بعد ما خلصنه حجي اني وكرار رحت فتحت باب مال غرفة و تلكاني علي كلي
علي هاا ويامن تحجين
ماريا وانت شدخلك ويامن احجي
جرني من شعري و كلي
علي احترمي نفسج لا والله اكص لسانج
ماريا ( بصياح ): ووخررر وانت شعلييك بيهه
علي لا تعلييين صووتج عليهه فهمتيي
ماريا اعلي و بكيييفيي
جرني من شعريي حييل حتى شعري تكطع
علي شووفيي اذاا مرة ثانية عليتي صوتج علية ما تلومين إلى نفسج
ماريا هههههه ما اعلي صوتي على واحد أصغر مني بسنه
علي شووفيي ترا اني الي مسول عليج واحترميني لا هسة تشوفين شر بعينج
ماريا ديلا شوفني شراح تسوي
جرني من شعري و موتني تموت حتى جسمي انخدر من ورة كتل و اجه بابا ضل يشمت بيه يكول حيييل عساج الموت شحال لو رجلج يكتلج هيج لان ما توبين من سوالفج تعلين صوتج على اخوج حقة يكتلج
ماريا وتبجي انتم مو اهلي انتم عدوانيين الي الله ياخذكم انشالله
علي دنجبي لا تدعين علينه الله ياخذج انتي
أبو ماريا ولا ونوب تدعي علينه
علي هسة اشبعها كتل علمود بعد ما ترفعين صوتج علي
ماريا عوووفني حيوان حقيير لو رجال انت جان ما مديت ايدك علية
علي رجال و غصبن ما عليج فاهمة
ماريا هو انت يا رجال بعد زعطوط و تضرب اختك الي اكبر منك بسنه
أبو ماريا انجبيي لج احترمي نفسج هو رجال غصبن ما عليج
ماريا أي رجال ما يسوي هيج و بعدين انت أصغر مني بسنه شعلييك بيه تتحكم
علي اتحكم و بكيفي واني مسول عليج فتهمتي
اجت ماما و كالت
ام ماريا ها شكو شصاير
أبو ماريا تعااي شوفي بنتج تعلي صوتها على اخوها الاصغر منها
ام ماريا ولجج انتي ما توبين من سوالفج ليش تعلين صوتج على اخوج صغير
ماريا هاا يعني اني غلطانه وعلي صح
أبو ماريا أي انتي غلطانه و اخوج الصح
ام ماريا طبعا انتي الغلطانه وهو صح
ماريا الله لا يعوزني الكم و لا يعوزني بلمجتمع الفاشل الي دمر حياتكم
علي ديلا لا عاد تلحين على الحجي وكولي منو هاذ الي جنتي تحجين وياه
أبو ماريا منو الي تحجي وياه
علي سمعتها تحجي ويه واحد مدري منو
أبو ماريا وللجج منوو هااذ
ماريا بابا والله كاعد احجي ويه كرار
أبو ماريا وشتحجين وياه
ماريا ما حجيت شي بس طمنت عنه
أبو ماريا شوفي الموبايل ينسحب من عندج
ماريا لييش ينسحب لا اني اريدة موبايلي ما انطيكم يااه
علي غصبن ما عليج ينسحب
ماريا زين ليش ينسحب
أبو ماريا علمود ماكو حجي ويه صديقاتج او حتى اخوانج لان انتي تاليتها راح تزوجين و تعيشين يم رجلج"
ماري شنووو و حتى هاي حرمتوني منها ما خليتو شي ما حرمتوني والله يعلم بعد شراح تحرموني
علي أي لان انتي أول و تاليتها يم رجلج واحنا هنا بعد ماكو موبايلات فتهمتي روحي يم رجلج هو يشتريلج موبايل
ماريا لا هاي جديدة وهو شنوو ماكو موبايلات غصبن عليكم ما تسحبونه مني
أبو ماري انجبي وجيبي موبايلج اضمه عندي
ماريا لا ماكو ما انطيك ياه
أبو ماريا و ترادديني و ضربها راجدي 👏
ماريا تبجي ولو اموت ما انطيكم موبايلي
علي هاا أخاف عندج شي و تخافين نفتش موبايلج
ماريا لا ماعندي شي بس موبايلي اريدة ما انطيكم ياه
أبو ماريا دجيبي وبلا ما تتراددين
علي سحب مني تلفون بلكوة و اخذو واني رحت للغرفتي ابجي و دموعي غركن من بجي وبعدها مادري بروحي غفيت و كعدت ثاني يوم الصبح و رحت نزلت جوة تلكتني ماما كلتلي رتاحيتي سحبو منج الموبايل اني كتلها ماما مالي خلك عوفيني لخاطر ربج وبعدين كالت أي ولسانج طويل يرادله كص و بعدها صعدت فووك بغرفتي لان ماريد اشوف واحد من اهلي و سمعت اجه حسن كلت بكلبي الله ياخذك
