#قصة_ناي_
#للكاتبه_الزهراء_احمد
#البارت_السادس
الناقل آدم العربي
ام ناي : اخوج خابر وكال ...
ناي : شكال ؟؟ ماما احجي خرعتوني علي شبي ؟؟؟؟
ابو ناي : عمج حيدر مات 😢
ناي : 😱😱😱😱 عززززة
ابو ايسر :ابو ناي البقاء بحياتكم واخر الاحزان ان شاء الله
ابو ناي : تسلم ابو ايسر البقاء لله
ابو ايسر : مامحتاج شي ابو ناي ؟ الله عليك بس كول احنه اهل
ابو ناي : لا متقصر دايم ان شاء الله بس احنه نستأذن حتى نلم الغراض ونرجع ع بغداد
ناي : ( صعدنه بسرعة بسرعة للغرفة اني واسو وامي دنلم بالجنط والغراض ومستعجلين ومخبوصين وحالتنه حاله لازم هسه نرجع ع بغداد وابوية راح يحجي ويه ابو الشركة حتى يحجز تكت لبغداد
ايسر : زينب شكو شبيهم بيت ابو ناي ؟ صعدو يركضون
زينب : لك خطيه عمهم مات ولازم هسه يرجعون لبغداد
ايسر : لا بشرفج ؟؟؟ انا لله وانا اليه راجعون
( وراح ايسر ديريد يشوف ناي ولو اخر مرة ويسلم عليها بس لكاهم طالعين ماخذين تكسي للمطار وراحو
زينب : ( طبعا برنامج الرحلة بعده نفسه وهسه صار لازم نطلع للباص احنه ) ايسر شبيك شارد ؟
ايسر : نقهرت عليهم خطيه ماكملت ونستهم
زينب : اي خطيه فد خافو لو تشوف وجهم شون صار من سمعو الخبر
ايسر : بله هسه هاي ناي تتحمل ؟؟! هي طفله 😞
وصلنه لبغداد وكبل تكسي للبيت ابوية خابر ع علي كله حضر السيارة هسه جاين احنه وصلنه بسرعة ع بيت بس حتى نغير ملابسنه ونلبس اسود وابوية يصيح يلا ويلا . رحنه لبيت عمي ودك ولطم وعماتي يبجن ويبووووو اني اتخبل من اجواء الفواتح واخاف حيل بس مجبورة اتحمل مرت ايام الفاتحة واحنه واكفين
دازتلي طلب وبس انتي صديق مشترك
اسو : زينب يمعودة اخت ايسر
ناي : ( ياهلا بريحة الحبايب 😍 صدك تذكرت كلتلي دزيتلج طلب من جنه هناك ووافقت رأسا مامرت دقايق واجتني رساله من زينب تكول : هلاوو ناي البقية بحياتج يعمري واخر الاحزان ان شاء الله ملحكنه نسلم عليكم بالفندق طلعتو مستعجلين .
ناي ردت عليها : هلاوو زنوبه وحياتج الباقيه حبيبتي شكرا
( وكعدنه نسولف اني اسولفلها ع فاتحة وهي سولفتلي برنامج السفرة وره مرجعنه وكذا زينب ( راحت لغرفة ايسر ) فنك ويامن جنت احجي ؟
ايسر : زينب مالي خلك تعبان وكت حزورات
زينب : ناي 😍
ايسر : صدك ؟؟ شحجيتووو ؟؟؟ شلونها هي
زينب : صبر صبر ههههه هاك التليفون تلكه محادثتها اول وحدة بالماسنجر اقراها
( مرت دقايق ديقره بيها كمل وشمر التليفون ع زينب )
ايسر : شنو هاي !
