صلو ع النبي 🌸❤
رواية بعد غياب
الحلقة الخامسه عشر
سماح محمود
-----
كريم بعصبيه- فهمتني فوق بنت خالك هتموت عليك واقف تعيط علي واحده باعتك باعت حبك واقفه ترقص مع عريسها وفرحانه طب وانت فين؟؟؟ مجتش قالتلك ليه!
مصطفي ضحك بوجع-لاء جت وقالتلي... قالتلي هسمع كلام بابا حتي محاولتش باعتني لتاني مره بس بكلام قاسي قالتلي نضال هيحقق كل احلامي هستناك علي ايه قالتلي الحب مبياكلش عيش قالتلي كتير... كتير اوي ياكريم.
كريم-امشي يامصطفي اامشي ابوس ايدك متحرقش دمي..
مصطفى -همشي بس همشي من هنا علي بنت خالي همشي وهتجوزها عشان ادفن سما هدفن وادفن الساعه اللي عرفتها فيهاااا.
كريم-طب يلا ياحبيبي بس وربنا هيعوضك
.
فالوقت ده طارق كان شايف مصطفى من بعيد مع كريم وشايف الحوار كله ...والمأذون داخل...
طارق دخل لامه...
طارق-فوقي من الساذجه دي هتعيشي معايا... انا معايا قرشين حلوين هتعشي بيهم صدقيني متضيعيش بنتك الوحيده الماذون لو كتب الكتاب بنتك هتتكسر طول حياتهاا انا مش هعرف اتكلم مع جوزك قومي واعملي اي حاجه.
سعاد بصتلو وهيا عايزه تعيط وخايفه.
طارق بنرفزه-قومي ياماما انتي عشتي بنتك معشتش ابوس ايدك متضيعهاش لو ضيعتها هتخسريني معاها هنسيبك إحنا الاتنين ليه ممكن يسيبك في اي وقت ممكن يطلقك ده غير الاهانات قومي.
سعاد بصت لسماا شايفها مبتسمه بس عنيها حزينه....
قامت واقفت وقربت عند المأذون اللي هيكتب الكتاب...
سعاد بصوت مسموع-سماااا
سمااا بصتلها واتصدمت اول مره صوت امها يكون مسموع كده.
سعاد بصت لمنصور-سما مش هتتجوز يامنصوررر.
منصور -يعني ايه! ؟؟ سعاد اتجننتي
نضال-في ايه ياطنط !
سعاد -طنط عندك في البيت ياعين امك قومي ياسمااا جمب اخوكي مش هتتجوزي... عايز تضيع عيالي زي ما ضيعت حياتي يامنصور.
سما بصت لطارق بفرحه...طارق مسك أيد اخته...
منصور بزعيق-سعااااد طلاقك هيكون علي ايدي
سعاد-طلاق... ياريت اطلق واخلص منك واخلص من معاملتك السوده ضيعتني... ضيعت حياتي... ضيعت اولادي عايز مني ايه سبتك تعمل فيا كل حاجه بس مش هسمحلك تعمل كده في بنتي يامنصور فاهم مش هسمحلك.
سعاد قالت جملتها بصوت عالي
ونضال واقف هيتشل من الكلام... والناس واقفه تتفرج.
منصور-علي الطلاق هتتجوزه.
سعاد-نجوم السما اقربلك انك تقرب من ولادي...
منصور بجنون -هيتجوزها بقولك اقعدي ابت.
سعاد بزعيق- قولتلك مستحيل
جه منصور يشد سما من ايدها يقعدها جمب المأذون وسعاد بتزء فيه وهو بيزء في سعاد وبيشد في سما وطارق بيشد ايد اخته وامه بتزء في ابوه والناس مصدومه من اللي بيحصل....
حد من المعازيم -اتصل بي الشرطه لما لاقو العمليه سخنت كده.
منصور لاقي ازازه كولا جمبه كسرها بغضبه بيهدد سعاد عشان تبعد وسعاد هجمه عليه بتزء فيه عشان يسيب البت....
بترجع سعاد عشان تفك ايده من سما وبتتلفت ليه عشان تبعده وهو رافع الازازه راحت جايه في صدرها....
سمااا بيصريخ -مامااااااااااا
طارق بصدمه اول ما شاف اللي منصور عملوه خرج يجري بره واخد عربيته ومشي.
القاعه اتقلبت صريخ... وطارق جري علي امه وهو هيموت من الخوف وسما بتعيط...
طارق-ماما حبيبتي فوقي.... حد يطلب الاسعاف بسرعة...بسرعه.
سما بدموع وخوف -قومي ياماما ابوس ايدك قومي متكسرنيش مليش غيرك انتي قومي ياماما وهعمل اي حاجه انتي عايزها.
