"ကျွီ......ဒုန်း!!!!!!"
နွေခေါင်ခေါင်တွင်မိုးကြိုးပစ်သည့်အလား
ကျယ်လောင်သော ကားဘရိတ်အုပ်သံကြီးအဆုံး၌ ပတ်ဝန်းကျင်ရှိလူအပေါင်း၏
မျက်လုံးအစုံက လမ်းလယ်ခေါင်ရှိမြင်ကွင်းတစ်ခုတွင် ရပ်တန့်သွားခဲ့သည်။
မိုးစက်များတဖွဲဖွဲကျနေသော လမ်းမအလယ်ခေါင်တွင်တော့ သွေးစွန်းနေသော အဖြူရောင်အရိပ်ကလေးက ငြိမ်သက်နေသည်။
မိုးစက် မိုးပေါက်တွေကပို၍ကျဆင်းလာသည်။
လူအပေါင်းကလည်း ဝိုင်းအုံလာကြသည်။
အရာအားလုံးက ရုန်းရင်းဆန်ခတ်ဖြစ်နေပေမယ့် ငြိမ်သက်နေသောကောင်မလေး၏ လက်ထဲမှ
လက်ပတ်နာရီ အဖြူလေးကတော့ တချက်ချက်နှင့် ပုံမှန်လည်ပတ်နေဆဲ.....
စက္ကန့်အနည်းငယ်ကြာသည့် အထိ
ထိုနာရီသံကငြိမ်သက်နေသော ကောင်မလေး၏ အကြားအာရုံကိုလာထိခတ်နေသည်။ တချက်နှင့်တစ်ချက် ပိုမြန်လာသလိုပင်။
တစ်ချက်နှင့်တစ်ချက်ပို၍ကျယ်လောင်လာသည်။ ထို့နောက်တွင်တော့
အဖြူရောင်ကောင်မလေး၏ မြင်ကွင်းမှာ
မျက်စိကျိမ်းလောက်အောင်ပင် အဖြူရောင်
ဖုံးလွမ်းသွားခဲ့သည်။ ကောင်မလေးက
လဲလျှောင်းနေရင်းနှင့်ပင် ယောင်ယမ်း၍
မျက်လုံးများကို အတင်းဖွင့်လိုက်ရသည်။
**********
"နိုးပြီလား သမီး"
မျက်လုံးတွေကိုဖွင့်လိုက်တော့ မျက်နှာကြပ်
ဖြူဖြူကို အရင်ဆုံးမြင်တွေ့လိုက်ရသည်။
ဘေးနားက အသံကို မျက်လုံးတစ်ချက်ဝေ့ကြည့်
လိုက်တော့ အန်တီလေး။
ဘုရားရေ အန်တီလေးက လွန်ခဲ့တဲ့ဆယ်နှစ်လောက်ကတည်းက ဆုံးသွားခဲ့ပြီမဟုတ်ဘူးလား။ မျက်မှန်အမဲလေးကိုပင်မတင်၍ ပြုံး
ပြလာသော အန်တီလေးကိုကြည့်ရင်း
မိုး စိတ်ထဲတွင် အပြင်းအထန်စဥ်းစားနေမိသည်။ အန်တီလေး....လွန်ခဲ့တဲ့ ဆယ်နှစ်ကတည်းကမရှိတော့.....
***********
"အခုလိုမိုးစက်လေးတွေက နင့်မျက်တောင်
ရှည်ရှည်လေးတွေအပေါ်မှာ လာပြီးအနားယူတဲ့တစ်နေ့ ငါနင့်ဆီ ပြန်လာခဲ့မယ် မိုး"
"နင်ဘာတွေပြောနေတာလဲ.....အခြေမရှိ အမြစ်ရှိ"
မိုးက ရှေ့တွင်ရှိသော မျက်ခုံးကောင်းကောင်း၊အသားညိုညိုနှင့် ဆွဲဆောင်မှုရှိ
သော မျက်ဝန်းများကိုပိုင် ဆိုင်ထားသည့်
ကောင်လေးအားလှမ်းငေါက်လိုက်သည်။
ကောင်လေးကတော့ မိုးကို မျက်နှာချင်းဆိုင်ရင်း
လမ်းကိုနောက်ပြန်လျှောက်နေသည်။
YOU ARE READING
မိုးစက်များခေါ်ဆောင်ရာ (Completed )
Short Storyအခုလိုမိုးစက်လေးတွေက နင့်မျက်တောင်ရှည်ရှည်လေးတွေအပေါ်မှာ လာပြီးအနားယူတဲ့တစ်နေ့ ငါနင့်ဆီ ပြန်လာခဲ့မယ် မိုး.....
