الحلقة 2
مروة اخذت خمسة وجت طالعة تسمع في خوها اما دار تبيها ابجنب حمام والا الا بجنب الباب الرئيسي
مروة:هالكلب هذا باش يبي يفتك مناولت للمربوعة وخدت 30دينار وخلتله ستة دينار
وخشت فرحانة شافت اخته اتكلم في هيثم
مروة:ااااف الا انا شكل وجسم شن ناقصني ورقدت😴😴
هيثم عمره27يخدم في ورشة واموره تمام عنده زوز خوت انس امير وعنده زوز اخوات وحدة متزوجة وتانية تخدم
وبوه متوفي وامه واخدة راجل تاني واتعاني فيهم جداهم
هيثم: خلاص معاش ادوري
منية: شن الحل والله الا خايفة
هيثم: متخافيش ياحبي هي توا بنصكر ابنرقد عندي خدمة الصبح.
منية: هيا سلام رد بالك على روحك
هيثم: منية
منية: نعم
هيثم: أنحبك هلبا
منية: مخنوقة حتى انا 😞😞
ثاني يوم ☀☀🌤
مريم: سلم اوليدي نوض باش تفطر
حسام: شن درتيلي
مريم: درتلك نص بالهريسة والدحي🥖🥚🥚
حسام ناض افطر وطلع
مريم خشت لدار بناتها نوضي انتي وياها الي زيك فاتح حوش
مروة: وووواك صبح من هما الي فاتحات حياش وانتم همكم غير لفلوس
ناضت مروة ومنية
مروة: امي شن افطورنا
مريم.: هونا جبنة وزيت زيتون
مروة: شنووو وخيره حسام دحي والا لا هو لكبيدة ❤
مريم: هو يخدم وانتم شنو
مروة.: وووووواك واحد يقتل روحه المهم انا ابنطلع نشري شكلاطة عاسريع وجاية
مريم؛ فنصت فيها وانتي امنين لفلوس؟؟؟
مروة: اتوترت اااه هو راس دينار
مريم: وين لقيتيه هادينار🤔
مروة: مش حسام اعطاني نغسل سرواله لقيته فيه
مريم: باهي انتي ماشية هاكي اشريلي معاك زيت
منية: خليني نمشي معاك انغير جو!
مروة: هي تعالي
منية&ومروة ايهدرزو في الطريق ويضحكو على بنت خالهم شهد لين انتبهت مروة ولد يلحق فيهم
منية: فوتي بسرعة مرات واحد من اصحاب حسام
مروة: قصدك حسام العنز بيكون عنده اصحاب زي هذا اسكتي وضمي فمك وشاحي مية مية
منية: فاتت وخلتها مع هبالها
مروة اتشوفله ودير روحها مش امعبارته
احمد: اهلين بطلقة منو وين الحلو
مروة: بالله عليك خليني نذكر🤔ااااه اذكرت من ليبيا 🇱🇾
احمد: ماخف دمك!
مروة: يعني من وين اكيد من ليبيا عليك اسئلة
احمد: اتكلميني
مروة: وانا واقفة شن اندير من الصبح اهو انكلم فيك
احمد: ههههههههههه😂جوك حلو ياحلوة
مروة: تبي حاجة.
احمد: ارقم📞
مروة: قلبها بيطير من الفرحة لكن متبيش اتبين احم احم انا منعطيش
احمد: خوذي باهي سجلي....... 092
مروة شافت خو ريم طالع بسيارة
خافت وتدعي انشالله مايشفونيش
محمد: اوووووه مريوة شن اديري هنايا
مروة : ووواك اللصقة
محمد شاف لي احمد منو هذا
مروة في خاطرها هو زي الجن يطلع من كل مكان مخلانيش ناخذ حتى رقم وبعدين ايجي
مروة: اااااااااء صديق العيلة
محمد:نسأل خوك
مروة: بلعت ريقها لابالله عليك وانت خيرك لحقني في كل مكان
طبعآ محمد عمره 25ويخدم في اكبر الشركات اسلاح شكله حلو جسمه عضلاته لبنات الكل ابيهبلو في محمد وهو ايحب ايكون متسيطر على ناس الكل وعيلتهم معروفة
محمد: اخر مرة انشوفك تلحق فيها
احمد: وانت شن ذخلك🤨
محمد: امولع الذخان حذفه على الارض شن مسمعتش
احمد: ليس على المريض حرج
مروة: ههههههههههه 😆والله انت الي جوك حلو
محمد: شاف لي مروة وعيونه حمر ضرب احمد وطلع سلاحه وقفت مروة لا لالا بالله عليك
محمد شاف مروة كيف تترجا فيه وشدها مع يدها بالقوة
وركبها لسيارة وصكر عليها ومروة اتحول تفتحها
محمد: اقرب من احمد حاجة مش ليك معاش تقربها
وركب لسيارة وبسرعة يجري مروة نزلني وقف سيارة ابجنب ااستراحة ونزل وهيا قعدة في سيارة وتشوفله كيف ايذخن
نزلت انت شن ذخلك اقلب وجهك من عليا من وين اطلعت انت
محمد: اقرب منها شن قلتي
مروة:زي ماقال احمد ليس على المريض حرج🤣🤣
اتكنطا منها هلبا 😡😡وحاصرها مابين ايديه وهي تضرب فيه حول من قدامي حست انه قريب منها هلبا
محمد انفخ على وجها الذخان لين قعدة اتكح في جديد البسي عباية
مروة: لا يابابا اتحكم في اختك مش فيا
محمد: اسمعي كلامي خير ماتندمي
مروة: انا نبي نندم
محمد: انكلم حسام..
مروة: خافت من الضرب الي كل يوم تاخد فيه باهي خلاص
محمد: معناها ابتلبسي عباية
مروة: ابتنهيدة ااه حاضر
مروة حطها محمد قدام الحوش اول ماخشت اجبذها خوها اناشن قتلك
مروة:😳 شنو
قتلك روان معاش تقربي صوبها وطاح فيها ضرب وهي المشكلة مادارت شيء المسكينة
ريم تتصل بمروة ترن ترن ترن📱📱
مروة: ريم تواانكلمك
ريم: خيرك
مروة من وين الخير وانا محصله طريحة من خوي الزفت
ثاني يوم 🌤🌤
مع جو الساعة 5العصر
خوها خش وجها مايبناش من الدم
مريم: وووه عليا خيره ولدي من دار فيك هكي
حسام:منعرفش ولد انزل من السيارة بيضةطاح فيا ضرب
مريم: وعلاش دار فيك هكي منعرفش قاللي متقربش حاجة مش ليك ومشي
مروة: يستاهل الحقير
منية: ابنمشي لحوش عمي تمشي معايا
مروة: لالالا فكيني من النفاق
ترن ترن ترن
مروة شافت لي نقالها لقاته رقم يتصل بيها
اول ماقالت ايوو.......يتبع💕الكاتبة ميرو. 2003💕
نبي تفاعل وتصويت
