نوفيلا /اخر مراحل الجنون ( عشق حطم التقاليد)_بنت الشيطان 3 _

الفصل الثاني عشر

الشيخ الشعراوي قال جملة عظيمة جدا : " لا تحزن عندما يهجرك او يتغير عليك البعض, ربما هي دعواتك ذات ليله "

🌸🌸🌸🌸🌸🌸🌸اللهم صلِّ وسلم وبارك على سيدنا محمد صلاةً تنجينا بها من جميع الأهوال والآفات، وتقضي لنا بها جميع الحاجات، وتطهرنا بها من جميع السيئات، وترفعنا بها عندك إلى أعلى الدرجات، وتبلغنا بها أقصى الغايات، من جميع الخيرات في الحياة وبعد الممات🌸🌸🌸🌸🌸🌸🌸🌸

نظر الجميع للذي دخل المخزن بينما زياد ولول بدراميه / ياختيييييييييي علي شرف العيله االي اتمرمغ في الطين ياختي
إياد وهو يكمل معه / خلاص يا حبيبي متعملش في نفسك كده عواجيز طايشة وبتغلط
زياد وهو يكمل / لا ياخويا مش للدرجه دي هنقول لسمر ايه ها قولي ولا جيمي ياحبه عيني يا مزه يا صغيره علي اللي بيحصل فيكي يا ختتتتتي قولتلك قبل كده كتير يا ختي أسد مش مضمون يا خساره جمالك يابنتي
نظر الجميع لبعضه ثم انفجر ضاحكا
بينما تحدث سراج بتعجب / فيه إيه يابني وليه كلكم متجمعين كده
تحدث زياد بغمزه / يعني مش عارف ليه كلنا متجمعين يعني هو هو نفس اللي انت جاي عشانه مع.... استغفر الله مش قادر اتخيل سراج واسد مع بعض يا ويحي يا ويحي القيامه هتقوم 
ضحك الجميع بشده عليه بينما أسد وسراج لا يفهمون شيئا
أسد بتذمر / فيه إيه ياض انت متوضح كلامك احنا جايين ناخد العده بتاعه التصليح من المخزن
إياد وهو يجاري اخيه / آه يانمس منك ليه ياتري جميله وسمر يعرفوا الموضوع
زياد وهو يهز كتفه كالراقصات / عده التصليح برضو هيهيهيهيهيهي بس إزاي مخدتش بالي
نظر سراج قليلا بعدم فهم ما دخل جميله او سمر ب.... مااااااذا
فزع سراج وعاد للخلف سريعا وهو يصرخ بهم / اه يا جذم يا حيوانات
ضحك زياد بشده وهو ينظر لاسد / إيه هي لسه موصلتش
تحدث أسد بهدوء وهو يقترب منه / أنا كنت بسيبك كتير بمزاجي واعديها تعاكس مراتي واقول عيل معندوش بتلاته تعريفه تربيه تفضل في الرايحه والجيه تشكر في مراتي اقول عديها ده عيل اهبل إنما تيجي عليا انا وتشكك فيا لا انسي انا أسد آه لكن راجل آوي يا خويا.
ثم ركض خلفه بسرعه بينما زياد يضحك بصخب عليهم بينما نظر لهم سراج بخبث /معني كده انكم هنا عشان قله الادب
حازم وهو يمسك ملاك / قله ادب مين يا سراج صلي على النبي كده ياخويا دي مراتي
ضحكت ملاك وبشده بينما عاد أسد وهو يغلي من الغضب
سراج بضحك / ملحقتهوش صح
أسد / الواد ده هيشلني هيموتني ناقص عمر والله
خرج زياد من خلف أحدي الاقفاص / بعد الشر عليك يا أسد متقولش كده بس لو مصر آوي تموت اكتبلي جميله في الوصيه شالله يخليلك عيالك ياجدع
ضرب أسد كف علي كف وخرج مع سراج والضحكات تصدح من خلفه انضم زياد للباقين ونظر لديما وكاد يتحدث لولا سماع الجميع صوت صافره الشرطه
زياد وهو يلطم بدراميه / يا ختي يا ختي مالك طلبلنا الآداب يا ختي ياختي يا ختي كل يمسك ملايته قصدي مزته ويجري
نظر له إياد وهو رأسه بيأس ثم خرج وخلفه تالا
ومعهم حازم وملاك  بينما زياد نظر لديما نظره خبيثه.
