رواية ليتك لم تكن شيئا🦋💔 (ليبيه)

االبارت الثالث✍

روايهه ليتك لم تكن شيئا. 🦋💔
حلقه ثالثه ✅
روايات تُولي او دُودي 💗
روايه من الواقع ممزوج ب الخيال

✍✍🦋

(‏لا تبحثوا عن الحب فقط بل ابحثوا عن الصدق الذي يُغلّف الكلمات والإخلاص الذي يستند خلف الأفعال .. ابحثوا عن ثقة لا تهزها عواصف الدنيا، عن لهفة دائمة وشغف لا ينقطع.. لا تبحثوا عن الحب بل ابحثوا عن السند، عن من يحنو مودة ويدنو رحمة، عن الأمان الذي لا يعقبه خوف ..
—————

كوثر : في سيارة تبيب برا

نازلي : اهااا اكيدةةة ميار هدي. لبست كويشهاا بسرعهههه وباستتت راس امها وطلعت

ركبت نازلي السياره. وعدو للسوق.

قصي كاين قاعد هوا وزياد قدام الفيلا

قصي :  من هدي لي ركبت معاها نازلي

زياد : هوا حاط الدخان في فمه او ويلع فيه. هدي ميار تقعد صحبتها او ديما ساكنة بيها

قصي : اهااا.   تمام المهم خليني نمشي نروح بي هناء انا توا 

زياد : تمام ااا.   متنسش بعدين امي عزمتكم كلكم مش تجيب هلك وتجي انت

قصي : تي اول واحد تلقاني هنا. لكنننن.  زياد خليك فوق راس سامي.  لعند ما يجي متخلش يقولك لا ويقعد بروحة هكي واللهي جو شين را

زياد : وحق الله سامي هضا لي داير فروحة مش تمام بكل لاكن متخافش ح نخليه يجي غصبن عنه 

قصي : عندي للك فكرة بعدين لما يجو الشباب كلهم قولي.

زياد : عليش

قصي :مش شورك انت قولي بس

زياد : تم

طبعاً سامي هضا يقعد ولد عمم. زياد او خووو. قصي وعمامهم  كلهم يسكنو قريبين من بعضهم

سامي :كانن يحب وحدة لحد الجنوننن وكان حب نطيف وحلو وكان يحب فيها كل شي هبالها.ضحكها يحس الدنيا هيا لمحليتها
ومراً الايام. وخطبها سامي  وكانو كلهم يحقو فيهم احلا اتنين

بس في مرة اكتشفو انهه كانت تكدب ع هلها ع اساس متفقه هيا وسامي يطلعو وتطلع مع مجموعه شباب سكار. وبعد فتره هلها كشفوها وخوتها قتلوها

ومن يومها وسامي عايش في صدمه. وما يطلعش واجد ومعش يخالط فناس ومعش عند جو لشي
  

(الـڪُـتـمان بروحـه وجــع )&.

كتابات
تولي و دودي✍✍🦋
————————
نازلي او ميار يمشن فسوق ويهدرزن

ميار : متحمسةةة زعمااا شن ح يجيبلي رائد في عيد ميلادي

نازلي : تو يجيككك وسط الشارع ويركب فوق السيارههه ويجيب معاه خاتممم وعلي الاغاني ويقولك فنص الشارعععع. مياارررررررر.   هللل تقبلللللل الزووااجججج بي وانتِ تطلعي من الروشن وتحطي يديك ع فمك وتتفاجئي

ميار : خلاص خلاص صكري فمككك نا الغبيه لي سألتك أصلاً

نازلي :🙂 عارفه انه مستحيل يديرلك هكي صح خزي خمس سنين حب علفاضي مفش جو افلام وجو الحب لي نحقو في فلمسلسلات هدينا

ميار : غير صكري فمك توا او قوليلي وين احلا 

نازلي :🙅🏻‍♀️ يع هنا الاتنين تعالي انا نختارلك تعالييي. 

———————-
كوثر فتحت الباب. 

نازلي : سلحت كويشهاا ينعلي كرعيااا كرعيااا خلاص بنخش نننرقد

كوثر : تعالي هنا تعالي نسيت انه صبايا عمامك جينا اليوم كلهن وين ماشيه

نازلي : يييههههه علينااا نسيتتتتت بكل. شن هليوم

زياد : متكي ع ساس وياكل في تفاحةةة طبعاً مش منك ح تنسي.  صحبتك لي خدتلك عقلككك مش عارف شن يصيرلك بلاها

نازلي : نننني نننني ننني وعدت وسيباتهه

زياد : بنتك هدي تبيلها تربيه من جديد

كوثر : غير انتت اقلب وجك عند باتك يبيك

زياد : ييههه علينا تو بيقولي زياد هك وجيب وجيب وجيب وجيب يمي قوليله راقد ونبيههه وخش الدارررر يجري ورقد ع سرير

كوثر : استغفرالله العظيممم ياربي شن دير بس الاثنين لي عندي اشر من بعضهم
وجت لفت كوثر بتمشي لمطبخ   لقت محمد

محمد : وين زياد مش قتلك كلمية ليا عشان يجيب الحجات

كوثر : اهاا اها كنت بنكلمة لكي خشيت لقيته راقد مبيتش انوضه

محمد :لا أله ألا الله.  هوا عيل واحد ومش لاقي فيه حاجة كويسه يا ديما يصيع يا راقد. ربي يهدي وخلاص

—————- خشت. نازلي لبستت سروال أمريكييي. لونه ازرق فاتحح وعليه جاكة ملونههه.  فتحتها الجاكة شويه من فوق  ولفت شعرها فوق   وحطت شويه مكياج خفيف وطلعت تبرم ع الحوش

نازلي.  ملامحهاا بيضهه وعيونها متوسطه لونهن عسلي رموشها طوال. شعرها لعند بعد ظهرها.
متوسطه طول مش طويله لا قصيره وجسمها حلووو  

شويه تلفونها يرن

نازلي : الوو

معتز : ااااا حبي

نازلي : ضحكت ضحكة بسيطه عيونها.

معتز : شن اليوم شكلة عيت عمكم جييينكم

نازلي : اها

معتز : مهمم.  فكيني من جو عويل عمك او هكي.  وتقعدي معاهم ولا تهدرزي ولا جو هضا

نازلي : ان شاءالله ياحبي

وصكرت وكملت برم ع الحوش. 

شويه ويدقق الباببب

————- يتبعععع 🌈📌

كتابات تولي و دودي✍❤❤🦋

وحيقـ؏ـدوا فـِ قلبك ذكريآت حتدمرك نفسياً💙💙🔥.