حسن ها يمه الله يساعدج
ام ماريا و يساعدك ابني شلونك
حسن حمدالله علي وبابا وين
ام ماريا طالعين للشغل
حسن اهاا و ست حسن وين
ماريا اجيت بدرج دانزل و سمعته يقصد عني نزلت بسرعه و كلت ها شتريد
حسن لا هلا و فوكاها لسانج طويل احجي عدل لا اكص لسانج
ماريا كيفي ما احجي عدل شراح تسوي برا خوفتني
حسن اشو تعاي انتي ما تحترميني ترا اشك حلكج والله
ماريا أي ديلا تعال اذا انت تكدر تشك حلكي
اجه حسن و جرني من شعري و كلي
حسن شنوو كلتي صايرة ام لسان طويل احترميني ترا اني اخوج جبير
ماريا هههه اخوي جبير دروح حتى كرار احسن منكم انتم ولا بيكم خير
جرني من شعري و كطعني تكطع و ضل يكتل بيه و امي واكفه ساكته ما تسوي شي و كالت
ام ماريا هاي من سوالفج يكتلج والله حقهم اخوانج يكتلوج تستاهلين ما تحترمين حتى اخوج جبير
حسن لا لا اني ائدبها خلي تعرف ويامن تحجي
ماريا أي اني ماحترمكم مدام ما تحترموني اني هم ما احترمكم لان انتم متخلفين و ما تستاهلون واحد يحترمكم
حسن دنجبييي لج غصبن عليج تحترمينه يا ساقطة
ماريا منو غيركم الساقطين و بعدين اني مو ساقطه مثلكم يا جذاب
حسن ساقطة و عاار هم
اجه بابا و علي سمعو صوتنه اني وحسن اجو وكالو هاا خير شكو اصواتكم واصل بلشارع
حسن تعاالوو شوفو العار الساقطة لسانها طويل عليه و تصيح عليه
أبو ماريا وللججج انتي إلى متى توبين هااا
علي لا بابا هاي كلش ولا توب إلى بلكتل يلا تتعدل
ماريا كلكم اجذاب و حقراء و خلي يفيدكم المجتمعكم الفاشل هو دمر كلشي بحياتنه
حسن انجبيي صايرة عاار و ساقطة و لسانج يرادله كص
ماريا انجبب انت يا حقييير
أبو ماريا ركعها راجدي 👏 و جرها من شعرها و كلها اذا ما تحترمين نفسج تشوفين شي ميعجبج يا ساقطة
ماريا ديلا شوفني اني لا خايفه منكم ولا شي شما تسوون سوو
أبو ماريا اهاا يعني تريدينه نحبسج بلغرفتج موو تعااي بنت كلب
اخذ ماريا و راح لغرفتها حبسها و كلها ما طلعين لحد ما تزوجين فاهمة
ماريا تحلمووون ازووج واحد متخلف
أبو ماريا تزوجينه و غصبن عنج وهاي غرفتج تنجبين بيها ماكو لا اكل و لا شرب الج
وطلع و سد باب عليها و ماريا تبجي و تصيح و تكول الله ياخذكم يا جذااب
وبعدين صار ليل متت من جووع و عطش و ما سمعت اله انفتح الباب و طلعت ماما جايبتلي اكل و كلتلي ادري بيج جوعانه هاج هاذ اكل و ماي و كتلها ماما عفية طلعيني منا اريد اشرد
ام ماريا انتي من كل عقلج تشردين واللة اذا درة بيج ابوج تشردين غير ما يذبحج و يدفنج جوة كااع
ماريا ماما بس بعد ما أتحمل ضلمتوني و شبعتوني كتل وحرمتوني من كلشي و بعد شتردوون مني تردوني اموت يلا ترتاحون
ام ماريا سكتي لا يسمعج ابوج ويجي يموتج
ماريا وخلي يسمع شحجيت اني قابل و بعدين انتي صيري وياهم دافعيلهم
ام ماريا انجبي لسانج كصي
ماريا و فوكاتها لساني اكصة كلي لاولادج خلي يكصون لسانهم و يحترمون نفسهم احسللهم
ام ماريا بلا حجي زايد عاد ويلا اني رايحه اذا حتاجيتي شي صيحيلي
