻻﺭﺍ،،ﻣﺎﺣﺠﻴﺖ ﻻﻥ ﻣﺒﻴﻦ ﻭﺍﺻﻠﻪ ﺣﺪﻫﺎ ﻭﻳﺎﻩ ﻛﺘﻠﻪ ﺍﺳﺘﺎﺫ ﻛﻠﺸﻲ ﺑﺎﻟﻘﺴﻤﻪ
ﻋﻤﺎﺭ،،ﻟﻴﺶ ﻫﻴﺞ ﺳﻮﻳﺘﻲ ﺑﻴﻪ ?
ﺍﻧﺘﻀﺮﺝ ﻳﻮﻡ ﻳﻮﻡ ﺣﺘﺊ ﺍﺗﻘﺪﻣﻠﺞ ﺗﺎﻟﻲ ﺭﻓﻀﺘﻴﻨﻲ
ﻭﻟﺞ ﺣﺘﺊ ﺍﻫﻠﻲ ﻋﺪﻫﻢ ﻋﻠﻢ ﺍﺭﻳﺪ ﻃﺎﻟﺒﺘﻲ
ﻳﻮﻣﻴﻪ ﺍﻣﻲ ﺍﺗﻠﺢ ﺍﺧﻄﺐ ﺑﻨﺖ ﺍﺧﺘﻬﺎ ﻭﺍﻧﻲ ﺭﺍﻳﺪﺝ ﺍﻟﺞ
ﻻﺭﺍ،،ﻳﺤﺠﻲ ﻭﻳﺮﺟﻒ ﻣﺎﺟﻨﺖ ﻣﺘﻮﻗﻌﻪ ﺍﺳﺘﺎﺫ ﻋﻤﺎﺭ ﻳﺤﺒﻨﻲ ﺍﻟﻬﺎﻱ ﺍﻟﺪﺭﺟﻪ ﺟﻨﺖ ﺍﺿﻦ ﻣﺠﺮﺩ ﺍﺗﻘﺪﻣﻠﻲ ﻋﺎﺩﻱ ﻣﻦ ﺷﺎﻑ ﺍﺧﻼﻗﻲ ﻋﺠﺒﺘﻪ ﻻﺍﻛﺜﺮ ﻣﺎﺟﻨﺖ ﻣﺘﺼﻮﺭﺓ ﻭﺍﺻﻞ ﻫﻴﺞ ﻣﺮﺣﻠﻪ ﻧﺰﻟﺖ ﺩﻣﻌﺘﻪ ﺍﺗﻼﺣﻜﻬﺎ ﻣﺴﺤﻬﺎ ﻭﺩﺍﺭ ﻭﺟﻬﺎ ﻋﻨﻲ
ﻋﻤﺎﺭ،،ﺭﻭﺣﻲ ﻻﺭﺍ ﺍﻟﻠﻪ ﻳﻔﺘﺤﻬﺎ ﺑﻮﺟﻬﺞ ﻭﻳﺴﻌﺪﺝ ﻭﻳﺎﻩ ﻳﻤﻜﻦ ﻫﻮ ﺍﺣﺴﻦ ﻣﻨﻲ
ﺍﺗﻜﺪﺭﻳﻦ ﺍﻃﻠﻌﻴﻦ
ﻻﺭﺍ،،ﺍﺧﺬﺕ ﺟﻨﻄﺘﻲ ﻭﻃﻠﻌﺖ ﻣﺨﺘﻨﮕﻪ ﻣﺎﺍﺣﺒﻪ ﺑﺲ ﺍﻧﻘﻬﺮﺕ ﻋﻠﺊ ﺣﺎﻟﻪ ﺻﻌﺐ ﺗﻜﻮﻥ ﺗﺤﺐ ﺷﺨﺺ ﻣﻦ ﻃﺮﻑ ﻭﺍﺣﺪ ﻭﻋﻤﺎﺭ ﺣﺒﻪ ﺍﻟﻲ ﻣﻦ ﺟﻬﺘﻪ ﻓﻘﻂ ﺍﻣﺎ ﺍﻧﻲ ﮔﻠﺒﻲ ﻭﻋﻘﻠﻲ ﻋﺪ ﺭﺍﻫﺐ ﻭﺑﺲ
ﺍﺗﺼﻠﺖ ﺑﻲ ﮔﺘﻠﻪ ﻛﻤﻠﺖ ﺳﺎﻧﺪﺭﺍ ﻛﻠﻌﺎﺩﺓ ﻣﺎﺗﻘﺒﻞ ﻧﻮﺻﻠﻬﺎ ﻟﻠﺒﻴﺖ
ﻭﮔﻔﺖ ﺳﻴﺎﺭﺗﻪ ﺑﺎﻟﺒﺎﺏ ﻃﻠﻌﺖ ﺑﺲ ﻣﺒﻴﻦ ﻋﻠﻴﻪ ﺿﺎﻳﺠﻪ
ﺭﺍﻫﺐ،،ﻫﺎ ﺑﺸﺮﻱ ﺍﺷﻠﻮﻧﺞ ﺑﺎﻻﻣﺘﺤﺎﻥ ?
