زياد: هيا مرتبطه بيه بينهم شي
عمر: لأَ
زياد ضرب عمر كف: هذا كله عشان تحكي مع شاب ي حقير هاذي ح تكون مراتك بعدين كيف بتعيش معاك
عمر: بس غلط الي داراته ليشـ تحكي معاه
زياد: انت الي غلطت ي حقير حسابك بعدين.......تعالي ي بنتي تعالي
شالني عمو زياد وحطني علكرسي
زينب: لارا لارا لارا وين هيا.........عمر ي حقير ليشـ درت هك ي تافه
ي حبيبتي اسفه اسفه بس نهي حبستني ف غرفتي
زياد: شني
زينب: بعدين بعدين توا خلينا نسعفوها
كان عمر خايف لان زياد وقف ضده
عمر: توا ناخدها انآ
زياد: معاش تلمسها
مشينا المستشفى ومشت معايا زينب
خدني الدكتور
الدكتور: معليش وين ولي امرها
زياد: هاذي بنت خويا باتها وامها متوفيين يتيمه يعني
الدكتور: شـن صار معاها
زياد: طاحت مـِنْ السلم
زينب: بس
مسك زياد زينب مـِنْ ايدها عشان تسكت
الدكتور: متاكد
زياد: نعم متاكد خَير فيها شي
الدكتور: عندها كسر فايدها اليمنه واحتمال ايكون عندها نزيف داخلي
زياد: شني نزيف داخلي
الدكتور: آهآ لانها مضروبه ع بطنها بطريقه وحشيه
زياد: قلتلك طاحت مـِنْ السلم
الدكتور: بآه بس نحنا توا مش متاكدين لعند ما تجيب الممرضه الجهاز عشان نعرفو هيا عندها نزيف داخلي ولا لأَ
زياد: بآه بآه
بعد ما مشى الدكتور
زينب: والله نقول لدكتور ان عمر ضربها
زياد: تعالي اصحك اتقولي ان عمر ضربها فهمتي
زينب: شـن هاذا انت راضي ب ظلم هاذا اتشوف فيها تتعذب وانت ساكت حرام عليك والله حرام
زياد: اسمعي ي بنتي انآ مش راضي ع تعذيبها بس غصب عني وكان عمر ما يبيهاش را مكنتش جبتها مـِنْ الميتم بكل
زينب: ب الله عليك عمر يبيها ويعذب فيها هك
زياد: يمكن ايغار عليها ولا ادير في شي غلط
زينب: ايغار عليها ههههههه انتو اديرو ف الغلط مش هيا
زياد: توا خلينا هاديين لعند ما نشوفو شـن ايصير بعدها نتفاهمو ف الحوش
زينب: وكان يطلع عندها نزيف اقسم ب الله ح نبلغ فيكم معاش نقدر انشوف الظلم هذ وتعذيبكم ليها ونسكت
زياد: نحنا عائلتك
زينب: للأسف انتو عائلتي
الدكتور: شـن هاذا انتو شـن دايريلها
زياد: خَير ليشـ شـن في
الدكتور: وين اتشوف فيه الخير البنت مـِنْ امس وهيا مضروبه متكذبش
باين انها مضروبه بس احمد ربك وكان زدتو عليها اخرى كانت ماتت شـن
هاذا لازم انبلغ فيكم شـن الضرب هاذا كله
زياد: الي ضربها زوجها انت متدخلش
الدكتور: وكان زوجها مش لدرجه هاذي الضرب زوجها طبيعي ولا لأَ
زياد: اكيد طبيعي هاذي كيف بنتي نبي نزوجها واحد مش طبيعي
الدكتور: عتدي اتزوجها مادام المريض ولدك
زياد: معاش تدخل اكثر
الدكتور: بآه بس ديرو بالكم اتجيبوها هك مره اخرى
زياد: مدخلكش ناخدوها ولا مزال
الدكتور: مازالت الممرضه اتجبس ف ايدها
زينب: احمد ربك انه مصارلهاش نزيف داخلي ولا كنتو ف الحبس توا
زياد: عيب عليك ي بنتي
زينب: هاذا مش عيب العيب النك تستر ع ولدك لما يغلط وتكذب
زياد: مجبور والله مجبور
زينب: مجبور هاذا كيف بيتزوج ويعيش بعدين
زياد: هاذا ولدي الوحد اكيد ح ندافع عليه
