{{{أحببته ف كسر غروري}}} "قيد الكتابة " بقلمي : سارة رمضان🖤👑

⁦❤️⁩الفصل الخامس❤️⁩

((( أحببته ف كسر غروري )))
بقلمي SARA Ramadan

في إحدي العمارات الضخمة في حي راقي يوجد شاب ممدد علي الكنبة بارهاق وتعب

الشاب بنفاذ صبر - ياناس يا هوووو يا عالم جعان جعان حرام عليكي والله هموت من الجوع

تخرج من المطبخ فتاة جميلة جدا في سن ال١٨ من عمرها هادئه الملامح ، شعرها بني و طويل ينسدل خلف ظهرها، ترتدي بجامه وردية طفوليه

الفتاه بضحكه - خلاص بقا ياعم سيف أهدا الأكل جهز اهو اتفضل ي اخويا 😏😂

سيف بفرح - اخيرا ياختي هاتي كدا بقالك ساعة في المطبخ ياشيفه ترنيم الواحد كان هيموت من الجوع والله 😂😂

ترنيم بزعل مصطنع - اتريق اتريق ياخويا انا اصلا زعلانه منك عشان قولتلي هعدي اخدك اروحك وفي الاخر مجتش😠

سيف بتأسف - معلش يا ترنيم الشغل ياحبيبتي كان فوق دماغي انا و مروان والله متزعليش مني

ترنيم بابتسامه صافيه - أنا بهزر انا عمري مزعل منك يا احلى اخ ف الكون كله ⁦❤️⁩

سيف - قلب اخوكي والله يا ترنيمه تسلميلي❤️ يلا بقا أجري وسيبني اكل هموت من الجوع يا شيخه 😂😂😂

ترنيم بضحك - كل كل ي اخويا وانا هدخل انام عشان الكليه بكرا يلا تصبح على خير

سيف بابتسامه - وانتي من اهل الخير يا حبيبتي

تدخل ترنيم تنام وتسيب سيف يكمل اكل 😂

التعريف تاني مره ( سيف ) صديق مروان من الطفوله ونفس سنه 24 سنة والده و والدته متوفين من وهو عند 15سنه لديه اخت تدعي ( ترنيم ) يحبها كثيرا ترنيم صاحبة ليله من الطفوله ونفس عمرها 18سنه ومعاها في كليه الاثار الفرقة الاولي

( في صباح اليوم التالي )
*******************
استيقظت نارين من نومها على صوت المنبه نارين بنعاس تغلق المنبه وتكمل نومها بعد دقائق معدودة يأتي صوت من خلفها

الصوت - نارين قومي يلا يا كسلانه قومي

نارين بنعاس - سيبني انام يا ليله واطلعي برا

ليله - مش طالعه غير لما تقومي يلا قومي بقا

نارين وهي تتعدل في السرير - افندم يا ليله عايزه مني ايه

ليله - ابدا وانا هعوز منك ايه ياختي ماما قالتلي اصحكي عشان نفطر سوا وانا مصدقت أرخم عليكي شوية الصراحة 😂

نارين - مصدقتي ترخمي عليا شويه طب قومي بقا اطلعي برا يلا

ليله بضحكه مستفزه - لا مش طالعه و يلا قومي بقا انجزي

نارين - مش قايمه و يلا امشي بقا

ليله بخبث - بقا كدا مش قايمه طيب براحتك أنا طالعه