صلو ع النبي 🌸❤
روايه بعد غياب
الحلقه الرابعه عشر
سماح محمود
-----
مني-ما ده العرض التاني بقي اللي هتاخد فيه اكتر.
نضال-مش فاهم
مني-نص مليون جينه وهتتجوزها.
نضال بصدمه -كام.
مني-زي ما سمعت نص مليون جينه.
نضال-انتي بتجيبي الفلوس دي منين.
مني-جيبي تقيل وكل ما تعجبني هدفع اكتر..
نضال-لو كده دانا اتجوز كل يوم ويا سلام بقي لو حلوه زي سما.
مني بضيق-ربنا يهيني سعيد بسعيده.
نضال -هروح بقااا انا هبدأ مهمتي من النهارده.
مني-تمام احب اسمع اخبار حلوه.
نضال-هتسمعي كل حلو واللهي....ده فيها عربيه ونص مليون بس في شرط
مني-شرط ايه؟
نضال-اخد حاجاتي الاول الفلوس والعربيه قبل ما اكتب اي حاجه
مني-ماشي بكره العربيه تكون عندك
نضال-والفلوس
مني-قبل كتب الكتاب هتستلمهم. --
نضال بضحكه-احبك كده اوي ..
مني بتريقه-هيهيهي لاء حب سما خليك فيها بس.
----
فبيت منصور ...
سماا دخلت البيت لاقيت ابوها وامها قاعدين.
سما بصوت حزين-خلاص يابابا انا موافقه علي العريس.
منصور بفرحه-اهو ده الكلام تبقى بنتي حبييتي امسكي الرقم ده اتصلي بيه وانتي اللي هتقولي لي نضال انك موافقه.
سما-قولو انت يابابا مينفعش كده
منصور-هترجعي كلامي وياريت تقوليلو احنا ناس مش بتوع شبكات جواز علي طول.
سما بتنهيده ضحكت بوجع-يعني جت علي ده هات.
منصور-امسكي الرقم فوق شاشه التلفزيون.
سما راحت اخدت الكارت اللي فيه الرقم ودخلت اوضتهااا ومصطفي خياله في وشها مش عارفه تعمل ايه مش عارفه يفرق خيالها.
سما اتصلت بي الرقم... بعد دقايق...
نضال-ايوه مين معايا؟
سما بتبلع ريقهااا ودموعها نازله...
سما-اناااا سما
نضال فرح لما سمع اسمها بس حب يتقل نفسه
نضال-سما مين؟
سماا بدموع -العروسه اللي حضرتك اتقدمت ليها اتصلت اقولك بس اني موافقه وياريت يكون خطوبه وكتب كتاب علي طول.
نضال -ههههه وانا اطول فرحتني اني سمعت صوتك واللهي فرحتني اوي.
سما-ربنا يخليك.
نضال-بلاش حضرتك دي تاني انا هكون جوزك يعني خلاص نضال بس.
سما بتنهيده-حاضر.
نضال-تحبي احجز قاعده ونعمل خطوبه وكتب كتاب بكره.
سما ضحكت بوجع-عادي كله واحد
نضال-سما؟
سما-نعم
نضال-انتي مبسوطه انك هتتجوزني؟
سما بلعت ريقها نفسها تقولو لاء نفسها تقول انها بتحب شخص تاني بس لسانها مشلول.
نضال-بكلمك؟
سما-اكيد فرحانه... فرحانه اوي كمان بس انا تعبانه شويه.
نضال-سلامتك.
سما-الله يسلمك ممكن اقفل.
نضال-طب مش هتيجي اجيبلك فستان؟ علي فكرة سبت لي بااباكي 10 الالف حق فستان خطوبه مكنتش عارف انك عايزه فرح علي طول فا الفلوس الاولي مش مهم وتعالي اجبلك فستان.
سما-هات اي حاجه علي ذوقك عادي وانت جاي‘
نضال-ومش عايزاني اوديكي كوافير؟
سما بتنهيده -مش بحب احط ميكب أنا كده حلوه...
نضال-انتي فعلا جميله وعيونك جميله مش محتاجه انا مش عارف الجمال ده كله هيبقي في ايدي ازاي.
سما -ممكن اقفل معلش‘
نضال-اكيد اتفضلي هتوحشيني لبكره شوفي هتعزمي مين وانا هخلي القاعه بكره مليانه ناس.... متقلقيش وهقولك المكان.