زينب: دافع عليه دافع بس انقولك ح تندم بعدين
زياد: خلاص ي بنتي ح نعاقبه لما نمشي للحوش
زينب: خلي لارا هيا لتعاقبه
زياد: حاضر خلينا نمشو قبل
خدوني ومشينا للحوش
عمر: فيك شي ي حبيبتي
زياد: شـن قلتلك معاش تلمسها
عمر: بس هاذي ح تكون مراتي بعدين
زياد: متستغلش عذر انها ح تكون مراتك وتعذبها وتعيشها كيف ما انت تبي
عمر: كيف ليشـ تحكي هك
زياد: لانك غلطان
زينب: تعالي معايا للغرفه
مشيت معا زينب للغرفه حطتني زينب ع فراشي ورقدت
نزلت زينب
عمر: بابا خيرك ليشـ تعامل فيا هك
نهي: اكيد غسلت ادماغه لارا
زياد مسك نهي مـِنْ شعرها
زياد: انتي اخر مرة انقولك معاش تدخلي ي فاشله منبيش انشوف خلقتك هن فهمتي
نهي: تمـآم تمـآم بآه اطلقني خلاص توا نمشي
زينب: عطيني فوتي
نهي: هاكي. ومشت
عمر: زينب كنكم ليشـ انتو تحكو هك
زينب: عارف انت شـن درت
عمر: ايش درت انآ مدرتش شي
زينب: شي ههههههههههه
عمر: ليشـ تضحكي احكي
زينب: بآه حااااضر مـِنْ عيوني
اولا احمد ربك ان مصار شي ف لارا
عمر: الحمد الله احكي
زينب: انت كسرت ايدها اليمنه وبسببك قبل ماتت والدكتور قال وكان زدت ضرب اشوي بس كان صارلها نزيف داخلي
عمر: شني نزيف داخلي
زينب: زي ما سمعت وانا حلفت كان صارلها شي ح نبلغ فيك
عمر: شني اتبلغي في انآ خوك الوحد
زينب: للأسف للأسف انت خويا الوحد
عمر: تبريتي مني عشانها
زينب: آهآ لاني عرفت حجات وكان يعرفوهن الباقي ح يتبرو منك
خاف عمر : ش شني شـن هن الحجات
زينب: عارفهن انت واها بابا قال لما توعا لارا هيا ح تعاقبك
عمر: شني بابا اتعاقبني بنت
زياد: آهآ وليش لأَ
عمر: مستحيل
زياد: اتعاقبك وغصب عنك
سكت عمر ومشو كانت واحد الشغله
وانا راقده رن فوني لما طلعته كانت الشاشه مكسوره بس يشتغل مقدرتش
انشوف الاسم ورديت
لارا: الو مـِنْ معاي
أيه: خَير حبيبتي شـن صار معاكي انتي بخير صايرلك شي
لارا فنفسها: كيف شـن عرفها...........آهآ انآ بخير مافيا شي
أيه: متاكده
لارا: متاكده
أيه: بلاش كذب
لارا: ليشـ نكذب عليك انآ
أيه: امس رنت وحده ع ايمن وكانت تبكي بس ايمن قال مش صوت لارا
لارا: شني تبكي لا والله مرنيتش عليكم امس
أيه: مش انتي الي رنيتي زينب
لارا: زينب يمكن مش عارفه
أيه: بآه ليشـ كانت تبكي قوليلي
لارا: مش عارفه يمكن معجبه بأيمن هههههههه.........اسفه ي زينب😅
أيه: بلاش ضحك نحكي جد.
لارا: عارفه انك تحكي جد حتى انآ نحكي جد
أيه: بآه امس ليشـ مرديتيش كلمتك اكثر مـِنْ خمسين مره رنينا عليك انآ وايمن بس مرديتيش
لارا: آهآ فوني مكانش فيه شحن
أيه: لارا بلاش كذب واحكي الحقيقه وكان فونك مافيش شحن مكانش ضرب عندك
لارا: اوف منك عليك اصرار توا نحكيلك بعدين
أيه: لأَ توا
لارا: والله توا باطله نحكيلك بعدين
أيه: بآه عينك مـِنْ روحك
لارا: بآه بااي انحبكن
أيه: باااي
أنت تقرأ
💛ً مح ـآمي يٺيمه 💛
Romansaروايه ليبيه 🌕⭐آهلآ اخواتي هاذي اول روايه ليا معليش لو عجبتكم اعدوني دعم 💜 القصه تحكي ع اربع بنات يتيمات
