#مالا_نراه🍃😨
#الحلقه_4❤
.
.
.
.
.
.
.
فتحت عيونها بفزع ..اتنفس بالقوه ..بحتت حواليها الدار نفس ماهي مافيش شي تغير ..
ركزت بنظرها عليه كيف مقمعز ع الارض وضام كرعيه لصدره ..ومغمض عيونه ..
حس بيها التفت عليها غمضت عيونها ..ضحك ..
ميمون>>حتي انا عشت حالتك ..
تسمع فيه وهي مغمضه عيونها زين ..
ميمون>>فقدت خويا ..بسبب اميه ساخنه نكبت عليه ..انتي متصوره انك ماتشوفيش خوك وهو ميت .."وبحت فيها .."مابوش يوروه ليا لغرض اني صغير ومنظر كيف هكي مش كويس ليا ..
سكت ..وتنهد ..وهي تسمع فيه ودموعها ينزلو ..
ميمون>>الشي الوحيد اللي طلعت بيه من الدنيا ..باتي توفى ف عالمكم ..كان جن عاشق ..بعد ماسيب امي اللي كانت حامل بيا..بعد جابتني ماتت طول ..كان باتي متزوج قبل وعنده مانوخ ..بفتره وجانا موت باتي ان نحرق ف عالمكم مافيش مأساة بعد مأساتي ي لارين ..عشت وحيد ..كأيب حزين ..كل شي شفته كان يدل ع اني لازم نكون قوي وقادر ..خليك قويه ..انا ماعمريش كنت مؤذي لحد ف الدنيا هذي طول عمري جني سوي ..صبي وردي لامك وماتقعديش سبب ف انك تخسريها ..
لارين>>"بربكه .."كم ليا راقده ..
بدون مايبجت فيها جاوب .."اسبوع .."
لارين>>ماما فيها شي ..
سكت ..
لارين>>نسأل فيك رد علياا ماما فيها شي ..
ميمون>>"صبا ..وقرب منها .."
لارين>>"بأنهيار .."خليك بعيد وجاوبنييي ماما فيها شيييي صاح فيهااا .."بحتت ف كرعيها ويديها ممسوكات ..قعدت تخض ف السرير وتعيط .."طلعووووني بنشوفهااا خللللللونييي نبي ماماااااا ..
.
.
.
.
.
الدكتور>>تسمع بروحك ي عماد ..لها اسبوع تنوض نفس الشي بعياط ان ف دم ف الدار والدار مافيها شي ..اضطرينا نربطو ايديها خوفا من انها ادير شي ف روحها ..
عماد>>لاحول ولا قوة الا بالله ..لاحول ولاقوة الا بالله ..نشيلوها لشيخ باهي ..
الدكتور>>مافيش فايده ..موضوعها مش شيوخ موضوعها نفسي ..هو والدها وين بالك يقدر يهون عليها؟
عماد>>مع امها مرضت اشوي والله حالهم يصعب ع الكافر ..
الدكتور>>لاحول الله ..
.
.
.
.
ميمون>>اهدي ..اهدي يسمعو فيك برا ديرينك هبله ..ااااهدي ..
لارين>>"بعيون مليانه دموع.."شيلني لماما ..لو سمحت ..
بحت فيها ..وبرم وجه ..
لارين>>والنبي حاول اطلعني ..نشوفها من بعيد والنبي ..
ميمون>>"بتردد.."نشيلك بس مش توا ف الليل متأخر ..
لارين>>وعد ..
هز راسه ..ورد قمعز مكانه ..
سكتت وقعدت تبحت فيه ..
-"صدقتيه
.. يكذب عليك ..كيف بيشيلك لامك ..يبيك تهدي وتسكتي ..هو يراجي ف الليل مش يدير اللي يبيه فيك ..انتي كيف تثقي ف حد هو سبب قعادك هنا ..يكذب عليك ..ديري شي ف روحك ولا حيخليك تخسري كل شي ..تخسري نفسك قبل ماتخسري هلك ..ساد غير انك مربوطه ..يكذب عليك يكذب .."
برم بحت فيها ميمون وهو قارن حواجبه ..
ميمون>>كنك ..
انتفضت لارين ..
لارين>>"بأرتباك.."شي ..
انفتح الباب ..برمو بحتو فيه ..
خشت الممرضه ..
الممرضه>>نضتي ..؟
هزت لارين راسها ..
الممرضه>>وقت الدوا والغدا هي ..
خشت بالطاوله متاع الغدا ..وميمون يبحت فيها ..
فكتلها الممرضه يديها ..بحركه سريعه كرت الحبل بدون ماينتبهو الاثنين ..