طارق قام بغضب مسك ابوه من رقبته وقال بصريخ وغضب.
طارق-موتهااااا موت امي قتلتهاا...
منصور بخوف وهو بيزء ايد طارق-مليش دعوه هياا اللي قربت انا كنت بخوفها انا مكلمتهاش.
طارق بصريخ-ضيعتنا وقتلت امي ربنا ينتقم منك.
منصور بيشد فيه... وطارق مسكه
شويه والشرطه دخلت ووراها الاسعاف... نزلو يجو علي سعاد....
والشرطه مسكت ايد منصور.
منصور بصريخ-انا مليش دعوه هيا السبب انا مقتلتهاش...
الشرطه بتشد في منصور وبيركبو في ايده الحديدد...وطارق مش راضي يسيب رقبته ايده مايته علي رقبته.
والاسعاف بيغطي وش سعاد.
طارق فك ايده علي صوت سما وهيا بتصرخ...
سما بصريخ -مااااااات مامااااااا لاء ماااااااما ممتتش
طارق بدهول لنفسه معقول ماتت معقول
-----
قصاد بيت مني...
مني بخبث-مش فاهمه بردو جاي ليه
مصطفي -انا اسف.
مني-مش مستنياا اسفك انا مش عايزاه.
مصطفي- اسف بجد اسف انتي قيمتك فوق فوق دماغي.
مني-بعد ايه بعد ما كسرتني مرتين كل مره اتعشم فيها.
مصطفي بوجع-صدقيني انا اتكسرت نفس المرتين وربنا خدلك حقك.
مني-انتو شكلكم سبتو بعض وانت عشان سبتو بعض جايلي هو انا وقت فراغ لحد ما تحنالها.
مصطفي بتنهيده-بس سما ماتت من حياتي هحنالها ازاي.
مني-مليش علاقه عايز مني ايه؟
مصطفي-انا جايلك وقصاد بيتك وبتاسف.
مني-وانا مش متقابله الاسف ده ثم مش عايزاك فحياتي كمان.
مصطفى -تمام اللي انتي شايفاه...سلام.
منيي بلهفه-كمان مش مستحمل مني كلمتين اقولهم وافضي قهري فيك من اللي عملته.
مصطفي-انا مش مستحمل اي حاجه انا تعبان... تعبان اوي يامني ومحتاجلك...
مني مسكت أيده -محتاج إيه وهعملهولك.
مصطفي -محتاجلك انتي محتاج احضن حد محتاج احضن حد اكسر كل ضلوعه فحضني ...محتاج اهدي.
مني قربت منو حضنته-ششش مفيش اي حاجه هتهديك غيري ياحبيبي انا وبس انا بحبك ومستحيل ازعلك.
مصطفى تقريبا مش سامع كلامهااا مغمض عنيه وسرحان في سما اللي بترقص مع عريسها وبيضغط علي حضن مني اوي.
مني-حبيبي ايديا وجعتني.
مصطفى بتعب-ششش اسكتي انا تعبان... تعبان اوي.
جه حازم من وراه.
حازم بعصبيه-انت تاني ياكلب بتعمل ايه هنا وانتي ازاي تسمحيلو يحضنك نسيتي كل اللي عمله فيكي.
مصطفى -اسف ياخال بجد ولو عايز اكتب كتابي عليها دلوقتي هعمل كده.
حازم-مش عايزين لا كتب كتاب ولا عايزينك في حياتنا.
مني بلهفه-لاء يابابا انا عايزاه هو بجد يامصطفي ممكن تكتب الكتاب دلوقتي.
مصطفي-لو في اجرءات تتعمل معنديش مشكله.
مني-سيبك من الاجراءات كل حاجه عليا.
حازم بعصبيه-انتي ملهوفه كده ليه وليه مش عملالي حساب
مني-عشان خاطري يابابا وافق عشان خاطري يابابا وافق وهنعيش معاك.
حازم -تعيشي هنا؟
مصطفي -معنديش مشكله لو انت عايز كده.
حازم بتنهيده-انا لو عليا مش عايزك بس هيا متعلقه فيك
مصطفي بربع ابتسامه -دي حبيبتي.
مني بفرحه لنفسها -يالهوي حبيبته.
----
بعد ساعات فالمستشفي....
سماا جايلهاا انهيار عصبي قاعده تتنطط وتصوت والدكاتره بيحاولو يدولها حقنه مهدءها بس مش عارفين يكتفوهااا...
وطارق بره الباب بيعيط مشيل نفسه الذنب وقاعد يتفكر ان لو مكنش قال لامه كده مكنش حصل كل ده كان ساب اخته تتجوز علي الاقل كانت هتكون عايشه مش مايته...