سما-تمام سلام.
نضال كان لسه هيتكلم بس كانت قفلت...
نضال لنفسه-بكره لما تكوني معايا مش هتقفلي.
.
خرجت سما لابوها...
سما-خلاص كلمته وقالي الفرح بكره.
سعاد-بكره ازاي مينفعش.
منصور-ملكيش دعوه انتي بكره بكره.
سعاد-هيا لسه اتجهزت ولا عملت اي حاجه.
منصور -مش مهم هو مش عايز كلام من ده.
سما بنص ضحكه-ابقي شوف هتعزم مين انا رايي متعزمش حد.
منصور-ملكيش دعوه انتي...روحي حضري نفسك بس وحاجاتك معقول اخر ليله ليكي هنا.
سما-هو انا تقيله اوي كده؟
منصور-لاء بس البنت ملهاش الا بيت جوزها.
سما بتنهيده-انت شايف كده يبقي معاك حق اكيد.
منصور-تمام.
سما-تمام هنام شويه
----
طارق كان خارج من البنزينه مروح ومخنوق وهو ماسك الموب شاف هند رنه كذه مره... كان لسه بيفكر يتصل بيهاا شاف واحد بيمون العربيه وبنت صغيره نازله من العربيه بتجري عليه في الجمب التاني وفي عربيه كبيره دخله عليهم. ...
الراجل بخوف وفزع-حسبي بيسان اوعي...
طلع يجي طارق عليها شالها واترمي بيها علي الارض من الناحيه التانيه البنت عيطت ايدها وجعتها.
طاارق وهو بينهج-انتي كويسه.
بيسان-ايدي بتوجعني ياعمو.
طارق-ي روح عمو متخافيش ربنا ستر... طارق باسها وقام كان ابوها بيجري عليهم اخد بنته فحضنه وقعد يبوس فيها وهو مفزوع.
ابوها-بيسان انتي كويسه انتي كويسه ياحبيبتي..
بيسان-كويسه يابابا بس ايدي بتوجعني شويه
ابوها-ربنا ستر ياحبيبتي.
بيسان بصت لطارق كان بينفض هدومه-شكرا ياعمو.
طارق ابتسم-حبيبتي حمدلله علي سلامتك ربنا ستر.
ابوها-ربنا يكرمك بجد مش عارف اقولك اي بس انا نصحي التهامي راجل اعمال وسياسي .
طارق-اسمك سابق حضرتك تشرفت بيك.
نصحي طلع شيك بي 200 الف وكتبه لي طارق ومضي عليه.
نصحي-الشيك ده عشانك.
طارق ابتسم-لاء مينفعش انا معملتش حاجه ده واجبي.
بيسان -خدو ياعمو ده حقك انت انقذت حياتي.
طارق بصلها وابتسم -من عنيا عشانك انتي بس ياحبيبتي.
طارق -اخد الشيك وفرح..
نصحي-وده رقمي في اي وقت لو عايز حاجه انا موجود.
بيسان-وانا كمان موجوده.
طارق بصلها وضحك-حاضر يارب علي طول موجوده.
نصحي يلا يا بيسان نمشي... مشيت البنت مع واابوها وبتتعمل باي باي لي طارق...
طارق بفرحه-معقول 200الالف. في دقيقتين معملتش فيهم حاجه سبحان الله يعني ممكن اتقدم لي هند واجيب شبكه عادي يارب فرجك علينا كمان.
اتصل طارق بي هند.
طارق-حبيبتي
هند بفرحه-اختي بقيت كويسه.
طارق -حمدلله علي سلامتها.
هند-اتصلت اقولك بس انت مش رديت.
طارق-مسمعتوش ياحبيبي.
هند ابتسمت -وحشتني..
طارق-بقولك ياهند
هند -نعم.
طارق -بعد ما اختك تخف باذن الله عايز اعملكم زياره في البيت.
هند بفرحه-بجد بتتكلم بجد‘
طارق-ايوه بجد.
هند-بس انت قولت مش قد جواز. دلوقتي.
طارق-هنتخطب بس ويكون اهم حاجه في النور.
هند بفرحه-موافقه اكيد من دلوقتي
طارق بفرحه-بحبك اوي
هند بسعاده -وانا كمان اوي...يوم ما تيجي هتيجي انت ومين.