زينب : شنو ! بعدين ليش هيج شمرت الفون
ايسر : حجيكم كله مابي معنى
زينب : هههه شتريد المعنى مثلاً تريد تسأل عليك مو ؟
ايسر : يعني
زينب : بلا يعني ومدري شنو مراح تسأل عليك اخذها مني هي بنيه ثكيلة وصعبة عليها تسأل ع ولد
ايسر : لعد شون هسه ؟
زينب : طب انت احجي وياها
ايسر : لا لج عيب شنو افوتلها ع خاص
زينب : لك فوت بس عزيها واخذ من خاطرها بعتبار عدهم فاتحة
ايسر : بيها وجهة نظر كومي طلعي بره
زينب : باع المصلحجي
ايسر : ههههه يلا يلا كومي لظلين تحجين
وكعد ايسر يفكر بسالفة يدزلها مسج لو لا لحد مصار الليل وهو متردد ادز لو ماادز اخر شي قرر يدز وشيريد يصير خلي يصيراسو : وين جنتي ؟؟
ناي : جنت جوة غسلت المواعين
اسو : دتعاي سكتي تليفونج هواي دك
ناي : ها انزعجتي ؟ ههه عزززه هذا منووو دزلي 😱😱
اسو : منو
ناي : هيج هيج هذا ايسرر دزلي عاااا لو بيدي اكوم اكمز واخيرا صار اكو وسيلة تواصل واني جنت خايفه بعد لا نتشاوف ولا نحجي بس هسه شون اجاوبه ؟ خاف يكول عليه خفيفه دزيتلها ع خاص وجاوبتني محلوة بحقي واذا مااجاوبه هم عيب هو دازلي تعزية اهوووو هسه شنو اجاوب لو لا . زين دخل اجاوب برساله قصيرة وانهي الحوار واسد الفون حتى ميكول ماصدكت وكعدت تسولف )
ناي : ( دزيت مسج ) حياتك الباقيه شكرا ايسر
ايسر : شلونج ناي ؟
ناي : زينه واريد انام تصبح ع خير
ناي ( لحظة لحظة هاي اني شدزيت ؟؟؟ عزااا صدك احجي اني شون هيج ادزله والله ولا عندي ذوق الولد بس سأل شلونج ليش هيج طردته ايسر ( يحجي بينه وبين نفسه هاي شبيهااا ؟؟ ماشي ناي تعاي عاتبيني اذا دزيتلج مسج بعد اصلا كلش كافي لهنا هواي جفصتي ابطني وظليت متحملج وساكت
طبت زينب للغرفة
زينب : شبيك ادردم ويه روحك ؟
ايسر : مابيه شي زينب طلعي وسدي الباب اريد انام
زينب: اجيت دااذكرك باجر تطلع لشغل 😜
ايسر : اي مناسي اصلا يمعودة
زينب : ماشي ماشي شكلك معصب حروح انام تصبح ع خير
ايسر : وانتي من اهله ناي ( كعدت الصبح وكبل باوعت ع تليفوني بس ماكو مسج 😢 اي طبعا ماكو مسج ناي ع هذا اسلوبج مال بارحة وطردتي الولد شتردين يدزلج بعد ؟ غسلت ورحت ع مطبخ لكيت امي واسو ) صباح الخير
ام ناي : صباح النور
ناي : ماما لشوكت حنظل لابسين اسود اختنكت منه
ام ناي : حتى الاربعين بعدها مطلعت شختنكتي
ناي : ااايييه مااحبه ماريده
اسو هههه ترى محد عازمج ع بيتزا حتى تحبي لو متحبي مجبورة تلبسي
ناي : ياااا شكد ظريفه ايسر شو هاي لا دزت مسج ولا اعتذرت تنتضر اني ادزلها مثلا ؟ ابددد هالمرة ابددد مااتنازل الا اخليها هي تجي )
ابو ايسر : بابا ايسر وصلت البضاعة الجديدة روح استلمها وسوي قائمة الحسابات
ايسر : صار يابه ناي ( مرت اسبوعين واحنه نفس الروتين بس كل يوم احجي ويه زينب لحد مصارت علاقتنه قوية ونسولف بليل كل يوم ونام بس لا اجيب طاري ايسر ولا هي تجيبلي طاريه بس مرات تكولي طلع لشغل ويه بابا او هيج شي لحد مايوم حجيت ويه زينب ع فيس وجانت ضايجة كلش سألتها شبيج كامت تبجي 😳
ناي : لج حبيبتي بس اهدي وفهميني شبيج عليمن هالبجي ؟
زينب : ابن عمي متقدملي
ناي : اي وهاي شغله تبجي ؟
زينب : لا مو ابوية وافق ومنطي كلمة لعمي لان هذا ابن عمي هم دكتور وعايش برهع وهمه شايفي مناسب الي بس اني ماريده مااحبه 😭
ناي : زين اوكي كولي يا الله وبطلي تبجين روحي توضي وصلي ركعتين لوجه الله وتعالي نسولف ونشوف شلون نحلها .
ناي : ( وراحت زينب تصلي اني كلش انقهرت عليها خطيه ليش ديزوجوها اذا متريده قابل غصب الحب يجي ، فكرت بفكرة حتى اساعد زينب بيها وهي انو ادز مسج لأيسر
