#قصة_ناي_
#للكاتبه_الزهراء_احمد
#البارت_الرابع
الناقل آدم العربي
اني انداريت وشفته بس ياريت ماشفته رجليه صارن ثلج من التوتر مدااكدر امشي
ورأسا وخرت ركضت يم اختي
ناي : لج اسووو هذا هنا الضربني
اسو : الضربني شنو
ناي : شبيييج ركزي وياي هذا الولد الي دعمني بسيارته هياته هنانه ولج
اسو : صدك ؟ وج خاف واحد يشبه
ناي : لا والله هو بعدين اني حافظه شكله عدل من كدما اكرررره
اسو : هههه ديلا امشي نركب بطيارة صار موعد رحلتنه
ورحنه وكعدنه
اسو : نحوولتي
ناي : ها
اسو : نحولتي من كدما تباعين ع ذيج لجهة ديري وجهج ليجينه ابوية . كافي ادورين عليه
ناي : ههههه اصلا مداادور عليه خلقه اخلاق هو حتى ادور عليه
اسو : اي اي كلش ممهتمه ومددورين 😉 زينب : اني اكعد يم الجامة
ايسر : مقعدي هذا ماانطيجيا
زينب : كتلك اني اكعد مااا يعني ماا
ايسر : والله ماانطيجيا مقعدي ومااغيره
ابو ايسر : بله متستحون انت صرت رجال وتخرجت وانتي دكتورة بعد يومين تتخرجين وبعدكم تتناكرون ع اقل شغله مو عيب ؟ شوكت تكبرون
ايسر : حنغادر ارض الوطن برزاله جميلة( كعد بكرسيه وزينب بصفه واهله هم كعدو وراهم
زينب : هههه بس صدك عيب نترزل
ايسر : غير انتي تزعططتي
زينب : دكافي شنو حنرجع نتناكر من جديد ناي : ووصلنه ترركياا حنركب باص ونروح ع فندق اني لابسه مناظر ماريد اشوفه ماريد بس قابل حظل اتجاهله 10 ايام اول وتالي حنتصادف هسه اني عليمن لابسه مناظر وضامه نفسي اصلا المفروض هو يضم نفسه خيولي
اسو : ها خبله شبيج تحجين ويه روحج ( وكعدت يمي بالحافلة بس احنه اخر كم مقعد صرنه )
ناي : ههههه لا مدااحجي . اكلج هذا وينه الضربني مشفته بطيارة
اسو : اي سمعت ابو الشركة كال كل عائلة صارت بجهة بطيارة موزعينه حسب المقاعد مو كلنه سوه . اكلج انتي مشوفتينيا وينه
ناي : ذاك لابس اسود كاعد اول شي بالباص وويا بنيه يجوز مرته
اسو : وشبيج عوجتي حلكج من كلتي مرته
ناي : معوجت حلكي ولا شي لتسوين من الحبة كبة وصلنه الفندق ونزلنه الجنط
اني داانزل من السيارة واروح يم اهلي اساعدهم بالجنط وجان نصير عين بعين
كمزت رأسا وكلبي كام يدك سرررريييييعواني ساكته وهو ساكت بس هو مبتسم
بعدين اني راسا وخرت من يمه رحت يم اهلي اخذنه الجنط والمفتاح من الريسبشن وصعدنه لغرفتنه بدون مااباوع ع اي احد ولا اريد اشوفه حتى جان لازم نرتاح ساعتين ونبدل وننزل لان حيبدي برنامج السفرة طبينه ارتاحينه واكلنه شوية وصلينه اهلي نامو واني واسو كاعدين دنحضر بهدومنه الي راح نلبسهن
ناي : اسو راح البس هذا البنطرون وهاي السترة اني اليوم
اسو : انجبي اتفقنه هذني الي اول يوم
ناي : الله عليج حبابه حبابه اريد اطلع حلوة
اسو : ليش المن دثبتين انتي حلوة 😉
ناي : شنو دثبتين ؟ اني نااي اثبت لاحد حلوة ؟ والله ياربي
اسو : اهووو اشتغل الغرور
