أنت تقرأ

عشق مابعد الطلاق

ChickLit

أسمي ناي عمري 17 أني ازغر وحده بخواني بزر الكعده مثل مايكولون ماكملت دراستي ثالث متوسط خلصته وتوفت امي وطاح البيت كله براسي عاد بطلت وكعدت لان المسؤليه جبيره مومال دراسه الله كريم يمكن ارجع للمدرسه بس بعد بيد الله ماندري بالدنيه شضامتلنه ولو اني امو...

#أدبنسائي #رومانسيه #طلاق #عشق

( 14)

37.4K 1.7K 236 
                                    

                                              
#ساره فاضل
#عشق مابعد الطلاق

                          
قيصر
اليوم الخميس يوم  حنتي
 طبعآ ماعزمت احد غير شكم صديق مقرب
 وطبعآ ع رأس القائمه حسين هوه واكف وياي تقريبآ صار يومين نفتر حجزنه القاعه ونصبنه غرفتي الجديده كمل وياي كلشي خطيه اخذ اجازه ع مودي كملنه شغل الضهر وكتله نرجع للبيت نتغده ماقبل بس كوه اخذته ورحت للبيت
 لكيت سيارة عمو عصام بالباب نعصر كلبي وحسيت الدنيه ضاگت بعيني اني صح جاي اجهز واركض بس علمود امي لااكثر اني ماقابل بهاي المهزله هاذا الزواج بالنسبه الي اعدام وحته البنيه الجابته امي احسهه راح تشيل ذنب موذنبهه اني مارايد هاذا الزواج وصراع بداخلي بين الراضي والماراضي كلشي عاجبني بناي بس موهيه الكلبي يحبهه ولاهيه الأتعرف ع عطرهه بين الف بنيه ولاأحس بداخلي شيء ينجذبله اااااخ ياربي

                          
حسين
هااااا قيصر ننزل لوتضل بحسباتك يااخوي ياحبيبي انته جبير وعاقل لاتخلي الماضي يهدم الحاضر انسه سمر وعيش حياتك البنيه موقسمتك صار سنين تحاول تخليه من نصيبك بس الضروف معانده وياك والاأهل مامتقبلين هاي العلاقه من اساسهه كل ضنك ترتاح اذا اخذتهه

                          
قيصر
مااكدر حسين ماأكدر اني هسه من شفت سيارة عمي روحي نقبضت حسين حبل المشنقه منتضرني بالبيت اني هاذا الزواج رافضه بس اااااخ وامي شلون بيهه مااعرف شسويت بنفسي وشسويت بالبنيه اني ورطت نفسي وورطتهه حسين دبرني انطيني حلني يخلصني من هاي الورطه

                          
خسين
مالهه أي تدبير بعد خلص البنيه زوجتك ع سنة الله ورسوله وزوجتك بالقانون بعد شنو اليدبر ياحبيبي كافي انسه والله بس تتعرف عليه وتعيشون ابيت واحد راح تحبهه وحسب حجيك البنيه طيوبه وكل الصفات الزينه بيهه بعد شنو اليمنع من التقرب اله بس شيل سمر من بالك ولاتزعل مني وهاي اول مره احجيهه انته من وادي وسمر من وادي تره سمر مومن ثوبك انته ماجاي تشوف حبك السمر عاميك

                          
قيصر
ماأعتقد اكدر اتقبل بنيه غير سمر روحي معلكه بيه ياناس ياعالم فهموني وماجاي اشوف شي من التشوفونه انتم 
سمر بعيني ملاك مااضن اشوف بنيه مثلهه 

                          
حسين
انته مغيب ماجاي تشوف بس مصير الايام تثبت الجاي نحجي وانصحك بي وانته لاحياة لمن تنادي حسبالك ميت كل الكلام ماجاي يبين بيك ع العموم ننزل لواروح للبيت لان تعبان وجوعان وانته تريد تسولف حته ماتنرل 

                          
قيصر
ههههه اعتذر نسيت اني جايبك نتغده يلا تعال ننزل تره اني مسطور شيبدر مني اعذرني

                          
حسين
معذور دكتور والله يكون بعونك التمر بي موشويه صراع العقل والقلب يتعبون صاحبهم ويوصلونه لمرحله الهستيريا بس القوي والمؤمن يكدر يسيطر ع الوضع خلي اتكالك ع الله وادعي الله يهديك ع درب الصحيح ونشالله تهون

                          
قيصر 
نشالله 
نزلنه من السياره وفتنه للبيت رفل بالمطبخ تحضر بالزلاطه وناي كاعده ع كرسي ومطيه وجهه للحايط منتجيه وشكلهه تعبان كلت السلام عليكم
عشق مابعد الطلاقحيث تعيش القصص. اكتشف الآن