#عشق مابعد الطلاق
#ساره فاضل
قيصر
شنو قصدك حسين تره والله خبلتوني
أمي بجه وانتم بجه وكلمره تگلولي شوف بعينك
ششوف حسين انته فهمني حاجيني كلولي شنو العيب البسمر الماجاي اشوفه وانتم تشوفونه
حسين
انته ماتقبل احد يواجهك بحقيقة سمر
عينك معميه عن عيوبه كلش تعبتنه قيصر
احنه نخاف عمصلحتك وانته مجاي تتقبل نصيحه
قيصر
اني اليوم زواجي يعني كلمه منك راح تغير كلشي احجي حسين احجي
حسين
سمر جذابه سمر انسانه متسلقه وتاكل براسك فلوس
سمر جانت مصادقه نص شباب الجامعه
وكل السوالف المكسره عده والطامه الكبر
سمر نفس التسوي وياك والي هوه النصب
ناصبه ع نص الشباب نفس ماناصبه عليك
تعرف انته دكتوره خديجه ودكتوره نور مؤجرات وياها يعني موصديقاته ومكعدتهم صدقه
مثل ماجاي تكلك قيصر انتبه وشوف دربك انته تاية بدوامة سمر وماجاي تطلع منه
قيصر
مااعرف شگلك ماجاي اصدكك حسين عقلي ماجاي يستوعب سمر البريئه الهادئه هيج يطلع منه صح اني وياكم هيه صعبه الشخصيه وعصبيه بس كلبه طيب سمر بعيوني مثل الملاك حسين ماجاي اصدككم
رفل
قيصرر انته موطبيعي بعد هاذا الحجاء حسين كله
وانته ماجاي تصدك انته موطبيعي اكيد اكو شي بدماغك
قيصر
حسين انته وصل رفل اني عندي شغله شوي والحكم للبيت
حسين
وين رايح قيصر اليوم عرسك رجائآ لاتتهور ولا تسوي شيئ يعكر مزاجك
قيصر
لاأطمئن شغله ساعه والحكم
حركت سيارتي كبل لشقة سمر لازم اليوم
احط النقاط ع الحروف لازم اكتشف لغز سمر المجاي احد يشوفه انسانه عاديه غيري
الكل جاي يحذرني منه ويكولون ويزيدون بااطباعه ويحطون بيه العبر لازم اعرف سمر ع حقيقته وصلت جوه العماره
شفت سمر نازله من سيارته وصعدت
نزلت من سيارتي ع السريع لكيته صاعده بالمصعد لحكته ع الدرج وصلت الباب شقته دكيت الجرس
واني كوه متماسك طلعتلي دكتوره نور
السلام عليكم دكتوره دكتوره سمر موجوده
نور
وعليكم السلام
اي بلي موجوده
بس مومن عوايدك تزورنه بالشقه
قيصر
والله مضطر دكتوره محتاج دكتوره سمر بشغله ضروريه
أنت تقرأ
عشق مابعد الطلاق
Genç Kız Edebiyatıأسمي ناي عمري 17 أني ازغر وحده بخواني بزر الكعده مثل مايكولون ماكملت دراستي ثالث متوسط خلصته وتوفت امي وطاح البيت كله براسي عاد بطلت وكعدت لان المسؤليه جبيره مومال دراسه الله كريم يمكن ارجع للمدرسه بس بعد بيد الله ماندري بالدنيه شضامتلنه ولو اني امو...