ﻻﺭﺍ،،ﺯﻳﻨﻪ ﺍﻟﺤﻤﺪﺍﻟﻠﻪ
ﺭﺍﻫﺐ،،ﭼﺎ ﺷﺒﻲ ﻭﺟﻬﺞ ﻣﻐﻴﻢ /
ﻻﺭﺍ،،ﻣﺎﺑﻲ ﺷﻲ ﺑﺲ ﺗﻌﺒﺎﻧﻪ
ﺭﺍﻫﺐ،،ﺧﻴﺮ ﺍﻧﺸﺎﺀﺍﻟﻠﻪ
ﻻﺭﺍ،،ﻭﺻﻠﻨﻲ ﻟﻠﺒﻴﺖ ﺍﻣﻲ ﺟﻠﺒﺖ ﺑﻲ ﻳﺘﻐﺪﺓ ﻣﺎﻗﺒﻞ ﮔﺎﻟﻬﺎ ﺍﻣﻲ ﺗﻨﺘﻀﺮﻧﻲ
ﺩﺧﻠﺖ ﺳﺒﺤﺖ ﻭﻃﻠﻌﺖ ﺍﺗﻐﺪﻳﺖ ﻟﻜﻤﺘﻴﻦ ﻭﻳﻪ ﺍﻫﻠﻲ ﺍﺣﺲ ﻣﺎﻟﻲ ﺣﺘﺊ ﻧﻔﺲ ﻟﻼﻛﻞ ﻣﻦ ﺍﺫﻛﺮ ﺩﻣﻮﻉ ﻋﻤﺎﺭ ﺍﻧﻘﻬﺮ ﺍﻧﺪﻋﻴﺘﻠﻪ ﻳﻠﮕﻪ ﻭﺣﺪﺓ ﺍﺣﺴﻦ ﻣﻨﻲ ﺗﺤﺒﻪ ﻭﺗﻘﺪﺭﺓ
ﺻﻌﺪﺕ ﺫﺑﻴﺖ ﺭﻭﺣﻲ ﻧﻤﺖ ﻭﻧﺒﻬﺖ ﺍﻣﻲ ﻣﺎﺗﮕﻌﺪﻧﻲ ﺷﻮﻛﺖ ﻣﺎﺍﺷﺒﻊ ﻧﻮﻡ ﺍﮔﻌﺪ
ﻭﺻﺪﮒ ﺍﻭﻝ ﻣﺎﺣﻄﻴﺖ ﺭﺍﺳﻲ ﻉ ﺍﻟﻤﺨﺪﺓ ﻏﻔﻴﺖ ﺑﺴﺮﻋﻪ ﻣﺎﮔﻌﺪﺕ ﻏﻴﺮ ﻋﻠﺊ ﺻﻮﺕ ﺍﻟﻤﻮﺑﺎﻳﻞ ﺷﻔﺖ ﺍﻟﻤﺘﺼﻞ ﺭﺍﻫﺐ
ﻓﺘﺤﺖ ﺧﻂ ﻭﻣﺒﻴﻦ ﻧﺎﻳﻤﻪ
