မိုးတော်တော်ရွာတဲ့နေ့ပဲ။ မနက်ကတည်းကတစိမ့်စိမ့်ရွာနေတာ ညနေအထိကိုမရပ်။ မှန်သားပြင်အကြည်ရောင်ကိုဖြတ်ပြီးမြင်နေရတဲ့မိုးပေါက်တွေက အခုချက်ချင်းကို ငါ့ကိုစိုရွှဲသွားစေသလိုမျိုး တမှိုင်းမှိုင်း၊ တအုံ့အုံ့။ မှန်တံခါးကို တွန်းဖွင့် မိုးမစို့တစိုထောင့်လေးမှာရပ် ဆေးလိပ်လေးဖွာရင်း အခုတလော သဘောကျနေတဲ့သီချင်းတစ်ပုဒ်ကို စိတ်လွတ်ကိုယ်လွတ် ညည်းဆို .. မိုးသံတွေကြားမှာ ကိုယ့်အသံကိုယ်ပြန်ရှာနေရတာ ဘာအဓိပ္ပါယ်မှမရှိနေသလိုမျိုး။
ဘယ်သူမှမသိတဲ့နေရာမှာ ငါရှိနေတယ်။ ဘယ်သူမှအလွယ်တကူလှမ်းမခေါ်နိုင်တဲ့အခြေအနေမျိုးနဲ့ ဒီရက်သတ္တပတ်ကို ဖြည်းဖြည်းချင်းလည်လာစေခဲ့။ ငါ့ရဲ့တကယ်လက်တွေ့ဘ၀ကြီးထဲမှာ ငါပြန်ပုန်းနေရတယ်ဆိုတာ နည်းနည်းတော့ ရယ်စရာကောင်းတယ်ဆိုပေမယ့် အဟုတ်ကိုပဲ ဒီလိုဖြစ်နေခဲ့တယ်။ ငါသဘောကျလွန်းတဲ့ အဲဒီကမ္ဘာထဲကနေထွက်ပြေးပြီး ငါသိပ်နေသားမကျတဲ့ ဒီအရပ်မှာပဲ သူစိမ်းတရံတွေနဲ့ နေ့တိုင်းလိုလို စကားတွေပြောပြီး၊ နေ့တိုင်းလိုလိုရယ်မောပြီး တစ်ရက်ချင်း ကျော်လာခဲ့တယ်။ ပျော်သလားဆိုရင်တော့ မသေချာပြန်ဘူး။
ကိတ်မုန့်လှလှလေးတွေလုပ်ပြီးလှီးဖြတ်ပြတဲ့ video တွေကိုကြည့်ရင်း အလွယ်တကူပြိုကျဖျက်စီးလိုက်ဖို့အတွက် သေသေချာချာကြီး တည်ဆောက်ထားရတာပဲလို့ ငါ့ဘာသာတွေးနေမိတယ်။ ဒီလိုမျိုး ပျက်စီးသွားဖို့အတွက်သက်သက် အရာအားလုံးကိုစနစ်တကျ ဖန်တီးပျိုးထောင်ခဲ့ရတာမျိုးလား။ အခုချိန်မှာတော့ ဘယ်သူကမှ သတိမရဘူးဆိုတဲ့ အနေအထားကပဲ ငါ့ကို စိတ်သက်သာရာရနေစေသလိုလေး တဖြည်းဖြည်း … ။ ဖုန်းမှာမြည်လာတဲ့ အသိပေးချက်သံတွေ တိတ်ဆိတ်နေတာကိုက ငါ့မယ်အကြောက်တရားနဲ့အဝေး ချမ်းမြေ့နေရသလို အရာအားလုံးနဲ့အဝေးဆုံးမှာ ရှောင်ထွက်နေမိတယ်။ ငါယူဆနေသလိုမဟုတ်ဘဲ အရာအားလုံးက ငါ့ကို ဖယ်ထုတ်လိုက်တာလည်း ဖြစ်နေနိုင်တယ်။ ဒါပေမယ့် အဆင်ပြေပါတယ်။ လူတချို့၊ ငွေစက္ကူနည်းနည်းနဲ့ အိပ်ချိန်တွေ။ ဒီလိုနဲ့ အဆင်ပြေသွားမှာပဲ အဆင်ပြေသွားမှာပါပဲလို့ ဖွဖွလေးရွတ်ဆို …. လူတွေတိုးထွက်ပြီး လူတွေတိုးဝင် ငါ ကားဂိတ်မှာ ခြေစုံရပ်ရင်း ခဏလေးငေးကြည့်မိ။
“ ငါလဲကျခဲ့ရတာ အရင်းနှီးဆုံးတွေကြားမှာ” နားကြပ်ထဲက လာနေတဲ့သီချင်းစာသားကို အသံထွက်ပြီးဆိုလိုက်တယ်။ မိုးတွေရွာတုန်းပဲ …. မြေကြီးနံ့သင်းသော ပတ်ဝန်းကျင်မှာ စီးကရက်ဖင်စီခံတွေ စီရရီပျံ့ကြဲနေ။ ငါတို့က တကယ်ကို ပရမ်းပတာကျိုးကြေသွားဖို့ အစီအစဉ်တကျကြီး တောက်လျှောက်တည်ရှိလာခဲ့တာ။ အခိုးအငွေ့တွေပါပဲ …. အတွေးတွေ၊ စိတ်ကူးတွေ၊ မျှော်လင့်ချက်တွေ။ အခုနေတော့ အိမ်ပြန်ချင်တယ်ဆိုတာကလွဲရင် ဘာတစ်ခုမှဖြစ်ချင်တာမရှိဘူး။ အိမ်ပြန်ရောက်ရင်လည်း စိတ်က အိမ်မှာရှိမနေတော့ပြန်ဘူး။ တစ်ခါတလေမှာ ငါက ငှက်ပါပဲ။ အတောင်တွေမရှိတာလေးတစ်ခုတည်းနဲ့ လူလို့သတ်မှတ်ခံလိုက်ရရုံ။ တစ်နေ့ကျ မိုးစိုစရာမလို၊ မိုးခိုစရာမလို ငါ ပျံသန်းသွားဦးမှာ။ တစ်နေ့မှာပေါ့ ….. ငါကိုယ်တိုင်ပဲ ဟိုးအမြင့်ကြီးထိပျံ … ဟိုးအနိမ့်ဆုံးမြင်ကွင်းအထိ ပျက်ကျပစ်လိုက်ဦးမှာ။ အခုတော့ ငါ ခိုနေဆဲ … စိုနေရဆဲ … ။ ။
