ماريا وهي تبجي : بعد ماريد اروح للبيت هذاك الي اندمرت بي😭
كرار : الله كريم ماريا انشالله
ماريا : والله تعبت كرار بعد ما أتحمل لازم ابقى يمك لان بس انت سندي محد من اخواني سندي بس انت
كرار : يلا حبيبتي لا تبجين انشالله اطلعج واخذج وياي
ماريا : اوك
طلعنه اني وكرار من مستشفى و بعدين رحت بلبيت كرار لان راح ابقى يمه فد يوم لان بعد ما أتحمل الضلم و عيشة الي عايشتها
كرار : يلا ماريا حبيبتي دخلي
نور : هلاو ماري شلونج هاي شصاير بيج
ماريا : هلا بيج نور تمام وانتي شلونج
نور : اني هم تمام حبي بس هاي شصاير بيج منو سوى بيج هيج وجهج خريطه
كرار : نور هسة بعدين اسولفلج بس اخذي ماريا لغرفة مرام ختر ترتاح
نور : أوك يلا تعاي حبيبتي ماريا امشي لغرفة مرام
ماريا : أوك
نور اخذتني بغرفة مرام و بعدين شفت مرام نايمه بلجربايه و اني بستها و نمت يمها
كرار : نور
نور : نعم كرار
كرار : ماريا راح تبقى عدنه لحد ما نلكه حل لاخواني الثنين
نور : أوك بس شنو شبيها ماريا
كرار : أوك راح اسولفلج السالفه
سولفلها كولشي و بعدين نور كالت الله لا ينطيهم العافية شلون يسوون لاختهم هيج
كرار : بعد ما تدرين المجتمع هيج ذكوري
نور : أي والله الله يطيح حضهم
كرار : هسة نور روحي سوي عشة علمود تتعشة ماريا و تاخذ دواها
نور اوك
ماريا نمت و كعدتني نور على عشة كتلها أي هسة رحت غسلت وجهي و نزلت اتعشة و خذيت دوة و ساعدت نور بغسل ماعين كرار كلي انتي شلون تغسلين ماعين خلي نور تغسل روحي ارتاحيت انتي اني كتلة لا كرار اني اصلا متعودة انضف و اغسل ماعين حتى لو اني مريضة
نور : بس هيج ما يصير لازم ترتاحين
كرار : ماريا مو زين عليج التنضيف روحي ارتاحي خلي نور تغسل ماعين
ماريا رحت بغرفة مرام جانت كاعدة شافتني و اجت شبكتني هي كولش تحبني و كلتلي هاي شنو وجهج خريطه شبي
طبعا مرام عمرها 7 سنوات و هي بأول ابتدائي
احتاريت شكلها كتلها لا حبيبتي ما بي شي بس مجرد جرح بسيط
مرام : يا جرح شوفي وجهج مشرمخ خريطه
ماريا : أي مجرد عادي
مرام : عمة ابقي عدنه حبابه اريدج تنامين يمي
ماريا : أي يروح عمة اني اصلا ابقى يمكم و انام يمج
مرام : ايي واخييراا
اجت شبكتني و اني شبكتها و ضليت ابجي
مرام : عمة ليش تبجين
ماريا : لا عمري مدى ابجي
مرام : لا اشو شفتج تبجين شبيج
ماريا : لا يروحي عيني مدري شطب بيها و دمعت
مرام : اهاا
ماريا : أي يعمري
يلا حياتي مرام نزلي تعشي
مرام : اوك
نزلت مرام واني ضليت اذكر و ابجي و اذكر اخوي علي شلون كتلني و اذكر حسن هم موتني شبعني كتل واني ابجي غفيت كعدت ثاني يوم الصبح ساعه ب8:55 دقيقه شفت مرام نايمه بستها ونزلت جوة لكيت محد موجود رحت سويت ريوك كعدت نور و كرار اجو متفاجئين
نور : انتي مسويه ريوك
ماريا اي
كرار : بس كلنالج لا تسوين شي نور تسوي ليش ما صحتي نور ختر تسوي هي ريوك
ماريا : لا يجوز اني تعبتكم فكلت اني اسوي ريوك
نور : بس هيج تعبناج ويانه
ماريا : لا بلعكس انتم وكفتو وياي هوااي
كرار : لا واجبنه هاذ غير اختي انتي شلون ما اوكف وياج
نور : وين مرام نايمه
ماريا : أي نايمه
نور راحت تصيح مرام علمود تتريك ويانه لان اليوم عطلة استراحه عدها
