اتصل زيد على كوثر
وكال الكوثر
- هلو حبي كوثر شلونج
- هلو زيد تمام انت شلونك
- اني تمام مادام حبيبتي بخير
- فدوه الكلبج حبيبتي كوثر
- فدوه الك كوثر حبيبي زيد
- اشكرج عمري اكولج كوثر
- ها عيني زيد كول
- شنو اليربطج بزواجج حاليا
- حاليا بس الاطفال والبيت
- الاطفال ادري بيهم البيت شنو سالفه
- البيت بشار زوجي سجله بأسمي
- ها يعني البيت هم بأسمج
- اي هم بأسمي
- البيت منريده اذا زوجنه رجعي لرجلج
- انت صدوك تحجي زيد متت يله خليته يسجله بأسمي
- والينطيج عقار بكده ١٠٠ مره
- شلون يعني مافهمت
- اسجلج مزرعه 10 آلاف متر بأسمج
- ليش عود تريد انطيهم البيت
- لان راح تطلبين منه الطلاك واني اخذج
- اني اريد اسويله مشاكل واخلي يكرهني ويطلكني
- لا كوثر ميطلكج بس انت كليله ماريدك وروحي لاهلج
- وشتتوقع يطلكني
- اي يطلكج
- ماشي اليوم اذا اجه اخلي يوديني لأهلي
- اي وبعدين شتسوين
- اضل يم اهلي واطلب طلاك
- ماشي عيني انتظر منج اتصال من ترحين لاهلج
- ماشي حبيبي باي
كوثر كالت من سدت الموبايل
والله ويازيودي وكعت
واول شغله المزرعه راح احصله منك
وبعدين اخذ منك كل املاكك
واخليك خادم انت وأمك الي
اذا مااطردك
مثل ماطردتك بلكليه
وزيد كال
والله واجه اليوم
ارجعج حافيه لاهلج
وارجعج مكسوره
ومفلسه ولافلس الج
كوثر كالت اكله لزيد انطيهم البيت جذب
وهوه شمدريه
اجه بشار من الشغل العصر
تلكته العصر اول مااجته كالتله
- بشار هسه توديني لأهلي
- خير شكو كوثر
- امي مريضه واريد اروح هسه
- خليه باجر اوديج والله تعبان هسه
- لا هسه توديني لواروح وحدي
- شنو وحدج بدلي وبدلي لجهال واخذج
- جهال مبدلين بس انت بدل
- ماشي راح اصعد ابدل
- ملابسك محضرات بلزاويه
- كوثر شنو سالفة هاي العلاليك مال الملابس
- اي اتأخر يم اهلي واخذت ملابس
- ماشي مثل متشوفين
اخذ بشار كوثر والاطفال وراح لبيت خالته
اول ماطب تفاجئ
خالته مابيه شي داخ
- خاله سلامتج بيج شي
- لا خاله مابيه شي ليش شكو
- كوثر كالت مريضه وجبته
- خاف مزعله بشار وكالتلك هيج
- بلعكس خاله اني مداريه لكوثر اني وامي
- لعد شنو سبب خاله اكو شي
- والله ماكو روحي سأليه
- هسه راح اروح لغرفته وشوفه
راحت أم كوثر لكوثر وكالتله
- شبيج يمه انت وبشار بيكم شي
- لا مابيه بس طكت روحي من عدهم
- غير اكو سبب كوثر
- مليت من فكرهم وعيشتهم ماريدهم
- ماشي يمه اسكتي ورتاحي
طلعت أم كوثر لبشار وكالتله
- خاله خليه كوثر ترتاح كم يوم واني اجيبه
- ليش خاله اكو شي صاير
- لاخاله ماكو روح والك صافي
طلع بشار روحه طالعه وكال
اكيد هاي امي حاجيه شي وراحت زعلانه
راح وصل للبيت كبل طب علا امه
امه شافته الوجه مكلوب
كالتله
- ها بشار شبيك خالتك بيه شي
- لا مابيه شي ابد
- لعد كوثر موكالت امه مريضه
- لا كوثر راحت زعلت من وراج
- اني شعليه يمه
- لا انتي مسمعته كلام مو زين وطلعت زعلانه
- والله يمه كلشي ماحاجيته اليوم
- يمه لعد منو ضوجه بهذا البيت
- والله ماادري اسأله لكوثر مو اليه
- يمه انت رب المشاكل بهذا البيت
- هاي جزاتي يمه تصدك مرتك ومصدك امك
- ديله جزاتج انت شمسويتلي
- كلشي مامسويتلك بس اكلك شغله وحده
- شنو من شغله
- راح عامر الزين وبقه اليصيح علا امه ويجذبه
بشار عاف امه وطلع
كعدت أم عامر تبجي علا روحه
وشلون الوكت ذبه بناس ماترحم
رجعت كوثر اتصلت بزيد وكالتله
- زيد اجيت لأهلي زعلانه
- اي عفيه بيج هسه اطلبي طلاك
- ماشي باجر اخلي امي تخابر خالتي وتكله
- اي عفيه ورجعيلي خبر
- ماشي انتظر مني اتصال
ثاني يوم كعدت كوثر
وحاجت امه وكالتله
- يمه اريد طلك من بشار
- ياستار ليش يمه
- ماريده مااحبه مااكدر اعيش بعد وياه
- لعد ليش وافقتي تزوجي اذا ماتردي
