*صباح يوم جديد*
*عند-ڤيڤيان*
كالعادة لبست و وصلها مصطفى ..و سلم على خ.عزة و بعد زي ساعة كدة خ.عزة زاتها مرقت ..
ويخوانا نمش سرريع
عدا شهر و حليم م بياخد دروس البيانو ولا بدي ڤيڤيان فرصة ولا مدي اي زول فرصة
و ڤيڤيان مرة تصبر عزمي و مرة تصبر خ.عزة ع قدر قدرتها❤️❤️
*و في-يوم*
حليم من الصباخ قام بكورك و يتشاكل مع اي زول حتى ملك و ليلى (اولاد عم.فيصل) خافو و جرو
عشان عندو مقابلة مع الدكتور ..
خ.عزة اخدت اجازة و قعدت ع اساس تمشي معاو كدة و نست تكلم ڤيڤيان ..و ع كدة ڤيڤيان وصلت
خ.عزة لمن شافت ڤيڤيان اتذكرت انها نست تكلمها لكن فضلتها و ما احرجتها ..
خ.عزة: اتفضلي ي ڤيڤيان ❤️وين مصطفى الليلة ؟
ڤيڤيان بعتذر ليك انو م قدر ينزل لانو متاخر ع الشغل
خ عزة: ربنا يوفقو ❤️اتفضلي اتفضلي
ڤيڤيان دخلت و اتفاجات بي حليم قاعد فالكنبة
ڤيڤيان *في راسا* اممممم الليلة مالو د كمان
و دخلت ..خ.عزة مشت عشان تخلي ميسون تعمل عصير م لقتها و وقفت هي و بقت تعمل في العصير
*نطلع- برة*
ڤيڤيان قعدت في الكنبة المقاصدة للكنبة ال قاعد فيها حليم ..
ڤيڤيان : السلام عليكم مستر حليم
حليم (بي عدم اهتمام): و عليكم السلام
و سادت حالة صمت غريبة بعداك ..و زي م نحن عارفين الصمت م من عوايد ڤيڤيان ..
ف بفت تتحرك كتير و تطقطق في اصابعها ...و حليم اصلا متوتر مع حركتها زادتو توتر ..
حليم(بي حزم): وقفي
ڤيڤيان: اوقف شنو؟
حليم: الحركة الكتير دي 😒م بتقدري تقعدي ٥ دقايق من دون حركة ؟
ڤيڤيان (بي احراج): دي عادة بقت لي عديل صعب اخليها مبقدر ..
لكن كويس انك لاحظت ❤️د شي كويس شديد بقولو ....
حليم( بغضب): اسكتي ياخ يا الله يا الله لا دقيقة انتي قايلة انك بتعالجيني كدة يعني ؟
ولا قايلة اني م عارف انك دكتورة نفسية مثلا؟
شايفني مجنون هنا انتو ؟! ااااا
شايفني مجنون؟
عميتوني و جايين تعملو مسرحية في نص بيتي !
قايلة انك مؤثرة بي حركاتك دي ؟
انتي فاشلة و حتفضلي فاشلة ..
مفتكرين شنو مثلا اني اعمى م بسمع م بحس م بعرف الحاصل حواليني شنو؟
انا .........
خ.عزة جات طالعة من لمطبخ و لقتو شغال يكورك
خ.عزة(بحنق و غضب): حليييييم
حليم(بي استهتار): الله وصلت وصلت مديرة المسرحية يا سلام
*و بقى يصفق ليها*
خ.عزة جات عليهو و (طاااااااخ) ادتو كف و عدلتو بي اخو
خ.عزة: اولا ال انت بتتكلم معاها بالاسلوب د امك متذكرني امك ي حليم 💔💔
م شايفني م معناها م حاسي بي 💔💔م معناها الدنيا انتهت
حس بي 😔💔
تانيا قضاء و قدر ..خلاص كفرت انت ؟؟ كفرت بقيت م مؤمت بي ربك؟
ڤيڤيان(بي احراج): عن اذنكم
خ.عزة : ڤيڤيان يبتي 😔❤️
خ.عزة لمن قالت الكلام د ڤيڤيان كانت مرقت خ.عزة لحقتها و مسكتها ..
خ .عزة: اسفة ي بتي والله اسفة 😔انا عارفة انو حالتو صعبة بس ابدا م اتوقعت رد فعل زي دا ..
ڤيڤيان(و العبرة سادة حلقها): لالا عادي دا م حليم زي م قلتي انتي ..م بعرفو بس من حكاويك عرفت حليم الحقيقي بس الكواريك و كدة بتاثر فيني حبة عن اذنك ..