فتحدثت بقلق / فيه إيه بتبص كده ليه
زياد بغمزه / الآداب بره
ديما بجهل / آيوه فيها ايه يعني
زياد بتفكير / يعني الناس تعبت ولمت نفسها وجابت عربيات مخصوص وجات يعني أقل واجب منضيعش تعبهم ده
نظرت له ديما بغباء / آيوه؟؟؟؟
زياد وهو يجذبها له ويضحك / يعني نتمسك متلبسين يا باشا
فزعت ديما وهي تصرخ به / آه يا قليل الادب يا زياد انت يابني مش ناوي تتوب لربنا بقي
تركها زياد بتذمر / يعني أقل أدبي مع مراتي ولا اروح اقله بره انتم بعمايلكم دي هتخلوني انحرف وانا الصراحه نفسي
ثم تركها وخرج بتذمر بينما هي خلفه تنادي عليه وهو لايستمع لها دخل للمنزل وجد الجميع جالس ومجتمع ويتحدثون في مواضيع مختلفه نظر لاسد وسراج نظره جعلت سراج يكاد يقتله ان لم يتوقف
جلس زياد وهو ينظر لاياد / فين البوليس
إياد بضحكه خافته / لا مش عندنا ده في الفيلا اللي جنبنا فيها عمليه سرقه عشان كده جم
هز زياد رأسه بتفهم
فحضر ليث ومالك وانضموا للجميع
ليث بمزاح وهو يدخل / ها يا وحوش المشاكل الخناقه علي إيه
ضحك مالك وهو يجلس بجانب نور ويتحدث معها بهمس فوجد سمر تضع رأسها في المنتصف / بتقولوا ايه ها
مالك وهو يدفع وجهها بعيدا / ملكيش فيه
غمز زياد لليث / إيه ياباشا الغزاله رايقه وانت.....
توقف عن الكلام وهو يري ليث يخرج سلاحه ويضعه امامه
ابتلع زياد ريقه / وانت عامل ايه
ابتسم ليث ببرود وهو يضع قدم علي قدم / احسن منك
ضحك إياد بشده فوالده وأخيه دائما ما يتشاكسون وفي النهايه اكيد الفوز من نصيبه ومن غيره بلاك
ذهبت سمر وجلست بجانب سراج وهو يضحك بشده فهي فقط تفعل ذلك لتغيظ مالك
دخلت جميله علي الجميع ببسمه وهي تتجه لاسد / أسد انظر ماذا أحضرت لقد طلبته منذ ثلاث ساعات رائع أليس كذلك شوف ارتديه لك في عيد ميلادك القادم سيكون رائع ولكن سأقوم بحميه غذائيه لكي أصبح رشيقه اكثر به
سمر وهي تشير لجميله التي تحمل فستان جديد / والنبي يا جماعه حد يترجم اللي السلطانه هيام بتقوله
دانه وهي تنظر لهم بخبث وهي تشرب قهوتها بكل هدوء/ بتقول لاسد شوف اشتريت ايه لعيد ميلاد سمر الجاي
ابتسمت سمر بحب / حبيبتي يا هيام يا غاليه
فاكملت دانه بكل خبث الدنيا / بس للاسف سمر تخنت آوي فمش هيدخل فيها.
نظرت سمر بشر لدانه فهزت دانه كتفها / هي قالت كده انا مالي
في الثانيه اللاحقة كان خف سمر يطير في الهواء متوجها لوجه جميله التي صرخت بفزع وهي تنظر لسمر / سمر يا مجنونه مالك كده
سمر وهي تنهض وتمسك الفرده الاخري من الخف / أنا هوريكي التخينه يا جيمي
ارتعبت جميله من ملامح سمر وركضت وخلفها سمر
بينما دانه ارخت جسدها علي الاريكه وهي تشرب القهوه براحه وتتنهد وكأنها لم تشعل حرب للتو  / فعل الخير ده مريح آوي
نظر لها ليث وهز رأسه بيأس
بينما زياد همس بضحك لاياد/ امك دي ست عظيمه وقدوتي والله شوف من كلمه واحده قومت حرب عالميه ههههههههههه استغلت قدرتها الوحيده
ضحك إياد بشده عليهم وهز رأسه بيأس
بينما نهضت نور وهي تدخل للمطبخ / يلا كله علي السفره يا جماعه
اتجه للجميع للسفره
نظر عمر بجانبه ولكن لم يجد صغيره ادم  فهو اخبره بعودته اليوم ولكن ابتسم عندما سمع صوته وهو يدخل ومعه رحيل / س.. سلام عليكم جميعا
ابتسمت له دانه بحب شديد فهو كان في سفر طويل لعلاج  نطقه نهضت دانه وركضت له لتعانقه وهي تصرخ / دوووووومي
فتح ادم يده ليستقلبها ولكن فتحت دانه عينها بتعجب وجدت نفسها معلقه في الهواء ويدها مفروده نظرت للخلف وجدت ليث يجذبها من خصرها وينظر لها بحده / آيوه انتي عايزه تعملي ايه مش فاهم
دانه بغباء / هحضنه
ليث وهو جذبه بشده له ويضمها لصدره وينظر لادم بعدائيه / ومين اللي هيسيبك تلمسيه أساسا
ابتسم ادم بحنان ثم اقترب من دانه وتحدث بحب/ مش مشكله يا د... دانه كأني حضنتك
صرخ به ليث / حضنت مين يا آدم اتقي شياطيني عشان متطلعش عليك فاهم
