أبو ماريا شوفي يا اما تزوجينه يا اما نكتلج و نخلص منج يعني تموتين
ماريا و دموع تجري موتوني بس ماريد أعيش ويه هاذ المتخلف
كرار انتي مسودنه شلوون يموتونج بابا ماريا ما تريد تزوج ليش بغصب تريدون تزوجونها
أبو ماريا انت مالك شغل بنتي و بكيفي اريد ازوجها وهي مو تريد تخلص من عدنه ختزوج
ماريا اني مارييد ازوج ليش مدى تفهموني
علي غصبن ما عليج تزوجينه لو تزوجينه لو نخلص من عندج
كرار شوف انت مالك شغل انت اخوها صغير و مو من حقك تدخل بيها
حسن شوف كرار انت روح مالك شغل احنا اخوانها و احنا نتحكم بيها
كرار لا ما اروح اله ما تزوجونها لابن عمي
أبو ماريا شوف كرار اذا ما تروح اكتل ماريا كدامك اموتها
ماريا تبجي كرار عفية ماريدك تروح
كرار شوفو اني عندي شرط الكم اذا تريدون تزوجونها وابن عمي رايدها بحلال لازم هو يدفع 50 مليون ما يدفع ما يزوجها
أبو ماريا بكيفك انت مو من حقك تشرط على هيج شرط هاذ ابن عمك شلون تريدة يدفع 50 مليون
كرار مثل ما كلت هاذ هو شرطي مدام تريدون تزوجونها لهاذ المتخلف
ماريا تبجي بس كرار عفية ماريد ازوجه والله اكرها
أبو ماري كيفج انتي تزوجينه غصبن ما علييج فهمتي و مثل ما كال كرار شروطه احنا موافقين
كرار اهاا يعني موافقين شروطي
أبو ماري أي موافقين
كرار أوك هسة يمتى الخطوبه
أبو ماري اليوم راح يصير الخطوبه
كرار أوك خابر عمي كلى خلي يدفع 50 مليون
أبو ماريا ماشي خابر أبو ماري اخو
أبو ماري السلام عليكم أبو زياد
أبو زياد و عليكم سلام اخويه شلونك
أبو ماري الحمدالله اكلك أبو زياد انت مو طلبت ايد بنتي لابنك
أبو زياد أي اخويه ها وافقت بنتك تزوج لابني
أبو ماريا أي وافقت بس احنا عدنه شروط
أبو زياد من عيوني كول شنو شرطكم
أبو ماريا شرطنه انو تدفعون 50 مليون
أبو زياد حااضر من عيوني ثنين و هسة احنا راح نجي نخطب بنتك و نطيكم 50 مليون
أبو ماريا والله ما قصرت اخويه براحتكم يمتى ما تجون تخطبون بنتي البيت بيتكم
أبو زياد يلا مع سلامه الخطوبه راح تصير العصر الساعه ب5 و ضبط
أبو ماريا ماشي تمام احنا راح نحضر كلشي
أبو زياد يلا مع سلامه
أبو ماريا الله وياك اخويه
كرار ها وافقت عمي
أبو ماريا أي وافق وكال الخطوبه الساعه ب5 و ضبط
ماريا شنووو
أبو ماريا مثل ما سمعتي
ماريا 😭
أبو ماريا يلا روحي حضري خلي امج توديج للصالون و تشتريلج بدله مال خطوبه
ام ماريا حاضر يلا تعاي بنتي ماري روحي بدلي علمود نروح للصالون
ماريا أوك😔
رحت و اني دموعي بخدي لبست جبه و شال و نزلت ماما خذتني للصالون سوتلي مكياج و شعري
و شترتلي بدله مال خطوبه واني بعدني ابجي وعيوني حمر رحت للبيت اجن بنات خالي و بنات عمي نضفن البيت و اني كاعدة بغرفه و ماما تسكت بيه انو ما ابجي و اجو عمامي سوو كعدة عشاير علمود عمي يدفع 50 مليون و بابا خذة 50 مليون من عمي و اجه شيخ عقدنه اني و ابن عمي اسمه زياد راح اعرفكم عليه
هلاوو اني اسمي زياد عمري 25 سنه اني ابوي قنعني ازوج بنت عمي الي هي اسمها ماريا طبعا عمي شرط على ابوي ندفع 50 مليون بس اني ما قبلت لان ردتها بلحلال بس ابوي كال ميخالف احنا اغنياء و عدنه فلوس كومه وبيتنه جبير وحمدالله شكر و هسة نرجع لماريا
ماريا جنت متوترة و كوة اتمسك بروحي أخاف تنزل دمعه من عيني واجه شيخ عقدنه وتم كلشي
