Oops! This image does not follow our content guidelines. To continue publishing, please remove it or upload a different image.
Хоосон ханыг чимэх том цагаан хуанли хэдийнээ 10-р сарын 22-ийг заажээ. Энэ л өдөр тэр нэгэн гайхалтай Миртус цэцэг шиг бүсгүй өөрийн үзэсгэлэн гоогоор хорвоог гэрэлтүүлэн мэндэлсэн юмсанж.
[Myrtle's POV:]
-Хайрт минь, төрсөн өдрийн мэнд!!
-Чшш хэн нэгэн сонсох нь байна шүү дээ!
Их сургуулийн үүдээр орж ирэв үү, үгүй юу Тэхён инээмсэглэсээр гүйн хүрч ирээд шуудхан л тэвэрч авав. Мөн тэрээр зогсоо зайгүй баярын мэнд хүргэнэ. Харин надад энэ өдрийг гайхалтайгаар хүлээн авч, баярлах зүйл огт байхгүй тул түүнээс чимээгүй байхыг хэдэнтээ гуйлаа.
-За алив, энэ чиний бэлэг.
-Тэхёнаа бэлэг бэлдэх хэрэггүй гэсэн шүү дээ.
-Яаж тэгж болох юм, авах хэрэгтэй.
Түүний ятгалганд орон бэлгийн задалж үзвэл жижиг гарын камер байх нь тэр. Дандаа зураг авж явдаг надад энэ бол хамгийн тохиромжтой том бэлэг.
-Бурхан минь, Тэхёнаа. Маш их баярлалаа.
Тэрний бэлгэнд баярласандаа өлмийгөө багахан өргөх аядаад Тэхёний хацар дээр зөөлөн үнслээ.
-Миртл!!
Хоолойгоор нь таних гэж үзвэл мэдээж Жимин нэрийг минь сургууль дүүрэн дуудаад яаравчлан ирнэ.
-Өнөөдөр хэний төрсөн өдөр билээ. Хэн хамгийн ихээр өнөөдөр гэрэлтэх ёстой билээ.
-Мочи, санаж байгаад чинь их баяртай байна. Гэхдээ зөөлөн л дөө.
-Мэдээж, энэ бол чиний төрсөн өдөр, чиний өдөр найз минь. Баярын мэнд!!
-Ойлголоо, ойлголоо. Их баярлалаа, одоо харин анги руугаа явцгаавал би их баярлана шүү.