ناي : ههههه هسه حاخذهن حبابه حبيبتي
اسو : اخذيهن بس حلبس هدومج اني 😜دكت امي الباب
ام ايسر : ها ماما كملتو ؟ لازم ننزل هسه عيب منريد نتأخر ع ابو الشركة
ايسر : ( فتح الباب وفاتت امه ) اي يمه كملنه بس زينب دسوي بحجابها ( وجان ديرش عطر ترس الغرفة بي )
ام ايسر : ماما كلنه عطرك طيب بس مو هيج خنكتنه خنك بي
( وجتي زينب ديردون يطلعون )
ايسر : شنو هذا شعرج طالع 😡
زينب : لا مطالع بس شوية منه
ايسر : دروحي ضمي شعرج وعدلي حجابج لا اكسرج والله وطلعه ماكو امششي 😡
زينب : ماما شوووفي ابنج احجيلج شي ويا
ام ايسر : ماما صحيح حجي ايسر انتي محجبه ليش دطلعين كُذلتج
زينب : هووووف
ايسر : امشي بلا هوف بلا عزة شنو من صرنه بتركيا لازم نطلع شعرنه امشي عدلي يلا
(وراحت زينب تعدله ونزلو)ام ناي : نونه انطي المفاتيح لرسبشن وتعالي احنه حنسبقج ع سيارة
ناي : صار ماما
( ورحت انطيتهيا وكتله تشكورلار يعني شكرا بالعراقي ونداريت حتى اروح لاهلي جان الكا بوجهي واكف وكال
ايسر : ها ماشاء الله رقيقه من تحجين كله تشكورلار وخبصه
ناي : عفواً ؟!
ايسر : انوب عفواً هم !! شبيج تحجين عدل هنا وبغداد من ضربتج لسانج طلع اطول من يوم السبت
ناي : يعني انت الي دعمتني شتريد اكوم ابوسك من راسك واكلك شكرا ع دعمة !
( ابتسم ايسر يريد يضحك بس لازم روحه كوة )
ايسر : ها ماشاء الله بعده نفس الراس اليابس والسان الطويل
ناي : شنو شنو ؟؟؟ شنو هالميانه الماخذها عليه ؟ منو سمحلك تحجي وياي بهالطريقة ؟
( ايسر باوع عليها ومشه ومحجه شي )
ناي : من احجي وياك توكف وتجاوبني
ايسر : شو اجيتي وراي ؟ اهلي اجوي اذا شافوج شيكولون بله دتتحارش بأبنه ؟ ( ومبتسم بمكر
ناي : عزه بعينك اني اتحارش بيك ؟ ( شفت اهله صدك جااين بعد مترهم اظل واكفة عفته ومشيت للباص بس اني اعصاب من حجايته الاخيرة مدااشوف حتى دربي زينب : منو هاي البنيه ؟
ايسر : وحدة
زينب : يلا لتتعيقل منو هاي البنيه ؟
ايسر : ههه هاي الي دعمتها قبل كم شهر
زينب : عزة بعينك ولك خاف اهلها هسه يحجون ويه اهلي
ايسر : لااا يمعودة شبيج خفتي كبل امشي دنصعد بالباص اسو : شبيج كالبه خلقتج
ناي : مابيه
اسو : لا واضح كلش من شمرت الجنطة
ناي : لج هذا الحيوان هيج وهيج يكلي ( وسولفتلها ع الموقف من البداية لنهاية )
اسو : ههههه بس والله فشلج فشله ديطلع ثاره من لسانج الطويل
ناي : انتي ويانه ؟ علينه بعدين رحنه لمدينه العاب ابو الشركة راد اليوم يصير خفيف لان اول يوم وتعبانين حتى نرجع بسرعة ع فندق وباجر يبدي برنامج الطبيعة
اني كلش احب الالعاب الخطرة واختي عكسي 😭 ف كل لعبة لازم اركبها وحدي
شفت دسكڤري بعد مكدرت لازم لازم اصعدها اخذت الكارت من اهلي ورحت
دااصعدها ويه مدااطب لسرة اللعبة ردت الطخ بواحد منكدما جيت سريع بس الله ستر ومطخيته