وراحت ماما ضليت اكل لحد ما خلصت و كملت رحت نمت و ذكرت كرار اخوي شلون راح احجي وياه و هو اصلا بابا ميخلي يجي بعد لبيتنه لان ضرب علي و تعاركوو اوووف ماريا شلون بييج تاليتها راح تزوجين واحد متخلف و هم مرة ثانيه انضلم اني لازم انتحر يلا ارتاح منهم كلهم و بعدين نمت و كعدتني ماما على ريوك كلتلي يلا كومي تريكي كعدت كتلها اريد اروح لحمام اغسل وجهي كلتلي أي اجي وياج كتلها قابل ماراح اشرد لا تخافين كلتلي أي ادري ماراح تشردين بس اذا شافج ابوج وحدج رايحه لحمام يعتب علية لان مارحت وياج للحمام كتلها ديلا هسة اريد اروح راحت وياي ماما لحمام و غسلت وجهي و رجعت بغرفتي و طتني ريوك تريكت و رحت افكر بكرار كلت هسة شي اكيد هو سائل علي و بعدين سمعت صوت كرار جاي و نوب دكيت باب مال غرفة و صحت كرااااار تعااال هاي انيي تعاال الحكنييي سمع صوتي وصعد فووك و كلي ماريا وينج واجه علي كال
علي ممنوع طب بغرفتها
كرار وانت شعليك اني اريد اطب بغرفتها
علي لا احنا حبسناها و بابا ميقبل طب بغرفتها
كرار لا والله وخرررر منااا اريد اطببب
وبعدين طب علية كرار بلغرفه رحت شبكته وكتله كرار عفية خلصني من هذول وحوش كلي
كرار لا تخافين هسة اخذج وياي
وسمع بابا و كال لاا ما تاخذها وياك
كرار غصبن عنكم اخذها وشما يصير يصير
أبو ماريا لا ما تاخذها يعني ما تاخذها لحد ما يصير عرسها يلا تروح يم رجلها
كرار لا ماكو هيج حجي شنو البنيه ضالمينها و ما مسويه شي و تحبسونها
علي أي ما مسويه شي لعد لسانها طويل على اخوها جبير حسن ما تحترمه شنو ما مسويه شي
كرار أنجب انت مالك شغل جم مرة كتلك مالك علاقه باختك الجبيرة
علي لعد اني مو مسول عليها شنو مالي شغل
أبو ماريا بلا حجي زايد و يلا كرار اطلع من بيتنه و خلي ماريا هنا محبوسه
كرار لا ما اطلع اذا ما اخذها
علي ما تاخذها هسة شيحجون علينه عالم بنتهم طالعة من بيت اهلها و راح تزوج
ماريا ما يهمكم غير حجي عالم اهمشي شرفكم و عرضكم موو
أبو ماريا واهم منج بزايد احنا اهمشي شرفنا و عرضنه
كرار أي مبين من مجتمعكم الفاشل
أبو ماريا انت مالك دخل و يلا اطلع برا
كرار لا ما اطلع شنو هاي طردة
علي أي طردة واذا ما تطلع
كرار و اذا اطلع شتسوي هااا
علي اذا ما تطلع تشوف شي ميعجبك
كرار ديلا شوفني
علي كض كرار و ركعه بوكسي و كرار ضرب علي بخشمه وخشمه ضل يصب دم وضلو واحد يكتل ثاني و أبو ماريا يوخرهم عن بعض و ماريا خايفه على كرار و ام ماريا تبجي و تلطم و تكول لماريا كلى منج انتي انتي السبب و بعدين أبو ماريا وخرهم بلكوة و كرار على وجه اثار و علي خشمه يصب دم و اثار بوجه مشرمخ و بعدين طلع أبو ماريا كرار من البيت و راح جر شعر ماريا و كلها كلى بسببج ضلو يتعاركون همزين ما موت علي
ماريا عساه انشالله سبع موتات اله
و أبو ماريا كلها انجبي انشالله الج السبع موتات و جرها و كتلها شبعها كتل و ضهرها صار اثار و ووجها خريطه و جسمها كلى يوجعها و دخلها بغرفتها و قفل الباب عليها و ماريا ضلت تبجي و تكول الله ياخذكم كلكم يا حقراااء و صار يوم جمعه و ام ماريا خذت ماريا للصالون و لبست بدلة ماريا و تمكيجت و بعدها العرس بلقاعة اجو بنات عمها و بنات خالها و و صارت الحفلة و باركولها بس هي ما حستهم انو هي ما تريد تزوج و خذوهم للفندق و كعدو بليله فندق هي و زياد و بعدها زياد كلها هاا ماريا اشو مو فرحانه
ماريا طبعا مو فرحانه اذا اني ما رايدتك شلون افرح بيك و اعيش وياك نفس اوادم
زياد شووفي عاد مو أول يوم و تسوين مشاكل
