تلاعب أدوار

الحلقه 1

#تلاعب_ادوار ♥️♥️
#الحلقه 1

كلام مهم قبل الحلقه

قصة الارشفه و التفااعل مش في يدي اناااا ، انا كنت نخلي ف الناس المتفااعله و حتى يلي نحولها وترد دزلي نردها و مرات حتى نطلب رقم معين للتفاعل و انتو ماتوصلوهش انزل لاكن توا خليت الامر ع الادمن يلي معاياا هيا يلي حتحكم ف الارشفه و تفااعل و انا معش دخلني بشي حتى يلي تطلع تعذرني الموضوع مش شوري 🤷‍♀️🙏

شي الثاني مش حنزل ف الوتباد لا انا و لا الادمن الا لما يتم التفاعل ع هنا قبل

الشي الثالث حنفتح النشر للكل يعني يلي حابه تنشر حاجه عادي تمام  بس طبعا الموافقه ع المنشور قبل وشكرا للكل ♥️♥️

الادمن #wiush_hamo ❤،

______________________________

فتحت عيوني ع واحد يديرلي في تنفس اصطناعي  رفعت يدي و دفتيه بشويه من صدره بس ويين يدي و صدره كان حيط لدرجه ماتحركش حتى طشه 

بعد شافلي نضت بعدني و انا قعدت انكح بقوه و الميه تطلع من فمي و خشمي و ناخذ في نفس قوي   سمعت صوته و هوا يسأل فياا كاان صوته خشششن و غلييظ لدرجه يموت من صوته بس

هوا : انتي كويسه

انا استوعبت شن صار و انا وين شفت لروحي ع الشط و بين يدين راجل غريب  بعدت بسرعه و انا ناخذ في نفس بقوه و مقمعزه  ع الرمله و نشوفله و هوا يشوفلي

عيونه كان حااداات و سوود فيهن نظره غريبه و تخوف مافهمتش ليش صارلي الخوف هذا بس بمجرد نظره من عيونه موتتني مكااني

هوا : عاود سؤاله انتي كويسه

انا ماقدرتش حتى انرد عليه من رهبت صوته صبيت وانا نرعش و نفض في ايديا وخرت منه و لفيت خذيت قبالي و وشاحي و مشييت نجري و نلتفت ورايا نشوفه تبعني اول لا نلقى فيه مصبي و يشوفلي بسس

__________________________

هوا ....

كانت حوريه بحر  مش انسانه عيونها نظرتها شعرها الي واصل لخسرها خوفها و رعشتها مني قسمت انها مش حتكون لغيري

شفت ل عياد جاي يجري مع الميه و المنشف

عياد : يصبله ف الميه تفضل استاذ

خذيت المنشف و مسحت وجي : عياد نبي كل شي يخص البنت هذي اليوم الملف يكون عندي

عياد : حاضر استاذ

سيبته و خشيت جوا و كل تفكيري معاها خشيت تحت الدش و انتخيل فيها  كيف كانت بين يديا لمعه عيونها و واضح ان فيهن زعل كبير  خشمها فمها شعرها كل شي فيها حفضته وحبيتها من اول نظره

____________________________

قعدت نجري و تنهدت بعد شفت لروحي بعدت  لبست وشاحي و قبالي و كملت نمشي