#قصة_ناي_
#للكاتبه_الزهراء_احمد
#البارت_السابع
الناقل آدم العربي
دك تليفون ايسر نغمة مسج وقره ايسر اسم ناي ع شاشة الفون
ايسر : جابج الله اذا مااكسرلج هذا خشمج اليابس ميطلع اسمي ايسر ( فتح المسج وجان مكتوب بي ...
ناي : ايسر تدري اني من شفتك كلت هذا متحضر ومثقف وواعي ويفتهم بس ابد متخيلت عقليتك هيجي شنو هالتخلف الي انتو بي الدنيا وين وصلت وعقليتكم ترجع ليوره يعني شنو بنيه متريد تزوج تجبورها ؟؟؟
ايسر : ( هاي خبله ؟؟ شو طابه ترزل شنو عقليتكم شنو متخلفين شدتلغي هاي ويابنيه هاي المجبورة تزوج ؟؟! )
ايسر : انتي شبيج بابا شو طابه ترزلين ؟! احجي عدل شنو متخلفين ؟ ويابنيه هاي المتريد تزوج واني جابرها حسب حجيج ؟
ناي : ( دك تليفوني دك هذا ايسر ؟ اي والله ايسر عاااا )
ناي : زينب مو متقدملها ابن عمك ؟ متريده هي ومتحبه ليش دجبروها تزوج ؟ حلوة عدكم من هسه هي ميته بجي ؟
ايسر : لحظة قصدج احمد التقدملها ؟
ناي : احمد ولا جاسم شمدريني شسمه اصلا المهم هي متريد تزوج وكاعدة تبجي بغرفتها هسه
ايسر : ( تنكت الفطيرة هههه جاسم شنو )
ايسر : اولا بطلي تتهجمين وتحكمين بدون متعرفين شي وثانيا اني اساسا ماادري بهذا الحجي وانو انفتح موضوع احمد وزينب من جديد هو جان مجرد حجي ثالثا زينب محد يكدر يجبرها ع شي واني عايش عسما ابوية خوووش ؟
ناي : ( فدوة شون يحب اخته 😍 )
ناي : اي خوش . شلونك
ايسر : زين وماعندي وكت احجي وياج باي
ناي : ( 😱😱 ايا ابن الاوادم شنو هالفشله الفشلنياها ؟؟ عزه بعيني بس هو ترى حقه ديريدلي جوابي مال فاتحة وبعدين اني شكو طبيت كبل رزلت الولد يربي اني شبيه اصير ثولة من احجي ويه هذا الولد ووضعي كله يتخربط حتى حجي مثل العالم مااعرف احجي وكبل اجفص بالحجي )
ايسر : ( اييييه واخيرا كسرت خشمها شوية هسه ارتاحيت )
وراح ايسر لغرفة زينب ودك الباب
زينب : تفضل
ايسر : زاد فضلج عيني بس امي تسلم ع امج وتريد طماطه 😜
زينب : ههه شتريد ايسر كول ؟
ايسر : باعي عليه عيونج هاي المورمة من لبجي ماريد اشوفهن هيج بعد انتي متردين تزوجين ؟؟
زينب : لاء مااريده
ايسر : خلص انتهى الموضوع متزوجين ومحد يكدر يجبرج ع شي واني عايش ومراح تنزفين لشخص متردي لو ع موتي
زينب : لا حبيبي اسم الله بس ابوية شلون نقنعه ؟
زينب : معليج بأبوية عوفي عليه
ايسر : حبيبي ايسوري الله يخليك الي
ايسر : ( باس زينب من راسها ) دكومي سويلي عشه اخوج ميت جوع
زينب : احلى عشة لأحلى اخ بدنيا
ناي : ( هسه اشون ؟ ادز مسج اعتذر منه ع اخر مرة حجيت ويا وطردته بيها ؟ لا ماادز خيولي هسه يكعد يتعيقل براسي ويسويلي ماعندي وكت ماادز ، بس والله مدااعرف اصبر 😭 خل انزل يم امي احسن )
ناي : علي
علي : ها
ناي : كوم طلعنه بسيارة الله عليك
علي : شنووووه دمشي بابا مابيه حيل وحتبدي لعبة الريال
ناي : ( هووووف هسه بيمن الهي نفسي ماريد اروح ادز مسج لأيسر )
ام ناي : شبيج تلوبين ؟
ناي : شنو يوم ؟
ام ناي : من نزلتي وانتي كاعدة وتاكلين بأضافرج شبيج
