💜LOVE IS NOTHING STRONGER💜#Complete#

✨ Twenty four ✨

✨LOVE IS NOTHING STORNGER✨

✨ TAEHYUNG FF✨

CHAPTER TWENTY FOUR

_________________

TAEHYUNG P.O.V

In thlen hlan mawlh ka nghakhlel...Hikings ti tura Jungkook leh Jimin ten min lo sawm kha a lo tih chi phian a nih hi..

Kal lo ila chuan tunah ka hlimna ang hi ka tawng awm silova..

Haria nen chuan kan inkar chu a hma ang ngawt a ni tawh lo  tih kan hre ve ve a, sawi chhuak tu nih erawh kan duh lo ve ve..

Nitin mai hian ka hmu tha telh telh emaw tih mai tur a ni, ka lo a rei ngawt mai, ka bul lawkah Angel hmeltha lutuk mai a lo awm reng a, ka pa te kha ka lo dem vak vak a, tunah erawh lawmthu sawi sen loh ka ba a ni..

Haria pawn min duh tih ka hre thei, tawngkam kan thiam lo ve ve vang nge..thu leh hla lam chuan kan inbe em em lo na in, chetzia hian kan inhrilh a ang deuh ber

Inchhung ka luh rual rualin ka nui vur vur a, ka nupui hmeltha tak leh cute tak hmuh ka duh tehreng nen..ka nu leh pate an lo thu thap mai

An rawn haw timing lo hle mai, "hi" ka ti mawl tawp..ka nui tawp chiang kher mai

"Bawiha i dam tha maw" ka nu in a tih chuan bu nghauhin ka kuah nghal a..

"In va rawn haw har em em ve"

"I hmelah kha chuan rawn hma min tih hmel tlat" ka pa hi chu a fing mahmah thin..

Nia..duh aiin a rawn haw hma tlat, thla 2 tal cham se tha tur, nih loh pawn ka pa hi han na deuh se aw..huizz kim Taehyung i a em mai..mahni pa te nat tir te chu a..

"Ka han inthlak ange.." kailawnah tlanchho nghalin room kawngkhar ka hawng nghal vat a..

"Hey..vawiin i hmang nuam em" laizet chuan a nui sen sen a, hetianga a laih hian lawm hmeltha ka tih theih em em..

"Umm..nuam a ni mai, nang enge i lo tih"

"Aaa.. school kan chawl bawk sia, tih tur em em pawh ka hre lo"

"Anih chu" sawi tur hi kan hre dun lo thlawt

"Aaa..khawi i coat kha" tih leh ka coat hak chu a rawn hlip nghal a, kan tih ngai lo thil kan han ti tan a nia, a zamawm ve thlawt..nidangah lem mahnin ah inthlak a ngai ziah a..

"Englo..ka pa te khu engtikah nge an rawn thlen a"

"Tlai ah khan"

"Aw..a nih chu..kan intleuh lawk ange"

"Awle..zanriah ka lo buatsaih ang"

HARIA P.O.V

Wow..Haria, hetiang hi mi nupa inkarah thleng thin chu..ka sa pup pup in ka hria..

Taehyung nen kan inkar chu tha tawh tak a ni..engkim hi ka hmu tha vel vek lehnghal..

Mahse tawngkam kan thiam lo dun lutuk hian kan boruak a ti hniam leh ruih thin, inzir deuh hlek ka ngai a ni..

Zanriah kan eikham hnu chuan reilote sitting room ah chuan ka thu a..

Ka nu leh pate chuan an zin na chanchin te chu an sawi sap sap a, ka pa pawh a rawn tha haw khawp mai, a taksa pawh hmuh theih khawpin a hrisel..takah ka pa hian lunglam tha lo natna a nei a, asthma a la nei tel zui bawk..

A hriselna a chhiat tawh avangin company pawh Taehyung kutah dah a ni a.. Taehyung lah hian sumdawn a thiam em em bawk silo nen, a chang chuan company stock pawh a tla hniam ruih zel..

Kan pa farnu lah hian min ngaina tehchiam lo avangin ramdangah a zirlai a chhunzawm char² a..he in chhungah ka luh tir kha chuan pawi tihna pakhat mah ka nei ngai lova, tunah erawh keimah vanga in ah a awm duh lo tih ka hriatchian em avang hian ka in thiamlo lek lek thin.. engvanga min duh lo ve em em nge a nih lah ka hre bawk silo..

"Bawihi"

"Huh...aw enge ni ka nu"

"Enge i lo ngaihtuah vung vung a" ka nu leh midangin min en thap avang chuan ka zak kher mai

"Eng ngaihtuah hran love" ka nui lui sak a..

"Kan zin chhung khan Taehyung hian engtin nge a lo tih che" ka pa in a tih chuan a ngaihna ka hre lo kher mai..

"Ka pa.min ngaisual em mai" Taehyung chuan a rawn ti vat a..

"Ngaisual pawh ni mai lovin..i sual sa hrim² alawm..ka monu duhtak chungah hian thil tha lo i tih vaih chuan i chak lo ang" ka pa in min tan hle tih hriat chu a nuam khawp mai, he in ka luh pawh khan a ni chuah hian min hrethiam in ka thusawi a ngaithla thin kha a nia, a fapa hian min tiduhdah thin tih han sawi ngat ila chuan Taehyung chan hi a chhe thei ngawtin ka ring..

"Engtin mah ka tibuai lo e a" Taehyung tum bur chu a cute takzet

"Nia..ka pa Taehyung hian min enkawl tha lutuk tlat" nui ver ver chung chuan ka ti a, min rawn melh zauhin a mit min siai zauh a..ka lawm tawk a tling leh em em tho..

"Lawks in..ka hmusual nge..in pahnih hian in va inngaih hmel ta ve a, enge thleng a" ka nu leh paten mak tih hmel deuhah min en hrek hrek takah chuan ka chil ka lem kalh..kan inngaih tawh alawm tih sawitu nih ve ve kan chak lo nge kan duh lo zawk, Taehyung nen chuan kan inen zauh a..

"Ka pa hi chu aw..ka nupui nen inhau reng se min ti bik a mi" Taehyung in a tih chuan ka lo nui suk..

"Nia..ni khawp mai..engpawh nise ka lawm hle mai, in² ngaih tih hriat chu, tiraw bawiha nu mu tawh teh ang" ka pa hmelah mak tihna leh lawmna kha ka hmu chiang lutuk tlat..

Ka pa chuah hi Taehyung nen kan inkar thil engkim hrechiang ber tu a ni a, khang hun chhung zawng pawh khan hre lo ang maiin a lo awm thin a, a ruk khan kan inkar a chhiatzia a lo hre ru vek thin a nia..lemchan ngai reng nun kha tunah erawh a tak ngeiin ka hmang thei tawh a nia, ka hlimzia hi ka hmelah hian a lo hriat viau nge ni a, ka pa pawh khan hlim hmel zet khan min be reng a....tunah tak hi chuan kan chhungkua hi a nuam lutuk tlat..hawina piangah hmangaih na in thla a zar emaw tih mai tur a ni

Cont

A tawi mai thei aw...a chhan chu ka ziah laklawh laiin hei duty turin ka chhuah a ngai sia..ka ti tawp ringawt a nih khi..naktuk zanah ka lo chhunzawm nghal ngei² ang..ka tiam thlap e😅

Chuan.. episode 30 thleng chuah a awm dawn a..30 ah a story a tawp tawh ang..in lo rinlawk theih nan ka lo sawi maimai..tawp mahse..Jimin ff ziahlai kan nei mek tho kha tiru...😅😅😅