ﺭﺍﻫﺐ،،ﺻﺤﻲ ﺍﻟﻨﻮﻡ ﺑﻮﻳﻪ
ﻻﺭﺍ،،ﻫﻠﻮ
ﺭﺍﻫﺐ،،ﻫﻠﻮﺍﺕ ﻛﺎﻓﻲ ﺍﮔﻌﺪﻱ ﺍﺭﻳﺪ ﺍﺣﺠﻲ ﻭﻳﺎﺝ
ﻻﺭﺍ،،ﻋﺪﻟﺖ ﮔﻌﺪﺗﻲ ﺍﺳﻤﻌﻚ
ﺭﺍﻫﺐ،،ﺍﻣﺘﺤﺎﻧﺎﺕ ﻭﺧﻠﺼﺖ ﺍﻋﺘﻘﺪ ﺑﻌﺪ ﻣﺎﻋﻨﺪﺝ ﺣﺠﻪ ﻟﻠﺘﺎﺧﻴﺮ
ﻻﺭﺍ،،ﻻ ﺧﻠﺺ ﺑﺮﺍﺣﺘﻚ
ﺭﺍﻫﺐ،،ﺑﻌﺪ ﺍﺳﺒﻮﻋﻴﻦ ﻟﻠﻌﺮﺱ
ﻻﺭﺍ،،ﻭﻋﻘﺪ ﺍﻟﻤﺤﻜﻤﻪ ﺷﻮﻛﺖ ?
ﺭﺍﻫﺐ،،ﻗﺒﻞ ﺍﻟﻌﺮﺱ ﺑﻴﻮﻣﻴﻦ ﻧﺮﻭﺡ ﻧﻌﻘﺪ ﻭﺍﻧﻘﻞ ﺍﺳﻤﺞ ﺑﻀﻬﺮ ﺟﻨﺴﻴﺘﻲ
ﻻﺭﺍ،،ﺍﺑﺘﺴﻤﺖ ﻭﺑﺪﻭﻥ ﻣﺎﺍﻓﻜﺮ ﺑﻜﻼﻣﻲ ﮔﺘﻠﻪ ﻫﻢ ﻳﺠﻲ ﻳﻮﻡ ﺗﻌﻮﻓﻨﻲ
ﺭﺍﻫﺐ،،ﻳﺎﺍﺭﺏ ﺳﺘﺮﻙ ﺷﻜﻮ ﺍﻟﻴﻮﻡ ?
ﻻﺭﺍ،،ﺟﺎﻭﺑﻨﻲ
ﺭﺍﻫﺐ،،ﻻﺑﻮﻳﻪ ﻟﻴﺶ ﺍﻋﻮﻓﺞ ﺍﻛﻮ ﻭﺍﺣﺪ ﻳﻌﻮﻑ ﺭﻭﺣﻪ
ﻻﺭﺍ،،ﻳﻌﻨﻲ ﻣﺎﺗﻌﻮﻓﻨﻲ ?
