رواية ليتك لم تكن شيئا
💔🦋
حلقه. تاسعه عشر 💗
كتابات تولي ودودي✍✍📔
... .... .... ...... ... ...
بعد المغرب عند هل ميار
ميار؛: كويس هكي
نيهال: اعيونها دمعن خلاص يعني هذي اخر ليلة بنرقدو مع بعضنا 😭
ميار؛: نيهال 🙁
نيهال" جت وحضنتها ي روحي انتي انشالله ي رب اتهني وتقعد حياتك حلوى وتحبي زياد وايحبك
ميار: ااااه انحس ف روحي ماشيه ل حرب
نيهال: لا متقولش هك خليك متفائله وزياد راجل والله
ع خشت امهن
هدى : الله اكبر ع بنيتي
ربي يحفظك ي قلبي هيا هيا انزلن مع بعضكم الصبايا يراجن فيكن
نيهال: هي
ونزلن
طبعاً كاينين دايريرن طاولات ف صالتهم
للصبايا
اما الراجله ف دايرين طاولات وكراسي ف الجنان
خشت ميار
صبايا: لووووووولي
___///____
اماا عند عيت زياد فاليوم حتى هما دايرين عشاء للرجاله
سهام: خلاص ي قصي معش تبو
قصي" لا خلاص ي عمتي
وطلع
عصومي: خلاص يعني نعدي انا وايمن نديرو علييها برمه ونراجوكم غادي
قصي: اها اها ومعتز امكلم الشباب امتاع الفرقه موعدهم من 12 لل4 فلفجر
ايمن: خلاص تمام ميا ميا
نعدو نجيبو ل ناقص وانتم شوفو خالي محمد بعد ايروحو الرجاله والحقونا
زياد: تم مربوحه
عصومي: هيا نعدو ب سيارتي ي ايمن
ايمن: جايك ي طيري نجيب شحني من حوش بس
خش ايمن لل حوش وهوا طالع وخاش ل حوش عيت خاله محمد من لاوره يبي يقول الاما ان طالع
تلاقا مع ريهام امصبيا قدام الباب وللابسه فستان قصير ودايره ميك اب كانت طالعه زي الملاك
ايمن: بعد شافها استك
ريهام: هيييي شن جابك انت وخشت تجري
ايمن: ابتسم وخش يلله يلله
طلعتلا سهام: ايمن كنك تبي حاجه
ايمن" لا ي خالتي كلميلي امي
سهام : ي ريهام ي ريهام عدي كلمي عمتك نجوى قولليلها يبيك ايمن
ريهام: ابتسمت حاضر هي
وعدت كلمت نجوى
طلعت نجوى
نعم
ايمن: انا ماشي ي نبع الحنان
نجوى: وين ماشي فهليل
ايمن: ماشي ف هجره غير شرعيه سامحيني ي امي وطبس راسه دار روحه يبكي😭😂😂😂😂
نجوى؛: هييي وحطت يدها ع صدرها شن تقول انت وين مسيبني
ايمن: اطربق ضحك تي كنك ي شورخ ماشي للمزرعه داييرين حفله
نجوى: امشي ي مكلوب رقدتلي كرعيا
ايمن: جا باس راس امه نوضيهن وخشي جوا
تبي حاجه انت ولا البنات
نجوى: نبي سلامتك ودير بالك ع روحك
ايمن: ضحك مقتلكش ماشي الحرب انا ماشي للحفله
را
نجوى: وبه عدي مربوحه
ايمن: تم
وطلع لل عصومي
عصومي: تي وينك ي حيوان اتقول تصنع فيه الشحن
ايمن: كنت انشوف ف امي بلكي تبي حاجه
أنت تقرأ
رواية ليتك لم تكن شيئا🦋💔 (ليبيه)
Bí ẩn / Giật gânروايه ليبيه مقتبسه من الواقع - مِن أجمل أنواع الرزق، أن يَهبك الله مَن يُهون عليك الدنيا ولا تَهون عليه أبدًا 💙💙🔥. كتابات تولي و دودي🦋💋 روايتي تحكي ع الصحبه الحلوى. 💋✍ تحكي ع الخيانه تحكي ع الغدر تحكي ع الحقد وتحكي ع اهم حاجه لي هيا #الحب ...
