💜LOVE IS NOTHING STRONGER💜#Complete#

✨ Fourteen ✨

✨LOVE IS NOTHING STRONGER✨

✨ TAEHYUNG FF ✨

CHAPTER FOURTEEN

__________________

"Haria...hey...harh teh" tu emaw hian hla tak atang hian min ko hian ka hria, men ka tum a, ka meng thei der bawk silo

In atanga thinrim deuhah ka chhuah khan ka ipik lutuk a, awm ngaihna reng ka hre lo

Hetiang hian ka la awm ngai lo reng reng, nidangah ka rilru hah leh ka lungngaih chang chuan ka bulah nana a awm thin a, min hnem in, min ti hlim thin a, tunah erawh nana a ni emaw, tupawh nise thiante bulah awm chakna ka nei lo, mahni chuah ah awm ka duh

Ngawireng in ka kal char char a, hlauhna chang pawh ka hre tawh lo, ka rilru a mang vekin ka hria

Taehyung phone lo chhangtu kha tunge ni ang? A bialnu a ni thei mai angem? Mahse kan inneih tirh vel khan bialnu a nei awm in ka hre bawk silo, nei nise chuan hriat loh a hun tawh silo, nge ni a, a lo inzep char char zawk

Tinge tunah chuah ka hriat chuah..tinge a hma khan ka lo hriat vat lo, khang hunlai khan lo hre tawh chu ni ila, ti em em hian na ka ti lo tur

Ngati nge ka vanduai thei bik em em..hlim hi ka phu ve lo zawk em ni? Tinge ka hringnun hi a buaithlak bik em em le..

Ka ingaihtuah poh leh ka lungngaihna a zual ting, tah chhuak si, ka tap chhuak thei bawk silo, tap hrep thei ila chuan ka thawl hawk ka ring

Motor horn ri tuar tuar ah chuan ka harhchhuak zawk, ka ngaihtuahna ka lo kawm nasa lutuk a, kawngsir ah ka kal emaw ka tia, motor kalh tupa lah chu a thinrim hmel em em a, rangtak chuan kawngsir lamah ka tlan vat..

Ka hma zawnah bar inhawng chu ka en vang vang a, he hmun hi a ni, Taehyung nen ah inhre miah lova zu kan in dun hrep na kha..kha zan, kha mi ni kha engtikah mah ka theihngilh theih tawh pawh ka ring lo

Zu intum ah chhuak pawh ka ni chiah lo na in, a hmun ka thleng ta rau rau, rilru hah chhawk nan tlem lem sek chu a pawina awm lo tura ngai ang..

Bar chhungah lutin wine ka lam a..

Zu lam hi ka in theih meuh lo thin a, Taehyung nen kan in zan pawh khan ka in tur kha en miah lova ka in vang mai mai ania, khatia ka ruih hrep ni..a rim chu thuhran, a lem hian ka lem tha thei lo, ka luak a chhuak ngawih ngawih zel

Mahse zanin chu tlem in ve ka tum ruh em avangin tuisik pawlh vak chungin ka in ve thei hram a, ka duh aiin a la dal lo mahmah..

Ka in dawn apiangin ka rilru ah Taehyung leh a bialnu awmdun tur angin ka ngaihtuah zel a, min ti na takzet..

Hriat loh karin bottle khat ka lo in zo tep lehnghal..

Thawh tuma ka in bengkang tur chu ka tho thei reng reng lo, ka lu hai mai zia chu..chhuat hi a rawn hnai tial tialin ka hria..

Kalsawn ka tum lahin keimah hi a letling zawngin ka awm emaw ka ti hial, ka luak lah chu an chhuak em em khawp a

Ka thu leh a, in tiharh ka tum a, ka thei der lo, muangchang hian a rawn thim tial tialin ka hria..

Ka hriat leh hmasak ber chu tu emaw in ka hmingin min ko a ni, tunge a ni tih en duh mahila ka meng thei lo reng reng, men ka tum a, fiah lo riai chuan ka hmu a, ka chhing lehnghal zel

Tha chak zet hian min pawm kang ni ber hian ka hria, boruak ah ka awm ta daih zawk emaw ni..

A rim lah chu awi..ka tuiral mai dawnin ka hria..

Thil chak lutuk ah chuang ang mai ka ni, ka thlawk ta daih zawk emaw ni...ka harh chhuah ah ka men leh meuh chuan khumah ka lo mu der tawh

Mahse tinge ka bulah hian Taehyung hi a lo mut ve ngawt..nilo..eng thil nge thleng le? Ka kawr te hi, nizan ah ka hak kha a ni reng reng lo..chuan barah khan ka awm a, mahse engtin nge inah ka awm daih thei.. engtin nge Taehyung nen khum khatah kan lo mutdun daih theih le..engthil nge thleng hrep le.. nizan thil engmah ka hre chhuak thei bawk silo..ka lu lah chu puak keh mai tur hian a awm..ka a dawn in ka hria..