ناي : لا حبيبتي مابيه شي ( يامابيه شي خل اروح لغرفتي اشرفلي بدل ماافضح روحي كدام اهلي ، هسه ادز لو لا ؟ بس والله زين يسوي بيه اني مااجي الا بالعين الحمرة مال عيني واغاتي لاء اجفص زايد ، حدز ! لا اخاف يفشلني مرة لخ هووووف كافي تعبت كدما فكرت حدز وبس )
زينب : ايسر انزل اتعشه
ايسر : جيت
( وكعدو زينب وايسر بالمطبخ هو يتعشه ويسولفلها ع شغل ويشاقون ويحاول يضحكها حتى تنسى موضوع احمد بس. حيعوفها ويروح لغرفته لان دك تليفونه 😉
زينب : تعال وين رايح مكملت عشاك
ايسر : شبعت الحمدلله تصبحين ع خير
زينب : وانت من اهله
ايسر لكه مسج من ناي
ناي : ايسر
ايسر : تفضلي
ناي : شنو هالرسمية ؟ شبيك وياي ؟
ايسر : هيج احسن كولي بشنو اكدر اخدمج ؟
ناي : لا عيني خادم ربك شكرا . تصبح ع خير
ايسر : وانتي من اهله
ناي : ( لا ياااحقير شو كبل كال وانتي من اهله عبالي حيكلي لا ابقي ، احجي ، )
ناي : بس ميصير دكلي هيجي رأسا وانتي من اهله واني بعدني محاجيه الي اريد اكوله
ايسر : ميصير مو ؟ بس يصير رأسا حضرتج دكليلي زينه واريد انام وتصبح ع خير مو ؟ ولا اجيتي ولا اعتذرتي وراها ولمن اجيتي طبيتي ترزلين حتى مو مثل البشر سلمتي بالاول
ناي : ( خررب حجيه صحيح هسه شكُله ؟ )
ناي : اوكي اني اسفه
ايسر : على ؟؟؟
ناي : على كلشي
ايسر : ماشي بس ماريد هذا الاسلوب بعد هاي اخر مرة اكلجياها ناي
ناي : صار
ايسر : ( فدوة لصار )
ناي : ( شنو صار ؟ شو اني كبل استسلمت ؟ شنو هالفهاوة ؟؟ )
ايسر : اي شكو ماكو شخبارج ؟
ناي : زينه انت شلونك ؟
ناي :(وظلينه نحجي رسائل الليل كله جنت من صدك مشتاقه احجي ويا وسولفلي ع شغله وع ابو وع كلشي يخصه ، وهو يسأل واني اجاوب لحد ما صارت الساعة 5 الفجر انتبهنه انو الفجر 😱 )
ناي :ايسر لك باع الساعة صارلنه 6ساعات نسولف من 11 لسه
ايسر : هههههه لج لازم ب6 اكعد واروح لشغل هنيالي اي والله مابقتلي بس ساعة
ناي : دروح نام
ايسر : شنام بعد متسوه
ناي : لا نام ارتاح شوية ميصير تروح لشغل وانت منايم ابد
ايسر : وانتي شحسوين ؟
ناي : انام طبعا طفيت اني
ايسر : هههه اوك يلا نامي
ناي : اوك يلا باي
ايسر : ( ونمنه ثنينه اني محسيت نمت ساعة يمكن حسيتها دقيقه ودك المنبه كمت سبحت وبدلت ولكيت امي دسوي ريوك الي ولابوية )
ايسر : صباح الخير امي
ام ايسر : صباحك ورد ماما
( واكلنه وابوية كال : يلا ايسر اليوم نروح بسيارتك
ايسر : ماشي ( وكمنه طلعنه ووصلنه باب الحوش وصاحت امي : ايسر
ايسر : امري يمه
ام ايسر : بيش راح ترحون ؟
ايسر : بسيارتي غير
ام ايسر : ( لزمت السويج بيدها وتباوع ع ايسر ومبتسمه )
ايسر : هاي عود اني صدك نسيته ؟ ( ورحت دااخذ السويج )
ام ايسر : اي صدك ناسيه شبيك مطفي اليوم
ايسر : ( ههههه مكلت شي بس بستها من راسها واخذت السويج ورحنه لشغل
ام ناي : نوووونه كومي الساعة صارت ب1
ناي : (بلكوة فتحت عيني ) اي حكوم
ام ناي : وج كومي ويامن احجي
ناي : ايي ماما كمت ( كمت لميت شعري وغسلت ورحت للمطبخ دااكل جان اغفه ع ميز مال طعام )
