|| قدر غالب ||

~ 5 ~

رانيا : عايزك دلوقتي في الوكالة بخصوص تفاصيل مش واضحة في التنفيذ هو مش فاهمها ولازم يبقى عنده علم بيها !!!
نسرين : هتصرف ازاااي انا دلوقتي ؟
رانيا : مش عارفة ... مش عارفة ... وهي لو عارفة حاجة زيادة كانت قالت ليا ... واضح ان المعلومات دي نور بس اللي عرفاها
نسرين : كالعادة نور حرست نفسها !! هعمل ايه انا دلوقتي ؟
رانيا : اقولك متروحيش افضل وانسحبي خلاص والغي كل حاجة
نسرين : الغي ايه ؟ انتي مجنونة ؟؟ واسيبلها هي الفرصة
رانيا : تقدري تقولي هتعملي ايه ؟
نسرين : هروح وهقول بطريقة التنفيذ اللي شيفاها انا من وجهة نظري
رانيا : وهيقتنع ؟
نسرين : مش قدامي حل تاني
رانيا : اعملي اللي انتي عيزاه ... انا قولتلك رأيي
نسرين : انا رايحة
رانيا : ابقى قوليلي عملتي ايه
نسرين : تمام
رانيا لنفسها : قلبي مش مرتاح ابدا ... في حاجة غلط
_____________________________
وكالة AVA للعطور
نسرين : مساء الخير مستر ماجد
ماجد : مساء النور اتفضلي
نسرين : رانيا بلغتني ان حضرتك عايز تقابلني
ماجد : اه المرة اللي فاتت احنا شوفنا التصميم وعرضتي لينا الفكرة و عجبتنا ووافقنا عليها لكن حاليا بالنسبة التنفيذ هيبقى ازاي اللي اقصده ان في بعض التفاصيل مش واضحة لينا انا والسادة و الشركة لازم تكون على علم بيها قبل الموافقة النهائية والعقد
نسرين بتوتر : اكيد طبعا ... هوضح لحضراتكم
____
نسرين قالت تفاصيل كثيرة وطريقة التنفيذ من وجهة نظرها وتحدثت كثيرا وجميع من جالس استمع اليها بعناية لكن لم يقتنعوا ورأوا أن طريقة التنفيذ قد تضر بالشركة ولا تتفق مع فكرة التصميم كما أن توتر وارتباك نسرين كان ظاهر لهم !
ماجد : MS نسرين للاسف انا والسادة مش مقتنعين وفي نقطة عايز اوضحها كل اللي شرحتيه لينا غير متفق وبعيد عن فكرة التصميم الاساسية وده يخليني اتأكد ان التصميم ده مش لشركتك ومسروق
نسرين : مسروق ؟!!
ماجد : احنا بنرفض التصميم اللي هو مش ليكي
نسرين : رفض !!
ماجد : بالظبط و اللي عملتيه ده هيكون ليه رد فعل قوي جدا
نسرين بغضب : تمام جدا .. عن اذنك
ماجد : اتفضلي .. اعتقد كدا حضراتكم اقتنعتوا ان التصميم لنور عز الدين .
السادة : اتأكدنا
ماجد : هتصل عليها ... MS نور كل اللي قولتيه تم واتأكدنا بالفعل ... ياريت حضرتك تشرفينا في الوكالة دلوقتي اذا يناسبك
نور : اكيد يناسبني ... مسافة الطريق
__________________
•FLASHBACK 🎞
#YESTERDAY. 
نور : الو مساء الخير مستر ماجد .. اسفة على ازعاج حضرتك
ماجد : مساء النور MS نور ... لا مفيش اي ازعاج ... اتفضلي
نور : مستر ماجد لو يناسب حضرتك انا عايزة اجي الوكالة النهاردة اوضح ليكم حاجة هتأكد ان تصميمي وفكرتي اتسرقت فعلا ... هتسمعوني وليكم حرية الاختيار و القرار اكيد بس هبقى شاكرة جدا ليك لو ادتني فرصة اثبتلك
ماجد : انا عارف كويس جدا سمعة شركتك ... يعني وفعلا مستغرب جدا من اللي حصل ومش مستوعب لغاية دلوقتي .. وبعيد عن الشغل انا عارفك وانا اللي كلمتك بنفسي بأنك تكوني من ضمن الشركات اللي هتقدم لاني متاكد من ابداعك و هديكي فرصة اكيد انك تشرفينا تاني ... ومنتظرينك الساعة 2
نور : تمام ...شكرا ليكي
وبعد ساعة
كارمن : MS نور ... حضرتك رايحة فين ؟ واجتماع مستر غالب ؟
نور : الغي كل المواعيد ومتتصليش عليا خالص
كارمن : حاضر
لينا : نور رايحة فين ؟
كارمن : مقالتش وطلبت الغي مواعيد النهاردة كلها
لينا : يا ترى بتفكري في ايه يا نور ؟ ربنا يستر
____________________
الساعة 2:00
وكالة AVA للعطور
نور : بشكركم انك قبلتوا تقابلوني تاني
ماجد : لا متقوليش كدا يا MS  نور
نور : هو انتم وافقتوا موافقة اولية مش كدا ؟ يعني مجرد الفكرة اتقالت والتصميم اتشاف
ماجد : بالظبط
نور : تمام .... التصميم اللي قدمتوا ليكم ده فعلا بتاعي وانا اتصدمت من اللي حصل وهشرح ليكم تفاصيل تنفيذ الفكرة والتصميم ومعظمها انا بس اللي عرفاه وكل اللي هقوله هيثبت ليكم ان بتاعي .