ما لا نراه..🍃😨

المقدمه

#مالا_نراه🍃😨
#المقدمه❤
.
.
.
.
.
.
.
.
.
زحمه وصوت سيارات الشرطه والاسعاف مالي المكان ..
"حادث شنيع .....يستر الله مانظني اللي ف السياره يطلع حي ...."
"بعدو بعدو خلو الدكتور يشوف الحاله .."
حط يده ع رقبته ..بحت ف اللي معاه ..وهز راسه بأيجاب"بسرعه ف نبض .."
مصبي مع الشرطي وهو يعطي ف اقواله ..
"يعني بروحه ف السياره ولا معاه حد .."
"والله انا شفت ان معاه بنت ف السياره .."
"بنت ..متأكد مافيش حد طلع الا هو من السياره"
"متأكد شفتها والله .."
بحت ف اللاسلكي .."شباب دورو ف الارجاء القريبه من الحادث ..الشاهد قال ان ف بنت مع الشاب .."
"دكتور فتح عيونه .."
بحت فيهم .."بسرعه لازم انديرو اللي نقدرو عليه المستشفى مسافه من هنا ..لازم نخلوه حي لعند غادي .."
بحت فيهم منذر ..وغمض عيونه .. وقال بتعب.."لا ..ر ين .."
بحت فيه الدكتور بأستغراب .."ف حد معاه كان .."
التفت عليهم واحد من متاع الشرطه .."قالو ان معاه بنت ف السياره ولعند توا مختفيه .."
رفع الدكتور عيونه ف السياره اللي خابطه ف السور متاع المقبره ..وجاي الطرف الثاني هو اللي ع السور ..
وبعدها بحت ف الشرطي ..
"دور ف المقبره .."
.
.
.
.
.
- اسمها..؟
=لارين ..
- العمر؟
= 20 ..تقرا اقتصاد ..سنه اولى ..
= "طقطق بيده ع الطاوله .."غيرها ..؟
- عندها اخ واحد اسمه منذر ..اكبر منها بأربع سنوات ..امها فطوم ..وباتها فتحي ..باتها مدير مصرف وامها "بحت فيه .."ابله دين ..
هز راسه بأيجاب ..
-شن نديرو معاها ..
= شوف ي شنقع ..نحنا مانأذوش الا اللي يأذينا ..والبنت هذي ..اذتنا "وتنهد .."واجد اخره ..
هز راسه ..
= من اللي كانو حارسين القبر؟
- ميمون ..ابناوخ ..و..
= كلم ميمون ..قوله عندك مهمه ف عالم الانس ..عند انسيه ..اللي اطفلت ع اكبر مشعوذ لعالم الجن ..
.
.
.
.
.
.
.
لا تحزن ي صديقي ..ولا تقول انني بمفردي ف هذه الحياه ..انت لست وحدك ..بل هناك زوار معك ف الغرفه كن حذر والا تكون ف عداد الموته ..
..كتابه وتأليف ..#فافي_المسماري❤
نتلاقو ف الحلقه 1❤