ورد 👑✨

الجزء التاسع

روايه ورد : الجزء التاسع

الفتاه: هاي
ياسين بابتسامه: ايه رايك في المفاجاءه دي؟
نظرت له ورد بدهشه: مفاجاءه؟!
ياسين بابتسامه: اه بس شكلها معجبتكيش
ورد بضيق: انا عايزه افهم هي جايه معانا ليه يعني؟؟
ساندرا باستفزاز: والله انتي اللي جايه معانا واحد وبيفسح خطيبته انتي جايه ليه؟
ورد بدهشه: نعم؟!!
ياسين بجمود: سندراا اتكلمي باحترام كلمه كمان وهروحك وبعدين انا اللي واخدك معانا مش  العكس
صمتت ساندرا وهي تكاد تنفجر من الغيظ
ياسين يحاول ان يغير الموضوع: ها تروحو فين
ورد بغضب: لا استني احنا مش هنتحرك من هنا لغايه اما تفهمني ايه اللي بيحصل
ياسين: كل الموضوع ياستي ان انا وسندرا هنتخطب كمان يومين
ورد بدهشه: كمان يومين ازاي!!  انت مقولتليش حاجه ولا جبتلي سيره!!!
ياسين بابتسامه: كنت عملهالك مفاجاءه ايه انتي مش فرحنالي ولا ايه؟
ورد وهي تحاول ان تستوعب: لا فرحانه بس بحاول استوعب ثم احسن بوجع شديد في قلبها
ورد: الكلام ده كله حصل امتي؟
ياسين: امي قرت مع خالتي الفاتحه امبارح وجم انهارده فقلت اخدها معانا
ورد باستغراب: امبارح؟!
ياسين بابتسامه: اه...  قوليلي بقا عايزه تروحي فين
ورد وهي تنظر امامها: اسال خطيبتك متسالنيش انا
سندرا: انا عايزه اروح مطعم(......)
نظرت لها ورد بدهشه وقالت: بس ده غالي اووي
سندرا بلا مبالاه: وايه يعني
ورد: لا المكان فعلا غالي
ياسين لورد: متقلقيش انا قبضت امبارح
ورد : بردوا انا مش عايزه اروح هناك
سندرا: خلاص روحها ووديني انا هي كده كده كانت في الكافيه اصلا
ياسين بضيق: سندرا اسكتي بقااا
احست ورد بالاحراج وصمتت
ياسين وهو يبتسم لورد: ايه ياوردتي موافقه نروح ولا لا؟
ورد : اي حاجه مش هتفرق
سندرا بضيق: ايه وردتي دي؟
ياسين: ملكيش دعوه

انطلق ياسين بالسياره للمطعم
وبعد وقت قصير وصلو للمطعم
دخلو وكان يبدوا عليه انه غالي الثمن
ورد وهي تنظر للمكان لانها اول مره تاتي له ثم قالت : المطعم ده فخم اوووي
سندرا بغرور: طبعا مكنتيش تحلمي انك تيجي هنل بس انا جيت هنا كتير
نظره من ياسين اسكتتها
جلس ياسين وكانت ستجلس ورد بجانبه ولكن سندرا سبقتها

