صلو ع النبي 🌸❤
روايه بعد غياب
الحلقه الثامنة
سماح محمود
----
كريم بصدمة-يعني إيه ؟
الممرضة-يعني انت معندكش اي حاجه خالص اللي قالك كده بيضحك عليك تقدر تقوم تمشي
كريم-ماشي متعرفيش حد إنك عرفتني اي حاجه.
الممرضة -تمام بعد اذنك.
الممرضة خارجه ومنتصر كان بيفتح الباب وخارج.
كريم بغموض-جيت...
منتصر-ايوه كنت بطمنلك علي سوهايلة فعلا قليلة الذوق اوي كويس انك اتخلصت منها
كريم بغموض-انا اقتنعت بكلامك كويس إني بعدت عنها.
منتصر-ايوه اتعلج واخرج وهتتجوز ست ستاتها
كريم بخبث-بقول بلاها علاج عشان انا مش عايز اعيش ف الزمن ده خالص.
منتصر بتوتر-لاء ازاي يعني مش عايز علاج انت اتجننت هتفضل كده لحد ما تموت
كريم-انا حر بقي دي حياتي...
منتصر بعصبية-حياتك تخصني انت مش اخويا لازم اخاف عليك..
كريم بوجع -حبيبي يا.. يا اخويا... بس سيبني علي راحتي.
منتصر -زي ما تحب ‘
كريم -انا هنزل اخد عربيتي واتمشي شوية مخنوق.
منتصر -ماشي ابقي طمني عليك.
كريم بغموض-اكيد هو انا ليا غيرك.
----
فبيت حازم...
حازم دخل الاوضه علي مني....مني حسيت إنه دخل الاوضه... ذادت فالعياط
حازم -حبيبتي إهدي انتي عارفه انك اغلي حاجه عندي فحياتي.
مني بدموع-اه واضح عشان كده اول طلب اطلبه رفضته عشان إيه عشان إيه مش عايز تخليني اكسر قلبه زي ما عمل فيااا.
حازم-خلاص ياحبيبتي قومي هنروح لي المحامي هكتبلك كل حاجه وبكره يتسجل فالشهر العقاري.
مني بفرحه حضنته-حبيبي يابابا انت.
حازم -قومي عشان تاكلي بقي
مني-طب خليهم يحضرو الاكل علي ما اخد شاور بسرعه.
حازم -ماشي ياحبيبتي.
.
حازم خرج ومني مسكت موبايلهاا... واتصلت بمصطفي.
مصطفى بعد دقايق...
مصطفى -خير؟
مني-عايزك
مصطفى -مش فاضي النهارده
مني-وراك ايه!
مصطفي-وانتي مالك انتي.
مني-كنت عايزاك فموضوع
مصطفي-لاء لاء معلش مش فاضي.
مني-انت صوتك فالشارع.
مصطفى -اه انا وامي اقفلي دلوقتي..
مني-طيب سلم عليها..
مصطفي-يوصل سلام.
.
نادية -وبنت مين دي يامصطفي.
مصطفي-متعرفتش علي اهلي يا ماما بس بنت دي بحبها فوق ما تتخيلي وقفت جمبي كتير.
ناديه-ربنا يتمملك علي خير ياحبيبي.
مصطفي -هنروح نتكلم ونشوف طلباتهم ونخطبها.
ناديه-ماشي يلا نطلع...ده البيت.
مصطفي-ايوه ياحبيبتي يلا..
طلع مصطفي ومعاه امه... خبط علي الباب.
سعاد فتحت...
سعاد-مين؟
ناديه -ازيك ياحبيبتي انا جايه نشوف القمر سما بنتك لمصطفي ابني ونقعد مع باباها شويه.
سعاد-سما جاين تشوفها ل خطوبه؟
مصطفي ابتسم-ايوه ياطنط
سعاد بفرحه-طب اتفضلو في الصالون وانا هقول ل ابوها يدخلكم اهلا وسهلا.
طارق خرج عليهم.
طارق لسعاد-مين دول
مصطفي ابتسم -ازيك اكيد انت طارق.
طارق-ايوه اهلا وسهلا حضرتك تعرفني.
مصطفي-اكيد سمعتك سامعك انك انسان محترم.
طارق-الله يكرمك اتفضلو اقعدو...
سما خرجت وهيا قلبها طاير لما سمعت صوت مصطفي.
مصطفى بغمزه ثبتلك اهو
سما بفرحه-ازيك ياطنط.
سعاد اخدتها فحضنها -ي حبيبتي زي القمر
خرج منصور....ووراه سعاد..
سعاد بتوتر-استني بس.
منصور بنرفزه-ايوه خير؟
مصطفي ابتسم-ازي حضرتك مصطفي مد ايده.
منصور ممدهاش-حضرتك يا استاذ محدش قالك ان قبل ما تيجي بيوت الناس تاخد معاد.
مصطفي بص لامه وناديه اتضايقت من الرد.
مصطفي-اسف.
منصور -وطلبك مرفوض.
سما بخوف-بابا.
منصور بعصبيه-امشي خشي جوه
سما بدموع-بابا.