Taehyung rawn inzi mar tan tan ka hmuh chuan rangtak in ka inlukhup nghal..enge thil thleng ka hre bawk silo, chet pawh ka che ngam lo,..

TAEHYUNG P.O.V

Haria inlukhup daih chu ka en reng a, ka nuih a za bawk si, ka nuih chuan hreawm a ti zual ka hlau bawk si..

Nizan bar ah ka va hruai khan rui chhe tak a ni, bar nghaktu lahin "i bialnu hian bottle khat a mahin a inzo vek a..khar kan duh tawh sia..haw a la tum lo hmel bawk sia..ka rilru a lo hah hman lutuk a" a tih chuan ka nuih a za deuh reuh bawk si, ka khawngaih angreng tho bawk si..a inna bill man chu pe in tips ka pe tel bawk a..

Haria chatthla chu ka sawi nawk nawk a, a rawn meng der der a, a nui suk suk a, a muhil leh nghal zel a..

Enge maw a hriat reuh ni? Tinge mahni pawh in control zo lo khawpa zu a in..

Keilah ka rui a la reh tha bik chiah bawk silo, mahi pawh in enkawl a hahthlak tehreng nen, kei aia rui zawk buaipui a la ngai zui

Bar an inkhar duh tawh bawk si, a tho thei bawk silo, ka tih ngaihna hre lovin ka pawm tho ringawt a..

Naute fel deuh ang maiin ka awm ah a rawn la bei than zui..

Zawi tete hian a phun sep sep a..a chang lahin "rimtui lutuk" a ti mai in ka hria..

Car ah ka dah luh dawnin min la luak khum zui..ka in ring hman lo, lei ah ka thlauh tawp a..a chatthla zui emaw ni..a harh eih lo reng reng

Ka kawr awm ah tak min luak khum a..mahni lo mahah tenchhiat nak laiin tui chu la in ka intleuh a..ka la uak tuar tuar zui..

Ka kalsan daih dawn emaw ni le..

Nupui zu heh deuh nei chu chi lo viau ang..naktuk ah ka zilh hrep ang..

Carah hlang lutin inlam pan chuan ka tlan a

Ka chhungte an lo mu vek tawh chu tih chi khawp mai...

Room lam pan chuan ka pawm chho a..

Sofa ah chuan nghatin ka dah ang ang chuan a mu nghal tawp a..

Bathroom ah lutin ka intleuh nghal a..ka pian hnulam ah hmeichhe zurui ka buaipui awmchhun a ni hial ang

A luahna lam ah a kawr a ber vek bawk si..thlaksak ngawt ila a harh hunah engtin nge min tih ang??

Ti ringawt chuan ka mut tir theih bawk silo....

A kawr hak tur chu la chhuakin muangchang chuan ka thut tir a, ka zam deuh tlat lehnghal..

Maimitchhing chungin a kawr ka phelh a, meng pawh ni ila a hre awm twp silo..mahse nakinah min hauh hunah pawh insawi thiam nan mit chhin a tha ber

Engtin tin emaw in ka hak zawh tir thei hram a..khum lamah sawnin ka mut that tir a..

Ka kalsawn tur chu ka kutah rawn vuanin "min kalsan suh" a rawn ti a

A tawngvai emaw tiin min vawnna kut chu phelhsak ka tum a, a aia nghet leh zuala rawn manin "kal suh, khawngaihin ka bula hian mu ve rawh" tihpahin min rawn kuah nghal thlawp a..ka hamhaih em avangin chet lawk na chang pawh ka hre lo..

"Haria"

"Umm"

"I rui a nih kha..mu tha rawh le" zaidam tak chuan ka ti a..

"Umm..ka bulah mu rawh, ka bulah" tihpah in min kuah nghet sauh a..naupang titau ang chiah chiah a ni..men pawh meng tha thei lovin min melh ser ser a..eng ka ti zo ta nge ni..hmeichhe zurui em it tur chuan ka hmu zo lo bik pawh a ni lo a sin le..

"Aaa..a chi lo..min hau leh ang" nge maw chutiang te ka sawi ngawt le..ka lai ve tihna mile..naaa..ka a dawn

"Mawh..mu ang" tah a tum ngawt a mile..

"Hey..i tap ringawt ange, zan a rei tawh si..

"A nih chuan ka bulah hian mu rawh aw"

Aaaa.. inngaihtuah buai vak lo teh ang..a harh chian hunah pawh a mah min sawm tho a nia..ka ti lui pawh a ni chuang lo

"Awle..tha lawm..mu rawh le" tihpahin a sir ah chuan ka mu ve nghal a..min thlahlel niawm takin min khan nghal vat a, a awmdan teh thut hian min ti hamhaih thei lutuk..

Ka kawngah min rawn kuah chat leh nghal a..a mipa zawk ka kimki chawi chawiin ka hria..

Tim deuh chung chuan ka kuah let ve a..ka taksa a lo chau ve bawk nen mutchhuakin min rawn zem a..manglam ah ka lut thla rial rial a..

Cont