💜LOVE IS NOTHING STRONGER💜#Complete#

✨ Twenty ✨

✨LOVE IS NOTHING STRONGER✨

✨ TAEHYUNG FF✨

CHAPTER TWENTY

_______________

"Hey..Haria naktuk zing khian ka zin thawveng dawn a, lo kal ve ta che"

"Khawiah nge i zin dawn"

"Aaa..zin tih takah hikings vel ti mai mai ila..nangpawn boruak thiang han dawn vel i chak lo a mi" ka huaisenna zawng zawng sawmkhawmin ka hrilh a, han sawm mawi dan vak lah ka thiam der silo, lo kal se ka duh bawk si, tinge maw ka zei lo bik em em mai chu le..ka pa ka chhun chiang lutuk ringawt..

"Chak hran lo, nangmah in kal mai rawh" hmeli mai mai chu a..han sawm chiam lah ka chapona hian a tlin bik bawk silo, ka va ngei mai mai tak

"A tha nihchu..keimah in ka kal mai ang" room atang chuan chhuakin thawk chu kan la hawk a, a mah ber a kal loh te chuan enge ka va tih ve ngawt ang, hiking tih vel ka tui hnek love..

HARIA P.O.V

Tun hnai Taehyunga khawsak dan hian min ti hlim thei khawp mai, ka beisei lo deuhah chet a ching bawk si, kan school ah min rawn hruai thut ni te khan ka hlimzia kha au chhuah mai ka duh a, mahse ka induhtawkna hian chu chu a thlen tir thei bawk silo

Min tihlim tum niawm takah fiamthu a han sawi ve te hian a nuihzathlakna pakhat mah a awm lo na in, a mah hian a tum em a, a fiamthu ai mahin a mah hi nuihpui tham zawk a ni..

Hiking na ah kalpui turin min sawm tih ka hria,a han zei lo dan em em hi, a chapo ve tho bawk sia, kan chapo dun em a, kan chak zawng leh duh zawng pawh hi kan ti tha thei meuh lo chu a ni..

Vawikhat tal min han sawm nawn leh se chuan ka aw mai tur hi a nia, a ni pui reuh lah hian min sawm nawn a tum hmel bawk silo, a vawikhat sawina ah lo aw lah ka duh bawk silo, ka ning e, tinge maw ka chapo em em mai chu le..kan inkar hi siamthat ve ve kan chak tih a hriat reng a, pakhat in a tum vel leh ka inkharkhip leh lawi ang bawk si, ka englai hi nge diklo awm le..inentir mai te ka duh rum rum tawh..

Room atang chuan chhuakin inhnuai lam ka pan a, sitting room ah Taehyung chuan phone a lo hmang a

Tunge a biak ang aw..a nui vur vur ang lehnghal..

"Kan nu a kal ve peih silova, nangmah nen kan kal dun mai lo te chuan, midang hmuh ah ka riang bik lutuk ang" a tih chuan ka mitsulh tep..hrep a, hepa hian bialnu a nei chiang lutuk, chuan Hiking pui a tum a maw..nilo..a theih lo, an kaldun thei lo hrim²..

Mahse enge ka tih chuan ang..ka kal duh leh si ka va ti duh bik silo..enge maw tal ngaihtuah chhuak vat teh haria" ka lu chu ka chum deuh bep bep a..

Aw idea tha deuh chu ka nei, rangtak chuan ka phone pawrh chhuakin Taehyung hriat tur tawk lek chuan ka be lui vak vak a choka lamah ka phei nghal a..

"Nia..i hman hlauh chuan kan hawi thawveng dawn ami, naktuk lamah, khawilai ramhnuai velah kan tei kual mai mai anga" nui huah huah chung chuan ka ti a, ka hnung lawkah Taehyung a awm tih ka hrereng..hre lo ang tak chuan ka be chhunzawm mawlh mawlh a..

"Maw.. kal duhna i nei maw..khawi hmun nge, e aw..awi a nuam ngawt ang kan kal dawn nia"

"Um..ka lawm e, naktuk ah kan inhmu dawn nia" phone ka dahthlak rual rual chuan Taehyung chuan min pawt her sawk, enge maw a hriat a, tunlai hi mi pawh a hrat viau chu le..

"Tu nen maw, khawiah maw kal in tum a, keiin ka sawm che a, i duh lova, midang nenah kal dun chu i duh leh si a" lungawi lo hmel tak chuan a ti a, a thinrim hmel takzet, a la thutak viau emaw nile..

A mah thiamlo hmasak ani reng sia, nge midang nen ah kal an tum kher kher ni...

Ka thiannu Heidi ka phone mawl tawp a, a hrilhai zia kha, engmah ka sawipui lwk bawk silo..nanai a zinbo lai tak a ni bawk nen, a ni lo chu thian dang han biak mai tur ka hre lo a ni..