#تلاعب_أدوار ♥️
#الحلقه 13 ✍
جواد ابتسم و قرب من مارياا يلي مقمعزه ع السرير ، مشى يده ع شعرها و بعدين مسكها بقوه فجآه
جواد : يحكي بصوت واطي ، را تحسابي انك مراتي جد انتي هنا حتكوني خاادمه بس يلي نقولها انا تنفذيها و انتي و ساكته و مشى يده بجرأه عليها ، اما بالنسبه لجسمك حيكون ملكي و ابتسم بس ف الوقت يلي نبيه انا براضك اولا حناخذ يلي نبيه في وقته
مآريا : رغم الآلم يلي فيها كابرت ، رفعت حاجبه من اولها هكي
جواد : تجاهل كلامها ، من مسؤولياتك الاهتمام بكل شي يخصني مانبش نلقى ولا غلط
ماريا : ضحكت بهزوه اعتقد اني مراتك مش خدامه ، هذا من عمل الخدم و بس
جواد : شدد ع قبضته ، تعلمي انك ماتغضبينش لان مش حيكون من صالحك و لا حتقدري اتحملي يلي نديره وطلقها بقوه عند ماوخر و مشى يغير في دبشه
ماريا ، قعدت تشوف بصدمه عارفه ان حتشوف الويل منه بس ماتوقعتش ان يقوللها هكي هيا توا لعبه عنده ، هيا جاريه بين يديه وقت مايبي حايخذ يلي يبيه منها بالقوه و هيا عليها تسكت و بس
سمعت صوت الباب ان طلع ، صبت بتعب حولت الفيلو و الطرحه و خشت دارت دش و طلعت وهيا لابسه توته طويله و لبست عليه حجاب مشت لدار يلي دايره لآيه ف الجناح لقت ايه راقده بقفطان غيرتلها و غطتها و ردت للدار خذت فوطه و رقدت ع الكنبه و تفكر شن حيصير فيها
خش جواد للدار شافلها حول جاكته و عزقها تحت مشى خذا دبش و خش للحمام دوش و طلع مشط شعره و بخ عطره و مشى جهت مآريا هزها بقوه
مآريا : نطت ه هااا
جواد : لمي الدار و الحمام و بعدين ارقدي واها بكري وعيني ع الساعه 8 فاهمه
مآريا : غمضت عيونها بصبر ، شافتله و هزت راسها ومشت بدون ماترد عليه
جواد : مشى عزق روحه ع السرير وفتح نقاله وقعد عليه ومره مره طيح عينه ع ماريا دير واضح عليها التعب
للكاتبه #wiush_hamo
____________________________
بــــيـــآآن .....
قعدت نشوف للسقف و دموعي ينزلن و معتز جنبي و ماسك يدي
معتز : ماسك يدها و يمشي في يده الاخر ع شعرها ، بصوت هادي ليش هكي انتي انسانه مسلمه عارفه ان الشي هذا حرام و عارفه ان يخشش للنار
انا : بصوت مخنوق ، مليت من حياتي
معتز : مسح دمعتها بصبعه ، مافيش شي اسمه مليت من حياتي كلنا تمر علينا ظروف صعبه لاكن انتخطوها و انواجهو الحياه بشخصيه قويه وتنهد بينو ضعيفه بكل انتي
انا : كملت حياتي ف الضرب و العياط ماكنتش نقدر حتى انتنفس صوتي مش مسموع و ماعندي راي حتى ع نفسي كنت مهمشه من وين بتجيني الشخصيه
معتز : قرب منها و بصوت هادي انا قوتك اهم شي مانبيكش تكرري يلي درتيه
انا : برمت وجي ودموعي نزلن باس خدي غمضت عيوني بقوه و انا نذكر شن صار
معتز : صبى و جا بيقرب رفعت السلاح اخرى ، بيان جيبي يلي في يدك ماعليهش لعب
انا : دموعي ينزلو ، كان خاطري مره وحده تقولي بنتي مره وحده بس تحسسني فيها اني بنتك لاكن كيف ماتقول انت اني غلطه ومفروض نمووت ،
معتز : جا بيقرب منها ، بيان بحتي فيا مديه من يدك مافيهش لعب
انا : تتتوصل ببييك تبيعني لاكن حتخسر الكنز متاعك يلي يجيك من وراه فلوس و خنقتني العبره يابابا