خ.عزة. انا عارفة يبتي انو كلامو جارح ..بس انتي اخر امل .. دكتور العيون قال انو ماف مجال لي العملية لانو نفسياتو كعبة و بتاثر ..
ڤيڤيان : لا مستحيل اخلي في الحتة ال هو عالق فيها دي ..بس ح اخد اجازة كم يوم لغاية م الاوضاع حبة تهدا ..
و انا شايفة انو افضل انك انتي زاتك تاخدي اجازة لانو محتاج ليك اكتر مني..
خ.عزة اعتذرت مرة تانية لي ڤيڤيان و بعداك اي زول مشى في سكة ..
خ.عزة دخلت البيت و راسا جايط و لافي عديل من التفكير الكتير ..
لقت حليم دخل غرفتو قعدت في اقرب كنبة و ختت يدينها في راسا و انفجرت بالبكى 💔💔💔
*في -غرفة-حليم*
كان راقظ في السرير ع ضهرو و كالعادة الضلام مالي حياتو و قلبو و غرفتو و عيونو 💔💔💔
*عند-ڤيڤيان*
وصلت البيت و جري ع غرفتها م سلمت ع زول زاتو ..
دخلت و قفلت الباب بالمفتاح ..
دخلت الحمام ادوشت و صلت ❤️ركعتين ..
و بقت راقدة في مصلايتها و دموعها خانتها و بقت تبكي 💔💔
شوية استغفرت ربها❤️و قامت رقدت في السرير ..
و نامت وسط البكى و شوية شهقات عالية 💔💔
*على -خمسة عصر - كدة*
مصطفى بتصل عليها و هي بترد نزل من العربية و دق الجرس
خ.عزة فتحت الباب
مصطفى: خالتي ❤️كيفك تمام ؟
خ.عزة : الحمد لله ي ولدي اتفضل❤️
مصطفى: لالا متاخر شديد و لاحق الغدا مع الحجة.. مرة تانية ان شاء الله ❤️كدي نادي ڤيڤيان دي م بترد ع تلفونها ..
خ.عزة(بصدمة): اجي يولدي 😳بسم الله ڤيڤيان دي مرقت مننا من ٩ صباحا
مصطفى (بصدمة): كيف الكلام د؟؟😳😳😳😳
خ.عزة: والله ي ولدي حصلت مشكلة مع حليم و كورك و جاط و هي بعدها استاذنت و مشت
مصطفى(بي غضب): و يا خالتي كيف تخليها تمشي ؟؟ انتي معارفة ڤيڤيان ؟
مشى مسافة من البيت و طلع التلفون و اتصل ..
كان خاتي يدو في راسو
التلفون رد :
مصطفى: اي ي عمي ڤيڤيان دي شكلها زعلت تاني كدي شوفها في المكان ال معهود حقها
عم احمد(بخوف): منو الزعلها؟! الحاصل شنو؟
مصطفى: بشرح ليك ي عمي كدي شوفها
و قفل الخط ع كدة و مشى ع العربية ..
خ.عزة لحقتو ..
خ.عزة: ي ولدي فشنو؟ قلقلت بي
مصطفى: ي خالتي ڤيڤيان لمن تزعل بتجيها تشنجات شديدة 😩💔
خ.عزة وقفت مسافة بتستوعب مصطفى بقول فشنو و بعداك طلعت معاو العربية
خ.عزة: جاية معاك انا ي ولدي ..
و اتحركو من غير م تكلم حليم من غير م تكلم اي زول ..
الناس كلها بقت تفتش في ڤيڤيان و لفو الشوارع القريبة و البعيدة من البيتين ..
خلاص ع المغرب كدة الناس كلها فقدت الامل و مشو البيت و رجعو البيت الكبير ..
اخر حاجة عم احمد كان بسال عنها في المستشفيات ..
كلهم كانو قاعدين فالحوش و مصطفى متوتر شديد ..
و خ.عزة تشيل و تبكي و قالت الذنب ذنبها من البداية..
مصطفى مقدر يستحمل قال حيمش تاني يفتش و هو مارق لمح نور في غرفة ڤيڤيان ..
رجع كم خطوة لي ورا و عاين بي استغراب ..مشى ع الغرفة و فتحها ع اساس في حرامي او واحد من ناس البيت دخل غرفتها ..
اتفاجأ بي ڤيڤيان مركبة السماعات و بترسم ..
يتبع......
