التقينا غرباء
بقلم امونه
مشهد
وشبدينّه ؟
نباگت أحلام الصغر
منه وبچينه،
وردنّه نبدي من جديد
وما بدينه .
- عريان .
عيوني مليانه دموع مشاعر مخربطه
خوف ع ارتباك ع فرح ع خذلان ع حزن
مشاعري كلهن تجمعن بهاي اللحظه
قدمت رجلي اليمين وخطيت
اول خطوه لداخل البيت الي ماعرف
شنو حياتي ح تكون بي البيت الي كلهم
غربه والي ادعوا انهم اهلي
اباوع بوجوهم واحد واحد
منو ذولي ؟؟
ليش دايدعون هم اهلي
بعد كل هلسنين ظهروا بحياتي
جنت اتفحص كل واحد بيهم !
اني امي متوفيه وعايشه ويا بابا
شنو القصه معقوله كلام بابا صح!!
بعدني اتفحصهم واباوع بوجهم
مثل اليتيمه !
لمحت بنيه غريبه واكفه يم الباب
هذي اني اي والله بانت ع ملامحي
الصدمه واعترت كل جسمي احس
نفسي واكفه كدام مرايه هاي شديصير؟
منو هاي بقيت صافنه ع بنيه وهي هم
للحظه عبالي داحلم واني واكفه كدام امرايه
لو ما لبسها اليختلف عني جنت لابسه اسود
بس بدون حجاب
وهي لابسه حجاب وفستان تفاحي
بعدنه تحت تاثير الصدمه
وتقربت مني مره كبيره بالعمر
اجت حضنتني وضلت تبجي
كل العيون توجهت علينه
جنت مامهتمه بكل شي ديصير حولي
بس بهاي البنيه الجانت بعدهي واكفه بالباب
تشبهني لدرجه حسيتها توأمي نسختي
معقوله شبح هزيت راسي وبعدت هاي افكار عن بالي
بس بقئ هذا السوال يتردد ببالي منو هاي البنيه
التشبهني نسختي المصغره منو هاي ؟
تقربت شبيهتي مني وهيه ملامح استغراب باينه ع وجها
معقوله هذه مثلي كلشي متعرف؟؟
لدرجه التقينا غرباء؟
مساءالعافيه عليكم
رجعناكم بروايه جديده
التقينا غرباء انتظروني قريبا ❤❤...
انطوني رايكم. منو احلى غلاف
التصميم صديقتي الغاليه Shahnaz_55 يعمري تسلمين
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
احبكم كلش هوايه ❤❤❤
أنت تقرأ
التقينا غرباء
Misterio / Suspensoمساء الخير التقينا غرباء بقلم امونه مشهد وشبدينّه ؟ نباگت أحلام الصغر منه وبچينه، وردنّه نبدي من جديد وما بدينه . - عريان . عيوني مليانه دموع مشاعر مخربطه خوف ع ارتباك ع فرح ع خذلان ع حزن مشاعري كلهن تجمعن بهاي اللحظه قدمت رجلي اليمين وخطيت...
