ليال: رجعنة يم اهلي وباشق وانور واحد يريد ياكل الثاني
.........................
شيخ ناصر : ها بوية شقررت
باشق: اي عمي انشاء الله اجيك غير مرة ونتفق
شيخ ناصر: ليش بوية ضل
انوار:عمي يجوز عدة شغل خلي على راحتة
شيخ ناصر: انتة وين جنت شو اجيت وياهم
انوار:جنت با البستان ولكيت الأخ هناك يم ليال ورجعت وياهم
باشق:يلة عمي اني اترخص
شيخ ناصر: الله وياك باجر مرلي
باشق:انشاء الله يلة مع السلامة
.......................
ليال: رجعنة للبيت ويانة حامد وانور الطريق كلة بس يخوزون بينة رحت للمطبخ اسوي جاي وفات انور
انور:اي ست ليال ماخذة راحتج ويا ابن خالتج وسوالف وضحك
ليال:اي اسولف واضحك عندك مانع
انور:اي عدي مانع لا تنسين اني ابن عمج وعن قريب زوجج
ليال: صار الي جنت خايفة منة بس تضاهرت انو ما هتميت وكتلة
ليال:وانتة كلتهة ابن عمي مو ولي امري ولو تضل اخر رجل ما اخذك
انور:هسة انشوف
ليال:طلع من المطبخ ويا طلعتة سمعت عياط ابوي وحامد رحت اركض للصالة لكيت سهر تبجي وحامد يهدد ويتوعد
.................
سهر:جنت كاعدة وصاحني ابوي هاا بوية امرني
شيخ ناصر: سهر احجي جوابج كدام ابن عمج
سهر:بوية ماريد اتزوج
حامد:ليش ماتردين تزوجين شكو شعدج
شيخ ناصر: حااامد احترم نفسك والزم حدودك
حامد:اعذرني شيخنة بس ماتصير سهر لغيري
انور: عمي صح الوقت مو مناسب بس اني هم رايد ليال واعتقد انتة تذكر اتفاقك ويا ابوي بناتك مايرحن لغريب وعلى اساس نتزوج من خلصن دراسة واجلنة علمودك
شيخ ناصرر:شني تجبروني اطيكم بناتي اذا من هسة تتهددون عليهن اذا ازوجتو شيصير
حامد:اعذرنة عمي بس الشغلة تقهر من شوكت بناتنة يفترن ويا الغرب با البساتين و يعارضن على الزواج والستر
شيخ ناصر:حامد جفي الشر واخذ اخوك وروح لا اطلع حركتي كلهة بيك و اني اعلمك شلون تحاجيني هجي
حامد:اعذرني عم
شيخ ناصر:كلتك روح
........................
ليال: مصدومة واني احس هاهية كلشي انتهى حياتي راحت وسهر يمي تبجي قاطع ابوي افكاري وهو يحجي
شيخ ناصر : لا يأثر الحجي عليجن هذا انتن ماتصيرن لغريب اني بس اريدهم يلزمون حدودهم علمود ما يأذوكم بعدين
ليال: ماكو داعي بوية تحجي هذا الحجي كلة مدام طيتنة لشخص مانريدة انتة بهاي كسرتنة واذيتنة
ولا تتوقع من اقبل اتزوج من انور تلكيني اذبح روحي بيومهة ولا اقبل اعيش ويا انسان ما اعرفة
شيخ ناصر:بوية ليال لا تزعلين مني شسوي وصية عمج الله يرحمة مجتفة ادية انتو لولد عمج وبنات عمج لأخوانج
ليال: احجي وابجي بوية ماريدة لا تضلمني اني وسهر
شيخ ناصر: نزلت راسي وكلت مو بيدي بوية عذريني
ليال:صعدت ركض الغرفتي وسهر وراي
سهر:ليال شنسوي ماريد ماريد
ليال:مادري
.......................
باشق:رجعت من البستان والطريق كلة افكر بيهة بعيونهة السود وبياضهة وشلون تحجي على احلامهة
تمنيت الي سلطة عليهة واخذهة واحقق كل احلامهة
ام باشق:اكلك يمة شوكت راح تفتح المعرض
باشق:ها يوم شنو شكلتي
ام باشق: وين صافن ولك من اجيت لسة
باشق: ها لا بس افكر با المعرض بعدلة كم يوم ويخلص
وافتحة
ام باشق:هااااا صدكتك اكلك حلوة هية مو
باشق: توترت عبالك اعرف منو تقصد هااا يمة منو
ام باشق: اممم سوي روحك متعرف ليال بت خالتك
باشق:لااا يمة شدكولين شعلية بيهة
ام باشق:اووف حرامات راح يزوجن ابن عمهن
باشق:منوو
ام باشق: سهر وليال
باشق:شنوو مخطوبات
ام باشق: لا بس اكو اتفاق بين ناصر واخو بنات ناصر لأبن عمهم وبنات اخو لولدة
باشق:مادري ليش ضجت اني شعلية يمة اني طالع
ام باشق:وين يمة
باشق:رايح يم جاسم
ام باشق: الله وياك
..................................
محمد: كلش فرحت لمن عرفت بيهة تريدني حسيت روحي طاير با السما بااليل جنة كلنة كاعدين اني اريد اكللكم شغلة
ابو محمد: كول وليدي احجي
محمد:اريد تخطبولي
ام محمد وسعاد كمزن
سعاد: صدك راح تزوج
ام محمد:اسكتي ولج كللللللللوووووش واخيرا من باجر ادورلك على احلى بنية
محمد:ماكو داعي ادورين اني اريد وحدة
ام محمد :كول يمة منية
محمد : سهر بنت شيخ ناصر
................................
التكملة با البارت الجاي ❤