ماريا لا ما اسوي بس انت الي تسوي مشاكل مو اني واني اصلا لا احبك ولا شي اهلي زوجوني بغصب مو اني
زياد هه علساس اني ميت عليج
ماريا ولا اني ميته عليك
جرني من شعري وكلي شووفي مارياا اذا ما احترمتيي نفسج تشوفين شي ميعجبج فااهمة
مارياا لا ما فاهمة وانت احترم نفسك احسلك
جرني حييل و بعدين شبعني كتل أول يوم بعرسنه هاي و موتني تموت بينما جسمي انخدر يعني بعد ما أتحمل راح امووت وبعدين هو ولا هامة راح نام بلجربايه و اني ضليت ابجي و أون و كوة نمت بلكاع كعدني زياد دفرني دفرة وكلي يلااا كووميي بعدج نايمة اني كتله
ماريا شبيييك تدفر هيج حتى خدامات مو هيج يسوون كلي يلاا كومي راح يجون اهلي ياخذونه للبيت كوومي حضري نفسج وكاافي نوم
ماريا واني كايمه ضهريي يوجعني كلش ماكدر اكووم وبعدين سيطرت على نفسي وكمت بدلت و اجو اهلة اخذونه من فندق و رحنة لبيتهم الجبير مو بيت قصر حلوو همة اغنياء بيت عمي رحنا طبينه للبيت و ضلو النسوان يهلهلن و رجال يهوسون وراسي كام يوجعني كلت ما شايفين اول مرة يشوفون اولادهم يزوجون وبعدين رحنه للغرفه و كعدت بدلت و لبست تراك وردي شافني زياد كلي شنوو هاي شلابسة كتله شنو يعني شلابسة كال رووحي غيريهن لبسي دشداشه ما طلعين هيج اذا ما تلبسين دشداشه كتله و شنو هلعقد ما لابسه شي قابل اني لبسي مستور و بعدين ما حسيت غير ضربني راجدي و موتني تموت وكال اذا ما تلبسين دشداشه ما تلومين اله نفسج روحي لبسيلج دشداشه احسلج و بعدين رحت اني ودموعي تصب لبست دشداشه مال معدان واني اضوج من دشاديش بس كلت الله يصبرني اله و بعدين نزلت يم عمتي الي هي ام زياد و بنات عمي الي هنة خوات زياد هنة طيبات وياي كعدنه سولفنه سوينه غدة اجو كعدو كلهم بطاوله واني كعدت اجة زياد كلي روحي اشتغلي انتي وأم زياد كالت شلسالفه زياد هاي مرتك ترا كال لا اني زوجتها علمود تصير خدامه الي و أبو زياد كال شنو خدامه زياد على كيفك
زياد أي خدامه هي لعد المن دفعنه 50 مليون أبو زياد كال شتحجي انت مو بكيفك تقرر احنا نقرر
زياد لا بعد ماكو انتم تتقررون اني أقرر واني اتحكم بيها
ام زياد بس هيج ما يصير ابني لازم انت و مرتك تعيشون عيشة حلوة مو تكبون مشاكل بيناتكم
ماريا عمي اني راح اصعد فوك
أبو زياد ها بنتي وين رايحه تعاي تغدي
ماريا لا عمي شبعت
زياد خليها طبها مرض
أبو زياد زيااااد احترم نفسك
ماريا لا عمي خلي هو يحجي من كيفه
زياد شنوو كلتي ولجج
ماريا مثل ما سمعت
اجه كضني من شعري و لكفني راجدي 👏
زياد شووفي اذا ما احترمتيي نفسج اطيح حضج
ماريا تبجي وخررر عني والله بعد ما استحملك شلون اعيش وياك اني
ام ماريا اهدوو شوي على كيفكم ترا انتم توكم معرسين
زياد لا يمه هاي جنتج مبينه ما تحترم نفسه لسانها طوويل
ماريا انت ما تحترم نفسك يا حقييير
زياد اني حقيير تعاي اراويج منو الحقيير
اجه كضني من شعري و صعدني فوك و اجو وراه أبو زياد وأم زياد و يتمسكون بيه بس هو ضل يكتل بيه شلون بشر من يكتل الحيوان هو هيج اجو وضلو يدفعونه بس هو ولا هامة ضل يكتل بيه شبعني كتل و ضلم بس اني كلت راح انتهي اني
لهنا و يخلص البارت طبعا هاذ بارت طوييل تعبت علية و كتبولي بتعليقات شراح تتوقعون ماريا تطلك من زياد أو تبقى عايشة بضلم وياه و لا تنسون اهمشي تصوتولي و دعموني علمود إنزل باقرب وقت البارت السابع احبكم جااو❤️😘😍