منصور بزعيق-خشي جوه
طارق-في ايه يابابا حقها تتخطب وتتجوز
منصور-دي بنتي وانا حر فيها واتفضل يا استاذ امشي عشان احنا دلوقتي زي ما انت شايف.
ناديه -مصطفي يلا نمشي.
مصطفي اخد ايد امه والغصب ماليه.
وهو خارج بص علي سما لاقها بتعيط...بصلها بصه عمرها ما هتنساهااا.
سما بعياط وهمس-مصطفي...
---
منتصر-افهم اللي بقولك عليه انا عايز الفرامل دي تتفاك خالص...
مجهول-عربية مين؟
منتصر-مش ضروري مين اهم حاجه هتفك فرامل العربية اللي بقولك عليها لازم النهاردة تتفاك خالص.
مجهول-كله بحسابه عايز 10 الالف جينه
منتصر-هدفعلك 15 وممكن 20لو خلصت كله اول بي اول.
مجهول-تمام اديني رقم العربيه وقولي بتقف فين
منتصر-زي استني مني تلفون وهكلمك.
مجهول-ماشي هستنا منك تلفون تقولي فين وامته وهنفذ.
منتصر -امسك دول10 تحت الحساب ولو تمت هديلك 10زيهم مش عايز فيه حته تنفع.
مجهول-دانت بتكرهه اوي.
منتصر-حاجه متخصكش.
مجهول-تمام همشي انا بقااا.
منتصر-ماشي امشي انت عشان انا مش فاضي.
---
فبيت منصور...
طارق بزعيق-انت بتعمل فينا كده ليه.
منصور-انت بتعلي صوتك عليا يا ولا انت فاكر نفسك مين انت ولا حاجه.
طارق-دي بنتك بنتك االوحيده.
منصور -معيش اجوز حد همكم كتر عليا.
طارق-وانت بتصرف عليا إيه.
منصور-اصرف علي شحط ليه مشلول امشي روح شوف انت رايح فين ومتتعبنيش انا مش ناقصك.
طارق-انا خارج بس اللي انت بتعمله ده ميرضيش ربناا..
.
في اوضه سماا قاعده تعيط وتتصل علي مصطفي.
مصطفي بعصبيه-عايزه ايه؟؟؟
سمااا بدموع-انا بحبك انا مليش ذنب انا اسفه حقك عليا
مصطفى بحرقه-اناا عمري في حياتي ما كنت بفكر في الجواز بس قولت ماشي هتجوزك عشان ايه عشان حبيتك قولت انتي مميزه عن الباقي قولت هتجوزك... يحصل كده فيااا اتهان يحصل فيا كده بعد كل اللي عملته عشانك ده يحصل فيا ياخساره حبي ليكي.
سما بدموع-انااا بحبك... بحبك اوي مليش ذنب متسبنيش عشان خاطري انا ذنبي إيه.
مصطفي-انا اتطردت انا وامي ودي كبيره وانتي لسه متعرفيش مصطفي حرفي... مصطفي حرفي ده حاجه عاليه اوي حاجه كبيره عليكي وعلي ابوكي شخصيا هو مين ابوكي حتت واحد صايع من علي قهوه لي قهوه.
سمااا بضيق-مصطفي خلاص بقا.
مصطفي-لو مش عايزه تخسريني يبقي هتجيلي بكره وهنتجوز ولا هتسمعي كلام الصايع.
سما بندفاع-هسمع كلامه عشان هو مش صايع مهما يحصل ده ابويا هو اللي رباني مش هسمحلك تشتمه.
مصطفي-بتبعيني وهتشتري ابوكي.
سما-مش ببيعك انا بحبك اوي.
مصطفي اتخنق فالعياط ودي اول مره يحصله كده.
مصطفى -اومال ايه ياسما اومال إيه ياحب حياتي اللي اتنزلت عن اي حاجه عشانه
سما بدموع-الاب. والام حاجه مينفعش يتخسره انا هعوضك بس مش هعوضهم.
مصطفى -يبقي انتي اختارتي.
سما-يعني ايه!
مصطفي-يعني مش عايز اشوف خلقتك تاني انا بقيت بكرهك انا هتجوز مني علي الاقل بتتمني كلمه مني اياك اشوف رقمك علي تلفوني بكرهك..انتي واحده رخيصه اوي كنت هتجوز واحده رخيصه هخليها علي اسمي وشرفي انتي اخرك تدخلي في علاقه محرمه او تنام مع واحد ياخد شهوته منك وخلاص انا بكرهك بكرهك.
قفل مصطفي فوش سماا.
سمااا مسكت تلفونها وصدمتها نازله عليهااا. من كلام مصطفي.
سمااا بذهول-انااا رخيصه انا اروح مع اي حد ينام معايا مصطفى يعمل فيااا كده...