ﺭﺍﻫﺐ،،ﻭﻳﺎﺝ ﻟﻠﻮﺣﻪ ﻣﺎﻳﻔﺮﮔﻨﻪ ﻏﻴﺮ ﺍﻟﻤﻮﺕ
ﺗﺪﺭﻳﻦ ﻻﺭﺍ ﺍﺣﺒﺞ ﺍﻛﺜﺮ ﻣﻦ ﺭﻭﺣﻲ ﺍﻟﺪﺭﺟﺔ ﻣﻦ ﺗﺼﻴﺮﻳﻦ ﻗﺮﻳﺒﻪ ﻣﻨﻲ ﻣﺎﺍﺗﺠﺮﺃ ﺍﻟﻤﺴﺞ ﻻﻥ ﺍﺩﺭﻱ ﺑﺮﻭﺣﻲ ﺑﺲ ﺍﻟﻤﺴﺞ ﺑﻌﺪ ﻣﺎﺍﻫﺪﺝ ﻏﻴﺮ ﻭﺍﻧﻲ ﻣﺨﻠﺼﺪﺍﻟﺴﺎﻟﻔﻪ ﺍﻟﺠﺒﻴﺮﺓ ﮔﺒﻞ ﺍﻭﺍﻧﻬﺎ
ﻻﺭﺍ،،ﺭﺍﺍﺍﺍﻫﺐ ﺗﺮﺓ ﮔﻮﺓ ﻣﺼﺒﺮﺓ ﺭﻭﺣﻲ ﻣﻦ ﺍﻟﺨﻮﻑ ﻟﺘﺤﺠﻲ ﻫﻴﺞ
ﺭﺍﻫﺐ،،ﻫﻬﻬﻬﻬﻬﻪ ﺍﻛﻮ ﻭﺣﺪﺓ ﺗﺨﺎﻑ ﻣﻦ ﺣﺒﻴﺒﻬﺎ ﻭﺯﻟﻤﺘﻬﺎ ?
ﺭﺍﻫﺐ،،ﻟﻌﺪ ﺑﻄﻞ ﺗﺤﺠﻲ ﻫﻴﺞ
ﺭﺍﻫﺐ،،ﻣﺎﺿﻞ ﺷﻲ ﻭﺗﻨﻮﺭﻳﻦ ﺑﻴﺘﺞ ﻭﺍﻋﻠﻤﺞ ﻉ ﺍﻻﻧﺤﺮﺍﻑ ﻋﻠﺊ ﺍﺻﻮﻟﻪ ﺍﻟﻪ ﺍﻧﻘﻠﺞ ﺍﻟﻤﻬﻨﻪ ﻭﺍﺧﻠﻲ ﺍﻟﺴﺎﻧﺞ ﻳﻐﺮﺩ ﺟﻤﻞ ﻣﻨﺤﺮﻓﻪ ﻣﻦ ﻛﻴﻔﻪ
ﻻﺭﺍ،،ﺣﺮﻭﺡ ﻭﺍﻟﻠﻪ ﻭﺑﻌﺪﻳﻦ ﻣﺴﺘﺤﻴﻞ ﻳﺼﻴﺮ ﻫﻴﺞ ﺷﻲ
ﺭﺍﻫﺐ،،ﺩﺧﻞ ﺍﺣﻄﺞ ﺑﺤﻀﻨﻲ ﻭﺍﺗﺤﺪﺍﺝ ﻣﺎﺍﺗﻴﻬﻴﻦ ﺭﻭﺣﺞ ﻭﺗﻐﺮﺩﻳﻦ
ﻻﺭﺍ،،ﺍﻭﻙ ﺣﺮﻭﺡ ﻻﻥ ﺍﻧﺘﻪ ﻣﺘﺠﻮﺯ
ﺭﺍﻫﺐ،،ﻫﻬﻬﻬﻬﻬﻬﻪ ﺻﺎﺭ ﺑﻮﻳﻪ ﺳﻜﺘﻨﻪ ﺣﺎﺭﻣﺘﻨﻲ ﺣﺘﺊ ﻣﻦ ﺍﻟﺤﺠﺎﻳﻪ