كعدنه و تريكنه و كرار راح للدوام هو يشتغل مهندس نفط واني نضفت بيت عطرتها و سويت ويه نور غدة لحد ما اجه كرار تغدينه كملنه غسلنه ماعين اني ونور و نوب بابا خابر على كرار اني منا خفت لان أخاف يريدني ارجع للبيت فكرار رد و كال بابا خلي ترجع ماري للبيت
كرار : لا ما اخليها ترجع لحد ما يتوبون اولادك الثنين
أبو ماري : شوف كرار اذا ما خليتها ترجع للبيت اجي اني اخذها بغصب
كرار : زين ليش تريدها ترجع للبيت
أبو ماريا : اريد ازوجها لابن عمها
كرار : شنوووو تريد تزوجها وهي بعدهي صغيرة
ماريا واني اسمع انصدمت من كال بابا ازوجها لابن عمها لان كولش متخلف و معقد و شخصيته مكروه
وكال كرار لا بابا شنو اريدها تزوجها وهي صغيرة
أبو ماريا : انت معليك اني ابوها و اتحكم بيها مالك شغل انت
كرار : لعد بس تخلي حسن و علي يتحكمون بيها
ابو ماري : أنجب و بلا نقاش يلا خترجع للبيت لا اني ارجعها بغصب
ماريا كرار عفية ماريد ارجع عفية لا تخلي يزوجني و هي تبجي حييل
كرار : شسوي مو بيدي ابوج و يريد يزوجج بعد كليلي شسوي
ماريا : ايشي سوي بس المهم ماريد ازوج هاذ المتخلف والله اكرها
كرار وهو محتاار : بعد مادري شسوي خنشوف حل الج
ماري : عفية كرار الكه حل الي والله ماريد ازوج
كرار : روحي حضري روحج و تعاي اخذج للبيت والله كريم بلكت اقنع ابوي ما يزوجج
ماريا وهي تبجي حييل : ماريد ارجع
كرار محتار : 😔
نور تهدي بماريا كاافي ماري لا تبجين انشالله يصير خير هسة تعاي حضري روحج علمود ترجعين للبيت لا صدك يسويها عمي و ياخذج بغصب
ماريا : أوك😭
رحت حضرت نفسي و اني دموعي تجري خدي طلعت و سلمت على نور شبكتها و ضليت ابجي و شبكت مرام حييل و ضليت ابجي و اجري دموع لحد ما خذاني كرار للبيت و اني مسحت دموعي لان ماريد احد يشوفني ابجي و يشمت بيه فلكيت بابا واكف بلباب كلي لا هلا بماري
كرار : شوف بابا انت على عيني و على راسي بس ليش تريد تزوجها لابن اخوك
أبو ماري : لان هو يناسبها و هو يريدها بلحلال
ماريا لا بابا اني ماراح ازوجه و هو ما يناسبني لان متخلف و معقد شلون تريدني ازوجه
أبو ماريا :انجبيي بنت كلب غصبن عليج تزوجينه لا تشوفين شي ما يعجبج
ماريا : تحلمون ازوجه ولو هسة تذبحوني ما ازوجه
اجه حسن دخل للبيت وكال لا هلا بيج توج رجعتي هسة شيكولون العالم علينه بتهم شردت من يمهم
كرار : اششش ولا كلمه اني الي جبتها بيتي شنو ما يصير تجي بيتي
حسن : لا يصير بس مو بدون علمنه تجي بيتك
ماريا : وانت شعليك بيه وحتى لو بدون علمكم سنة راح تستفادون
أبو ماريا : دنجبيي و يلا من هسة راح يجي يخطبج ابن عمج حضري نفسج
ماريا : شنوووو والله لو تحلمون ما ازوجه
علي : غصبن ما علييج تزوجينه فاهمه و بدون نقاش😡
أبو ماريا : سمعي كلام اخوج فتهمتي و هسة يلا روحي الصالون انتي و امج
ماريا و دموعها تجري : لا ماريد ازوج ماريد
علي : هههه مو هو بكيفج
أبو ماريا : شوفي يا اما تزوجينه يا اما نكتلج و نخلص منج يعني تموتين
هلااووو حبايب كلبي شلونكم😘 طبعا هاذ بارت تعبت بي ضليت ساعات اكتب يعني من عصرر إلى هسة و البارت جاي انشالله راح ينزل عن قريب واذا عجبكم القصة لا تنسون الدعم و تصويت علمود استمر بلقصة احبكم جااو❤️😘😍
