دك الموبايل عامر يتصل
- ها يمه عامر
- ها خاله اني مو عامر عامر نقلو بلأسعاف
- يايمه عزااااا شبي وليدي
- خاله روحي للمستشفى وانت تعرفين
ركضت علسريع أم عامر بدون متلبس عبايته
للشارع مامنتبه علا روحه
لحكه بشار حطه العبايه علا راسه
وصلو طوارئ المستشفى
لكت ابو حسين ابو المطعم اليشتغل بي عامر
- ها خاله شبي عامر
- خاله وكع عليه زيت مال كدر تمن كله
- عزا العزاني وشحترك منه يايمه ياعامر
- خاله ادعيله يكوم بسلامه
- وينه خاله اريد اشوف وليدي عامر
- خاله بصاله عمليات طوارئ المستشفى
- راحت تركض علا باب الصاله مال العمليات
- سمعت عامر يصيح
- يمه لحكيلي اااااااخ يمه وينج
ماتحملت امه دفعت الباب وصاحت
- يايمه كون بيه ولابيك يابو بيتي يايمه
دكتور صيح علممرضين
طلعوه بره خل اكدر اشتغل
طلعوه خل اكدر اشتغل
طلعوه الممرضين والممرضات بلكوه
كعدت بلكاع وتلطم علا عامر
لان شافته متشوه من راسه لرجليه
وره نص ساعه طلعو عامر متلفلف
من راسه لرجليه
وماقبلو اي شخص يدناله
حته لايتلوث جسمه
اخذو عامر لردهة الحروق
وممنوع زيارته حته امه
ضلت أم عامر باب الحروق تنتظر
اي دكتور او مضمد يطلع
تسأله علا عامر
اكو مضمد كال لام عامر
- خاله تردين نصيحتي
- اي خاله كول اسمع نصيحتك
- خاله طلعي مريضكم بمستشفى خاص احسللكم
- ليش خاله
- خاله هنا حروقه تتلوث وإصابات هواي وياه يتلوث
- ماشي لعد خاله باجر اطلعه بين ماحضر فلوسي
- أم عامر وصت بشار علا اخوه وراحت للبيت
طبت بغرفه ادور علا بتوته الذهب ماكو
كلبت الغرفه وهم مالكت
صاحت علا كوثر
- خاله ما شفتي ذهب المالتي البتوت
- لا ماشفتهم وين ادري بيج عندج بتوت
- خاله لعد وين راحن اني متاكده حاطتهم هنا
- ماادري بيهن قابل بايكتهن شنو تتهميني
- خاله اني بياحال خل ادور فلوس لعامر
لان عامر جاي يموت
كوثر ولا هتمت لحرك رجله
طلعت أم عامر حته دبر فلوس لعامر
راحت لابو كوثر وكالتله سالفه
جاوبه
- حاليا فلوسي بلسوك اصبريلي اسبوع ودبرلج
- لا خويه ابني جاي يموت مومال انتظر
طلعت من بيت ابو كوثر
راحت العمام عامر
هم جاوبوه ماعدنه وبلموت مدبرين عيشتهم
وخوال عامر هم نفس جواب
طلعت أم عامر من بيت خواله
ودنيا كله ضايكه بعينه
وين تروح وين تنطي وجهه
كالت مااخلي ابني يموت
ويروح من ايدي
كامت تكدي بس الدمع بعيونه
اول شخص - نطاه ربع
الثاني كالله الله ينطيج
طبت المحل - انطاه الف اخذته منه ومدنكه
اخذت الفلوس وتبجي
ابو المحل صاح عليه
- حجيه بلازحمه استريحي هنا علا الكرسي
صاح علا العامل جيب مي للحجيه
كعدت أم عامر علا الكرسي وشربت المي
ابو المحل كال - حجيه انت شكلج وملابس
مومال مكديه شنو قصتج حجيه
بجت أم عامر وكالتله علا قصته
ابو المحل كبل كال لام عامر
- ابشري حجيه اني ابنج موجود
علاج ابنج والمستشفى علا حسابي
واخذ أم عامر بسيارته واخذه للمستشفى
تم نقل عامر إلى مستشفى خاص
وتكلف صاحب المحل بكل علاج عامر
