ورد 👑✨

الجزء العشرون

نظرت ورد للسلسه بدموع ودخلت غرفتها ووضعتها في الدولاب
وامسكت هاتفها بغضب وطلبت مريم
مريم: الو
ورد بغضب: حد يبعد عني الانسان المستفزز ده
مريم بضحك: ياسين؟!😂.... عملك ايه
ورد قصت عليها ماحدث ثم قالت : ده بيقولي بكل استفزاز تؤتؤ من حقي هو ايييه اللي من حقه
مريم بضحك: طيب اهدي بس
ورد بضيق: انتي بتضحكييي
مريم: انتي غلطاانه ازاي متقوليش علي الفواتير دي ياورد هو انا مش اختك؟؟ طيب بلاش انا مالك ابن خالتك
ورد : كفايه اوووي اللي عملتو علشاني بس دلوقتي الموضوع في ايد ياسين وانا مش عايزه ادخل مالك في الموضوع لانهم صحاب وبعدين ياسين شراني مضمنوش
مريم بحزن: بس لسه هيفضل ياسين اللي حبتيه
ورد بكره: لا انا كرهته حقيقي كرهته ياسين اللي انا حبيته مات يامريم
مريم بحزن: طيب هنعمل ايه دلوقتي؟!
ورد باستغراب: هنعمل؟!
مريم : اه انا وانتي واحد واي حاجه هتعمليها هبقي معاكي فيها
ورد بنفي: لا يامريم مينفع.....
مريم مقاطعا: ورد والله لو رفضتي لزعل منك العمر كله وكمان مازن هيزعل منك
ورد بابتسامه: لا كلو الا زعل مازن
مريم بتذمر: وطظ فيااا انا بقا؟!
ورد بضحك: لا طبعااا  دنتي حبيبتي 😂
مريم بضحك: مااشي يارورو انا هقفل معاكي علشان الزنان اللي جمبي ده هشوفو مالو 😂

