#عشق _مابعد _الطلاق
#ساره_فاضل
ناي
نزلني قيصر بالباب بين ماينزل الاغراض ونفوت سوه عاد بالساحه شفت زوجات عمامه جان يهلهلن
الكل اجه يركض عاد عمتي محضره جكليت ووياس طشته علينه عاد اجت وشبگتني وبجت من كل كلبهه
ام كرار
ياعيني هسه وكت بجي صدك جذب شنو ممصدكه خليه تفوت
ام قيصر
والله ناي دخلته ع بيتي تسوه الدنيه
ناي
دخلوني جوه وقيصر مقبل احد يدخلني خله البنات يفوتن الجنط عاد سندني ولزمني من خصري ومشاني شوي شوي حته محد يحس اني مريضه وماأكدر امشي
فتنه جوه كعدنه جان تجي رفل من غرفتي تركض
رفل
هلا هلا وميت علا والبيت بعدج ماخله هلاا بنونه ولللللللللللللللوش وجبنه الورده من البستان وشلعنه گلوب العدوان وهلا هلا هلااا
ام قيصر
ههههه اي والله احلا ورده يمه هلا ببنيتي
ناي
بالمهلي عمه بالمهلي
رفل
شلونج يكلبي شخبارج ولو مبين عليج مرتاحه ماشالله گمر
ام كرار
يمعوده وينه كمر اشو البنيه مصوفره وين البارحه وين اليوم
رفل
لابالعكس عمه اشو ناي مثل العابه بكل حالته حلوه وبعدين هاي رهبة العرس شكم يوم وترجع ورده مفتحه
ام قيصر
يلااا بنات فدوه عمه كومن ساعدني بالعشه
وانتي ام كرار اريدج تسوينه الكبه
من ايدج غير شكل وانتي ام رفل
هماتين تعالي اريدج تسويلنه التحلايه تعرفين العرسان يحبون الحلويات
من بعد ماكام الكل ع شغله
رفل
كومي ناي خل اصعدج الغرفتج حته ترتاحين
قيصر
اساعدكم
رفل
لاااا خليك شوي ونازله اريدك بموضوع
صعدت ناي وحبيبتي كوه ترفع رجليه
كوه صعدتهه قبل لايشوفنهه الحبايب
والحجي يطلع اشكال صعدته وهيه ساكته ماتطلع صوت حاسه بكسرته بس شحجي وشلون اواسيهه
وصلته لفراشه جبتله شلحه ولبسته عاد رادت تمتد خليته تمتد تجيته ع المخده وكعدت كباله بس ماكدرت ارفع عيني بعينه
ناي
ليش رفل ليش من جنت اسالج ماجنتي تگليلي جان ارتاحيت من هاذا العذاب من وكت
رفل
ماعرفت الزم دموعي انداريت عليه واني مااعرف شكول
ناي عذريني ماجان الي حق اكول. بس والله اخذت كلمه من قيصر يبدي حياة جديده
وكال نسه موضوع ذيج الحيه المسمومه
وناوي يبدي حياته وياج
ناي
موهاي قضيتي انتي صرتي صديقتي ووعدتيني تصيرين اختي جان المفروض تحذريني تكليلي خلصي وعبري النهر ماطوله ضيگ
أنت تقرأ
عشق مابعد الطلاق
ChickLitأسمي ناي عمري 17 أني ازغر وحده بخواني بزر الكعده مثل مايكولون ماكملت دراستي ثالث متوسط خلصته وتوفت امي وطاح البيت كله براسي عاد بطلت وكعدت لان المسؤليه جبيره مومال دراسه الله كريم يمكن ارجع للمدرسه بس بعد بيد الله ماندري بالدنيه شضامتلنه ولو اني امو...
