💛ً مح ـآمي يٺيمه 💛

💛ً مح ـآمي يٺيمه 💛3

لارا: آهآ عارفه 😋
أيه: انتي ح تفوزي
لارا: عادي انآ ميهمنيش .....انآ بس منبيش انخيب ضن عمو احمد
حلا: ان شاء الله اتفوزي
ريم: صوتك حلو وين كنتي طامرته
لارا: هههههه نجك ليا
بعد ربع ساعه
حلا بصوت واطي: ايه حي علينا شوفيه ايبحت ف لارا والله وكان اتشوفه تقتله
أيه: يآربي ان شاء الله لارا متشوفاش
لارا: شـن تحكن بصوت واطي
حلا: لأَ شي
لارا: هيا قولي بلاش كذب
أيه: لأَ شي
سجى: هيا يبو ايقولو القرار
حلا: ايه صوريه بس متخليش ايشوفك
ايه: بآه  هه صورته
حلا: هيا يبو ايقولو القرار
وبعد ربع ساعه للأسف انآ فزت بس بترتيب الثاني بس عادي عمو احمد كان فرحان وهاذا الي كنت اندور فيه
والمشكله الي فازت بترتيب الاول البنت الي مرتبطه ب عمر
لارا: هذا شـن ايدير هن يع شكلها حبيبته
حلا: يآربي يعني ايمن اخ الحقيرة هذي
احمد: لارا باركتي للي خدت الترتيب الاول
لارا: لأَ وليش انباركلها
احمد: عيب عدي
لارا: بآه سجى تعالي معايا
سجى: بآه
لارا: مبروك
احلام: يع متلمسينيش يتيمه
لارا: احترمي نفسك ي قليله لادب اني انكون يتيمه مش عيب ولا حرام وانت خود حبيبتك مـِنْ قدامي خَير ما نقتلها
ايمن: احلام عيب وانا اسف ع قله ادبها
لارا: انت كنك تعتذر ع اخطأ غيرك
ايمن: اسف كان احلام جرحاتك بكلامها
احلام: ليشـ تعذر خليها بلكي تبكي
لارا: ه امثالك ميبكونيش ولافضل انك تمشي مـِنْ قدامي احسن ما انشوهك
لارا: لا مجرحنيش كلامها ولا ح يجرحني
ايمن: اولا هاذي مش حبيبتي هاذي اختي وثانياً شـن المشكله الي بيناتكن
لارا: احلام شـن رايك انقوله ع كل شي    احلام تغير لونها وخافت
ايمن: خَير شـن في
لارا: ننصحك انك متحاولش تعرف الموضوع
وقربت مـِنْ مـِنْ احلام وقلتله بصوت واطي انآ مش كيفك انخرب بس خلي ابالك اني مستحيل انمشيلك الي درتيه ف نسمه ومستحيل ننسالك الي قلتيه بآه وع كوني يتيمه انعم انآ يتيمه واحسن منك
باااي
ايمن: تعالي شـن هو الموضوع احلام شـن قالتلك
احلام: مقالتليش شي
مشيت للميتم لقيت البنات ديرالتلي حفله كان الجو حلو بعد ما انتهت الحفله مشيت رقدت
طق طق طق
حلا: هيا شوي بس
وعينا ومشينا للمدرسه
احلام: لارا لارا
لارا: خَير شن تبي
احلام: نبي نقولك موضوع
لارا: ابسرعه مش معاي وقت
احلام: نبيك وحدك
حلا: لارا مرات اديرلك حاجه
لارا: متخافيش علي نعرف نتصرف
احلا: بآه مطوليش
لارا: بآه
احلام: هيا تعالي
مشينا انآ واحلام
لارا: شـن تبي
احلام: نبي نقولك حاجه
لارا: قولي
احلام: شـن رايك ترتبطي ب ايمن
لارا: هههههه تحايلي عليا
احلام: منها مصلحتك ومصلحتي
لارا: شـن تحسابيني خوك نبيشـ بآه وكان انتي قلتي هك عشان منقولاش ع عمر ف انتي تحلمي
احلام: حرام عليك وكان ف نسمه مكنتيش حملتيها
لارا: نسمه اشرف منك واحسن منك
احلام: تمـآم يعني متبيش ايمن
لارا: ومن قالك نبيه نقعيه واشربي اميته
احلام: بآه انآ قلت انقولها لكي عشان في وحده قالتلي انها تحب ايمن
لارا: بآه ربي يهنيهم ان شاء الله ايكون الها هيا باي مليت
احلام: باي
سجى: خَير شـن تبي منك
لارا: قالتلي شـن رايك ترتبطي ب ايمن
أيه: وشن قلتيلها
لارا: شـن نبي انقوللها يعني اكيد لأَ
حلا: والله انك غبية
لارا: انتي الغبية
سجى: هاذي فرصتك شاب حلو وغني ليشـ قلتي لأَ
لارا: اسمعي انآ قلتلكن اكثر مـِنْ مليون مره منبيش نرتبط خلاص سكري ع الموضوع