ايسر : تفضلي ( واشرلي افوت قبله
فتت اني بس احجي بيني وبين نفسي هذا شبي ؟ مو قبل شوية حاط راسه براسي ويناكرني شو هسه التفضلي مالته بكل ادب بس يجوز لان مرته ويا يامرته وهو ملابس حلقة مادري المهم اخته بت عمه هسه اني شعليه
ركبنه اللعبة بس شو كلش قوية كلش مو مثل مالت بغداد من نزلت شوية افتر راسي ولزمت العمود مال حديد البصفي
ايسر : بيج شي ؟؟ ( هالمرة صوته حنييييين )
ناي : لا مابيه ومعليك مني ( عفته ومشيت رحت يم اهلي زينب : ياعم انت ياعم ايه الحنية دي ياشيخ
ايسر : امشي وانتي ساكته
زينب : ههههه شبيك ضجت خاف لان فشلتك مرة لخ
ايسر : لا بس شو داخت خطيه خاف بيها شي
زينب : وانت ليش خايف عليها بدون زحمه ؟ تقربلك بشي ؟ بعدين راحت يم اهلها
ايسر : اي صح ( بس بينه وبين نفسه يكول صدك اني ليش خفت عليها ؟ شو حسيتها قطعة مني وخفت عليها ماردت يصيرلها شي ناي : خلص برنامج اليوم وصار الليل وبعد لازم نرجع ع فندق وحنروح للباص امي وابوية يمشون ليكدام واني واختي وراهم
اسو : شبيج شو ساكته ؟
ناي : هذا شبي مخبل ؟ شنو مرة يعاندني شنو مرة يدير باله عليه والله مداافتهمه (والببسي بيدي احجي واشرب
بهالاثناء وصلنه للباص بس جانت فارغة محد بيها وبيت ابو صخام لضربني واكفين يم السيارة صدك صخام شسمه ؟ بعدني لحد هسه متشرفنه بأسمه الكريم !!
ابو ناي : السلام عليكم ( وردو السلام عائلته )
طبعا عراقيين وتلاكو كعدو يسولفون ويحجون ع كلشي بالحياة لحد ماوصل الحديث لموضوع ياريت لو مواصليله
ابو ايسر : والله يااخي اني بنتي مااكدر اطلعها وحدها لازم لو اني لو اخوها وياها من كثر ما اكو ولد مستهترين بشارع
ابو ناي : والله حقك هسه اني هاي بنتي الصغيرة ناي قبل فترة ضربها واحد بسيارته وشحطها وراح زين لا وكف ولا اعتذر بس اهلهم ممربيهم وصايعين يتفخفخون بسياراتهم
ناي : ( راح اموت ضحك بداخلي واني اباوع عليه وهو مصددوم شكله صار هيج 😳 من ابوية جان يحجي
ايسر : عمي
ناي : ( عزه هذا شراح يحجي بسلا يكول وصلتها ومعفتها هسه شسوي ياربي كمت وكلبت قوطية الببسي ع بنطروونه حتى يسكت ع اساس بدون مادري شسوي ماعندي غير حل )
ابو ايسر : يلا صار خير صار خير روح غسل ايسر ( وايسر يباوع عليه بحقد واخته انتبهت علينه وضحكت )
ام ناي : شبيج ولج غير تنتبهين
ناي : مادري ماما موقصدي اني اسفه 😞
ام ايسر : يلا مصار شي بنيتي لتهتمين
ناي : ماما اني حروح لw.c
ام ناي : ماشي لتتأخرين واسو روحي ويه اختج
ورحنه
اسو : وين موليه ادري مرايحة للحمامات
ناي : اسو اوكفي هنا الله عليج خل اروح احجي ويه ايسر واجي
اسو : ايسر ؟! شبسرعة حفظتي اسمه
ناي : بس بشرفج موحلو اسمه ؟ مو موضوعنه خل اروح اكله اهلي ميدرون انت الدعمتني حتى لا يجفص بشي ابقي انتي هنا واني دقيقتين وراجعة