طارق لنفسه-انااا السبب انا السبب ياربنا.
فالوقت ده هند كانت بترن عليه بس كنسل عليها وقفل الموب.
شويه والدكتور خرج ...
طارق-ها يا دكتور سما بقيت كويسه.
الدكتور -عندها انيهار عصبي مش هتخرج دلوقتي هتقعد في المستشفي شويه.
طارق-لامته يادكتور!
الدكتور-لحد ما نحاول نهديها بس الصدمه كانت جامده عليها... هتدفن والدتك امته؟
طارق بحزن-بكره ان شاء الله
الدكتور-شد حيلك انت قدها شد حيلك عشان اختك بس... اختك محتاجلك ياطارق... سبحان من مهديك كده.
طارق بدموع-محدش محروق قدي يادكتور بس مهما اقول مفيش حاجه هتطفي النار اللي فيااا...
الدكتور-كل حاجه راحت والدتك عند اللي احن من البشر طب ربنا اخد حاجه غاليه بس سابلك حاجه اغلي اختك.
طارق-بس عمر اختي ما هتكون اغلي من امي.
الدكتور-بس اختك كانت غاليه عند امك والا مش كانت هتضيع حياتها كده حافظ علي الحاجه اللي فاضله ليك من امك..
طارق-بإذن الله يادكتور...
الدكتور-اختك نايمه دلوقتي اقعد جمبها وامسك ايدها عشان لما تفوق وتشوفك تهداا طمنهااا حاسسها انك جمبها ومبقتش وحيده.
طارق دموعه بتجري-حاضر مش هسيبها مبقاش ليا غيرها
الدكتور-ربنا معاك يابطل انت الف من يتشرف تكون صاحبه ياطارق.
طارق-ربنا يكرمك يادكتور.
الدكتور-في اي وقت انا معاك ادخل يلا
----
فبييت حازم...
كانو خلصو الاجرءات وجابو الماذون كتب الكتاب ومني طايره من الفرحه وجمبها حازم بس مصطفى مضايق.
حازم-مش مبسوط لي ي مصطفي مش ده اللي انت عايزه؟
مصطفى -عارف يعني إيه اتجوز من غير امي واخواتي ؟وكمان أختي فالمستشفي لسه انا مش عارف عملت كده ازاي وانت ازاي توافق
حازم-عادي انا مش شايف فيها حاجه اهم حاجه بنتي مرتاحه... حاجه كمان انت بكره هتيجي الشركه معايا وهتكون مدير مجلس الاداره.
مصطفى -اشمعنا؟
حازم-لازم حياتك تتغير وبكره هيكون عندك يا سيدي احسن عربيه حياتك هتتغير انا داخل انام بقي والف مبروك وانتي يامني قومي اقفلي الباب.
مصطفى لنفسه -منك لله ياسما انتي السبب في اللي انا فيه ده ال حياتي هتتغير ال هتتغير فلوس طب وقلبي اهبب فيه ايه.
مني بفرحه-حبيبي مش هتقوم نطلع عشان ننام.
مصطفي بتنهيده -تمام ...
قام مصطفي طلع مع مني ودخلت اوضتهاااا... قلع مصطفي التيشرت واترمي عريان علي السرير.
مني-هتنام؟
مصطفى -تعبان يامني سيبني انام.
مني بضيق-بس دي ليله دخلتنا
مصطفي قام سند علي ايده -اقلعي وتعالي.
مني بصدمه-انت بتقول إيه
مصطفى بتنهيده -مش ده اللي انتي عايزاه وانا هعملك اللي نفسك فيه وبعدين تسيبني أنام؟
مني -يعني هتقرب مني من غير نفس.
مصطفي -مين قال كده دي الحاجه الوحيده اللي الواحد نفسه بتتفتح فيها تعالي
مني -تؤ مش جايه‘
مصطفي بربع ابتسامه-تعالي ياحبيبتي متزعليش.
مني خلعت هدومها ووقفت قصاده بي الملابس الداخليه بس واللي صدمهاا انت مش مذهول ولا اي حاجه اي حد كان بيموت عليها الا هو...
مني بغمزه-مش بزمتك قمررر.
مصطفي-بس صدرك صغير.
مني قربت منو -لم نفسك ياقليل الادب‘
مصطفي سرح لبعيد واتفكر سمااا.
فلااااش باك.
مصطفي-بت
سمااا-هاا عايز إيه يا بارد يااللي كل شويه تزعلني.
مصطفي بضحك-طب هاتي بوسه
سما-لاء تؤ لاء
مصطفي-بوسه صغننه.
سماا بمكر -لو مش كبيره مش عايزها.
مصطفي-هموت واعرف الكور اللي في صدرك دي بوش اب ولا حقيقي.