- ماادري اني بعد ماريده وخلاص
- ماشي اخابر خالتج وكله
وره ساعه خابرت ام كوثر علا أم عامر وكالتله
- ها خيتي شلونج
اني زينه انت شلونج أم كوثر
- والله موزينه أم عامر
- ليش أم كوثر شبيج
- اكو موظوع بس والله مستحيه منج
- لا خيتي كولي
- كوثر بعد متريد بشار وتريد تطلك
- كولي غيره أم كوثر شنو هذا الخبر
- اي والله مثل ماسمعتي
- ليش تطلك غير اكو سبب
- تكول ماريده بعد
- ليش بشار مسويله شي
- لا مامسويله بس هيه بعد متريده
- ماشي يجي بشار واكله
- اعذريني خيتي اني مالي دخل والله بهاي سالفه
- لا أم كوثر انت اختي بشار وكوثر ميخربونه
انتهى الاتصال بين أم عامر وام كوثر
اجه بشار من شغل
امه كالتله علا شغلة طلاك كوثر
خابر خالته حته يفتهم الموضوع شنو
خالته كالتله تعال لبيتنه ونسولف كلشي
بليل اخذ بشار امه وراح
كعدو طرفين كلهم بصاله
ودار الحديث
اول ماحجه بشار وكال
- عمي ابو كوثر شنو سالفه فهمونه
- والله عمي مثل ماسمعت بلحجي كله
- ماشي كوثر اني مقصر وياج
- لاممقصر ابد
- امي مقصره مسمعتج حجي
- لا خالتي مامسويتلي شي
- لعد شنو سبب تردين تطلكين
- اني ماريدك بعد مليت منك ومن عيشتك
- ليش اني موكلشي سويت لخاطر حبج
- اي اني ماحبك بعد
- يعني بعتيني بهاي سهوله
- اي ابيعك مثل ماانت بعت كلشي علمودي يابشار
- ماشي تردين اطلكج قرار نهائي
- اي ونهائي وشكو الشي اليه اخذه
- وانت شنو الج تردي
- تعرف العندي شنو اقصد
- ماشي خلي الحجي كدام الكل يصير احسن
عمي اني اطلك بس بشروط
اولا تتنازلي عن الحاضر والغايب
كوثر كالتله
قحط الحاضر والغايب ماريدهم
شرطي الثاني
تتنازلي عن الاطفال
وهم موافقه علا الاطفال
بعد شتريد بشار
الشرط الثالث البيت ترجعي بأسم امي
لا هذا شي خاص بس اليه ماارجعه
ام عامر داخت شجاب البيت بلموضوع كالت
بشار كوثر شنو سالفة البيت فهمونه
بشار كال
يمه انتي سجلتي البيت بأسمي
واني سجلته بأسم كوثر
نصدمو الجميع من هذا الخبر
كالت كوثر البيت بأسمي هسه
واذا مطلكني اطردكم من البيت
بشار كال
اني هم ماطلك
اذا متتنازلين عن البيت
طلعت أم عامر وبشار
من بيت اهل كوثر
صفن علا روحه بشار وكال
اني بعت دنيا علا موده
وتالي باعتني برخص
اني شكد جنت مغفل
وشكد جنت مخدوع بيه
ضل يلوم بروحه
كوثر خابرت زيد وكالتله
- ها زيد اليوم اجو بيت خالتي
- اي اتفقتو راح تطلكين
- اتفقنه بس اكو شغله اني ماوافقت عليه
- شنو شغله كوثر
- البيت ماارجعه الهم
- ليش احنه شتفقنه
- زيد هذا ملك بأسمي وحرامات اطيهميا
- كوثر قحط ١٠٠ متر موكتلج انطيج المزرعه
- اي بس شنو اليثبت انت تسجله بأسمي
- بيوم الأجي اخطبج من اهلج بنفس اليوم اسجله الج
- زيد وعد يعني منك
- والله وعد بس انت طلكي حته ازوجج
- لعد راح احوله الهم وخلص منهم ومن جهالهم
- فدوه الحبيبيتي التسمع الكلام
- زيد اني راح اعوف الدنيا علا مودك
- واني اخليج أسعد انسانه بدنيا
- لعد راح اخلي امي تخابرهم وتكلهم
- عفيه حبيبي ورديلي الجواب
- ماشي باجر اخليه تخابرهم
راحت كوثر لامه وكالتله
خابري بشار وكليله
متنازله عن البيت بس يطلكني
ثاني يوم خابرت بشار وكالتله
- كوثر موافقه تتنازل البيت بأسم امك بس طلكه
- تدلل بس تسجله وبعدين اطلكه
وره اسبوع
راحت كوثر ورجعت البيت
بأسم خالته
ماتت قهر كوثر
لان رجعت البيت بأسم خالته
اتفقو علا يوم الطلاك
وراحو طرفين للمحكمه
كوثر تنازلت لبشار
عن الحاضر والغايب والاطفال
وطلك بشار كوثر
رجع البيت اهله
اخذ بشار الاطفال
وأخذ كل شي هوه جايبه لكوثر
حته الملابس
ورجع لامه بشار
يتبع _____
انتظروني بلبارت القبل الاخير
اتمنا تفاعلكم تصويت للقصه
وتاكات لصديقاتج حته تقرأ القصه
#سامان
