رواية ليتك لم تكن شيئاً 🦋💔
حلقه الثالثه عشر ✅
روايات دودي و تولي
**———
الأفعال دائماً أبلغ مِن الأقوال صدق مَا تراه ، وإنسى ما تسمعهُ💛💛
—————-
تولي و دودي✍✍📔
خشت نازلي ل حوشهم
ولقت امها وباتها ف الصاله يهدرزو
ركبت ل دار زياد
دقت ع باب
زياد: من
نازلي: انا
زياد: خشي
نازلي: زياد ماما وبابا لوطه كان تبي تدوي معاهم
زياد: اني جاي
وخشت نازلي ل دارها غيرت دبشها ونزلت
زياد: خش دار دوش ولبس توته ونزل
محمد: وينك مش باين
زياد: قاعد
كوثر: تعشيت
زياد: لالا معندش نيا
احممم وبحت ف نازلي
نبي نحكيلكم ع حاجه
محمد وكوثر بحتو فيه": احكي انشالله خير
زياد: انا توا الحمد لله قرايه ومكملها وشغل وعندي وسياره وعندي وشقه تبيلا تشطيبه قررتت نجوز
محمد: ع خير انشالله
كوثر: مشالله واخيرا حطيت عقلك ف راسك وعندي لكي بنت
زياد: مخلاهش اتكمل كلامها
انا نبي ميار صحبت نازلي
كوثر: وهذي لي نبي ندويلك عليها بنت راقيه وجميله ومأدبه وهلها كويسين.
نازلي: دارت روحها متندرش.
هيييي اللله تحكي جد
زياد: بحت فيها اها انشاءلله كان وافقو هما شن قلت ي باتي
محمد: ربي يقدم لي فيه الخير ناس كويسين وباتها نعرفه كويس
زياد: خلاص بكرى فالعشيه تعدو تطلبوها ليا
كوثر: كانك مستعجل
محمد: لا مستعجل لا شي مش لازم انطولو خلاص رني ي نازلي ع ميار خودي موعد
وانتي يكوثر قولي ل اختك ونجوى وصبايا خوتي لاثنين
خليهن يمشن امعاك لان مش اتشوفوها تطلبوها رسمي
كوثر: انشاءلله خير
محمد: خير خير
نازلي": انرن عليها تواا
كوثر" س كم توا
نازلي9
كوثر: خلاص رني مزال بدري
ورنت نازلي وقالتلها انها جايين بكرى
ثلاث صبايا وهيا وامها
____////_____
ف الصبح
عدت كوثر لي ام قصى
تبي تقوللها ولي ام عصومي ولي نجوى صبيتها صبيتها
كوثر؛: واللهي امس زياد قالي نبيكي تخطيبي ميار صحبت نازلي مش تمشي امعايا.
ام قصي: مشالله مشالله الف مبروك وانشالله فيها خير
هناء : وهيا جايبه صفرة القهوه بعد سمعت ان زياد يبي يخطب
طاحت منها الصفرره
ناضت امها وكوثر بسرعه
امها: كنك بسم الله
كوثر " ساهله ساهله عدي غيري دبشك
وكلمتي سويتلانا اتجي اتنضف
( طبعا سويتلانا هذي الخدامه امتاع الفيلات ال3 اتضم واتنضف بس بدون تطييب )
امها: عدي ي ماما غيري
ركبت هنا تجري
كوثر: خلاص عاد انتلاقو بعدين
ام قصى " تمام بالسلامه
عند هناء
طاحت ع السرير وهيا منهاره تبكي
كانت تحب زياد ل حد الموت كانت ديما اتحب اتشوفه كانت ديما اتحجج تمشي ل عيت عمهم بيش تشوفه كانت تحب حب كبيررر
وتوا احلامها كلهن تهدمت
أنت تقرأ
رواية ليتك لم تكن شيئا🦋💔 (ليبيه)
Misterio / Suspensoروايه ليبيه مقتبسه من الواقع - مِن أجمل أنواع الرزق، أن يَهبك الله مَن يُهون عليك الدنيا ولا تَهون عليه أبدًا 💙💙🔥. كتابات تولي و دودي🦋💋 روايتي تحكي ع الصحبه الحلوى. 💋✍ تحكي ع الخيانه تحكي ع الغدر تحكي ع الحقد وتحكي ع اهم حاجه لي هيا #الحب ...