ورد بابتسامه:  مازن سلميلي عليه وبوسهولي
مريم بابتسامه: ماشي ياحبيبتي سلام
وبعد ان اغلقو الخط
جلست ورد علي السرير وهي تمسك الكارت الخاص بياسين في يديها وتفكر
ورد لنفسها: ماشي ياياسين هنشوف مش انت عايزني اشتغل معاك ماااشي وفلوسك هتاخدها علي الجزمه
ثم قامت ودخلت المطبخ كي تحضر الطعام
عند ياسين**
ياسين وهو يتحدث في الهاتف: ايوه ياحبيبتي... اي حاجه عايزاها اطلبيها من الداده...  انا سيبتلك نمره ورد علي المكتب ماشي يايمني....  يلا سلام
طرق باب المكتب
ياسين : ادخل
دخل مالك
مالك وهو يجلس: انت روحت لورد؟!
ياسين ببرود: اه
مالك بضيق: ياسين متكرهش ورد فيك اكتر من كده
ياسين: متقلقش هي هتيجي تشتغل معانا في اقرب وقت
عند يوسف****
يوسف خرج من مكتبه ووجد جني تجلس وتشتغل
يوسف : انا عايزك تخلصيلي الورق ده وهستلمو منك كمان ساعتين
جني بدهشه: كل ده في ساااعتين ازاي؟!!
يوسف باستفزاز: اتصرفي
جني بهمس: ربنا علي الظالم والمفتري
يوسف: بتقولي حااجه؟!
جني بضيق: مبقولش
نظر لها يوسف ثم دخل مره اخري  لمكتبه
جني بضيق: بيتأمر علي ايه ده....  بس قمر بصراحه..  ايه اللي بتقوليه ده متركزي في شغلك بقا
كان يوسف يتابعها من خلف زجاج الشباك ويبتسم
كانت ورد تجلس وتقرا القران ورن هاتفها
ورد نظرت للهاتف بفرح
ورد بفرحه: وحشتيني اووي بجد
يمني بابتسامه: وانتي كمان وحشتيني اووي ايه اخبارك ياورد
ورد بابتسامه: كويسه ياحبيبتي قوليلي انتي قاعده بتعملي ايه وقاعده مع مين
يمني : قاعده مع الداده لان ياسين في الشركه
وجلسوا يتحدثون
في المساء****
كان مريم تجلس بجانب مالك يشاهدون التلفاز وبجانبهم مازن الصغير
مريم : انا كان نفسي انزل اشتغل مع ورد
مالك: للاسف مش هينفع لان مازن صغير
مريم وهي تضع راسها علي صدره : انا عايزه ابقي معاك علي طول
نظر  لها بابتسامه حب : انتي علي طول في قلبي وعلي طول معايا اصلاا
مريم بابتسامه: انا بحبك اووووي
مالك بحب : وانا بموت فيكي
مريم بضحك: فاكر يوم خطوبه ياسين وسندرا  واللي عملناه؟؟😂
مالك بابتسامه: ده اول يوم اشوفك فيه ودخلتي قلبي
مريم بكسوف وبضحك: بس بقا بكسف
ضحك مالك ثم احتضنها فكان بينهم قصه حب وهو يعشقها
في اليوم التالي****
كانت ورد تقف امام الشركه بتردد ولكن ليس لها خيار اخر عزمت امرها علي ان تدخل
دخلت وسالت علي مكتبه
دخلت السكرتيره لتخبره وقال لها ان تدخلها
دخلت ورد بتوتر
ياسين بابتسامه: اهلا اهلا كنت عارف انك هتيجي تشربي ايه؟
ورد بضيق وهي تجلس : مش عايزه وعلي فكره انا مش جايه علشان سواد عيونك
ياسين بضحك: لسه لسانك زي مهو 😂
ورد بجمود: اوعي تفتكر اني هبقي مذلولالك او انت تقدر تذلني تبقي بتحلم معاش ولا كان اللي يذلني
ياسين بثقه: لا ده مش هدفي خالص
ورد  ببرود:  انا عايزه اعرف انا هشتغل ايه هناا؟!
ياسين بخبث: سكرتيرتي الخاصه
ورد بضيق: طيب هبتدي امتي؟!
ياسين: من دلوقتي
ورد بتساؤل:مين اللي هيعملني الشغل
ياسين بابتسامه: انا؟!
ورد بضيق: هو انا مش هعرف اخلص منك؟!!
ياسين بجمود: لا دي ايامك السوده ابتدت طول مالسان طويل كده انا هعرف اقصهولك بس لو عدلتي نفسك هتبقي حبيبتي وهتعيش في جنه
ورد بهمس: حبك برص يابعيد
ياسين: نعم؟!
ورد: مش المفروض ان موظفه هي اللي تعلمني
ياسين بسخريه: لا انا فاضيلك بقا
ورد بضيق: اتفضل علمني
ياسين وهو يتحدث في هاتف الشركه: شيماء متدخليش حد والغي كل المواعيد انهارده
نظرت له ورد باستغراب
بعد ان انتهي من المكالمه
شرح لها ياسين الاساسيات وماذا تفعل في غيابه وكيف تدور الاجتماعات ثم اخبر السكرتيره ان تحضر جني
دخلت جني ثم قال لها ياسين : جني انا عارف انك اتنقلتي جديد في قسم يوسف
نظرت له ورد فكانت جني فتاه محجبه مثل ورد  وكانت جني ترتدي ملابس واسعه
خدي ورد عرفيها مكتبها
وانتي ياورد لو عوزتي حاجه قولي لجني
جني بابتسامه: حاضر يافندم
ياسين: اتفضلو
جني بابتسامه: انا جني
ورد: وانا ورد
جني بابتسامه: نبقي صحاب؟!
ورد بابتسامه: اكيد
ثم قالت ورد بضيق: مدير رخم
جني : في حاجه مدايقاكي؟!
ورد بضيق: انا مش عارفه انتو طايقينو ازاي ده؟؟
جني بضحك: ده قمررررر اووووي هو عصبي جدااا وشديد اووي بس قمر 😂
ورد بغضب: مدير زفت
جني: يالهوي لو سمعك
ورد : ولا يقدر يعمل حاجه
جني باستغراب: انتي مدايقه منو كده ليه؟!
نظرت لها ورد بحزن وهي تقول: انا عارفاه
جني باستغراب: ازاي؟ ده بيقولو انو لسه راجع من امريكا من اسبوع وفي نفس اليوم اشتري الشركات
ورد بحزن: كنت عارفاه قبل مايسافر امريكا
جني بدهشه: بجد
ورد: اه
جني : طيب تعالي اوريكي مكتبك ونقعد نحكي وانتي تقوليلي حكايتك وانا اقولك حكايتي
ورد بابتسامه: ماشي
دخلت ورد وجني لمكتب بعد مااخبرتها جني انه مكتبها
ورد بضيق: ده جمب مكتب ياسين!!
جني : الكل هنا بيقولوله يافندم
ورد: لا ده علي نفسه
ضحكت جني
وبعد ان جلسو قالت جني: بصي ياستي انا عندي اخين متجوزين ومسافرين برا وماما متوفيه وبابا عايش بابا بيحاول يعوضني  عن غياب امي كنت مخطوبه قبل كده بس محصلش نصيب وبس دي حكايتي وانتي ايه حكايتك مع استاذ ياسين؟!
ورد نظرت لها بحزن : انا وياسين كنا جيران ومتربين سوا وكنا بيست فريند وكنا كل حاجه نقولها لبعض زي متقولي كده كده قريبين من بعض جدااااا وكان سند ليا بعد بابا الله يرحمه بس جه وقت وعرفت انه هيخطب...  ثم قصت عليها من وقت ماخطب حتي عاد من السفر
ورد: وبس كده دلوقتي بقي انسان تاني غير اللي انا حبيته
نظرت لها جني بحزن وقالت:  يااااااا كل ده بس استاذ ياسين كان حنين اوووي
ورد بابتسامه حزينه: كااان
رن هاتف المكتب الخاص بورد
جني بتوتر: انا هروح اكمل شغلي وانتي ردي علي التليفون
ورد: حاضر
ردت ورد علي الهاتف
ورد: الو
ياسين: اعمليلي قهوه وانتي اللي تعمليها مش الساعي ثم اغلق الهاتف في وجهها
نظرت للهاتف بدهشه
ورد بضيق: يووووووه ده اللي كاان ناااقص بقاااا
ثم ذهبت وسالت علي المطبخ واعدت له كوب القهوه
بتذمر
وبعد ان انتهت ذهبت الي مكتبه وطرقت علي الباب ودخلت بعد ان سمح لها
ورد بضيق: القهوه
ياسين وهو ياخذه منها: شكراا
ارتشف منه ياسين وقال بابتسامه : لسه جميل زي ماكنتي بتعملهولي زمان
ورد : شكرااا... حاجه تاني؟؟
ياسين نظر لها : اه الورق ده عايزه يخلص انهارده
اخذت ورد منه الورق وهمت لتغادر
ياسين: لا تعالي اعمليه هنا
ورد بضيق: ليه بقا؟!!
ياسين: علشان لوغلطتي في حاجه اصلحهالك
ورد : حاااضر وجلست علي الكرسي
كان ياسين نظر في الاوراقه ولكن عقله مشغول بها