(عارفه انه مجروح جرح مش قادر في يوم ينساه... والجرح ده خلاه يشوف في كل واحده من حبه القديم صوره... خايفه اديلو قلبي واكونله حضن امان فيكسرني ومين هينصرني ساعتها لو خاني ياناس ما انا بردو معذوره... عايزني احبه وامشي في سكه مغمضه وياه واصبح الاقي نفسي ضحيه جديده من ضحاياه... واخد سنيني دموع وندم وانا ينساه... هنساه عايزني اسيبله قلبي ده اللي محلتيش غيره وانا واثقه في ضميره ضميره مات...)
----
كريم واقف يستني سوهايله بعد ما تعب عشان تنزل تشوفه.
كريم لمحها جايه من بعيد.
سوهايله بندفاع-عايز ايه مني تاني.
كريم حاول يمسك ايدها-إهدي متعصبه ليه اهدي انا اسف.
سوهايله-اسف ؟؟؟ اسسسسف انت تخرس خالص.
كريم-انت متعرفيش انا مريت بي ايه لازم تسمعني.
سوهايله ضحكت بوجع-مريت بأية انت واحد حيوان وندل كسرتني عايز ايه مني تاني جاي تضحك عليا.
سوهايله بتتريقه-اهاااااااااا تلاقيك عرفت اني هتخطب بقا جاي عشان فاكر هتقدر تلعب عليا.
كريم بصدمه-هتتخطبي؟
سوهايله-هتخطب لي واحد احسن منك واحد بيحبني واحد بيقدرني انت مت من حياتي فاهم..
كريم-مش فاهم هتقدري تتخطبي لغيري؟
سوهايله-ايوه هقدر وهقدر مليون مره هتخطب لي دكتور منتصر صحبك مش جاهل زيك كنت بحب جاهل كنت بشفق عليك عارف انا فرحانه انك اتجوزت اكيد هيا شبهك انا عاليه عليك.
كريم مصدوم من اللي بيسمعه...
كريم بوجع-وإيه تاني ياسوهايله.
سوهايله-اتكتم خالص لي الدرجه دي انت رخيص... رخيص اوي خاف علي اختك طيب لاء يحصل فيها اللي بتحاول تعمله فياا واحد رخيص.
كريم فجاه رفع ايده ونزل علي وش سوهايله بي القلم...
سوهايله مسكت وشها ودموعها نزلت...
كريم مستحملش يشوف دموعها شدها فحضنه.
سوهايله بدموع وزعيق-ابعد عني سيبني.
كريم شددها فحضنه ومغمض عنيه زي ما تكون روحه ردت فيه.
كريم بوجع-اهدي ياحبيبتي مش هسيبك انتي كل حياتي اهدي ياعمري هتكلم معاكي وهفهمك كل اللي نفسك فيه ياحبيبي.
سوهايله وهيا بتعيط لاقيت نفسها بتحضنه وهيا مش حاسه بتحضنه وبتشد فيه....
كريم حس ان عايز يدخلها جوه هدومه من كتر الحضن من كتر ما حاسسس انه مش قادر يسيبها.
كريم بهمس -بحبك اوي بحبك إهدي هنتكلم إهدي فحضني زي زمان وحشني حضنك وحشتني
----
هند كانت خارجه راحه لي اصحابهااا لمحت طارق قاعد علي الرصيف اللي علي البحر بيعيط...
قربت منو-طارق؟
طارق مسح دموعه-هند؟
هند بتوتر-مالك بتعيط ليه
طارق-مخنوق من الحياه دي مفيش فيها حاجه ليها طعم حتي لما جيت اعجب بحد اتقلت عليا وبدات تعاملني وحش.
هند-مين قال كده انا مستحيل اعملك وحش.
طارق-اومال عملتي ايه.
هند-كنت خايفه.
طارق-خايفه من ايه.
هند-منك.
طارق-شوفتي مني ايه عشان تخافي.
هند سسكتت
طارق بعصبيه-ردي عليا.
هند-لاء مشوفتش
طارق -اوماال ايه ياهند
هند-اختي حبيبها وخطيبها سابها قبل الفرح بأسبوعين كسرها وكسر قلبها واتجوز.
طارق-وهو انا زيه هو صوابعك زي بعض انتي بتحكمي عليا ليه من غير ما تعرفيني.
هند-كده انا مش عايزه ارتبط ولا اقرب من حد مش عايزه اتخذل
طارق-انتي شايفه ده؟شايفه انك مش عايزني
هند سكت وبصت في الارض.
طارق-ردي عليااااااااا ياهند.
هند___
---
مني خرجت من عند المحامي ..
حازم -حصليني بي عربيتك عملت اللي نفسك فيه اهو
مني بضحكه-روح قلبي انتي بحبك اوي اوي.
حازم باس خدها -روحي فيكي.
حازم طلع عربيته ومني خدت عربيتها ومشيت
لاقيت تلفونها بيرن
مني-هااااا.
مصطفي-تتجوزني؟
مني بصدمه-ايه!
مصطفي-زي ما سمعتي تتجوزييني.
مني بفرحه-موافقه اكيد... اكيد موافقه
مصطفي حضري نفسك وتعالي قابليني يلا.
مني-ليه! ؟
مصطفي-هتعرفي لما اشوفك.
----
توقعاتكم