طارق-هجبلك امي وابويا واختي..
هند-عندك اخت.
طارق-اه عسل زيك كده.
هند-ربنا يخليهالك..
طارق -ويخليك ليا يا قلبي
----
نهار جديد ...
بعد يوم طويل تعب من كله...
فالمستشفي...
كريم-مصطفي هتقوم تدخل لي سوهايله فاقت.
مصطفى بصلو -هدخل بس مش دلوقتي.
كريم -مالك كده انا حاسك مش مظبوط.
مصطفى بحيره-انا كويس بس مرهق من قله النوم.
كريم-طب روح انت وانا قاعد معاهم هنا.
مصطفي بتنهيده -لاء مش عايز اروح انا تعبان بس مش عارف ايه اللي بيوجعني...
كريم -احكيلي فيك ايه انت مش كويس انا حاسس بيك.
مصطفى -خليك انت بس دلوقتي في مراتك وانا هبقي كويس لما أشوفكم كويسين متقلقش.
كريم-ماشي هقوم ادخل لسوهايله بس مش هسيبك غير لما اعرف مالك.
مصطفي بربع ابتسامه-ماشي...
مصطفي قاعد فاتح صوره سمااا ومبتسم بوجع...
ايد عايزه تتصل عليها وبترجع....
لاقي في مسدج وصلت ليه من رقم غريب...
(فرح سما النهارده انا واحده صحبتها وبتقولك عشان هيا مش فاضيه تعزمك كان بردو بينكم عيش وملح.. فرح اللي كانت حب عمرك اللي عشت عشانه لو حبيت تيجي تعالي في قاعه زويااا علي البحر بعد ساعتين)
مصطفي بص لي المسدج بصدمه ودموع....
.
فتح كريم باب اوضه سوهايله كانت ناديه وهند معاها
كريم-مش هنخف بقي عايز اتجوز تعبت ياخلق.
سوهايله ضحكت بتعب-عندي تشأوم من الجواز مش هتجوز انا.
كريم-هتتجوزي لاحسن اخنقك في السرير انا شوفت كتير.
سوهايله-حبك جابلي جلطه.
هند بصتلهم-وضحكت.
كريم-ايوه شمتهم فينا ياختي شمتيهم كمان.
سوهايله بضحك-انا تعبانه ومش عايزه اتجوز ومش هتجوز واحد متشلفط كده
كريم بمكر-انتي حماره ما احنا متجوزين ناقص الفرح ثم دلوقتي مبقتش عاجبك.
سوهايله-تعجب الباشا ياباشا قلبي.
كريم سقف بي ايده-طب ايه خلي عندكم حبه احمر يلا ياحماتي انتي وبنتك الحلوه دي اتفضلو بره عشان مراتي عايزاني في كلمتين.
ناديه بضحك-الله يحظك ياكريم.
هند بمكر-انا مش عايزه اخرج
كريم-هتخرجي هتقفي كده انتي مش عارفه اي اتنين دخل بينهم تالت يبقي ايه.
هند بضحك-مش عايزه اعرف بس مش هخرج بردو
كريم بص لحماته-ايه البت البارده دي... بص لسوهايله...
كريم-يابنتي اخلصي خلينا نتلم في اي بيت عشان منشوفش البت دي تاني
هند-لاء ما انا هجي معاكم.
كريم-اطلقلك اختك يعني
سوهايله بضحك-اهون عليك
كريم -ما هيا بارده اوي وهضربها اهو انتي مش ناويه تتخطبي وتطلعي من دماغي.
هند بضحك-لسه محدش معبرني.
كريم-ليه ياهنود دانتي قمر لو مكنتش بحب البت دي كنت اتجوزتك
هند-اشطا يلا طلقها.
كريم -لاء لاء احنا نموتها وتتجوز.
هند بضحك-ماشي يلا
سوهايله-هههه ماما الاتنين دول فايقين وانا مش قادرلهم.
ناديه-ياحبيبتي هخرجهوملك الاتنين. ...
ناديه-يلا بره انت وهيا.
كريم بصدمه-انا هقعد مع مراتي.
ناديه-ممنوع.
كريم -بتتخلي عني وهتخلي امك تخرجني جتك داء الشلل مش جلطه بس ماشي‘
سوهايله بصتله وهيا مسخسخه من الضحك.