آهآ وقالتلي ان في وحده قالتلها انها اتحبه وتبيه
أيه: طاح اسعدك
لارا: هيا قالت هك عشان متبينيش انقول الايمن ع قصتها هيا وعمر
أيه: وكان وافقتي شن ح يصير
لارا: مش ناسيه الي داروه ف نسمه
حلا: صح كلامك صح
سجى: كيف انسينا نسمه
أيه: متاكده انه ايحبك واحلام شكت فيه وقالت قصه البنت
لارا: لأَ حب لأَ شي عليك حب مـِنْ اول نظره
حلا: هههه اسمعي اسمعي.     احم احم. لأَ تلمني فأنا احببت عيناك الجميلتين واناقتك وادبك دخلت قلبي برفق وحنان وان ت مـِنْ استحق قلبي احبك
لارا: فاضيه
حلا: بس حلوه صح ايصير مني ولا لأَ
لارا: اكيد لأَ..........هيا هيا تاخرنا عمو برا
مشينا للميتم
ريم: لارا لارا م
لارا: آهلآ خَير شـن في
ريم: عارفه الرقم الي رن عليك يومتها
لارا: آهآ كنه شـن في خوفتيني
ريم: كان ولد عمك
لارا: شني ولد عمي
ريم: آهآ ولد عمك..........عندك عائله ي روحي انتي مش يتيمه
لارا: بآه شـن يبي
ريم: يبي ايجي ياخدك
لارا: وشن ايصير يعني نمشي معاه ...........استغربت مامت ريم كانت تحكي معايا وهيا فرحانه
ريم: اكيد ح تمشي معاه هاذي عائلتك
لارا: مستحيل نمشي معاه ليا 11 سنه وانا قاعده ف الميتم توا غير عرفو اني موجوده
مستحيل نمشي معاه انآ نحب المكان هذ وانحب الناس الي فيه نبيشـ نتخلا عنكم
ريم: حبيبتي هاذي مصلحتك
لارا: مش ح نمشي معاه خلاص سكرو ع الموضوع
حلا: لارا تبي تسيبينا
لارا: انتن خواتي كيف انسيبكن
سجى: لارا كان انتي اديري هك عشانا ف عادي عدي نحنا تهمنا مصلحتك
لارا: ليشـ تحكن هك انآ منبيش نمشي خلاص سكرن ع الموضوع
ايه كانت تبكي ومقالتش شي
لارا: ايه ليشـ تبكي انآ مش ماشيهأيه: بس يمكن ياخدوكي غصب عنك
لارا: لأَ ميقدروش
ضمني صحباتي ربي يخليهن ليا
وفي اليوم الثاني
طق طق طق
حلا: مـِنْ
احمد: كلمي لارا يبيها واحد
حلا: يآربي متبعدش عنا اختنا ..... لارا لارا
لارا: نعم شـن في
حلا: في واحد يبيك ويمكن ايكون ولد عمك
لارا: قوليله راقده
حلا: صبي شوفيه شـن يبي
لارا: اوف بآه
مشيت انشوف مـِنْ الي جاء
احمد: لارا هاذا ولد عمك
لارا: آهلآ
عمر: اهلين
لارا: شـن تبي
عمر: وسعي بالك
لارا: بلاش لف ودوران قول شـن تبي
عمر: نبيك انتي
لارا: وانا منبيكش هيا وجك
عمر: تعالي بس انقولك حاجه
لارا: ابسرعه شـن تبي
عمر: انآ نبي نتزوجك
لارا: هههههه احلم باي
عمر: ح تشوفي وغصب عنك ومش ح تقعدي ف الميتم توا انطلعك
لارا: اسمع انآ الميتم عاجبني وشكراً منبيش نطلع منه وتبي تاخدني غصب عني ههههه مش فاضيه انآ العب عويل اصغار بآه سلام
عمر: ح تشوفي
طلعت وانا نفكر منين طلعلي هذا وانا خايفه مـِنْ بروده كان رده بارد كنت خايفه انه ياخدني غصب عني مشيت العمو احمد
لارا: عمو احمد عمو احمد
احمد: نعم خَير شـن في
لارا: لو انآ منبيش نمشي معا اعمامي يقدرو ياخدوني غصب عني
احمد: اكيد هما اولا لك هم اقربائك
لارا: اوف ي وبي شـن اندير ....... بس انآ منبيش نمشي معاهم شـن اندير
احمد: شوفي محامي يوقف معاكي ويخليهم يتبرو منك...... بس ي بنتي مديريش شي ايضرك فكري قبل

لارا: اندير اي شي المهم منمشيش معاهم
مشيت لدار لقيت البنات خايفات
لارا: خَير ليشـ خايفات
أيه: ح تمشي معاهم
لارا: لأَ
سجى: كذابه سمعت كل شي
حلا: نقدرش انعيش بدونك انا
لارا: مش ح نمشي معاهم عمو احمد قالي شوفي محامي يوقف معاكي ويساعدك ويخليهم يتبرو منك