و بعدها تفقو على موعد العرس يوم الجمعه و خذونه للتصوير كصونه صور و رجعنه بيتنه و تم كلشي واني خايفه متوترة كلش لان انخطبت زياد هو كولش معقد و متخلف واني اكرها و بعدها نمت بغرفتي و كعدت الصبح نزلت لكيت بس امي كاعدة تسوي ريوك كتلها صباح خير
ام ماري صباح نور بنتي
ماريا جا وينهم بابا و علي
ام ماريا راحو بيت عمج
ماريا اهاا
ام ماريا شبيج ضابجه بنتي
ماريا زوجتوني لهاذ معقد واني ماريدة شلون مو ضايجه
ام ماريا بس هو يناسبج والمفروض تفرحين بي و بعدين هاي حياة كل بنيه تزوج لابن عمها مو بس انتي
ماريا أي بس اني ماريدة ازوجه بس انتم زوجتوني بغصب
ام ماريا ابوج الي زوجج بغصب بعدين حمدي الله و شكري زين ما كتلوج و ضحيتي بحياتج واخوج كرار دافعلج و انطى شروط لعمج
ماريا أي بس انتم الي زوجتوني بغصب واني ابد ما ردت هلشي كلى منكم راح ادمر حياتي وادمر مستقبلي و صعدت ليفوك ضليت ابجي لحد ما غفيت و كعدت ب 12 ضهر لكيت صديقتي متصلة علي خابرتها و كتلها
هلااو فرح شلونج
فرح هلاوات يعمري تمام بس انتي اشو صوتج متغير شبيج
ماريا ضليت ابجي و اسولفلها
فرح بصدمه شنووو زوجوج لواحد متخلف 😳
ماريا وهي ميته بجي أي فرح شسوي اريد اتخلص منه ماريد ازوج واني اتمنى ارجع لدراستي والله مليت
فرح اهدي حبيبتي لا تخافين المهم ما كتلوج اهلج
ماريا يا ما كتلوني دمرو حياتي و مستقبلي هسة كليلي شسوي اريد انتحر و اخلص من عيشة العايشتها
فرح اسم الله عليج لا تكولين هيج اني وياج وراح ادافعلج وانتي صديقتي واختي هم
ماريا والله انتي اعز صديقه واخت بدنيه وما قصرتي وياي
فرح لا هاذ واجبي يلا حبي لا تبجين وانشالله يصير خير
ماريا مين يجي خير وهو اني راح ازوج ابن عمي المكروه شخصيته مدري شلونه
فرح اووف قهرتيني 😔
ضلينه نسولف لحد ما ماما صاحتلي كلتلي راح يجي خطيبج و اهله حضري نفسج
كلت بكلبي لا هلا وكتهم يجون رحت سبحت و لبست بنطرون كابوي و بدي طويل اسود ولفيت شعري كبة و حطيت شال على راسي لان هم يجون اخوانه واخوي علي يخبص دنيه فوك راسي لان ما لبست حجاب كدامهم فاجو و ماما صاحتلي كلتلي روحي ضيفيهم كتلها أوك رحت سويت
كهوة و طيتهم و اجيت طيت لزياد اشرلي بعينه عودك شعري طالع نص و كلت اووف و رحت عدلته و اجيت كعدت يمهم صاحلي زياد
زياد مارياا تعاي احجي وياج فوك بغرفه
ام ماريا أي براحتكم روحو سولفو فوك
رحت ويه زياد فوك بغرفه و زياد سد باب و ما احس إلى ضربني راجدي 👏
لجج ليش شعرج طالع نص منه اني مو كتلج عدلي
ماريا والله عدلته وبعدين انت على أي أساس تضربني راجدي هاا
زياد اضربج لان انتي راح تصيرين مرتي فاهمه
ماريا بس حتى بعدنه ما زوجنه ختر تضربني راجدي
جرني من شالي و شبعني كتل بينما جسمي يوجعني و كلي اششش بدون حجي اذا كلتي لاهلج ما تلومين إلى نفسج فهمتي
ماريا هي تبجي إلى اكللهم على سوالفك هاي اخليهم يطلكوني منك
زياد ههههههه اصلا عادي كليلهم ميصدكوج شما يعجبني اسوي بيج اسوي
ماريا الله لا يعوزني الك كلى من ورة اهلي زوجوني الك بغصب
زياد اصلا تستاهلين هاي بدال ما تشكرين لاهلج تسبين بيهم
ماريا اطلع برااا ماريد اشووفك اطلععع
زياد طالع بس من تجين لبيتنه اني اعلمج
ماريا اطلععع برااا
طلع زياد و اني بقيت ابجي وعيوني صارن حمر من بجي
يتبع..............