بدت حالت عامر تزيد يوم عن يوم
لان نسبة الحروق البجسمه جدا عاليه
ام عامر راحت بليل للبيت
بقه بشار وحده مع عامر
عامر بليل صاح علا بشار وهوه تعبان حيييييل
بشار اكعد يمي حته تسمعني
- ها عامر رايد شي
- رايد امي وابني
- عمار امي موجوده باجر تجي صبح وابنك الله يرحمه
- لعد ليش انت وكوثر مارحمتو
- شنو قصدك عامر احنه كاتلي
- اي انت وكوثر كتلتو
- شنو هذا الحجي عامر اذا احد يسمع مويصدك
- ها خفت بشار ما خفت علا اخوك وابنه
- عامر نام انت تعبان ودربالك تحجي بعد
- ليش تقتلني اذا حجيت
- انت منيلك هذا الحجي
- كله شفته بمراسلاتك انت وكوثر
عفت دنيه كله تصادق مرت اخوك
هيج طلعت نذل بشار انت وكوثر نذلين
ماكلكم غير ( الله ينتقم منكم مثل مااذيتوني )
- اسكت عامر ونام ولادوخني
- لتخاف مااحجي لان ماطول لصبح
خابرلي امي خل تجي خل اشوفه قبل ماموت
- اي عامر حته تكلله علا موتت ابنك
- لا والله مااحجي وياه بهذا الموضوع
بس اني جاي اخذ انفاسي الاخيره
خابر بشار علا امه وكلله
- يمه عامر يريدج هسه
- خير يمه خومابي شي احجي بشار
- شبيج كتلج تعبان تعالي علسريع ما مات
اجت امه علسريع
طبت لعامر لكت عيونه مدمعه
- شبيك يمه تبجي عامر هسه تصير زين
- لا يمه اني ادري بنفسي موزين
بجت امه علسريع
وكال لامه يمه دفنيني يم ابويه وابني اذا متت
واني تعبتج وياي
انطيني ايدج يمه
انطته امه ايده
باسه يمه ابريلي الذمه
ماتحملت امه كام تبجي بصوت عالي
بشار ماتحمل الموقف كام يبجي وطلع
آخر كلمه كاله عامر لأمه
(يمه لاتخليني دم ابني يروح هدر )
شخط عامر و(ماااااات )
عامر يمه حاجيني
عاااااامر
طب بشار علسريع
يصيح وماكو
ركض لطبيب صاحه
اجو يركضون الممرضين علا عامر
خاله اطلعي من الغرفه
الدكتور كال الممرضين
- سوله تنفس اصطناعي
- دكتور ماجاي يستجيب
اضربوا نتلات كهربائيه
- دكتور المريض للمستشفى ماااات
غطو ونادو العمال ينقلو للثلاجه
طلع دكتور
وكال لامه البقاء في حياتكم
دخلت أم عامر علا عامر
شبكت عامر وكامت تبجي وتنعي
- اريد ابني اريد ابني اريد ابني
عدل ميت اريد ابني
- مشوني علا درب الموت وبهمه
- ابوس جفوف عزرائيل
اذا ماينضح بجدمه
اخاف وليدي يضل وحيد
- وسجاجين الذبح فوكاه ملتمه
انه ادري يمه يايمه يايمه
- واني ادري اليطيج بضيج
- اول مايريد امه
يايمه يايمه يااااايمه
بلموت يله وخر أم عامر
عن عامر
اخذو عامر للثلاجه
واجو اقاربهم للمستشفى
كملو اجرائات شهادة الوفاه
واخذو عامر للمغيسل
وجابو للبيت
ام عامر فقدت علا تابوت
مااخليكم تاخذون ابني
ربيتهم لحم ومن صار زلمه ماااااات
ولك هديت حيلي يمه عااااامر
بلموت النسوان شالن أم عامر من التابوت
طلعو عامر من البيت بجكليت والهلاهل
لان شاب وبعده صارله فتره قصيره من مزوج
تم دفن عامر في النجف الاشرف
بعد إكمال الفاتحه
ام عامر ضلت يوميه مكابله المكبره
انتظروني بجزء الثامن الثامن
اتمنا تفاعلكم
وياريت تسوون تاكات لاصدقائكم بلبارت