ﻻﺭﺍ،،ﻧﻬﻴﺖ ﺍﻻﺗﺼﺎﻝ ﻭﺍﻧﻲ ﺻﺢ ﻓﺮﺣﺎﻧﻪ ﺑﺲ ﺍﺭﺟﻒ ﻣﻦ ﺍﻟﺨﻮﻑ ﺑﺴﺒﺐ ﻛﻼﻣﻪ ﻣﻦ ﻫﺴﻪ ﻣﺒﻴﻦ ﻧﺎﻭﻳﻠﻲ ﻣﻮﺧﻮﺵ ﻧﻴﻪ
ﺛﺎﻧﻲ ﻳﻮﻡ ﺍﻟﺼﺒﺢ ﻧﺰﻟﺖ ﺳﻤﻌﺖ ﺍﺑﻮﻱ ﻳﺘﺼﻞ ﻭﻳﺤﺠﻲ ﺑﺨﺼﻮﺹ ﺍﻟﻤﻄﻌﻢ ﻭﻳﻜﻠﻬﻢ ﻟﻴﺶ ﻫﻠﺘﺎﺧﻴﺮ ﺍﻻﻓﻠﻮﺱ ﺟﺎﻫﺰﺓ
ﺑﻌﺪﻫﺎ ﺍﺗﻔﻖ ﻭﻳﻪ ﺍﻟﻄﺮﻑ ﺍﻟﺜﺎﻧﻲ ﺍﻟﻀﻬﺮ ﻳﺴﻠﻢ ﺍﻟﻤﺒﻠﻎ ﻭﻳﺘﻜﺎﺗﺐ ﻉ ﺍﻟﻤﻄﻌﻢ
ﻟﻠﻌﺼﺮ ﮔﺎﻋﺪﺓ ﺍﻧﻲ ﻭﺍﻣﻲ ﻭﺍﺑﻮﻱ ﺑﺎﻟﺼﺎﻟﻪ ﺳﻮﻳﺘﻠﻬﻢ ﺟﺎﻱ ﻭﺟﺒﺘﻪ
ﻭﺍﻫﻨﺎ ﺟﺎﻧﺖ ﺍﻟﺼﺪﻣﻪ ﻣﻦ ﺩﺧﻞ ﺭﺍﻓﺪ ﻭﺭﺍﻩ ﺑﻨﻴﻪ ﻳﻄﻠﻊ ﻋﻤﺮﻫﺎ ﺗﻘﺮﻳﺒﺎ ﺑﮕﺪﻱ ﺷﺎﻳﻠﻪ ﻃﻔﻞ ﺑﻴﺪﻫﺎ
ﺍﻣﻲ ﻭﺍﺑﻮﻱ ﻧﻬﻀﻮ ﻣﻦ ﻣﻜﺎﻧﻬﻢ ﻣﺴﺘﻐﺮﺑﻴﻦ ﻭﺟﻮﺩ ﺍﻟﻀﻴﻔﻪ ﺍﻟﻐﻴﺮ ﻣﻌﺮﻭﻓﻪ ﻣﻨﻮ ﻫﻲ ﻟﺤﺪ ﺍﻻﻥ
ﺍﻡ ﺭﺍﻓﺪ،،ﺧﻴﺮ ﺭﺍﻓﺪ ﻣﻨﻮ ﻫﺎﻱ
ﺭﺍﻓﺪ،،ﻣﺮﺗﻲ ﺳﺠﺊ ﻭﺍﺑﻨﻲ
ﻳﺘﺘﺘﺘﺘﺘﺘﺘﺘﺘﺒﻊ
ﺣﺮﻳﻤﺔ ﺍﺗﻌﻴﺶ ﻭﻳﻪ ﺍﻧﺴﺎﻥ
ﻣﺎﻳﻨﺪﻝ ﺷﻜﻮ ﺑﺮﻭﺣﻚ 💔
،،،،،،،،،،،
ﺭﺍﻫﺐ ﺍﺑﻮ ﻏﻀﺐ
ﺑﻘﻠﻢ ﻋﻠﻲ ﺍﻟﻔﺘﻼﻭﻱ
