حسناء الديزر "انا العاشق لعيناك فبرب العشق ارحميني"

الجزء: 45

‌.تاا كيسمع صوت البكاا جاي من الفوق ..طلع كيجري وايمااان  حطت ولدها فصالون وتبعاتو كتجري -   فرع الباااب ودخل تصدم وهو كيشوفو خااانق بنتو وكيتهدد عليهاا بحال شي هبيل والدم لفيهم بجوج ....دفع زين العابدين بجهد وجر صهب فاكهاا منو كيحاول معااهاا يخليها تنفس ... كتكحب بجهد وكتبكي ..اما زين العابدين باقي كيتهدد : حيد ..حيد خليني نقتلهااااا .بغيت نقتلهاااا ...حيد ...اراااهااالي حتى هياااا خصها تمشي ..حتى هياااااا. .- حمزة كيغوت : وااااش تسطيتي اتبي .. ولاااا مااااالك واااش واااعي بكرك اش كيدير راااااه بنتك هااااذي ..واااش باغي تقتل بنتك واش لهاااذ الدرجة حمااقيتي ...الى حماقيتي سير شوف اش دير لراااسك ...-زين العابدين شاف فصرب : حتى نت غنقتلك ..حتى نت ...حتى نت - ايمان خاافت منو دغيااا جرت صرب لعندهاا..مهربااااه من وراااها مطاكية عليه ..- اماا هو طاح الأرض على ركابيه مزير  على راسو بيديه ..من كثرة الألم .حاس بالعروق دراسو غيطرطقو  وكيردد : ولاادي فيهم الجوع ..ولادي خصهم يااكلو ..ايه تعطلت عليهم وهوما فيهم الجوع خصني نطيب ليهم ...- حمزة غمز ايمان خدات من عندو صرب وخرجتهم  وهو مشى لعندو جلس حداااه غير حط يدو عليه قفز بعد شوية  كياكل فظفارو -حمزة تنهد على حاالتو : خوياا مالك باش كتحس - زين العابدين  حط يدو وعلى راسو : كنضر بزاااف هنااا هاذ العرووق كيضروني بزااااف فيااا البرد ..كنترعد ..- حمزة جرو عنقو نزلت دمعة من عينيه ...كيبقى فيه بزاااف  : اجي معيااا - نوضو خرجو من البيت هبطو لتحت جاب ليه كاس الماا والدوا .. خدى من عندو دار كينة ففمو وشرب داك الكاااس ....

‌حمزة : مزيااان دابا رجع ليك عقلك فراسك ؟؟ - زين العابدين  مشابك يديه مع بعضياتهم وخاشي  راسو تحت منو - حمزة : زين سمحلي نكوليك بلي نت وليتي خطر على ولااادك..حالتك عاااد مكتزيد تدهور كنت شوية مي دابا مشيتي فيها فخطرة حتى دوا مبقاااش يقدي فيك .. خصك تعاالج ضروري خصك تمشي الطبيب ..هااذ الشي لكدير فيه مكيبشرش بالخير ..واش باغي تخرج على راااسك ....واش وصلت بيك لهاذ الدرجة ..متحنش .. ..بنتك كانت غتموت بين يديك ونت معاقلش ومحاسش بهااا كون مجيتيش انا فالوقت المناسب اش كان غادي يوقع كولي ...واش عدباليك هااذ هو الحل - زين طلع فيه راسو : ولادي فين هوما ولادي خصني نوكلهم - حمزة : ولاادك مبقاااوش باغين يبقاااو معاااك ..او وخا يبغيو مغاديش نخليهم معاااك نت ضروري خصك تبعد عليهم وتعااالج  وتكون انسان عاادي ..عااد تقدر ترجع تشوف ولادك وتعيش معاااهم ....هااكاا غادي تخرج عليهم كفاايا خرجتي على راسك باغي تكمل حتى بولادك لولاو يشبهوك فتصرفاتك الحمقة حتى هوماا زرعتي فيهم فكرة مهم باقاا عايشة وبلي غترجع..كتخليوهم كل صباح ينوضو يسولو عليهااا ..بحال هي باقاا حية  - زين العابدين:  وراها باقااا  حية - ..

‌حمزة : فمخيلتك نت .. فديك القوقعة لخاشي فيها راسك ..والأحلااام  لخاشي فيهم روحك ..خمسة سنين لدااازت ازين خمس سنين ونت كتهز ولادك  و تمشي لنفس المنجم  وتظلو فيه بااسوايع وبالأيااام على اساس غتخرج لعندكم .. خمس سنين ونت مخلي رجاالك يحفرو ويقلبو لليل نهار على وحدة مبقاتش فاالحيااة ..على وحدة ماتت وشبعااات موت ...ثلاتة الجثت لكانو وسط المنجم ثلااتة وراااه باينين دياالمن - زين العابدين: نت مكتحسش بهاااذ الشي لكنحس ..وصعيب شي حد يحس ...انااا حاس بيها معاياا ..- حمزة: زين العابدين هاااذ الهدرة عاودنااهاا وعاااودنااهااا ..نت لفرااسك فراااسك ..مبااغيش تعيش حياة طبيعية مع ولاادك ..وتعوضهم على حنان الام لفاقدينو ..-زين العابدين:( ساهي فنقطة وحدة)  شكون كاليك ممعوضهمش ..- حمزة : لاا لا هاذ الشي بزاااف حماقيتي نت وبااغي تحمق حتى ولادك معاااك ..مي جاامي انا مغااديش نسمح بهاذ الشي ....الى مبغيتيش تدخل الطبيب تعاالج ولادك غادي نديهم معاياا .... ميمكنش نخليهم هنا معااك توقع ليهم شي حااجة. اليوم غير ربي حفظ -زين العابدين : لا لااا ولادي مغيمشيو حتى البلاصة غادي يبقاااو معايااا - حمزة : باش تعاود دير ليهم نفس الحاالة ركبتي فيهم مساااكن الرعب ....غنديهم معاياا ازين ونت غتمشي الطبيب ..الى مكانش على قبلك غير على قبل ولادك اخوياا تيتمو من مهم باغي تزيد تيمتمهم حتى فيك فكر شوية  بالمنطق ...ومصلاحتهم  - زين العابدين: لاا اا منقدرش ....واش مغنبقاااش نشوفهم ..غير خليهم معاياا منبقى ندير ليهم والو وحتى دوا غنبقى ناخدو وناخد منو بزااف نشرب   الكاغا كاملة باااش نبقى مسيطر على راسي غير خليهم. ...