#قصة_ناي
#للكاتبه_الزهراء_احمد
#البارت_الاول
#الناقل_مدونةنورقلبي
خلي اعرفكم بنفسي اني اسمي ناي عمري 21 طالبه مرحلة ثالثة
من عائلة اهم شي عدها انو نعيش سوه مرتاحين وعمري ماسمعت اهلي يفكرون بالفلوس واحنه الحمدلله مستوانا زين .
اني اخر العنقود والمدللة من جميع اطراف البيت وكلش احب هذا الشي طبعا 🙈
وعندي اخ جبير مزوج واخت مزوجة ... واخت ثانية اسمها اسراء كاضين يومنه سوه ❤️
اني مااحب الولد احسهم كذابين من كل القصص الي دصير كبالي وعائلتنه محافظه متحب البنية تختلط بولد هواي حتى بالكلية مجرد سلام لا اكثر .
بيوم من الايام طلعت من الكلية ساعة 2خلصت محاضرات وجانت حاررره وشايله هم الطريق حتى ارجع كلت لصديقاتي باي ودااروح
كالت حنين : عود داومي باجر مو تضربينه بوري كالعادة
اني : هههه اوكي ولو ماوعدج بس احاول مااغيب .
بهالاثناء دااعبر واجتي سيارة سريعة كلش (جارجر ) وضربتني وكعت بالكاع التمو العالم والطلاب كلها فوك راسي والبنات صديقاتي لازمتني والامة محتركة
طبعا اني بزونه ب7ارواح لا اغمى عليه ولا شي بس رجليه صدك وجعتني
اني دااكول اخ والطلاب ديكولول ها شجرالج ؟ تكدرين دكومين لا ؟ الخ ...
نزل الافندي كال هاا بيج شي ؟؟ بس صوته مال واحد خايف وحجه ع سريع
اني : لابله ؟؟ الله عليك ؟؟ هذا سؤال يسألو يعني ؟ شنو بيج شي مدشوفني مااكدر اكوم .
(ديحاول يساعدني حتى اكوم )
رأسا صحت بي وخر منو سمحلك تلزمني اصلا ؟؟
كال : اني اسف مو قصدي بس دااريد اشوف اذا بيج شي اوديج للمستشفى .
اني : يامستشفى ؟ هه انت متخيل اني اصعد وياك ؟ ع يااساس اصلا ؟ وبعدين علما نوصل للمستشفى انت مسوي سيارتك كوستر من كد العالم الي راح تدعمهم وناخذهم بطريقنه ومن ثم اصلا انت مو صوجك صوج اهلك والله الي انطوك السويج وكلولك روح ميعرفون بأبنهم فد واحد يحب يفخفخ ع عالم بسيارته وكدام البنات و ...
قطع كلامي وكال : اووووكفي انطيني صبر خل احجي
حنين كالت : هسه دكولو يا الله خلي نكومها وبعدين كملو نقاشكم الحضاري بنص الشارع
ناي دكدرين دكومين ؟
اني : اي بس ساعديني رجلي دتوجعني
هو : ناي ؟؟ شنو هالاسم الحلوو وللسان الموحلو حتى ممتراهمات ! (حجه بينه وبين نفسه )
كمت وكفت ع حيلي كال هو يلا تفضلي وفتح باب السياره
اني : كتلك مااصعد وياك امي متفتهم الحجي انت ؟
هو : امي ؟؟؟؟؟ شنو هالاسلوب ؟ ترى متحملج وساكت لان اني الي غلطان واني الي دعمتج لظلين تجادلين واصعدي خل اوديج للمستشفى.
اني : كتلك مااصعد حنين روحي صيحي وليد خلي يجي ياخذني للمستشفى (وراحت حنين دصيح وليد للعلم وليد تربطني بي علاقة اخوووة فقط بس احنه كلش اخوان )
لحظه معرفتكم ع نفسي اني ايسر عمري 24 طالب مرحلة رابعه ولدققون ع عمري اي راسب سنتين 😬😬
اني ماعندي بس اخت وحدة هي التوؤم مالتي اسمها زينب بس اني صاير صديقها مو بس اخوها وهي هم تفتهمني يعني لا اكلكم ولا تكلولي احنه اصدقاء و24ساعة مناكر بالبيت ع اقل شي بس كله بشقة وضحك ،امي فدوة رحت لعمرها ربة بين ابوية تاجر وحالتنه الماديه زينه او زينه كلش واني ماعندي شي غير دوامي وبيتنه وصلاتي واطلع ويه جماعتي وارجع للبيت يعني مرتاح لحد ماتعرفت ع هاي المصيبة الغضب الاسود ناي ....
ايسر : منو وليد ؟
ناي : وانت شعليك ؟
ايسر : اوكي عمي معليه بس خلصيني صعدي خل اوديج للمستشفى شوفي نفسج مدكدرين توكفين من الوجع .
ناي : لا مابيه شي اكدر اوكف وحتى لو بيه مااصعد وياك
ايسر : ياصبر ايوب . شداعيه عليه امي من الصبح
ناي : مرت دقايق وهذا واكف يباوع وساكت وحنين ماجتي ولا اجه وليد شنو القصة رجليه دتوجعني بلكوة واكفة بس دااكابر كبال هذا حتى مااتنازل
ناي : آخ ...
ايسر : شكلتي ؟؟ شنووو مسمعت ؟ خاف دتتأذين ؟
ناي : لا مابيه شي معليك انت ويلا شغلك سيارتك وروح منا شعندك واكف مكافي كسرت رجليه انوب واكف تتفرج عليه ؟
ايسر : لو مكسور لسانج ولا رجليج
ناي : شنو ؟
ايسر : هيج مو يمج ... بعدين لسويليها كسر وماكسر هو مجرد رضوض بسيطه ع اساس لو كسر جان كدرتي توكفين ع حيلج هلكد وتراددين
ناي : باوع اني ...
حنين : ناي يلا حبيبتي يلا امشي شويه شويه واستندي عليه هاي سيارة وليد
وليد : ولج هاااااا شبيج نوايه وكعتي كلبي والله
ناي : مابيه شي حبيبي بس وديني للمستشفى
وليد : يلا يلا صعدي
ايسر : اخوية بس بدون زحمة اني الي ضربتها واني ادري غلطان والي اريد اتكفل بكل المصاريف
وليد : ياعمي غير تنتبه من تسوق اني راح اخذها تكدر تروح لاهلك انت مودع بالله
ايسر صار احمر وصوته طلع بغضب كال : اخوية دااكلك اني غلطت واني اتحمل مسؤوليتها
ناي : اني محد يتحمل مسؤوليتي ...
انكطع حجيي بخزرة من وليد
وليد : ماشي خوية لعد امشي ورانه بسيارتك .
المهم وصلنه للمستشفى وسوولي الاجراءات طلع مابيه شي مجرد رضوض يعني حجي ايسر صح والا اكو وحدة بيها كسر هلكد توكف والها خلك تحجي .....
يتبع
