نوفيلا /اخر مراحل الجنون ( عشق حطم التقاليد)_بنت الشيطان 3 _

الفصل التاسع

‏ما اعظم هذا الدعاء
اللهُم إني أعوذ بك من كسرة النفس ومن سواد القلب ومن يوم لا حياة فيه و أبتسامه لا روح فيها وأعوذ من روح مجروحه لا شفاء لها ومن أحلام ميتة لا حياه فيها وأعوذ بك من نوم بلا راحة و أستيقاظ بلا هدف وأعوذ بك من ذلة السؤال وتقلب الأحوال ومن وفاة الروح قبل وفاة الجسد♥️🌍

"ومِمَّا يزيدُ القلبَ أُنسًا وبهجةً
صلاتي وتسليمي على خيرِ مُرسَلِ

فَصَلِّ وسلّمْ يا إلهي على الذي
جرى حُبُّه في كل عِرقٍ ومفصَلِ".💛

نظرت دانه للذي امامها وهي تبتلع ريقها فقد كان رجل عملاق ضخم البنيه يستطيع أن يكسر عظامهم بضربه واحده يشبه الممثل هافبور جوليوس جورنسون في ضخامته وعضلاته
دانه بعصبيه / لا هزار هنزعل احنا هنتعامل أحجام عاديه
نظر احد الرجال الذين ضربتهم دانه للرجل الضخم وتحدث اليه وفي أثناء ذلك سألت سمر / بت يا دانه
نظرت لها دانه
سمر / هو مين المجمع السكني اللي دخل علينا ده
دانه /عارفه الشرير اللي بيجي في آخر الروايه ويقتل حد من عيله البطله وغالبا بتكون مرات عمها هو ده.
سمر وهي تنظر له برعب وتتحدث بصوت مبحوح / ليه اشمعنا مرات عمها
دانه / آه بقي والبطل بيجي متأخر وفي الاخر نفضل نعيط عليها بقي وكدهون انتي عارفه رغي الروايات
سمر وهي تكاد تبكي / ليه يجوا متأخر ليه
دانه / دي قوانين الروايات يا أخت سمر هنلعب في الطبيعه والا ايه
هزت سمر رأسها بنفي فوجدت الرجل يقترب منها وهي تعود للخلف / دانه الحقيني يلعن معرفتكوا الهباب هو الدنيا ضاقت عشان اتجوز في العيله اللي كل يوم يظهرلها واحد بيكرهها
نظرت دانه للرجل وهو يقترب من سمر فقزفت علي ظهره وهي تحاول احكام يدها حول رقبته لتخنقه ولكنه امسك يدها والقاها بعيدا فاصطدمت في الجدار بشده / آه يابن الغشيم ااااه
سمر وهي تنظر له وهو يقترب / الحقيني مش وقته اه ولا يخربيتكممممممممم
صرخت سمر وهي تري الرجل يرفعها عاليا في منظر جعل دانه تنفجر ضحكا
سمر بغيظ وغضب / وحيات امك؟؟؟!
دانه وهي تضحك بشده / معلش يا سموره بس دي فرصه واحده في العمر اشوفك بالمنظر ده ولو موتنا دلوقتي هكون حققت أحلامي
صرخ الرجل بهم / اصمتوا
ثم نظر لسمر / وانتي
أشارت سمر لنفسها ببراءه / أنا؟؟؟ امرك يا سيد المعلمين أأمر ياباشا
الرجل بحده / كيف تتجرأين وتضربين احد رجالي ها
سمر وهي تنظر للرجل الملقي أرضا / هو تبعك والله ما كنت اعرف سامحني يا سيد المعلمين عندي انا المرادي
تحدث الرجل بحده / ماذا تقولين انتي
بينما كانت دانه تضحك بصخب وهي لا تتحمل منظر سمر وهي معلقه هكذا كمن يمسك أرنب من أذنيه.
سمر وهي تنظر لها / جرا ايه يا حجازي يعني لا شوفت حركه كده ولا كده ولا هتموت نفسك عليا.
دانه بضحك وانفاسها تكاد تتوقف / لا اصل انا خجول ده شويه
نظرت سمر للرجل /طب ياسيد المعلمين عيله وغلطت بعدين يعني هتحط عقلك بعقلي برضو نزلني يابابا نزلني عشان آكتر من كده والهيبه هتضيع بعدين انا راضيه زمتك ينفع تيجي علي آتنين نسوان كده ها لو يرضيك فأنا ميرضنيش فين هيبتك كرجل عصابات محترم
دانه وهي تنهض ولكن بألم من ظهرها ولكن سمعت حديثها فسقطت أرضا مجددا من الضحك
كل هذا والرجل صامت لا يتحدث أبدا وينظر لها بغموض
اكملت سمر/ اقولك علي حاجه احسن انت تديني التليفون بتاعك وانا اتصل بجوزي هو يا حبه عيني مش هيجي فيك عضله بس يعجبك آوي علي فكره بيضرب حلو آوي هو يجي وانت اتصرف معاه راجل لراجل انا خايفه علي سمعتك يا ضنايا وسيبني انا والبت دي نمشي
_ اخص ياواطيه بتبعيني
نظرت سمر للخلف وجدت عبدالرحمن وسراج
سمر بتهليل / سراج احبيبي انت هنا والله ابن حلال انا كنت لسه بحكيله عنك
سراج بسخريه / باماره العضله اه أخدت بالي
سمر / انت هنا من بدري بقي
هز سراج رأسه ونظر لعبده الذي كان قد تخلص من الرجال في الحجره وذهب لدانه وهي يولول بمزاح / عيني علي شبابك يا عبده ياصغير في الموت ياعبده
نظرت له دانه بتعجب فتحدث بتفسير / جوزك يا ختي قالي لو فيها خدش مترجعش البيت حسبي الله فيكي انتي وجوزك الجزار واكل حق الغلابه ده
ضحكت دانه وحاولت النهوض ولكن صرخت من ظهرها / آه يارب تريلا عدت عليا سفلتتني اه ياما
ثم نظرت لسراج الذي يحاول التخلص من العملاق / الحق سراج يا عبده الراجل ده مفتري