،،،،،،،،،،،،،
ﻳﺴﻌﺪ ﻣﺴﺎﻛﻢ ﺑﻌﺪ ﺷﻴﺒﻲ
ﺳﻤﻌﺘﻮ ﺍﻟﺴﺎﻟﻔﻪ ﺍﻟﺠﺪﻳﺪﺓ ﻳﻜﻮﻟﻮﻥ ﺭﺍﺡ ﻳﻤﺪﺩﻭﻥ ﺍﻟﺤﻀﺮ 14 ﻳﻮﻡ ﻭﻫﻠﻤﺮﺓ ﺍﻟﺤﻀﺮ ﻣﺘﺸﺪﺩ ﻳﻌﻨﻲ ﻻﻃﻠﻌﻪ ﻭﻻﻣﺸﻴﻪ ﻭﻻﺷﻴﺐ ﺍﻟﺨﻠﻔﻨﻲ
ﻭﻟﻌﻠﻤﻜﻢ ﻣﻦ ﺍﻟﻜﻌﺪﺓ ﺍﺗﻌﻠﻤﺖ ﻛﻠﺸﻲ 😂😜
ﻳﻌﻨﻲ ﺍﻻﺧﺬﻫﺎ ﺍﺩﻟﻠﻬﺎ ﻭﺍﺷﻴﻞ ﻧﻮﺑﻪ ﻭﻳﺎﻫﺎ ﻫﻢ 😂😂😂😂
ﻣﻮﻳﻜﻮﻟﻮﻥ ﺍﻟﺤﻴﺎﺓ ﺍﻟﺰﻭﺟﻴﺔ ﻣﺴﺎﻋﺪﺓ ﺗﺮﺓ ﻫﺬﺍ ﻏﺼﺪﻱ 😂😜
ﻫﻲ ﻭﻳﻨﻬﺎ ﻧﺼﻲ ﺍﻟﺜﺎﻧﻲ ﻋﻤﻲ ﺗﻌﺎﻱ ﺣﺘﺊ ﻟﻮ ﺭﺑﻊ ﻣﻮﻧﺺ ﺍﻟﻤﻬﻢ ﺍﻛﻤﻞ ﺩﻳﻨﻲ ﻗﺒﻞ ﻣﺎﺍﻃﮕﻨﻲ ﻛﻮﺭﻭﻧﺎ ﻭﺍﻣﻮﺕ
ﻭﺍﺭﻭﺡ ﻻﺣﺴﺎﺏ ﻭﻻﻋﻘﺎﺏ ﻣﻦ ﺍﻳﺪ ﻭﺭﺟﻞ ﻭﺑﺠﻼﻕ ﺑﻮﺟﻬﻲ ﺍﻟﺠﻬﻨﻢ 😂😂
ﻻﺭﺍ،،ﺍﺑﻮﻱ ﮔﻌﺪ ﻉ ﺍﻟﻘﻨﻔﻪ ﻣﺎﻣﺼﺪﮒ ﺍﻟﺠﺎﻱ ﻳﺴﻤﻌﻪ ﻭﺍﻣﻲ ﺷﻬﮕﺖ ﻭﻟﻄﻤﺖ ﻋﻠﺊ ﺻﺪﺭﻫﺎ
ﺳﻌﺎﺩ،،ﮔﺘﻠﻲ ﻣﻨﻮﻭ ??
ﺭﺍﻓﺪ،،ﻣﺮﺗﻲ ﻳﻤﻪ
ﺍﻡ ﺭﺍﻓﺪ،،ﻭﻭﻭﻏﻤﻪ ﺍﻟﻐﻤﺘﻚ ﻭﻏﻤﺘﻬﺎﺍﺍﺍ ﻭﺑﻜﻞ ﻋﻴﻴﻴﻦ ﺻﻠﻔﻪ ﺟﺎﺍﺍﻳﺒﻬﺎ ﻭﺟﺎﺍﺍﻱ ﻭﻟﻠﻚ ﻣﻦ ﺷﻮﻛﺖ ﻣﺎﺧﺬﻫﺎﺍﺍﺍ ?
