بارت ٧٢
#منطقة_13
#مريم_السعدي
ايه- لحضات. طلعت بيها من الدنيا. واي تفكير براسي ماكو. خالي. يمي ومرت خالي اسينات طبت. مفرفحه ووجهه دم حضنت قاسم الكاعد بالزاويه منصي وساكت
وجتي يمي تمسد براسي وتشهك بخنيك رقيه. طبت تبجي وتصيح وينكم عنه. شون يوكع بدون متدرون امه غير تنتبه خالي صاح ببيها بصوت خنست
ولمني لحضنه اقوى شاورني
خالو كومي ويايه ترتاحين هناك
هزيت راسي ووكفت بوكفتي قاسم رفع راسه باوعلي عيونه حمره وصلت يمه دافوت البس جبتي
همس
ترجعين ايه مو
مرديت عليه طبيت الغرفه. سمعته كال لابراهيم ساعدني اروح للغرفه مابيه وكفه
سنده ابراهيم وصله للغرفه
حسيت بي طب واني البس حجابي ايدي راخيه وصدري بده يدر مفطمته كلت لحد ما اجيب يله افطمه
طب قاسم جنت بالاتك داالبس فوكاه. هدومي
همس
ايه باوعتله ومسحت وجهي. شتريد
ايه لتروحين ابقي
اريد اروح مداكدر اباوع بوجهك شهكت بقهر موتوسلت بيك بس اجيبه. جان هسه عايش
تقرب مني يباوعلي بقهر همس
والله مادري
رفع ايده رجعت ليوره عوفني نترت بي عوووفنييي
شششش البسي خاف يجون البسي مما. ااجي يمج والله مااجي بس ابقي
المن ابقى بعددد المنننن ضربت على صدري طلعت قهري
ولك علللي ماتتتت ابني ماتتت
وجرني لحضنه بقوه وشهك يبجي ازيد من بجايه. يشهك بصوت وونه. دمرتني
ويردد.
لتعوفيني ابقي هنااا
سكتت تعبانه. همس
ارتاحي هنا الله يخليج لتروحين
بقيت مغمضه انسند عالجربايه محني وكعد عالجربايه اشرلي ويمسح بوجهه هنا ارتاحي
اجتي عيني عالفراش مال علي. تلمسته فارغ لزم ايدي وجرني همس
ارتاحي هنا
مااكدر انام
لتنامين بس ارتاحي باعي اني هم حتمدد
تمدد وجيت تمددت يمه
احس هو الوحيد الحاس بيه رغم حقدي عليه بس ديموت نايم مغمض ويشهك. مجلب بايدي
قاسم
خنس
قاسم كافي كلبي ياذيني فدوه.
من ورايه. ايه ابني راح اني السبب بييي
اني هم الي الصوج اني دعيت علبطني يروح يوميه ادعي
صرنا نواجه غلطنا هو يكول هيج سويت والله عاقبني واني اكول هيج سويت والله اخذه مني
يشهك ويردد
امشي بالغلط وادري بي غلط ومستمر بي
واني بكل صلاه ادعي البطني يموت واتعب نفسي حتى بلكن ينزل
مسح وجهي ويتنفس بتعب وغمض واني غمضت محد فتح الباب علينا بعد تركونا
نمت للصبح حسيت صوته باذني يناغي فزبت وعلى فزتي هو فز
تلفت للغرفه وفرك وجهه واني جيت يم الفراش اكلب بي
باوعلي ونصه
همس
استغفري ربج
والله سمعته يناغي حليب ديدر
نصه راسه وكام يمشي محودب ويعرج طب للحمام طول واني روحي اختنكت كمت لبست عبايتي وحجابي واخذت فلوس وطلعت خالتي كالت وين يمه مرديت
اخذت تكسي للكاضم همه يداووني اني داموت. داموت. مداكدر اصبر على روحي