ابتسم ادم وربت علي كتفه بحب وهمس له/ دانه اختي واكتر دانه بعتبرها امي يا ليث يعني متخافش
ابتسم له ليث بسمه كانت مرعبه / عارف لو بتعتبرها جدتك برضو مش هتحضنها
ضحك ادم عليه ثم دخل ليرحب بالجميع وخلفه زوجته رحيل وابنهم  الشاب مصطفي الذي يظهر علي وجهه الحنان كوالده ابتسمت رحيل لدانه ودخلت لترحب بالجميع مع زوجها وابنها
بينما دانه نظرت بشر لليث وتركته ودخلت نظر ليث في اثرها بحاجب مرفوع /عبيطه دي ولا ايه قال يحضني قال
ثم لحق بهم 
وكان الغداء حافلا بالضحك والحديث والهمسات والغمزات والمشاكسات
بينما زياد كان يغازل ديما علي مرأي ومسمع الجميع
مالك وهو يأكل ويتحدث ببرود كعادته وينظر في طبقه / أسد خالد وزياد وقريبا ابنه، ماشاء الله قله الادب سلالتها بتتمد ومش بتخلص أبدا
أسد وهو يغمز له بخبث / علي الاقل احنا واضحين الدور والباقي علي إللي من تحت لتحت
ابتسم مالك علي اخيه / اممممم فعلا واضحين بس انا مش بعمل حاجه من تحت لتحت انا لو عايز اعمل حاجه هعملها
ثم غمز له
نظر اسد لمراد الذي يهمس لروجي بكلمات جعلتها تضحك بخفوت / واللي من تحت لتحت كتير برضو الظاهر العيله دي مكتوب عليها قله الادب مفيش حد فينا شاف دقيقه تربيه حتي مالك الي كان طول عمره راجل محترم وبارد بقي يتقفش مع نور علي طول وعلي يد مين سمر
سمر بجديه / مفيش حد كبير علي القفش يا أسد يابني
ضحك زياد بشده / أنا لوحدي قفشتني فوق الميه وسبعين مره
سمر بتعب مصطنع / والله يابني تعبت معاك كتير اوي بفكر اعتزل بقيت العيله واتخصص في قفشك انت
زياد بضحك وهو يهز كتفه / اقفشي اقفشي هي جات عليكي  ده لحد دلوقتي مش عارف اخد بوسه من البت ويكأن العالم كله مستكتر عليا بوسه بس عموما اعملي اللي انتي عايزاه يعني لما تقفشيني هبطل قله ادب يعني كله محصل بعضه
ضحك الجميع بشده بينما تحدث ليث بهدوء /  أنا كنت فين وانت بتتربي يا حيوان انت
زياد بضحك / كنت موجود يا والدي والله واخدت منك كتير كمان
ثم غمز له فضحكت دانه بشده فهي تعرف قصده فزياد كان دائما ما يجدها هي وليث مقتربين من بعضهم ويفسد لحظاتهم
بعد انتهاء الغداء اخذ كل شخص زوجته وانطوي بها في مكان وحدهم
فرك زياد يديه ببعض / آه الجزء المفضل في يوم التجمع
ثم جذب يد ديما واخذها وهي خلفه تضحك بشده دخل بها للمطبخ ونظر لها / بصي بقي انا قتيل البوسة انتي فاهمه رجلك مش هتعتب خارج المطبخ ده غير لما اخد بوستي حقي يا حكوووومه حقي يا ناس   عايز بوسه واحده وهسيبك او اكتر الصراحه مش عارف بصي خليهم ببركتهم ها بقي
يلا
نظرت له ديما بخبث وفي الثانيه الاخري كانت تجري لباب المطبخ الذي يطل علي الحديقه الخلفيه ولكن زياد خلفها / طب والله لاخد البوسه يا بنت خالد
ثم اخذ يركض خلفها
بينما في احد أركان الحديقه الخلفيه كان حازم يضم ملاك له بشده وهو يضحك عليها / يابنتي تشتغلي ايه بس صلي علي النبي اكيد مش هسيبك تشتغلي وسط الرجاله اللي عندي دول كلهم يعني.
نظرت له ملاك بتذمر مثل الأطفال فابتسم لها ثم ضمها اكثر / يا قلبي انا مش بحب حد يبصلك بس بصه صغيره فهماني
سمع الجميع صوت زياد وهو يركض خلف ديما / وحش ياض والله
نظر له حمزه بغضب / ابو فصلانك يا جدع
ضحك زياد واكمل ركض خلف ديما
وقابل أيضا أسد وجميله وكان أسد يضم جميله وهو يغمز لها ولكن وجد زياد يصرخ به / حاسب يا أسد بس متتهورش انت في الجنينه
فزع أسد ونظر له بشر وهو يسبه بشده فضحك زياد ونظر حوله يبحث عن هذه المشاكسة ديما وجدها تجلس مع مازن وساره انضم لهم وجدها تضع يدها أسفل خدها وهي تشاهد حنان مازن الشديد فتحدث وهو يقطع كلامهم / هيييييه الرجاله لما تحب شايفه الحنان يابنتي
فزعت ديما منه ثم ركضت سريعا بينما هو غمز لمازن / كمل يا عظمه كمل
ضحك مازن عليه ثم نظر لساره التي تضحك بشده فضربها بجبهته وهو يخبرها / ضحكك آوي
هزت رأسه فضحك وهو يضمها