المستقبل
ليال:يمة بس اني هسة انزوج شنو اجبروني
الحجية:ولج يمة ليش ابن خالتج ماعايبة شي وابن اجاويد ليش يمة تفشليني
ليال: بي اني ماريد اتزوج واحد مشايفتة من جنة زغار
شافق: اووف شتاقيت لديرتي وبساتين والهوى والعصافير الفجر والخبز الحار من ايد امي
جاسم: والله اني هم اشاقيت مو كافي غربة
باشق:مادري حاير ارجع لو لا
(في مكان اخر)
ليال :صباح الخير بوية كواك الله
شيخ ناصر: هلا بوية هلا الله يكويج
ليال:بوية عن اذنك اريد اطلع اليوم للبستان قاطعتني امي وكالت
الحجية: لج يمة ليال كبرتي وصرتي مرة عيب بعد ضلين تلعبين مثل قبل يم الفلاليح
شيخ ناصر : حاضر بوية مايكون خاطرج اله طيب اليوم رجعي ويا ام محمد واخلي محمد يجي ياخذكم للبستان
ليال : مشكورة بوية (طبعا بيت ابو محمد من زمان عدنة يشتغلون ام محمد وبناتهة با البيت
ومحمد وابو محمد با البساتين)
نرجع لباشق
باشق :يلة جاسم راح نتأخر فضهة
جاسم: اجيت اجيت واخيرا راح نرجع للكوت اكلك
باشق :هاي احجي
جاسم :هم راح تشتاق لبغداد
باشق : ما اعتقد حتى لو شتاقيت ما راح يكون مثل شتياقي للكوت واهلي
جاسم شدكول يمشي شغلنة با الكوت مثل بغداد
باشق : طبعا بس يراد وقت
الكوت
.................
ام محمد : حجية كملت شغلي اروح
الحجية : روحي بس لا تنسين تاخذين ليال
ام محمد :صار
ليال:جنت كاعدة اقنع با سهر اختي تجي وياي
واجت ام محمد صاحتني
ليال :ها سهر ترحين
سهر :لا ليال تعبانة غير يوم
ليال: ميخالف بس لا عبالج اعوفج سالفتج مو خالية ليش ترفضين كل مرة
سهر :روحي هسة روحي
ام محمد: ها يمة كملتي
ليال : اي خالة اجيت مشينة اني وام محمد لبيتهم الي يصير بصف بيتنة
ام محمد :ليش سهر مجاي تجي وياج اكو شي
ليال: ها خالة لا ماكو شي بس تعبانة شوي (كلت بتوتر)
وصلنة للبيت وطلعتنة نورية بنت ام محمد فتحتت الباب
نورية: هلا هلا منو جاينة اليوم شلونج حبيبة ليش متمرين
ليال:اوكفي ولج اكلتيني وشربتيني
نورية: فوتي فوتي جوة جاية علمودنة لو علمود البستنان
ليال: والله ثنينكم
نورية: جذابة علمود البستنان
ليال:والله عليج سوالف جاي نسولف وطلعت سعاد اخت نورية
سعاد :هلا هلا ليال الي مدوخة المنطقة كلهة
ليال : اني ليش مدوخة المنطقة شمسوية
سعاد : تسوي روحهة متعرف من جمالج كلهة تخطب بيج واحنة ضالات
ام محمد: كرصت بتهة متوبين من سوالفج
سعاد :وين سهر ليش ما اجت محمد يريد يشوو
ام محمد: كرصت سعاد
سعاد:اخخ يمة شبيج
ام محمد:كومي سوي جاي ليال
ليال:لا خالة مشكورة ماريد شوكت نطلع للبسان
ام محمد :هسة يمة شوية ويجي محمد ياخذنة بس يرحون الفلاليح