(رحت انتضرته كدام w.cمال رجال جان يجي )
ايسر : لج ليش ابوج مفتهم اني مستهتر وشنو شحط سيارته وراح مو اجيت وياج اني واصريت اروح لاهلج بس انتي ماقبلتي
ناي : اي بيك حيل تنفصلون عشائرياً
ايسر : لا مابينه حيل
ناي : خلص لعد اسكت وامشي
( مشيت كدامه اني وسمعته حجه ورايه )
ايسر : عليمن ننفصل عشائريا هسه انتي تسوين مدري كم مليون ؟ (ويضحك )
ناي : لو يبيعوك انت وسيارتك الجارجر هاي مال مستهترين مدكدرون توفون قيمة شعرة من شعر راسي (طبعا اني جاوبت ابرود وبأبتسامة لان هو جان رايد يستفزني )
ايسر : هم كالت مستهترين اني شلون بلسانج هذا
اني ضحكت وعفته ومشيت ومدرتله بال ورجعت لاختي حتى نرجع يم اهلي ورجعنه لكينه الباص مليان ودينتضرونه احنه العائلتين احنه هم صعدنه ع سريع حتى منأخرهم عيب ورجعنه ع فندق وصعدت للغرفة اول وحدة بعد مالي خلك نقاشات ويه استاذ ايسر .
فتنه للغرفة وارتاحينه كمت داابدل جان امي وابوية كالو مال جاي هسه راسنه كام يوجعنه
ام ناي : نونه روحي جيبيلنه من المطعم مال فندق الجوه قبل لتبدلين
ناي : اوك . اسو تعاي وياي
اسو : ولي لج والله مابيه حيل
ناي : شكد سخيفه ونزلت دااجيب جاي جبت ورجعت ع مصعد لكيته مشغول اهوو اني تعبانه مالي خلك انتضر خل اصعد ع درج احسنلي . وصعدت وصلت لطابق مالتنه وطلع ايسر من غرفته وابتسم بس شافني اجه بأتجاهي شكله جان يريد ينزل واني دااروح للغرفة ( ماجذب عليكم من شفته طلع من الغرفة فرحت شوية ولحد يسأل ليش لان اني هم مادري ايسر : شعدج طالعه بهالوقت ؟
ناي : وانت شعليك
ايسر : وين جنتي
ناي : كلت معليك
ايسر : ناي اخر مرة اكلج وين جنتي 😡
ناي : ( عزة هذا يعرف اسمي ) جنت دا دااجيب شسمه جاي اقصد ( حجيت بصوت ناصي وارتبكت شوية لان سمعت اسمي منه )
ايسر : اوكي يلا رجعي طبي لغرفتج ولطلعين بعد صارت دنيا ليل
ناي : وانت عليمن خايف وشايلتك الغيرة خال ولد عم ابنيه ؟
ايسر : لا لان انتي عراقية واني عراقي وثنينه ببلاد غرب من حقي اغار عليج لو مو من حقي ؟؟
ناي : (فشلني بجاوبه عابتله ) اي اوك من حقك باي
( وطبيت للغرفة وسديت الباب والضحكة تارسه وجهي بس شفت ابوية وديباوع عليه رأسا اداركت الموقف وكتلهم هذا الجاي جبته )
طبعا الضحكة مراح تعبر ع اسو انتضرت اهلي ينامون وسألتني
اسو : شكلج ؟
ناي : ها
اسو : نزل الثول . شكلج ايسر وطبيتي تضحكين هلكد ؟
ناي : هههه وانتي شمدريج ايسر يجوز تصادفت ويه شاب تركي حلوو
اسو : ههههه مو مشفتي وجهج شون ينكلب وبس تشوفين ايسر ينفتح . هسه دحجي شكلج
ناي : لا ماكو هيج حجي من يمته اني اتأثر بولد اسو : اييييه شكد تكابرين خلصيني احجي
ناي : هيج وهيج ( وسولفتلها كلشي وكضينه الليل كله ضحك وسوالف لان جربايتها بصف جربايتي وحضرنه هدومنه وكلها نامت الا اني والسبب انتو تعرفو زين