الدكتور دخل-ايه ده داحنا بقينا عال خالص.
سوهايله ببتسامه-الحمدلله يادكتور.
كريم-يعني ممكن تخرج
الدكتور-لاء يومين كمان لسه.
كريم-بقيت قاسي اوي عليا يادكتور.
الدكتور-معلش عشان اخرجهالك مفيهاش اي حاجه باذن الله..
.
مصطفي شاور لي كريم من علي الباب.
كريم شافه وخرج ليه.
كريم-مالك يامصطفي انت معيط؟معقول في ايه حصل حاجه.
مصطفي مسح وشه-ممكن تيجي توصلني....
كريم-فين؟
مصطفي-هتعرف بس تعالي اركب الموتوسيكل بتاعي مش قادر اسوق.
كريم-عنيا حاضر بس اهدي.
----
عده ساعات طويله...
بعد ما نضال بعت الفستان لسما علي البيت وطلب من ابوها يلبسو وهيعدي عليهم ياخدوهم وهيبعت عربيات لي اي حد عايز يجي القاعه....
بعد ساعات فالقاعه...
سعاد-هتفضل قاعد قوم امشي في القاعه
طارق بتنهيده-مش طايق اقوم جوزتوها واحد مبتحبوش حرام عليكم.
سعاد-ما انت شوفت ابوك هيعمل فيا ايه.
طارق-صابره عليه ليه امشي وانا هعيش معاكي لاكن ضيعتي بنتك وهتفضلي تحت رحمته.
سعاد-هروح فين.
طارق بعصبيه-هتفضلي كده لامته انتي حره انا خارج بره.
نضال ماسك ايد سما وبيلف في القاعه كلها...
سما بهمس-مين الناس دي كلها!
نضال-قرايبي ياحبيبي
سما-بس كتير اوي.
نضال-بلاش يفرحو بيا يعني
سما بربع ضحكه-لا حقهم
نضال -انتي زي القمر من غير ميكب ليه حطيتي!
سما-بابا خلاني حطيت...
شويه والموسيقي اشتغلت وفي بنات قربو ياخدو سما ترقص معاهم بس جت تقول لاء ابوها شاورلها...
نضال بفرحه-انا اللي هرقصك ياعروستي تعالي.
سما-انا مبحبش الرقص
نضال-معايا هتحبيه
سما بصتلو وبلعت ريقها وراحت معاه ترقص غصب عنهااا.
.
كريم وصل لي القاعه... هو. ومصطفي.
كريم -فرح مين وجبتنا هنا ليه.
مصطفي-متجيش وورايا شويه وجاي.
كريم بستغراب-ماشي
مصطفي مشي وقرب وطلع من علي سلم القاعه ووقف علي الباب ...ودموعه بتجري لوحدهاا
شافها بفستانهااا الابيض شافها بترقص مع عريسها شافها بتضحك شاف مستقبله وقلبه بيتهد قصاد عنيه...
شاف عريسها هياكلها بعنيه شافها بتضحك...
مصطفي بدموع لنفسه-طب وانا وحيات دموعي دي هتندمي
.
(يوم ما جيتلك غصب عني مقدرتش امسك دمعتي ليه زمان فرقنا ليه متكونيش من قسمتي حاجه واحده طمنتني خليتني امشي من ساكت شوفت في عنيك ابتسامه فيها معني الماضي مات دانا لو بموت من بعد منك لازم تعيشي بعد منك معرفش ليه ايه اللي جابني غير اني اشوفك بس وامشي ) .
.
كريم بضيق-مصطفي كفايه.
مصطفي مسح وشه-انت وقف هنا بتعمل إيه مش قولتلك متحيش ورايا .
كريم-اللي زي دي ميتبكيش عليها امشي يا مصطفي امشي.
مصطفى -امشي انت انا حابب افضل لوحدي شويه
كريم-مش هسيبك امشي بقي هيا خلاص باعتك اللي دي تتنسي ويتحرق صفحتها ارميها من حياتك.
مصطفى بوجع-فرحها ياكريم فرحها.
كريمم بوجع عليه-امشي يامصطفي ارجوك انت مش وحش في احسن منها يستاهلك بنت خالك هتموت عليك.
-----
توقعات