  جلست ورد امامه  وهي تشعر بالحرج لوجودها معهم
ياسين: ها هتطلبو ايه؟
سندرا وهي تاخذ المينيو : انا جعانه عندهم اكل ايه هنا
نظرت ورد لياسين بضيق
امسك هاتفه ثم كتب لها رساله علي الواتس اب
ياسين( مالك؟)
ورد بضيق( انا مش عايزه اتكلم معاك)
ياسين باستغراب( ليه بس ياوردتي؟)
ورد بدهشه( انت بتهزر صح؟ يعني خطبت من ورايا لا وكمان مخرجنا سوا طيب طلاما جاي مع خطيبتك انا وظيفتي ايه وانت عارف انها دايما تستفزني وتحرق دمي وان احنا الاتنين مش بنطيق بعض اصلا؟؟)
ياسين( كنت عملك الخطوبه دي مفاجاءه وبعدين هي اللي قالتلي هاجي معاك بس انا قولت ادي لنفسي فرصه احبها)
ورد ( ماشي ياياسين)
ياسين بابتسامه وهو يكتب( انتي احلي اخت في الدنيا)
سندرا: بص انا هطلب شاورما وعصير فراوله
نظر لها ياسين : ها ياورده هتطلبي ايه؟
ورده تحاول ان ترسم الابتسامه: لا مليش نفس لسه واكله وشاربه
ياسين بجديه: لو انتي مطلبتيش انا كمان مش هطلب
ورد : ياسين معلش مش قادره
ياسين : لو بتحبيني وليا غلاوه عندك
نظرت له ورد بدهشه ولكن سرعان ماتحولت لحزن
نظرت له سندره بدهشه وبضيق
اخذت ورد منها المينيو ثم بحثت عن ارخص حاجه كي لاتكلفه الكثير يكفي ماطالبته سندرا
ورده بابتسامه: خلاص هطلب عصير لمون
ياسين بابتسامه: تمام وانا كمان هشرب معاكي
ونادي علي النادل واخذ الطلبات وذهب
سندرا : انا بقي عايزه اعمل الفرح في اكبر الاوتيلات زي بنت عمي
وكمان الخطوبه لازم تكون في احسن مكان
كانت ورده تعبث في هاتفها بعشوائيه وشعرت انا قلبها ينزف بشده ولا تعرف سبب هذا الحزن
سندرا بضيق: انت مش مركز معايا ليه ؟
ياسين وهو ينظر لسندرا : ها لا مركز معاكي
ثم نظر لورد: ها ياورد هتجيبي فستان علشان خطوبتي؟
ورد بابتسامه: اكيد طبعا احلي فستان
سندرا : لازم يكون حلو ها مش عايزين فضايح
اغمضت ورد عينيها بشده حتي لاتقوم وتضرب هذه الفتاه
ورد بابتسامه : متقلقيش هيبقي حلو
جاء النادل بالطلبات
كانت ورده تعبث في هاتفها وتقلب العصير بالشاليموه
نظر لها ياسين باستغراب لانه يعرف انها تفعل هذه الحركات تلقائيا عندما تكون حزينه ثم قال : من ساعه ماجيتي وانتي ماسكه التليفون بتكلمي مين؟
نظرت له ورد : ها لا مش بكلم حد
ياسين بترقب: طيب اشربي العصير
ورد بابتسامه: حاضر
شربت ورده العصير وهي تخشي ان تنظر في عيناه
وكانت تجول ببصرها في المكان هروبا منه
بعد ماانتهو دفع ياسين الحساب وكان مبلغا كبيرا وقامو وركبو سيارتهم وتوجهو للبيت
كانت ورد طول الطريق صامته وسندرا لم تسكت
وصلو للمنزل وصعدت ورد اولا وهم ورائها
كانت ستتدخل شقتها ولكن
ياسين: هتعملي ايه لوحدك في الشقه مامتك جوه تعالي اقعدي معانا
ورد بابتسامه كي لا يعلم احد بحزنها : حاضر جايه
ودخلت معهم وسلمت علي الكل وجلست صامته
ساميه بابتسامه: اتبسطوا؟
سندرا: اه جدااا ... بس المره الجايه بقا نروح لوحد.....
فهم ياسين ماستقوله ونظر لها بغضب
سندرا بقلق: اقصد يعني نروح حته تانيه
لميس بابتسامه: وقررتوا بقا الخطوبه هتكون فين
ساميه: اه هتكون هنا في البيت
ساندرا باعتراض: بيت ازاي يعني؟؟ هو مش مفروض في قاعه؟
ياسين: انتي عارفه ياسندرا ان الفلوس مش هتكفي القاعه بس اوعدك اعملك فرحك في قاعه حلوه
سندرا بضيق: ايه الكلام ده ماتتكلمي يماما
ناديه وهي تنظر لسندرا نظره ذات معني : خلاص ياسندرا قالك هنعمل الفرح في قاعه حلوه

كانت ورد تجلس صامته تاره وتعبث في هاتفها تاره اخري

سندرا بضيق: طيب
رن هاتف ورد
ورد: عن اذنكو هرد علي التليفون

وقامت في الشرفه
ورد: الو يامريم
مريم: ايه يابنتي كلمتك كتير مكنتيش بتردي ؟
ورد: لا مفيش مسمعتش الفون بس
مريم: انتي كويسه؟
ورد : اها في ايه؟
مريم: صوتك في حاجه!
ورد بابتسامه: لا انا تمام ... هقفل بس معاكي علشان انا مش في البيت لما اخش شقتي هكلمك
مريم: ماشي ياحبيبتي سلام
واغلقو الهاتف
التفت ووجدت من يقف ورائها
ورد بدهشه: في حاجه ياحازم؟
حازم: تتجوزيني؟
ورد بدهشه: نعم؟
حازم: ايه؟ انا معجب بيكي ها ايه رايك؟
ورد باسف: انا اسفه ياحازم بس انا هتخطب لابن خالتي
حازم  بتفهم: انا اسف مكنتش اعرف
ورد بابتسامه: لا ولا يهمك
حازم : استاذن انا
ورد: اتفضل
نظرت للشرفه ثم نظرت امامها مره اخري ووجدت ياسين اتي عليها
ورد: في حاجه؟
ياسين: انا سمعت كلامك مع حازم انتي بجد هتتخطبي لابن خالتك
ورد: مش عارفه لسه بفكر في الموضوع عن اذنك
وقف ياسين يمنعها من المرور وقال: تفكري في ايه مش انتي رفضتي
ورد بابتسامه: عادي ماانت كنت رافض ساندرا ولقيتك هتخطبها عادي ربنا بيغير الاحوال في لحظه
ياسين بدهشه واستغراب: ورد انتي كويسه؟؟
ورد بابتسامه: انا زي الفل عن اذنك
ذهبت من امامه
ورد وهي تنظر لهم: انا اسفه ياجماعه انا هستاذن انا علشان هخش انام
الكل: اتفضلي
نظرت ورائها ووجدت ياسين ينظر لها ثم نظرت امامها ودخلت شقتها ودخلت غرفتها وجلست علي السرير وهي تحدث نفسها
ورد باستغراب: انا مالي يخطب ولا لا ..... بس انا ليه قلبي وجعني كده ؟؟... انا ليه حسيت بنغزه في قلبي وهو بيضحك معاها؟ هي دي الغيره؟؟ورد وهي تبتسم بحزن: هيخطب بعد بكره خلاص
ورد: انا ليه بعمل كده!! انا....
ورد بتحذير : لا لا متقوليهاااش اوعيي
ورد بحزن: انا.....بحبه!!!