مرحلة فى حياتهم😂❤

12- خطوبة سودا😒

رويدا حرفيا رمت قنبلة موقوتة ومشيت من غير ما تبص لأى حد خالص ولا لاحظت وشوش البنات المصدومة
رمضان حس بخيبة أمل وبص لميمو اللى باصة فى الطبق بتاعها وبتعض على شفايفها كأنها بتحاول أنها متعيطش قدام الشباب

بس فجأة قامت وقفت وكانت على وشك انها تخرج برا بس هدير وقفتها بكلامها

هدير : مش دى أختك اللى بتخاف عليكى ، متوقعتش فعلا أنها تبقي بالقذارة دى
ميمو بصوت عالى: هدير لو سمحتى احترمى انك بتتكلمى عن أختى بالغلط قدامي ، حتى لو كنتى بتكرهيها دا ميديكيش الحق انك تغلطى فيها قدامى وفى بيتها.

كلهم سكتوا بصدمة ، مش عشان وقفت ضد هدير.عشان دى أول مرة يشوفوا ميمو بتزعق بصوت عالى

ميمو بهدوء : احترميها فى غيابها زى ماهى بتحترمك فى وجودك وفى غيابك كمان ، ولو أنتو واقفين قصادها عشان هى موافقة عالخطوبة دى ! فأنا موافقة عليها كمان ومفيش داعي تتدايقوا عشاني عشان محدش هيحس باللى أنا حساه  بصت لمريم اللى واقفة ورا محمد  حتى أقرب الناس ليا مش هيحسوا باللى حساه

خرجت برا البيت وكلهم ساكتين ومصدومين بأنها وافقت على أنها تتخطب للواد الملزق دا ، طارق قعد عالكرسي اللى وراه

طارق : ممكن أعرف ايه اللى حصل وأنا مش موجود؟

فى حتة تانية ، ميمو اللى مشيت ورا رويدا اللى كانت بتتمشي فى الجنينة اللى ورا البيت الكبير بتاع جدهم ولقتها قاعدة عالمرجيحة وبتحرك نفسها بالراحة.

ميمو جت من وراها بالراحة وزقتها جامد شويه فرويدا اتخضت ومسكت الحبل بايديها الاتنين وبصت لورا على ميمو اللى بتضحك
رويدا : ايه اللى جابك؟ مكملتيش فطارك ليه؟
ميمو بتطنش سؤالها : انتى فاكرة أخر مرة ركبنا المرجيحة دى سوا كانت أمتى؟

رويدا سكتت وبتفتكر لما كان عندها 8 سنين وميمو كان عندها 11 سنة وكانوا دايما بيتمرجحوا سوا ، ميمو كانت بتتمرجح وهى واقفة وتحت رجليها رويدا كانت بتقعد وتمسك رجلين أختها عشان متقعش

رويدا : حتى لو افتكرت ، مش هتفرق
ميمو : انا مش هسألك انتى ليه بتعملى كدا عشان اكيد هيبقي عندك سبب بس هسألك ليه دايما بحس أنك ضحية؟
رويدا : ضحية !! واضح ان قعدتك مع عائشة ومايا لسعت دماغك
ميمو : متهربيش وجاوبى على سؤالى
رويدا : السؤال دا جه متأخر اوى ، كنت مستنية السؤال دا من 3 سنين ، كنت مستنية حد يسألنى اذا كنت كويسة ولا لا بس انتو.....يلا ربنا يسامحكوا
ميمو: رويدا انتى مكنتيش بتدى فرصة لأى حد انه يسألك على حاجه ، انا وانتى متكلمناش زى اى اتنين اخوات من 3 سنين ، انتى ايه اللى حصلك صرخت فى أخر كلامها بس وطت صوتها لأن ممكن أى حد ييجي على صوتها العالى