ﻻﺭﺍ،،ﺍﺑﺎﻭﻉ ﻟﻠﺒﻨﻴﻪ ﺑﺼﺪﻣﻪ ﻣﺎﻣﺼﺪﻛﻪ ﺍﺧﻮﻱ ﻣﺘﺰﻭﺝ ﺑﺪﻭﻥ ﻋﻠﻢ ﺍﻫﻠﻲ ﺍﻟﺒﻨﻴﻪ ﻣﻦ ﺷﺎﻓﺖ ﺍﻣﻲ ﻭﺻﺮﻳﺨﻬﺎ ﺧﺘﻠﺖ ﻣﻦ ﺧﻮﻓﻬﺎ ﺑﻀﻬﺮ ﺭﺍﻓﺪ ﻻﺯﻣﺘﻪ ﻣﻦ ﻗﻤﻴﺼﻪ ﻭﻣﺒﻴﻨﻪ ﺗﺮﺟﻒ ﺑﺼﻮﺭﺓ ﻣﻮﻃﺒﻴﻌﻴﻪ
ﺭﺍﻓﺪ،،ﺍﺍﺍﻧﺘﻢ ﺍﻟﻮﺻﻠﺘﻮﺗﻲ ﺍﻟﻬﺎﺍﺍﻱ ﺍﻟﻤﺮﺣﻠﻪ ﺳﻨﻨﺘﻴﻦ ﻭﺍﻧﻲ ﺍﺗﻮﺳﻞ ﺑﻴﻜﻢ ﻭﺍﮔﻮﻝ ﺍﻫﻠﻲ ﺭﺿﺎﻫﻢ ﻣﻦ ﺭﺿﺎﺍﺍ ﺍﻟﻠﻪ
ﻛﺎﺍﺍﻓﻲ ﺷﻨﻮﻭ ﻣﻦ ﺑﺸﺮﺭ ﺍﻧﺘﻮ ﻫﻤﻜﻢ ﺍﻟﻤﺼﺎﻟﺢ ﻭﺍﻟﻔﻠﻮﻭﻭﺱ ﻭﺑﺲ ﻋﺪﻛﻢ ﺍﻟﻔﻘﻴﺮ ﺗﺘﻨﮕﺴﻮﻥ ﻣﻨﻪ
ﺍﻟﻠﻠﻪ ﺧﻠﻘﻪ ﻓﻘﻴﺮﺭﺭ ﺍﻟﻠﻪ ﺳﻮﺍﻩ ﻓﻘﻴﺮ ﻛﻔﺮﺭﺭﺭ ﺧﻮﻣﺎﺍﺍﻛﻔﺮ
ﻣﻦ ﺯﻏﺮﺭﻱ ﻭﺍﻧﻲ ﺍﺷﻮﻑ ﺟﺸﻌﻜﻢ ﻭﻃﻤﻌﻜﻢ ﺍﺷﻠﻮﻥ ﻋﺎﻣﻴﻜﻢ ﺩﻣﺮﺗﻮ ﻋﺎﺍﺍﺋﻠﻪ ﻛﺎﻣﻠﻪ ﺑﺴﺒﺐ ﻋﻴﻨﻜﻢ ﺍﻟﻔﺎﺭﻏﻪ
ﻻﺭﺍ،،ﻓﺘﺢ ﺍﺩﻱ ﺍﺛﻨﻴﻨﻬﻦ ﻭﺍﺷﺮﻟﻬﻢ ﻉ ﺍﻟﺒﻴﺖ
ﺭﺍﻓﺪ،،ﻛﻠﻠﻠﻞ ﻫﺬﺍﺍﺍ ﺍﻟﺨﻴﺮ ﺍﻟﻤﻦ ??
ﺑﻔﻀﻠﻠﻞ ﻣﻨﻮﻭﻭﻭ ?
