#تلاعب_أدوار ♥️
#الحلقه 17 ✍
مــــــآريــــــاااآ .....
لفيت ع روحي الفوطه و مشيت نجري للحمام لما طلع سكرته و طحت تحت نبكي بكل قوتي ، حسيت ان روحي طلعت من جسمي و انا تحت يديه مارحمنيش انتهك حرمه جسمي بكل وحشيه مافكرش ان حيدمر انسانه ب شي هذا ، انكمشت ع روحي و انا نبكي اكثر ليش كل شي يمشي معايا بالعكس مافيش شي ساندي بالدنيا هذي كل شي ضدي ، هل ربي غاضب مني او الله اذا احب عبد ابتلاه
اذا هذا ابتلاء من المحبه ف انا راضيه ياربي بس عوضني ، عوضني خير بعد كل مافقدت حطيت راسي ع كرعيا و غمضت عيوني بضعف و جسمي كلا يرجف ودموعي ينزلن نار ع خدي
للكاتبه ' #wiush_hamo
______________________________
بيــــااان .......
قمعزت ع الكرسي و حطيت يدي ع بطني و انا نفكر في داليا شن حيصير فيها لما تسمع ، مسكينه ماتهنتش يوم عرسها يصير فيها هكي تنهدت ونسيت روحي ، ياشاقي بهم الناس من يشقى بهمك ، شفت للتورته و الهدايا و ابتسمت بشويا مش ناسي شي لو ماصارش هكي ماكنش طلع و كنا عشنى ليلتنا ،
صبيت طلعت بجامه شرت و كت لونهن وردي ، لبستهن و مسحت المكياج و خليت شعري مطلوق و عديت قمعزت ع السرير و انا نفكر شن حيصير في داليا لو تعلم و عقلي مع معتز بس ماعنديش بشنو نرن عليه ،
______________________________
دالـــيــــــاااآ .........
قعدت ساعتين و انا مقمعزه نراجي فيه و دموعي بس ينزلن و خايفه يقعد صاير معاه حاجه ، صبيت وقعدت انتعانا مع الفيلو عند ماحولته و خشيت درت دش و طلعت شفت لروب يلي ع سرير و ضحكت بهزوه مشيت حولته و حطيته ف دولاب و طلعت توته خفيفه لبستها
طلعت و قعدت ندهور ف الشقه ونشوف فيها كان كل شي ذوقه و كان حلو تنهدت و انا نحس بضيقه ع صدري ، قمعزت ع الكنبه و لميت كرعيا لصدري و انا نراجي فيه و مانعرفش امتى رقدت
عصام ، خش الشقه بتعب وهوا مش عارف شن حيقول ل داليا او كيف يبرألها ابتسم لما قابله منظرها و هيا راقده ع الكنبه ، قمعز جنبها و لف يديه ع خسرها و حط وجه في شعرها وهوا يستنشق في ريحتها
داليا : حست بيدين لافات عليها بدت تفتح في عيونها و شهقت لما شافته عصام ، ععصام
عصام : رفع راسه و شافلها و ابتسم بتعب ياعيون عصام
دالياا : انهالت عليه ب الاسئله ، وين كنت و مع من و كيف تطلع تسيبني
عصام : قعد يشوفلها و هيا تحكي بسرعه بسرعه و هوا يلعب بجمتها و مبتسم بشويا ، كملتي
دالياا : نزلت يده بعصبيه ، عصام جاوبتي قاعده ميته من خوفي عليك
عصاام : مسح ع وجه ، باهي عطيني نفس نجاوب
داليا : ربعت يديها لصدرها و تشوفله ، هيا نسمع
عصاام : رد لف يديه عليها و حط حنكه ع كتفها و يحكي عند وجها ، صاحبي دار حادث قريب من هنا و اتصلو بيا الجماعه و انا مشيت طلعته من السياره خافو يطلعوه غلط
داليا : شهقت و حطت يدها ع فمها و بصوت واطي ، شن صار فيه
عصاام : تنهد و هوا يشوفلها كان مايبش يكذب لكن اطر يقوللها هكي اقل شي حاليا ، وضعه كويس توا
دالياا : اتكت براسها ع صدره ، خفت لما معش جيت خفت يكون صاير معاك شي
عصام : باس راسها ، شنو صليتي الفجر
داليا : شافتله الفجر اذن
عصاام : خش حتى الصبح
دالياا : حي صاح مافطنتش
عصاام : صبي نصلوه مع بعضنا
داليا : هزت راسها هيا
