#تلاعب_أدوار ♥️
#الحلقه 14
ويوش : شفت للكتاب وكان آخر شي كاتبته ان بعد ماتحسنت علاقتها براجلها و حباته ، رد عزيز لحياتها
قلبت ف الكتاب مالقيتش شي بعد هذا ، سكرت لكتاب و تنهدت وانا نشوف للبحر ، ونفكر شن صار معاها مع راجلها و عزيز هل حصل عليها او لا ، وكم مر ع القصه هذي و اذا هما مزالو موجودين او لا
ذكرت حاجه و رديت لاول شي كاتبته ركزت انها كاتبه زوجوها لعيت ال*** عشان فلوسهم وبس ، ابتسمت و انا نردد في اسم العيله سكرت لكتاب و صبيت بسرعه انادي ع خويا عشان ايشيلني لهم لاني تشوقت نكمل القصه،
بعد سبوع ....
كنت مقمعزه ف صاله بعد ماخششتني الخدامه و نراجي في حد ينزل ، شفتلها نازله بكل ثقه و غرور صبيت و انا نشوفلها معقوله هيا بس هذي باين ان عمرها ف العشرينات ، يعني القصه مش قديمه
قدمت مني و ابتسمت ، مديت يدي و سلمت عليها
انا : ابتسمت بشويا ، ثريا حسين
هيا : شافتلي و ابتسمت بشويا ، اسفه ماعرفتكش وسلمت عليا
انا : طلعت لكتاب جابني هذا
هيا : رفعت حاجبها شنو هذا
انا : انتي بياان
هيا : ابتسمت بشويا لالاه ليناا
انا : عقدت حواجبي ، معقول تكون لينا يلي حكت عليها ف الكتاب او لا ، بياان موجوده
لينا : شافتلي و مافهمتش نظرتها وبعدين قالت .....
____________________________
عوده للوراء ......
دالــــــيــاآ ......
غمضت عيوني بقوه و انا مازلت قاعده ع السرير ، مش فاهمه شي عصام و انا حب اعترفلي ، كل كلامي و تفكيري تلخبط وقتها كيف صار هكي كيف هوا يحبني
فتحت عيوني و رديت غمضتهن و اتكيت ع السرير و انا نفكر فالي صار من شويااا
كنت نحكي ع فارس احلامي سكتني عصام ب بوسه و فوقها قالي نحبك وقتها ماعرفتش شن اندير الا الكف
عصام : حط يده ع لحيته و حرك حنكه ، اخخ نعن ولديك الحق فيا نعترفلك
داليا : قعدت تشوفله بصدمه
عصام : حرك يده قدامها اووي وين عديتي
داليا : ردت ضرباته كف اخرى و مزالت مصدومه ، اانت تحبني
عصاام : حط يده اخرى تي خلااص ينعن بوه اعتراف
داليا : رفعت يدها اخرى عصاام مسكها ورفع هوا يده غمضت عيونها خافت يضربها
عصام : حضنها و ضحك ، توا نخليكي عشان تطلعي من صدمتك و باس كتفها مع اني عارف تحبيني بس نراجي فيك بعد العشاء عند سانيه الورد و باس عظمة كتفها انحبك وصبى طلع
حطيت يديا ع فمي و ضحكت يااخيه يحبني وووه عليا نمووت فيه طويلي يااناس صبيت بنط عيطت من كراعي و رديت قمعزت اخخ مش مهم الوجع اهم شي عصام طلع يحبني و مش حتاخذه كلبه غيري نمووت فيه
#wiush_hamo ♥️♥️
_____________________________
مـــــعتـــز ......
شفتلها مقمعزه و لافه الجاكه عليها بقوه عشان الصقع ، ملامح وجها باهته و باين عليهن التعب و الارهاق ، انا معتز ال*** عاجز قدامها مش عارف كيف نرد ثقتها فيا ولا كيف نخليها تسامحني رغم ان خطئي لايغتفر
أنت تقرأ
تلاعب أدوار
Romance" الذنب ليس ذنبناا و لاكن نحن من ندفع ثمن أخطاء غيرناا " 💔 " ابتسمت ب كسره خاطر ب حزن و عيون معبيه دموع و انا نشوف للانسان يلي يكون بابا بس ماعمرش حسسني بالابوه كل يلي نشوف فيه منه الضرب و العقاب و بس وتوا قاعد يمسح ع شعر بنت مراته و يدلع فيها و ه...