ام ناي : ياااا شبيج دكومين منا تنامين منا
ناي : شبيج يمه فززتيني
ام ناي : شوكت نايمه ؟
ناي : ها
ام ناي : من كلتي ها يعني متردين اجاوبين
ناي : لك فديت الي يفتهم انييي
ايسر : ( ورجعت من الشغل وكبل للغرفة ومسج لنونوايتي 😍 )
ايسر : نونه
ناي : ( يمه اجه 😱 هاي اول مرة يكلي نونه 🙈 )
ناي : نعم
ايسر : شوكت كعدتي من النوم اليوم ؟
ناي : ههههه ب1 بلكوة شلت نفسي
ايسر : ههههه بخت لج اني نمت بس ساعة هسه دااحس طاااااافي
ناي : هههه اووي حقك . دتغده ونام
ايسر : ماشي حروح اصلي واكل وانام . باي
ناي : صلاة مقبولة وبالعافيه مقدما . باي
وناام ايسرر كعد الساعة ب12 بليل
ايسر : ( هاي 12 الظهر لو بليل ؟ نمت هلكد اني ؟؟؟ وفتح تليفونه رأسا ودز مسج لناي
ايسر : هلاوو
ناي : ( ديلا يمعود وين جنت داانتضرك )
ناي : هلاووو صح النوم
ايسر : هههه جنت بغيبوبة مو نومة
ناي : ( وظلينه الليل كله نحجي مثل البارحة وصرنه كل يوم هيج نسهر ونظل نسولف لحد مامرت اشهر واحنه ع هل حاله جنت كلش مرتاحتله وطلع حيل حباب وثكيل مو مستهتر مثل مكلت عليه اول مرة 🌚🙊 )
ايسر : ناااي وينج كم مسج دزيت وانتي ماكو ؟؟؟
مرت دقيقتين
ايسر : لج وينج 😡
مرت خمس دقايق
ايسر : نااي راح اموتج والكعبة 😡
ومرت نص ساعة
ايسر : شون تريد ابتلي بيها والله . لج وينج مختفيه اليوم ؟؟؟؟؟
وظل ايسر يدز مسجات من الصبح للعصر وناي ماكو 😳
ناي : ( عززة 16 مسج من ايسر يبو يبو 🙈 )
ناي : هلاوو ايسر ( رأسا الرساله انكتب مرئي رأساً )
ايسر : وين جنتي ؟ 😡😡😡
ناي : جنت يم صديقاتي
ايسر : ليش مكلتي راح اطلع ؟ 😡
ناي : شمدريني
ايسر : يعني شنو شمدريني احنه مو جنه نحجي بليل ؟؟ ليش مكلتي راح اطلع فهميني !!
ناي : ليش جان لازم اكول ؟
ايسر : لا لتكلفين نفسج ودكولين خليني هنا عقلي يودي ويجيب ويظل بالي يمج
ناي : ( يمه فدوه للباله يمي )
ناي : صدك ظل بالك عليه ؟
ايسر : ناي انتي شمفتهمه اني دااجذب عليج مثلا ؟؟
ناي : لالا مووقصدي بس مادري هيج مجرد سؤال
ايسر : اي ناي اي يظل بالي يمج واظل افكر بيج واغار لان مو كبالي ولا يمي ارتاحيتي هسه ؟
ناي : هههه اي ارتاحيت
ايسر : ههههه خبله والله . اي سولفيلي منو صديقاتج وتونستي يمهم لو لا ؟
ناي : صديقاتي ذوله كروب المدرسة احنه كل كم فترة نجتمع يم وحدة احنه تلاثه اني ومنى وسالي بس كلش احبهم صايرات خوات احنه مو بس صديقات
ايسر : اي حلووو . منو وداج لو رحتي وحدج ؟ اكسرج اذا وحدج رايحة
ناي : هههه لالا مو وحدي امي وصلتني وبابا اجه اخذني من يم بيت صديقتي .
ايسر : وحاطه مكياج ؟
ناي : اشياء خفيفه لان اني بعدني لابسه اسود ع عمي
( وايسر سكت )
ناي : شو سكتت ؟
ايسر : داافكر بوضعنه معاجبني
ناي : ياوضعنه ؟
ايسر : ناي لا انتي كدام عيني ولا انتي صايره ملكي واكدر احاسبج ولا اي شي ثابت
ناي : يعني هسه انت تريد كدام عينك حتى تحاسبني ههههه
ايسر : ناي لتكلبين الموضوع شقة اني اريد احط حد لهذا الموضوع
ناي : اي وشنو الحد ؟
ايسر : اخطبج وتصيرين الي ❤️
ناي