ﺍﺣﺠﻮﻭﻭ ﻟﻴﺶ ﺳﺎﻛﺘﻴﻦ
ﻋﺸﺸﺖ ﻋﻤﺮﻱ ﻭﺍﻧﻲ ﻳﻮﻣﻴﻪ ﺍﺫﻛﺮ ﺍﺷﻠﻮﻥ ﻧﺼﺒﺘﻮ ﻋﻠﺊ ﻋﻤﻲ ﻭﺧﺬﺗﻮ ﺍﻓﻠﻮﺳﻪ ﻭﺍﻧﻬﺰﻣﺘﻮ
ﺟﻨﺖ ﻃﻔﻞ ﺑﺲ ﻛﺎﺭﻫﻜﻢ ﻭﻣﺎﺑﻴﺪﻱ ﺷﻲ
ﻳﻮﻭﻣﻴﻪ ﺍﺭﻳﺪ ﺍﻧﻬﺰﻡ ﻭﺍﻫﺞ ﻣﻦ ﺍﻟﺤﺮﺍﻡ ﺍﻟﻮﻛﻠﺘﻮ ﺍﻟﻨﻪ ﺍﻟﺘﺮﺱ ﺍﺑﻄﻮﻧﻪ ﺗﺮﺱ ﻟﻤﻦ ﺷﺒﻌﻨﻪ ﻣﻦ ﺍﻟﺤﺮﺍﻡ ﺷﺒﻌﻨﻪ ﺑﺎﺍﻣﻮﺍﻝ ﻳﺘﺎﻣﻪ ﺍﺍﺍﻧﺘﻢ ﺍﻟﺴﺒﺐ ﺑﻴﺘﻤﻬﻢ
ﻟﻬﻨﺎﺍﺍ ﻭﺑﺲ ﻣﺎﺍﺟﻴﺖ ﺍﺧﺬ ﺭﺍﻳﻜﻢ ﺑﺰﻭﺍﺟﻲ ﻻﻥ ﻣﻮﺍﻓﻘﺘﻜﻢ ﻭﻋﺪﻣﻬﺎ ﻣﺎﺗﻔﺮﻕ ﻋﻨﺪﻱ
ﺣﺎﻭﻟﺖ ﻭﻳﺎﻛﻢ ﺳﻨﺘﻴﻦ ﻭﻣﺎﺍﻗﺘﻨﻌﺘﻮ ﻟﺬﺍﻟﻚ ﺑﻌﺪ ﻣﺤﺪ ﺍﻟﻪ ﻋﺘﺐ ﻳﻤﻲ
ﻛﺎﻓﻲ ﻟﻌﺒﺖ ﻧﻔﺴﻲ ﻣﻦ ﺍﻟﺤﺮﺍﻡ ﺍﺭﻳﺪ ﺍﻭﻛﻞ ﻋﺎﺋﻠﺘﻲ ﻟﮕﻤﻪ ﺣﻼﻝ ﻣﻦ ﺗﻌﺒﻲ
ﺍﻡ ﺭﺍﻓﺪ،،ﻭﻟﻠﻠﻠﻚ ﻟﻴﺶ ﻫﻴﻴﻴﺞ ﻳﻤﻪ ﻟﻴﻴﺴﺶ ﺧﺬﺕ ﻫﺎﻱ ﺍﻟﺤﻘﻴﺮﺭﺭﺓ ﺍﻛﻴﺪ
ﺍﻛﻴﻴﻴﺪ ﻣﺴﻮﺍﻳﺘﻠﻚ ﺳﺤﺮ ﻋﻤﻴﺎﺗﻚ ﺑﺴﺤﺮﻫﻦ
ﺭﺍﻓﺪ،،ﻫﺬﺫﺍﺍﺍ ﺣﺪﺝ ﻳﻤﻪ ﻣﺎﻣﺴﻤﻮﺣﻠﺞ ﺗﺘﺠﺎﻭﺯﻳﻦ ﻋﻠﻴﻬﺎ ﺍﻛﺜﺮ ﺣﺘﺊ ﻟﻮ ﺟﻨﺘﻲ ﺍﻣﻲ
ﺍﻟﺘﺤﺠﻴﻦ ﻋﻠﻴﻬﺎ ﻫﻲ ﺍﻟﺠﺎﺑﺘﻨﻲ ﻟﻬﻨﺎ ﻳﻮﻣﻴﻪ ﺗﺘﻮﺳﻞ ﺍﺟﻴﺒﻬﺎ ﺗﺒﻮﺱ ﺍﻳﺪﺝ ﻭﺗﺨﺪﻣﺞ