سجى: بس هذا مش مـِنْ مصلحتك بعيد مـِنْ تبي تلقي
لارا: ه انآ ما لقيتهم وانا صغيره يعني بنلقاهم بعد نكبر
أيه: خايفه عليك
لارا: انآ مينخافش علي خافي ع روحك حبي
أيه: ربي يخليك لينا
لارا: وليا ي حبيباتي
سجى: بكرا لازم اندورو محامي شاطر
وفي اليوم الثاني
وعينا ومشينا للمدرسه بعد ما انتها الدوام مشيت انآ وصحباتي اندورو ف محامي
بس ملقيناش كنا كل ما نمشو الواحد يضحك علينا ويقوللنا شـن تحسابني تضحكن علي
كنت نترجي فيهم بس محد ساعدني انآ معاش اقدرت نتحمل وبكيت
لارا: حي عليا شـن اندير انآ توا ياخدوني
أيه: يآربي مايصيرش هك
سجى: يآربي ساعدنا
لارا: شـن نبي اندير انآ وكان انآ يتيمه شـن ذنبي ليشـ الناس واقفين ضدي شـن درت انآ
حلا: وسعي بالك كل شي واله حل
لارا: يمكن ح يجي بكرا وياخدني
أيه: والله انموت كان خدوك
لارا: متقوليش هك ان شاء الله خَير
سجى: ان شاء الله
مشينا للميتم لقيت سيارات واجد قدامه
كنت خايفه اول ما خشيت
احمد: لارا تعالي معاي
حلا: ليشـ شـن تبي فيها
لارا: شوي ونجي
وانا ماشيه شفت عمر قدام الدار وكان يضحك ف ضحكه حقيرة
أيه: لأَ ي عمو يبو ياخدوها
سجى: شـن تبي فيها خليها والله نقدروش انعيشو بدونها
لارا: سجى اسمعيني اشوي ونجي متخافيش
عمر: لأَ مش ح تجي
لارا: شـن تبي
عمر: هيا معاي
لارا: نبيشـ نمشي معاك حل عني
عمر: نبي تمشي معاي بل ادب ولا منبيش نستخدم اسلوبي معاكي هيا
لارا: هههه خوفتني
زياد: تمشي معانا غصب عنك
لارا: مـِنْ انت
زياد: انآ عمك
لارا: انت مش عمي وانا منعرفكش
زياد: عمر جيبها معا شعرها
عمر: حااااااضر ....... تعالي ي عسل
لارا: اي اطلقني ي حقير اي
وتميت نبكي كل ما نقول كلمه ايزيد يضغط ع شعري
حلا: يا حقير اطلقها حرام عليك ليشـ هك شـن تبو فيها
أيه: اطلقها انتو دمرتوها ومسألتوش عليها
سجى: يا عمو والله نقدروش انعيشو بدونها اطلقها
زياد: متحلمنش بيها خلاص
عمر: ومش طالقها انآ نبيها
سيبتهن يبكن وخدوني معاهم كنت ولا كاني موجوده لأَ حس لأَ حركه
أيه: مـِنْ هذوم الحقراء ليشـ يعاملو فيها هك
سجى: مـِنْ عمر هاذا لازم نعرفه
حلا: ي حبيبتي ربي معاكي ربي يفرجها عليك
أيه: متردش عليا
حلا: حاولي مره اخرى
سجى: مترنيش اكيد واخدين فونها
حلا: ربي ينتقم منهم
أيه: امين
عمر: شكلك زمطتي لسانك
مرديتش عليه
عمر: ردي
مرديتش
عمر: منبيش اتردي صح
ضربني كف
لارا: شـن تبي مني ي حقير ربي ينتقم منكم ربي يغذبك ي تافه
عمر: شني تافه
مسكني مـِنْ شعري
عمر: جربي حظك وقوليها مرة اخرى
لارا: تافه
 مسكني مـِنْ شعري
 عمر: انزلي انزلي والله ما نخليك تبتسمي ح تشوفي
لارا: اطلقني
جابني وحطني فنص الحوش كان في بنات واجد
زياد: عمر بشويش
عمر: الحقيرة اترد علي
مسكني زياد مـِنْ شعري
زياد: احترمي ولدي احسن لك بآه ولا ح تشوفي العذاب ع اصوله
سكتت وكانت مخنوقه وشعري كان يوجع فيا ومفيش حد حس بشفقه علي يصير قدامه
زياد: حطوها ف غرفتها
عمر: تعالي
مشيت معاه وانا ساكته
عمر: ايوه خليك هك
مرديتش عليه وحطني ف دار غربيه مكانش فيها حتى مخده
عمر: هاذي دارك ي روحي ح تقعدي فيها لعند ما تأدبي
وطلع بعد ما طلع انآ بديت نبكي ومعاش اقدرت نتحمل اكثر مكانش معايا شي والمكان الي حطوني فيه حتى الحيوان ميعيش فيه حسبيا الله ونعم الوكيل بعد مده

يتبع ......