صلو ع النبي 🌸
رواية بعد غياب...
الحلقه الاولي...
سماح محمود.
-----
مصطفي الحرفي 27 سنه شغال حر اي شغله بيحط نفسه فيها وبيشتغل... لياقته البدانيه عاليه وحيد علي بنتين
.
سما منصور 21سنه بنت جميله طالبه فكليه حقوق عايشه فعيلة متوسطه هنعرف قصتهاا وباقي الأشخاص في الاحداث الجايه...
.
مني حازم بتكون بنت خال مصطفي بس من عيله مبسوطه وهنعرف قصتهاا.
-----
هل بعد كل الغياب ده هيرجعلي؟
انا ليه بعد كل الوجع اللي وجعهولي لسه بحبه ليه متعلقه في احبال دايبه...
كسرني / هدني/ ذلني / ليه قلبي بيحب الحاجه اللي بتأذيه...
.
-----
علي البحر مصطفي ماسك ايد سما وماشين....
سما بصتله وهيا بتضحك..
مصطفي رفع حاجبه -بتضحكي علي ايه يابت؟
سما-بتفكر من تلت سنين لما اتعرفنا علي بعض.
مصطفى بضحك-هههه هو ده حاجه تتنسي؟
سما بضحك-بس انت تستاهل علي فكره.
مصطفي-استاهل ياحيوانه انتي فاتحتلي دماغي واخدت فيها 7 غزر.
سما رفعت حاجبها-الله انت مش بتعاكسني يابني عايزني اعملك ايه؟
مصطفي-علي اساس دلوقتي بنعمل ايه.
سما ضحكت -لاء دلوقتي انت حبيبي وكل حاجه ليا.
مصطفي وقف وبصلها-سما بتحبيني؟
سما مسكت وشه-بحبك انت مجنون دانا بموت في التراب اللي بتمشي عليه .
مصطفي قرب منها اخدها فحضنه وباسها-انا بعشقك وبعشق كل حاجه فيكي اوعي اي حاجه تفرقناا انا بشتغل بكل طاقتي عشان اجبلك الشقه اللي بتحلمي بيهااا.
سما ببتسامه حضنته-ياروحي انت.
مصطفي بغمزه-طب ابعدي بقي عن حضني عشان في حاجات بتكبر وده غلط اوي.
سما خبطته في ايده-يلا ياقليل الادب ياسافل مش هتتلم بقي.
مصطفي حك راسه-اتلم ايه بقااا انتي بقيتي بتكبري من كل حته وده غلط علي فكره اوي‘
سما بتكشيره-والله انك غبي بطل قله ادب بقي.
مصطفى -هههه طب هاتي بوسه تصبيره لحد ما نتجوز...
سما-ولاااا تعرف انت الارتباط بيك هيدخلني جهنم...
مصطفي-هههه عبيطه بس انا اتجوز وهسوي الهوايل وانا كمان ممكن...
قطعه صوت رنه موبايله.
مصطفي-ثواني ياحبيبتي هرد علي خالي.
سما-ماشي ياحبيبي.
مصطفى -الو ازيك ياخالو عامل ايه.
حازم-الحمدلله ياحبيبي انت عامل ايه.
مصطفي-بخير الحمد لله
حازم-انت فالشغل!
مصطفي-كنت بجيب حاجات وراجع الشغل اهو
حازم-طب عدي عليا في الشركه عايزك
مصطفى بستغراب-ليه خير؟
حازم -لما تعدي عليا يا ابني يلا تعالي انا في بيتكم
مصطفي-ماشي ياخالي.
حازم-ماشي ياحبيبي‘
مصطفي-سلام مؤقت.
.
سما قربت من مصطفي ومسكت ايده-خالك عايز ايه؟
مصطفي-مش عارف يا سمسم والله هروح اشوفه.
سما-ماشي هروح بقي انا كمان عشان عندي محاضره.
مصطفي باسها من خدودها -بت متقفليش تلفونك.
سما ببتسامه-ماشي بقولك.
مصطفي-هااا.
سما بعتتلو بوسه فالهوا-بحبك
مصطفي ابتسم -بموت فيك.
سابها وركب الموتوسيكل بتاعه ومشي.
سما بصت عليه وهو ماشي وقالت لنفسها يااااربي بحب قمررررر امته اتجوزه دانا هستناه لو بعد ميت سنه...
-----
فبيت منصور.
منصور- طارق فين.
سعاد- واقف مع اصحابه تحت.
منصور-هو الواد ده مش هيشوفله شغله بدل ما صايع من هنا لهنا
سعاد -انا غلبت فيه ومبقتش قادره واكلمه يزعق.
منصور-هو السوبر ماركت هياكل مين ولا مين ده يادوب فاتح البيت...
سعاد-هعمل ايه اكتر من اللي بعمله بشتغل سكرتيرة فحضانه وبموت واللي بيجي بحط منو هنا.
منصور-الحل في بنتك.
سعاد-سما مالها ما هيا بتدرس كفايه عليها كلياتها كفايه مبتاخدش كورسات زي العيال.
منصور-تشتغل...
سعاد بستغراب-تشتغل فين ودراستها.
منصور-تبقي تروح تمتحن اخر السنه وتاخد محاضراتها من اصحابها وتشتغل وتساعد في مصاريف البيت دي.
سعاد-يعني مش قادر علي ابنك هتقدر علي البت.
منصور-ما انتي لو تربيتك في ابنك كانت نافعه كنت عرفت اتكلم معاه لكن طالع قليل الادب زي اخواتك
سعاد-منصور احترم نفسك انت مش هتبطل كل شويه تسم بدني
منصور بعصبيه-انا سايبلك البيت وهغور.
سعاد-اللي شايفه صح ابقي اعمله بس مع ابنك ابعد عن البت كفايه حالها مايل.
منصور بزعيق-طب عليا الطلاق منك هتشتغل لا اما مفيش كليه تاني وهشوف كلمه مين اللي هتمشي...
سابها منصور وفاتح الباب وخرج .
سعاد لنفسه-هيدمر البت زي ما دمر حياتي معاه منك لله ياشيخ...
-----
فبيت حرفي...
ناديه-والله ياحازم البيت منور.
هند-يعني لو مكنش جاي تشوف مصطفي ياخالو مش هتيجي.
حازم-لاء ازاي يعني ما انتو عارفين الشغل تعبني اقسم بالله ‘
ناديه-حتي مني مش بتجي هنا خالص وده مزعلني منها امها يعني مش راضيه تخليها تيجي هنا؟
حازم-لاء خالص واللهي يانادية بس انتي عارفه مني متدلعه ومبتقعدش في البيت.
ناديه-ده عيبك انت سايبلها كل حاجه
حازم-اللي طلعت بيها من الدنيا.
ناديه بتنهيده-اه عادي‘
حازم-سوهايله فين وحشتني.
ناديه -نزلت مع اخت عريسها تشتري حاجات الحياه مزنقه والاسعار بقيت نار.
حازم لسه هيتكلم دخل مصطفي....
مصطفي ابتسم-حبيبي ياخال منورنا..
حازم-عشان كده بتسال.
مصطفي-طالع عيني فالشغل.
حازم-طب اقعد عشان عايز اتكلم معاك فموضوع.
مصطفي بستغراب-خير؟
حازم-سبونا يا ناديه شويه انتي وهند...
مصطفي بصله واستغرب ايه اللي خالو عايزه منو.
ناديه وهند خرجو....