تغدت ..وعطتها الدوا ..
الممرضه>>هذا دبشك تغيري ولا تغيرلك ..
لارين>>لا نغير بروحي ..
هزت راسها وطلعت ..
لارين>>ممكن تطلع بنلبس ..
بحت فيها وصبا اختفا ..
دفلت الدوا ..وغيرت دبشها ..
فكت ربطه الحبل ..وبحتت ف حديد السرير من وراها وربطت الحبل فيهن ..وخششت راسها ف الفتحه اللي دارتها وقعدت تقنط كل ماتحس ان الربطه مش مقنوطه تقنط ووجها ينزرق والنفس يريح ..
ابانوخ>>ميمون ..الحق ..
برم بحت فيه ..
ميمون>>دارتها صح ..
ابانوخ>>مارد يحاول معاها عدي اجري ..
اختفا ميمون ..وصل فيها ف الدار ..
خش ..طول توجهلها وقطع الحبل ..وهي نفسها رد وقعدت تكح وتشهق ..
ميمون>>مهما توقعت ايمانك ضعيف بس مايةصلش بيك انك تقتلي روحك ..
تبحت فيه بريبه بعد ماعيونه قعدن حمر ..
ميمون>>مصره تركبيني ذنب ..
لارين>>مش نركبك ذنب انت سبب كل شي صار ..
ميمون>>لو انا سببب كل شي كنتي توا ميته ..نحاول نحمي فيك من نفسك ..ليا اسبوع وانا نحمي فيك ي لارين ..
لارين>>بتقنعني بعد ماكنت ناوي موتي توا قعدت طيب ..
برم والتفت عليها بعيون مدمعه ..
ميمون>>مهما كنت حقير ..بس قلب امك بعد تعب ..خلا كل حساباتي تنتهي ..
سكتت ..وهو فنص فيها واختفا ..
.
.
.
جا نص الليل ..
وهي بروحها مره ترقد مره تنوض ..وكانت متأكده ان مش حيجي ياخذها لامها ..
لعند حست بيه ..
ميمون>>حترقدي ..
لارين>>لا ..
ميمون>>هيا باه ..
هزت راسها بأيجاب ..قرب منها ..وبعدها معش شافت شي ..اخر شي حست بيه رميتها ع المخده وعيونه ..
.
.
.
.
شهقت من الخوف ..
ميمون>>افتحي عيونك ..
فتحت عيونها بالتدريج ..بحتت حواليها مستشفى ..الناس يمشو وكل شي حواليها طبيعي ..
بحتت فيه ..رفعت حواجبها ..
ميمون>>عجبتك ..عارف روحي سمح ..خطرها اسمي ميمون ..
ضحكت ضحكه خفيفه ..
ميمون>>هيا؟..
هزت راسها بأيجاب ..
لارين>>نبيش يشوفني حد ..
ميمون>>عارف مجهز للموضوع ..
هزت راسها ..وهم خاشين من الباب شافت شن لابسه ..رفعت حواجبها ..
ضحك ..
ميمون>>ماتسأليش وخشي بسرعه ..
ضحكت وخشت وهو وراها ..
طول مشو لغرفه امها ..
ميمون>>نستناك هنا خشي بسرعه ..
بحتت فيه ..
هز راسه ..خشت ..
شافت امها ع الاجهزه ..
طبست باست يدها وراسها ..ودموعها ينزلن ..
لارين>>ماما حبيبتي افتحي عيونك حنحاول نطلع من غادي ونردلك ونرد انبحك من جديد ..افتحي عيونك عشان بابا وانا نستنو فيك ي ماما ماتسيبينش ..
وهي تحكي ..انفتح الباب ..التفتت ..
- "من الاول قتله ي تقتلها انت ي نقتلها انا .."
وقدم من لارين ..
"ميموووووون .."
.
.
.
.
.
.
لاتحزن ي صديقي ..ولا تقةل انني بمفردي ف هذه الحياه ..انت لست وحدك ..بل هناك زوار معك ف الغرفه كن حذر والا تكون ف عداد الموته ..
كتابه وتأليف ..#فافي_المسماري❤
انتلاقة ف الحلقه 5❤
اسفه ع التأخير..
أنت تقرأ
ما لا نراه..🍃😨
Ciencia Ficciónقصه من النوع الغامض ..تحكي ع العالم السفلي وكل شي فيه ..تحكي ع الناس وقلوبهم السود وغير هكي فيها عبره كبيره للناس اللي مستهينه بدينها ..وتحكي ع اسرار كبيره واحداث كلها من وحي الخيال ..كتابة وتأليف فافي المسماري ..