سماا بضحك-هضربك والله.
مصطفي-بحبك اوي يابت ووالله بعشق كل حاجه فيك وكل حته
سما بمكر-يلا نتجوز طيب..
مصطفي-هتجوزك ياحبيبي والله.
سمااا بحب باسته-بحبك اوي.
بااااااااااااك.
مصطفي بنرفزه-كدابه اكبر كدابه.
مني-انا كدبت عليك في ايه
مصطفي ضحك-كدبتي علي البوش اب بتاعك ده فكرته حقيقي ‘
مني-معلش بقي يعني معجبكش
مصطفي-تعجبي الباشا ياباشتنااا.
مني مسكت ايده -مش هخليك محتاج حاجه واحده بس انا بحبك اوي يا مصطفي اوي
مصطفي ضحك ضحكه صفرا-لاء مبحبش كلام الحب انا لو عايزاني احبك متقوليش كلام حب خالص.
مني قربت منو ببتسامه ولفت ايدها حوالين رقبته-حاضر ماشي ممكن بقي منقضهاش كلام.
مصطفي -بس كده تعالي
-----
فالمستشفي...
طارق قاعد جمب اخته بيحسس علي شعرها وبيطبطب عليهااا وماسك ايدهااا...
طارق بدأ يتكلم وهو دموعه بتجري فالوقت ده سما كانت بتفوق بس مغمضه وهيا سامعه وصاحيه
طارق بدموع لنفسه-ياريتك سامعني ياريتك معايا وياريتك بتقويني انتي عارفه انا اللي خليت امك تعمل كده بس عملت كده عشانك عشان ميتكسرش قلبك عشان شوفت مصطفي واقف بره القاعه بيعيط علي حبه وهو بيتجوز روحت كلمتها روحا قولتلها متضيعيش بنتك روحت قولتلها قومي وقفي الجوازه وانا... انا هاخدكم ونعيش بعيد واصرف عليكم بس مكنتش اعرف ان ده هيحصل عايزه اقولك حاجات كتير انا تعبان وانتي نايمه مع انك المفروض تقويني امك عملت كده عشانك بعد ما سمعت منك انا السبب بس انتي مكنتيش هاينه عليا قلبك يتكسر مكنتيش هاينه عليا يحصلك حاجه مكنتيش هاينه عليا وبعد ما شوفت مصطفي بيعيط بره القاعه تعبت عشانك وعشانه وحسيت بنار قايده فيا ده اللي خلاني قولتلها كده...بس مكنتش عارف انها هتموت انا السبب انا السبب في ده.
سما كانت سامعه وقلبها بيعيط قبل عنيها مغمضه بس دموعها نازله...
سما فتحت عنيها ومسكت ايد طارق.
سما بدموع-انت مش السبب انت حاولت تقف جمبي انت مش السبب في موتها ليه تحمل نفسك ذنب ابوك عمله ليه لييييه...
طارق اخدها فحضنه-انتي كويسه...
سمابدموع-لا وحتي لو كويسه ما ماما خلصت راحت يبقي الحزن اتمسك فيا لو علي ماما فاماما راحت وعلي مصطفي اللي عملت عشاني وعشانه فهو كمان راح مبقاش عندي حد.
طارق-عندك انا...هنعيش مع بعض مش هخليكي ناقصك اي حاجه عمري ما هفكر ازعلك.
سما بدموع-ممكن اطلب منك طلب.
طارق-نعم ياحبيبتي.
سما-عايزه اشوف بابا.
-----
كريم كان اخد سوهايله وامها وهند ومروحهم.
هند قاعده تتصل بي طارق علي طول وتلفونه مقفول ومزاجها زي الزفت.
كريم -ما تسيبي يابت الموبايل ده وتيجي تشيلي معايا.
هند-كريم انا مش فايقلك والنبي.
كريم-شايفه اختك يا سوهايله؟
سوهايله بضحك-حقك عليا انا بقيت بومه.
كريم -طبعا هيا بومه ايش جاب البومع لي اليمامه.
سوهايله-كانت تؤ تؤ حمامه
هند بتكشيره-داهيه تاخدكم حبك رخم اوي.
كريم-وانتي غيرانه ليه ابت انتي روحي حبي.
هند-بعدك كرهت الحب.
كريم-ليه ياختي سبتك بي اللي في بطنك.
هند-شايفه جوزك يازفته
سوهايله-لم نفسك يازفت.
ناديه-تستاهل عشان لسانك طويل.
كريم بص لحماته-يعني هيا تقولها زفته وانتي تقوليلي زفت ده انتي زوجه قليله الادب اوي ارمي عليكي اليمين يعني.
سوهايله بضحك-تؤ ارمي عليا الشمال
----
توقعات
