ليال :اجة محمد واخذنة للبستان بس احسة مو على طبيعتة
نورية:اكلج ليال
ليال: ها نورية
نورية: شتحطين لشعرج وهيج صار طويل
ليال: صافنة افكر با سهر الي مادري شبيهة هل ايام ومحمد الي من اجة لسة بي يتلفت
نورية: الووو ليال جاي احجي وياج
ليال : هااا شكلتي
سعاد: اكلج ليلو مرة ابوج ليش مجاي تجيكم هل ايام ولا اخوانج
ليال: والله مادري بيهة (ابوي مزوج على امي لن تمرضت ورة ما جابتني وهو راد بعد جهال فتزوج وجاب ولدين علي وسجاد عايشين بيت وحد بنفس شارعنة همة وامهم )
ليال: وصلنة للبستان واخيرا هسة تنفست
نورية :شوفو الضحكة عيونهة كامت تملع
ليال:هههههه
محمد :يلة يمة اني رايح اكمل شغلي مو بعيد عنكم لمن تردون شي بس دكو علية
ام محمد : صار يمة روح
ليال: خالة ليش محمد لسة مامزوج راح يصير عمرة ٣٠
ام محمد : اوف يمة شكلج شكد لحيت علية ميقبل يكول مو وكتهة
سعاد:ههههه اي لن اكو وحدة
نورية : اريد الملم الموضوع قبل لا تحس ليال
كلت ليال امشي نروح نشوف ذيج الشجرة البرتقال
ليال: بديت اشك بسالفة سهر خاف اكو شي وحجي سعاد صار المغرب وخابرت ام محمد علمود محمد يجي يرجعنة ورة ربع ساعة اجة
محمد : ها يلة نمشي
ام محمد :اي يمة يلة كومن يابنات
ليال :وصلنة للبيت ودعت البنات وفتت للبيت لكيت امي وسهر مخبوصات كلت سلام عليكم شلونهم الحلوين شببكم مخبوصين
الحجية: عليكم السلام هلا امي تونستي
ليال:اي يمة الحمد الله تونست على عناد بعض الناس الي مرضت تجي
سهر : اوفف ليال لا ضلين تلحين كتلج غير مرة
الحجية: هسة سكتن عدنة عزيمة بعد يومين ورانة كومة شغل
ليال:ليش منو جاينة
سهر :بيت خالتج نرجس ابنهة رجع من بغداد
ليال: يا واحد منهم
الحجية:الحجية شبيج يمة باشق الي جنتو تلعبون سوة وانتو زغار
سهر :اي حب الطفولة هههههه
ليال: انجبي انتي يا حب طفولة يا بطيخ
سهر :اكلج يمة صدك هو ليش طلع من الكوت
الحجية: يمة راد يشتغل ويكون نفسة على اساس هذا الي سمعتة من خالتج
ليال: شنو ميكدر يكون نفسة هناا شبيهة الكوت لو لازم هناك يم البغداديات
سهر : يمة الغيرة يمة هههههه
ليال:نجبي سهيرة اليوم اني اعلمج اذا ما امرغلج با الكاع وكمت أركض وراهة
سهر :عوفي ولج سعلوة رحت ختلت ورة امي
الحجية:تضلن زعاطيط ومابيجن حض باجر تكعدن من الصبح تساعدني
ليال : اني راح اساعدكم و اضوك الأكل اذا عايزة شي
سهر: صارت زحمة
ليال:لا رحمة حياتي
سهر :كومي خل نسوي عشة قبل لا يجون ابوج واخوانج
ليال:اخواني با استغراب شنو اليوم يجونة
سهر:اي شبيج مستغربة امشي يلة
ليال:رحنة للمطبخ ردت اتأكد من شكوكي سألت سهر اكلج سهر
سهر :ها
ليال:تعرفين محمد ابن ابو محمد مو
سهر : اي شبي شذكرج بي (بتوتر)
ليال:رحت يمة وكلت بصوت ناصي شبي مأذيج محاجيج كلمة احجي
سهر :هلا لا ليال شكاع دكولين شعلية بي
ليال:سهر اسمعني صحيح انتي اكبر مني بس انتي اختي وحافضتج احجيي شصار شكو
سهر :شبيج راح تكتليني تمام راح احجي بس على كيفج
ليال: احجيي
سهر :مرة امي ودتني لبيتهم علمود أصيح ام محمد
ليال:كملي
..............................
التكملة با البارت الجاي ❤
