#تلاعب_ادوار ,,
الادمن #wiush_hamo ❤،
______________________________
فتحت عيوني ع واحد يديرلي في تنفس اصطناعي رفعت يدي و دفتيه بشويه من صدره بس ويين يدي و صدره كان حيط لدرجه ماتحركش حتى طشه
بعد شافلي نضت بعدني و انا قعدت انكح بقوه و الميه تطلع من فمي و خشمي و ناخذ في نفس قوي سمعت صوته و هوا يسأل فياا كاان صوته خشششن و غلييظ لدرجه يموت من صوته بس
هوا : انتي كويسه
انا استوعبت شن صار و انا وين شفت لروحي ع الشط و بين يدين راجل غريب بعدت بسرعه و انا ناخذ في نفس بقوه و مقمعزه ع الرمله و نشوفله و هوا يشوفلي
عيونه كان حااداات و سوود فيهن نظره غريبه و تخوف مافهمتش ليش صارلي الخوف هذا بس بمجرد نظره من عيونه موتتني مكااني
هوا : عاود سؤاله انتي كويسه
انا ماقدرتش حتى انرد عليه من رهبت صوته صبيت وانا نرعش و نفض في ايديا وخرت منه و لفيت خذيت قبالي و وشاحي و مشييت نجري و نلتفت ورايا نشوفه تبعني اول لا نلقى فيه مصبي و يشوفلي بسس
__________________________
هوا ....
كانت حوريه بحر مش انسانه عيونها نظرتها شعرها الي واصل لخسرها خوفها و رعشتها مني قسمت انها مش حتكون لغيري
شفت ل عياد جاي يجري مع الميه و المنشف
عياد : يصبله ف الميه تفضل استاذ
خذيت المنشف و مسحت وجي : عياد نبي كل شي يخص البنت هذي اليوم الملف يكون عندي
عياد : حاضر استاذ
سيبته و خشيت جوا و كل تفكيري معاها خشيت تحت الدش و انتخيل فيها كيف كانت بين يديا لمعه عيونها و واضح ان فيهن زعل كبير خشمها فمها شعرها كل شي فيها حفضته وحبيتها من اول نظره
____________________________
قعدت نجري و تنهدت بعد شفت لروحي بعدت لبست وشاحي و قبالي و كملت نمشي
حطيت يدي ع فمي و ذكرت كيف كان قريب علياا حسيت قلبي دق بحاجه غريبه و انا نذكر شن صار و نفيت الافكار من راسي و حسيت بشعور اخيي و كان حقيره و نخون في عزيز
وصلت للمكان و جتني لينا تبتسم بخبث زمطت ريقي من الخوف و جيت بنمشي مسكتني من يدي
لينا : تكر فيا امشي معااياا
انا : لينا شن تبي لينااا اطلقي يدي ااي نحس فيها اطلقي
لينا : ضحكت مازلتي ماحسيتي شي اناا نوريك فتحت السياره و دفتني جواا وقفلتها
انا : نخبط ع روشن لينااا افتحي ليناا كنك ماردتش عليا و مشت
قعدت انتخبط ف سياره و نحاول نفتحها عند ماشفتها جايه مع بابا و ربيعه هنا عرفت شن حيصير فيا بدن دموعي ينزلن بخوف و نقوللهم حلوو فتحو الباب و ركبو
